Reportazh në Prishtinë, vdekja e presidentit Ibrahim Rugova - (28 Janar 2006)

Lajme arkiva 2006
Prishtina të pret me një ftohtësi dhe zymtësi të pazakontë që në hyrje të saj. Kryeqendra e Kosovës ka veshur petkun e akullt të hidhur të dëborës për humbjen e liderit poet Ibrahim Rugova. Vdekja e presidentit 61 vjeçar ka rënë si hije mbi rrugët e zbrazëta dhe çajtoret e mbyllura. Flamujt gjysmë shtizë në çdo rrugë thyejnë bardhësinë duke shtuar nuancat e trishtimit. As në hotel nuk ka mirëseardhje siç e do zakoni Dardan kur familja humb kryetarin e saj.
Lajmi për vdekjen e Ibrahim Rugovës është dhënë që në 11: 38 minuta të së shtunës, por qytetarët nuk e besojnë edhe pse në mbrëmjen e kësaj dite janë mbledhur për të ndezur qirinjtë në sheshin pranë teatrit kombëtarë në temperaturat akullnajore 9 gradë nën zero. Gjithçka e ngrirë si dhe fytyrat e këtyre qytetarëve. Ardhja në Prishtinë e qytetarëve nga të gjitha viset e Kosovës , nga të gjithë trevat shqiptare dhe nga diaspora shtojnë madhështinë e figurës s presidentit të ironizuar me shallin e tij në qafë e me buzëqeshjen ironike të daljeve në publik.
Sikundër e shtojnë edhe akreditimin mbi 300 gazetarëve, fotoreporterëve, kameramanëve vendas e të huaj të cilët për gjashtë ditë me radhë përcollën gjithçka nga zemra e lënduar e Ballkanit. Kryeqyteti mbi popullohet me shtimin e ditëve të zisë, plot 15 si ato që jemi mësuar të dëgjojmë nga lindja e mesme. Sa më shumë ulen temperaturat aq më shuam shtohet radha në rrugën Nënë Tereza. Ku njerëzit e ngjeshur me jakna, kapuç e doreza presin me orë të tëra për t’u përulur përpara arkivolit të prijësit të tyre të paqes.
Ambulancat përcjellin më të dobëtit drejt spitalit me urgjencë. Ngushëllimet i pret familja e presidenti bashkëshortja Fana, djemtë Uka dhe Mendimi dhe vajza Teuta. Pjesëmarrja popullit të Kosovës në varrimin e Rugovës është masive dhe tregon besimin që ka pasur ai në këto vite tek lideri i tij. Një lum njerëzish janë rreshtuar në rrugën ku kalon kortezhi mortor deri tek varrezat e dëshmorëve. Lotët e dhimbjes për humbjen kanë mbijetuar dhe gjashtë ditë pas vdekjes.
Duke qenë lideri i vetëm politik për shumë vite në Kosovë Rugova u bë partner politik i shumë shteteve perëndimore dhe fitoj simpatinë e tyre. Pjesëmarrja e rreth 40 delegacioneve të huaja në ceremoninë e varrimit tregon qartë se ai arriti krahas ndërkombëtarizimit të çështjes së Kosovës të fitoj miqësinë dhe besimin e atyre politikanëve e diplomatëve që gjatë konfliktit të armatosur besuan se politika e tij ishte e gabuar.
Por, ndryshe u përjetua këto ditë vdekja e presidentit Rugova në Enklavën Serbe në Kosovë, banorë ët të cilave nuk e pranuan asnjëherë si udhëheqës të tyre.
Qytetari serb 1: “Unë e di që është kryetar i popullit të tij. Ka qenë i mirë për popullin e tij, për popullin serb nuk ka bërë asgjë. Kombi i tij duhet ta falënderoj, por megjithatë mendoj se do të kishte qenë më mirë me të.”
Qytetari serb 2: “Vështirë se ka për të qenë më mirë e nesërmja, vështirë. Nuk e di as vetë, por ka qenë një udhëheqës demokrat. Është i pazëvendësueshëm s’ka trashëgimtar të tij e sigurt. Mund të them se ka udhëhequr një politikë reale. Pas vdekjes së tij nuk do të jetë kurrë më mirë për ne.”
Qytetarja serbe: “Nuk do të dëshironim që Rugova të pasohej nga një tjetër lider si ai. Ka vdekur rugova, por do të vijë dikush tjetër ndoshta edhe më i ashpër.”
Prishtina zyrtare nga na tjetër këto ditë zije është përqendruar më shuam në thirrjet për unitet që nga kryeadministratori Soren Jessen Petersen, kryeministri Bajram Kosumi e deri tek liderët opozitar Thaçi e Surroi. Megjithatë nuk kanë munguar ligjet për plotësimin e postit vakant të presidentit. Bashkimi evropian kërkoj me ngulm që në ditën e tretë të zisë kombëtare që lëvizja demokratike e Kosovës të propozojë emrat kandidatë për kryetarin e ri të vendit.../tvklan.al
Gazetar: Fatos Hakorja
SUBSCRIBE to “RTV KLAN” on KZbin for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow rtvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog...