Рет қаралды 52,211
«Тергеушілер». Жаралы аққу. 1-бөлім
«Следователи». Умирающий лебедь. 1 серия
Қазақстан кинематографы тарихындағы алғашқы шытырман оқиғалар телехикаясы қарапайым азаматтарды қорғау үшін басын бәйгеге тігіп жүрген полицейлердің күнделікті жұмысы жайлы баяндайды. Қазақстандық жобаға халықаралық команда жұмылдырылған. Фильмнің режиссері - украиналық Ахтем Сеитаблаев. Оның айтуынша, детектив жанры көрермендер үшін қашанда қызық, өйткені таразының бір басында қылмыскерлер, екінші жағында тұрған полицейлер қылмыстың бетін ашып, күдіктіні құрықтау үшін ақыл-ой мен мол тәжірибе керек. Телехикаяның басты кейіпкерлері - аға тергеуші Кәмшат Мырзабекқызы бастаған тәртіп сақшыларының тобы. Майор Мырзабекқызын актриса Гүлшарат Жұбаева сомдайды. Оның бұл рөлге таңдалуы тегін емес, ол - таэквондодан спорт шебері. Гүлшарат Жұбаева: «Мен бұған дейін Ішкі істер қызметінде жұмыс істегім келген. Аз ғана уақыт істеп те көргенмін. Жан-жағында болып жатқан әртүрлі жағдайға, оқиғаларға байланысты қатал болуға, екінші жағынан суыққанды қарауға тура келеді», - деді. Телехикая 16 сериядан тұрады. Неміс франшизасының негізінде түсіріліп жатқан «Тергеушілер» сериалы жуырда көрермен назарына ұсынылады.