Tembang Sunda Cianjuran Jemplang Cidadap, Muara Beres, Kaleran - Rosyanti

Tema : Upaya pelestarian kesenian tradisional rakyat Jawa Barat melalui media sosial.
Jemplang Cidadap
Lagam: Cianjuran
Laras: Pélog Degung
Wanda: Jejemplangan
Nyukcruk parung meulah bantar
Birit leuwi peupeuntasan
Malik nanya ka sorangan
Duh diri kumaha teuing
Lamun kieu saterasna
Samar bisa pulih deui
Kaya kieu mah diri
Langkung saé pondok umur
Najan awét rumingkang
Di dunya ka heurin-heurin
Aduh ampun horéng kieu karasana.
Hayam cempa lalayaran
Nyeri teuing pikir abdi
Ka sintu saba buruan
Mikahyang sanés tanding
Beas ditutu deui
Iraha bisa patepung
Pancuran luhureun jalan
Talangsara diri abdi
Emas ancur sakieu nya karipuhan.
Hayang ceurik jejeritan
Sing tarik maratan langit
Cua ku polah sorangan
Sok hayang nu lain tanding
Sakapeung abdi mikir
Rék guguru élmu ngapung
Si pengkuh tangtu tiwas
Dijingjing diguwang-gawing
Rék diteundeun dina méga pangluhurna.

[@yudhapradana8334]

Punten bade tumaros, naha aya generasi salajengna nu ,,kaliber,, na sareng teh Rosyanti. Hatur nuhun.

[@hannabastaman]

Dina postingan ieu, titincakan sareng perbawa soanten Neng Eros estu khas cianjuran. Kitu deui penghayatanana. Duka kualitas mamaosna ayeuna, taun 2018. Mugi-mugi bae sanaos tos 6 taun kapengker teu robih malah mugi beuki sae. Cepeng sing pageuh titincakan cianjur, Neng Eros, tong kabita ku wanda-wanda sanesna sanaos sami endahna, maksad teh sami mibanda kaendahan sewang-sewangan. Wilujeng......

[@ipannugraha615]

Haturnuhun pisan tos di upload sareng Rumpaka na 🙏🙏🙏

[@rachmathd9981]

Waas emut waktos alit di Banjar(pemkot),mugi2 kasenian urang tiasa lestari dugi ka akhir jaman, aamiin ya rabbal alamin,,

[@mamahdasimah25]

Wilujeng giring bingah mani mantaap neng mugi sukses teras

[@yuniarwelder5995]

Seni buhun urang sunda asli

[@yudhapradana8334]

Hujan ngaririncik nambah khidmat, di barengan ku haleuang juru mamaos ibu Rosyanti, punah asa teu boga hutaangg....

[@asephambali1228]

Sampurasun, Abah di Jagabaya oge hadir. Nyanggakeun Salam Silaturrahmi ka sadaya dulur2 urang Sunda anu mikacinta Seni Budaya Sunda Cianjuran, Muga2 Hurip Sunda.

[@AkoerLah]

Rampés. Nuhun.

[@ukatsukatma2135]

Nuhun ka anu terus barjuang ngalastarikeun warisan seni karuhun. Kedah aya wadah kanggo nyitak generasi panerus. Mangga nyanggakeun ka para seniman sareng panguasa tatar sunda. Ulah diengke engke.

[@kurniawankurnia3658]

sok emut sareng waraas kanu waktos kapungkur .meni reues tur bangga .kusaha sareng kamana seni sunda .jaman kiwari....??

[@ruhimatmulyadi3864]

Sim kuring mah sok leukeun nitenan rumpaka dina tembang seni Sunda, utamina dina winangun kacapi suling Cianjuran. Diilo, diteuteup, di tengetan kamana sareng kumaha loyogna. Gorehel...... jelas atra, yen rumpaka sanggian para inohong Sunda teh, ngabogaan harti anu jero!!!.

[@iipsyarif1319]

Akourlah soundnya mantap bersih tur eces pisan

[@AkoerLah]

Muhun, kawitna tina dvd.

[@dadangdisa8709]

soanteunna sae halimpu apik pisan.

[@ruhimatmulyadi3864]

jejer : "Tarekah ngamumule seni tembang Sunda". Tah eta anu matak kataji teh. Reueus sareng bagja wireh aya terah getih Sunda anu masih mikanyaah, mikaheman, mikadeudeuh tititnggal ti Nini-Aki, warisan para karuhun!

[@johndepp9766]

ieu mah nomer wahid brooo.

[@MuhammadYusuf-uh9is]

Sarasa Aya di surga lamun TOS terang surga mani asa Bagja gagaduhan seni Sunda cianjuran kanggo pang liput nanah