Рет қаралды 7,324
Ղուկասի Ավետարանում Տեր Հիսուսը խիստ, բայց նրբորեն զգուշացնում է չլինել անշնորհակալ։
Ավետարան ըստ Ղուկասի 17.11-19
11 Եվ մինչ նա դեպի Երուսաղեմ էր գնում, անցնում էր Սամարիայի և Գալիլիայի միջով:
12 Եվ երբ մի գյուղ էր մտնում, նրան հանդիպեցին տասը բորոտներ, որոնք հեռու կանգնեցին,
13 բարձրացրին իրենց ձայնը և ասացին. “Հիսո՛ւս Վարդապետ, ողորմի՛ր մեզ»:
14 Եվ երբ նրանց տեսավ, ասաց նրանց. «Գնացեք, դուք ձեզ քահանաներին ցույց տվեք»: Երբ գնում էին, նույն ժամին մաքրվեցին:
15 Նրանցից մեկը երբ տեսավ, որ բժշկվեց, վերադարձավ և բարձր ձայնով փառավորում էր Աստծուն.
16 երեսի վրա ընկավ Հիսուսի ոտքերի առաջ և շնորհակալություն էր հայտնում նրան. և ինքը սամարացի էր:
17 Հիսուս պատասխանեց և ասաց. «Սրանք տասն էլ չմաքրվեցի՞ն. իսկ արդ, իննը ո՞ւր են,
18 որ չվերադարձան փառք տալու համար Աստծուն, բացի միայն այս օտարազգի մարդուց»:
19 Եվ ասաց նրան. «Վեր կաց գնա, որովհետև քո հավատը քեզ փրկեց»: