Klan News - Rama debat me delegacionin rus për Zelensky-n në OKB

Mbledhja më e rëndësishme e kësaj dekade në Këshillin e Sigurimit në OKB, nuk pati një nisje të zakonshme. Kryeministri shqiptar Edi Rama, në krye të kësaj tryeze, u përball me pakënaqësitë e delegacionit rus, të cilët të shqetësuar nga prezenca e Volodimir Zelenskyt i kërkuan llogari kreut të qeverisë shqiptare se përse presidenti i Ukrainës do duhej të merrte fjalën para vendeve anëtare.
“Mbi ç’bazë propozoni t’i jepni presidenti Zelensky fjalën përpara anëtarëve të Këshillit të Sigurimit? Kjo e sotmja do të jetë më shumë një spektakël. Ne nuk kundërshtojmë pjesëmarrjen e Zelenskyt por të bëhet sipas rregullave. Do doja t’ju paralajmëroja që nëse sot ju miratoni vendime duke i rënë çekiçit atëherë presidenca shqiptare do përballet me një praktikë të shkeljes të dukshme dhe natyrisht i bie që rregullat nuk vlejnë për ju.”
“Mora shënim komentet nga delegacioni rus, dhe në përgjigjie do të doja të konfirmoja se të gjithë anëtarëve të Këshillit u është dërguar lista e personave që do flasin në rendin e caktuar, do doja që kjo çështje procedurore të zgjidhej në nivelin teknik dhe ne të kalonim te thelbi i diskutimit.Ftesa jonë për Zelenskyn është konfirmim i plotë i paragrafit 33, dhe do u japë mundësi anëtarëve t’u përgjigjen komenteve të tij.”
Por prania e Zelenskyt, nuk ishte i vetmi shqetësim për delegacionin rus.
“Sa i përket pjesëmarrjes së kryetarit të OSBE-së Bujar Osmanit, që është shqiptar nga RMV, nuk ka të bëjë me nënshtetësinë e tij. Ne kundërshtuam përfaqësinë e tij në këtë nivel. Pra për shkak të qasjes shkatërruese nga delegacionet perëndimore kjo nuk ka kontribuuar në asnjë moment për zgjidhjen e konfliktit në Ukrainë, por ka shërbyer për të përkeqësuar situatën. Pjesëmarrja e zotit Osmani shërben për të çuar përpara rregullat e njëanshme të lojës. “
Por që të merrnin fund të gjitha pakënaqësitë, Edi Rama i bëri një propozim delegacionit rus.
“Nëse bini dakord, ju ndaloni luftën dhe Presidenti Zelensky nuk do të mbajë fjalën. Ajo që e bëri atë të rëndësishëm këtu, e çfarë e bën atë të rëndësishëm për të gjithë ne që ta dëgjojmë vjen nga diçka që e keni bërë ju dhe jo ne.”
Ky debat i nivelit të lartë i drejtuar nga shteti shqiptar, me prezencë të 50 shteteve, synon të mobilizojë botën në përpjekjet e saj të përbashkëta për të dënuar luftën e për të rritur trysninë ndaj Rusisë, për të kthyer rrugë dhe për t’i lënë vend nisjes së procesit të paqes së drejtë.
SUBSCRIBE to "RTV KLAN" on KZbin for more videos!
Për më shumë informacione vizitoni faqen tonë web tvklan.al/kategoria/klan-news/
Follow Klan News on Facebook: / klannews
Follow @klannews on Instagram: / tvklannews
#KlanNews #KlanNewsLajme #TvKlan

[@velavlore4339]

Yessss...

[@dushi21]

Bravo Edi bravo. Fight for peace ✌️ not war. We’ve come to life to live it. Then death’s forever. Not freaking possessions. None of us will take a damn thing with us but we will leave our mark behind however small. Soooo let’s strive for good for goodness sake. It’s a sad situation. I hope they come to their senses all involved and end all wars.