تفاعلكم: هل ستنقذ "ضوئيات" الإنترنت السعودي؟

[@kashkooool]

تقنية جديدة و بالاخير استضافة مهتم و خبير و معلوماته كلها اجتهادات و تكهن !! كان الاجدى استضافة الرئيس التنفيذي للشركة او مسؤول العلاقات العامة

[@Km-nn2em]

عبدالعزيز الطريسي اخذو لقاء مع المدير شفه في اليوتيوب

[@ibrahimbakry1585]

عبدالعزيز الطريسي هذا خبير والله يوفقك أنت ايش حارق دمك

[@kashkooool]

IBRAHIM BAKRY ما اختلفنا على خبرته و الموضوع جديد و يفترض الاستفسار من نفس الشركة. اتمنى عدم التشنج في رد الفعل بالردود و البعد عن الشخصنة

[@kashkooool]

Km بارك الله فيك اخي الكريم

[@ibrahimbakry1585]

عبدالعزيز الطريسي اسف اذا قلت لك حارق دمك مثل هؤلاء المبدعين علينا التشجيع لهم ورفع معنوياتهم فهم مستقبل بلدنا

[@sultanr6537]

لا البرنامج تقني ولا القناة تقنيه ولا الضيف من الشركة المعنية ولايعرف عن موضوعها بوضوح. من انتم

[@bril5232]

٢٠١٨ وللحين ماوصلت خدمة الالياف البصرية لكثييييييييير من الاحياء هذي متى بتوصل اجل ؟ وليش يقدمون حواري المطانيخ على حواري الطبقة الكادحة 🌞 كلهم اوادم ياخي نبي تقدير شوي ؛ معقولة ادفع ٣٠٠ ريال بالشهر ويوصلني ١٣ ميقا بس ؟ والابلود ٢ !! حرام والله حرام الى اليوم فيه DSL بالاسعار هذي اقل شيء نزلوا السعر الباهظ هذا خدمة سيئة وسعر اغلى من الالياف بكثيييير ليش ياآدمي ؟!

[@ELASIRI]

ابو ضاري عندك نت ١٣ ميقا ب ٣٠٠ ريال ؟ من وين انا جاي 😃

[@bril5232]

games wap مالقيت الا انا تعطيني عين رح للي نتهم ٢٠٠ ميقا و٦٠٠ ميقا بس جيدين على الضعوف

[@bril5232]

ELASIRI ٣٠٠ ريال كل شهر يعني ٣٦٠٠ ريال بالسنة

[@bril5232]

games wap اذا نتك على الابراج طبيعي جدًا ( شريحة ) وفيه حل انك تاخذ انتل بيفرق معك لكن الاستخدام العادل هو المشكلة ؛ و اذا نتك ارضي ( DSL مع سلك التليفون ) مافيه استخدام عادل ( مفتوح ) تقدر تطلب رفع للسرعة الى ١٦ ويوصلك ١٣ ميقا تقريبًا وقيمته ٣٠٠ بالشهر صح قيمته غاليه لكن بيفرق معك عن ال ٢ ميقا

[@AliAliraqicr]

ابو ضاري يا اخي كول لحمد الله احنة بالعراق 75 الف يلا تحصل ٢mb اي ما يعادل ٢٣٧ ريال

[@Loohi14]

عبدالله السبع كل كلامه اقتباس من الرئيس التنفيذي لشركة ضوئيات .. كان استضافوا الرئيس التنفيذي وقضينا

[@dfgggg100]

للاسف عبدالله السبع صار محسوب علينا خبير تقني وفي الاخير هذي اجاباته ما ادري وماعندي علم وتسأله عن الدول الي نفذت التقنيه يقول ماعندي احصائيات.. شخص مجاله مراجعة التطبيقات وشرح ضبط وخصائص انظمة تشغيل الهواتف الذكية ايش كنتو متوقعين منه

[@ANtrah]

يا اخوان الي يحتاج يعرف تفاصيل التفاصيل يدخل على منتدى البوابة الرقمية لان الاعضاء هناك من سنين وهم يتناقشون هذه الموضوع وعندهم اجابة الى جميع استفسارتكم

[@Chiska1]

النهايه قتلتني، فجرت جبهته و سكتته xDDD

[@Marenat100]

المشكله فيه ناس مصدقين ان فيه شركات اتصالات ،،،،يا جماعه والله ما عندنا الا STC وسلامتكم

[@saad-cx9do]

يوسف العسيري صح لسانك

[@Marenat100]

ابو شطحه abo sh67a 👌يصح بدنك

[@Marenat100]

حاكم المطيري 😂😂

[@Marenat100]

حاكم المطيري وانت هب لها حلبه

[@kixfire4623]

حاكم المطيري 😂😂😂😂😂💔

[@adaadify]

يا ضوئيات سلمتي رقبتنا للي ما يرحم اس تي سي و هي معفنه ... الثلاث شهور ب550 ريال وسرعته زي الخرا واللهي

[@Al-dajran]

abo azh اي والله غاليه و السرعه خرا

[@ALASMARI0]

لا الالياف البصريه ب ٢٠٠ والسرعه ١٠٠ ميقا

[@adaadify]

گارپـژمـآ ٱلاسمـري برضو غاليه ب200 في الشهر وفي المنزل فقط ما تقدر تأخذه معك وين ما تروح ..

[@ALASMARI0]

abo azh صادق لاكن تنفع اذا اهلك كثيرين او تبغا تلعب سوني او تتفرج افلام وكذا تعتبر رخيصه

[@MrAzoz506]

فلسفه ذا الرجال اذا كنت ماتفقه في الامر هذا ليش توافق على المقابلة ؟ ولا فلوس ؟ ياشيخ ناس مسوين على راسنا تقنيين وهم ما عندهم ماعند جدتي

[@Marenat100]

Abdulaziz Al Tamimi واللي نثق فيهم كخبراء تقنيين وراجينا بقنواتهم في اليوتيوب ما حد منهم قاعد يوصل صوتنا ويضغط عليهم كل واحد مسلك لنفسه واللي يعرفهم عشان تجيه دعوات للمؤتمرات ويسافر غير كذا يفتح الله

[@oteibialmalki]

وصلت هذه الخدمة عندنا بالخبر. احلى مدينة بالسعودية

[@fristpain9895]

ولا عندة سالفة . و يقول غير منطقي الإنترنت عن طريق الكهربا .. يا شيخ إرحمني فية جهاز على مستوى البيت ينقل إنترنت عن طريق الكهربا . متأكدين إن هذا عندة خلفية .

[@x3bth299]

الكهرب جهد او قوه والانترنت موجه او تردد ففيه اختلاف

[@Marenat100]

Frist Pain هذا يدل على أنه ماعنده سالفة

[@قفلياحتراماً]

stc اسعارهم غاليه +شبكه ضعيفه +كذب وحتيال

[@avathelastofus5109]

Mohammed .Salih صح لسانك

[@blokbeec2444]

استيسي تستاهل جائزه الاوسكار كاكبر شركه نصابه

[@المطيري305-ه7ط]

Blok Beec مسحة ملف بابلو كوبار

[@ahmedalmahdawi1583]

عزيزي السبع . معرفتك بالتقنية خذلتك هذه المرة اصلا الألياف الضوئية لا تتأثر بالكهرباء لأن التوصيل ضوء وليس كهرباء لها مجال مغناطيسي لذلك التمديد اساسا يتم مع خط الكهرباء وهذي خطة الكهرباء الاستراتيجية الجديدة تحياتي

[@فيصلالمضياني-ص8د]

افضل واحد علق عليه من التقنيين هو ادهم الغامدي على الاقل تطلع بشوي فايدة

[@HZ-sm6ww]

!! بدل ما يطلع متحدث رسمي من شركة ضوئيات جايبن عبدالله معلوماته غير دقيقه ومبنيه على تكهونات

[@VIPeR010icoN]

"المقابلة كلها " ما عندي ، ما اعرف ، حسب فهمي ... الخ كان ودي يجيبون مسؤول رسمي من الشركة يجيب عن التساؤلات بدل ما يجيبون شخص لا يفقه بالموضوع

[@oy2q]

ان شاء الله اذا جاء عمري 90 سنه بيركبوه في بيتنا ان شاء الله

[@asad50331]

الظاهر عام 2030 توصلنا ضوئيات

[@56789112233]

Lion alzahef لا 2020

[@56789112233]

macbook pro ايه

[@bril5232]

يارجال للحين ماوصل الالياف لكثير من الاحياء تبي هذا يوصل ب ٢٠٢٠

[@56789112233]

ابو ضاري عبر عدادات الكهرب يعني التكلفه اقل ومايحتاج حفر مثل stc و موبايلي فا كل شي جاهز ثاني شي قدامهم ٣ سنين عشان يسوون هالشي فااكيد تكفيهم.

[@bril5232]

ii kream7500 سلك ضوئيات مكون من الياف ؛ ولا له دخل باسلاك الكهرب ابدًا واغلب الاحياء بالسعودية مافيها ابراج كهرب ( اسلاك الكهرب تحت الارض ) فيعني مضطرين انهم يحفرون عشان يضيفون سلك الالياف حق ضوئيات يعني مطولين 🌞

[@ahmeddsh112]

اعطيكم الزبدة كيابل الكهرباء اثناء التمديد يتم معها تمديد فايبر لنقل الاشارة بين المحطات الكهربائية والان شركة الكهرباء تم التصريح لهم باستخدامها لنقل البيانات فقط وعشان هم مو شركة اتصالات تعاقدوا مع شركة زين عشان الترخيص بحيث تقوم شركة الكهرباء بنقل البيانات فقط والتوزيع للمنازل عن طريق شركة زين لوجود تصريح تقديم خدمة البيانات

[@ABDULRAHMAN_ALJABRI]

ahmed Shammari و stc كذالك فهم وقعو معها من شهر8في2017

[@عبداللهالغامدي-غ5ظ]

يا خي أنا شايف المودم مكتوب عليه ضوئيات في الفديو

[@malebeery6832]

اول ما قال "طحت" بمقطع انا غسلت يدي

[@adelalhumaidin9253]

طيب اطلبوا مسؤل شركة ضويئات وريحونا جايبين ابو العبد يتوقع وغير متأكد ومقبتس معلومه من مسؤل ومشترك انا عايز حاجه مفيده بصوت سعيد صالح 🤪

[@السهلالممتنع-ع7ر]

بصراحه الي فهمته من الضيف العزيز في كلمتين مختصره( استطعنا لكن لم نستطيع) ههههههههههه

[@theonlyway9453]

دام STC Mobile zin بالموضوع الخدمه ما راح تكون عند حسن ظنكم كل الكلام عكس الي انقال

[@nassersaad690]

والله المصيبة في بطئ المشاريع بحينا شركة الاحتيالات حافره وممدة من 7 سنين والى الان ماركبت كباين ،،وكل ماتسال يقولون لك والله المشاريع متعطلة شركة تسرق عملائها ومتعاقدة مع هيئة الرياضة بـ 6 مليار ،,تخرج تقول لك والله المشاريع متعطلة سود الله وجوهكم

[@oononoosaasaas6645]

طيب وش الفائدة إذا فيها حفر ولازم تمديد يعني لازم بنية تحتية جديدة

[@c.fv16]

لهم رقم ولا لا الي عنده يفيدنا

[@ohmyTalal]

التمديد حق الياف اس تي سي واصله قدام بيتي من سنتين و الى الان ما فعلوها و كل الحي عندهم الياف و من سنتين و انا اتكلم معهم بشتى الطرق و رحت لبنياتهم حقت الكيابل ولا حياة لمن تنادي كل الموظفين ماخذين دورة يقولون لك نفس الكلام و بس لو شركة قوقل ماسكة الالياف عندنا كان حطو الشركات ذول تحت اباطهم

[@belal8851]

طيب واللي عنده الياف هل بتجيه ضوئيات ولا ؟

[@who_me6665]

ما استفدنا من هالمقابله ولاشي كلها سوالف بس دايم حنا كذا مافي شي واضح

[@ابورياض-ظ3ق]

يمكن بعدين تدفع 2فاتورة حق انترنت والكهرباء والا ندفع مع انترنت سوا

[@SaudiSniperZz]

انا جايكم من المستقبل بالتحديد سنة (2154 ميلادي ) والخدمه ما وصلت لكثير من الاحياء فما بالكم المدن وبس سلامتكم

[@JiDDaWe]

مدري كيف جايبين واحد يقيم برامج الاندرويد يتكلم نيابة عن شركة الكهرباء وهو اغلب كلامه مايدري عن شي

[@k1iido]

ارجو استقبال صاحب ضوئيات المدير العام وسؤاله وخاصة عن الاسعار المالية لأننا نعاني من المبالغة الهائلة المادية في السعودية !

[@GN_YSSOR]

ياسلام شراكة مع stc اسعار نار وبقللو علينا النت مستحيل كامل 🌚

[@عبداللهبنأحمد-ن9ر]

تكفون ابي حل عندي الواتس محضور من الشركه احد عنده خلفيه يكلمني

[@MaHoOr07]

كلامه كله قال ويقول مدري كيف مسمينه خبير تقني !!

[@Khxlxd]

والله ما نبي سرعة ٦٠٠ ميقا نبي ٥٠ ميقا بس وصلوه. حسيت اني ساكن في بر

[@أخالعربالعرب-ت2ر]

Khalid. نبي 10 ميقا تكفي

[@jokeralfeeen]

يا متخلفين جيبو شخص شغال بالشركة او متحدث رسمي لها ليس شخص عشوائي حدث وكان انه مهتم

[@mido7239]

يارجال هذا حده يسألونه وش أخبار آخر تحديث سناب شات وماهي الإضافات الجديده وكيف تحمل برامج وتصور الشاشه صار خبير تقني !

[@KingFrom1985]

فيه مجرى فارغ في كيابل الكهرباء الواصلة للمنازل اذا ماتعرف الشيء هذا لاتتفلسف

[@x3bth299]

GodFather المجرى الفارغ ياحبيبي اسمه خط ارضي او تأريض ويكون موصل بالارض من العداد لما يصير التماس عندك يسحب الشحنات ويفرغها في الارض لمنع مضاعفات الالتماس

[@user-yl2ei4zx5o]

👶👦👳👴 .... ⚡🐤🐢 انا عن نفسي شايل فكرة الخدمة من راسي. فايبر للحين ماوصل مابالك بضوئيات. فكرتها فكرة ابراج الاتصالات 2g,3g,4g كان المشغل Stc فقط ليين ماشبنا. والى الان وصل لنا فور جي اس تي سي فقط. والا موبايلي وزين انسى. ..... انا بااخذ دي اس ال وبس. احسن من بلاش.

[@69woow]

هذا جيبنه يكشخ بس والله ماعنده إلا الدجه. أتوقع ومنطقياً. وش هالقاء الفاشل.

[@d7o0om99]

يقول تقريبا الاسعار متقاربة لا والله جربت موبايلي و stc بالالياف البصرية، موبايلي عندي افضل وبفارق كبير من ناحية السرعة والسعر.

[@alonaziali]

الآن اتصلت على شركة الاتصالات السعودية وقالو مالنا شغل بضوئيات نهائياّ

[@abdulrahmanbaqais601]

وربي اكره الشركات اللي تصرح عن نفسها بشكل رسمي، لكن معلوماتها تبقى غامضة ! افتحوا عالاقل باب اسئلة، نزلوا اوراق ومعلومات عنكم باستمرار .. مقطع فيديو شرح فيه

[@ZexalZone]

تايلاند احدى دول التي سبقتكم في هذه الخدمة عبر مشغل CAT Resellers telecom و 3BB TELECOM

[@فيصلالمضياني-ص8د]

ماطلعنا من اللقاء بفايدة مستضيفينه على اي اساس

[@Abu3bdo]

الضوئي مع الحفر في الحي السعر 1000 ريال

[@khaled-ii5cz]

انا ساكن فالمدينة و عندي فايبر من 7 سنين سرعتة 200 ميقا

[@reu9900]

(: STC 25 ميجا ما تجيني الا 2 ميج دونلود والابلود 18 ميجا.

[@ahmadalharbi5121]

جايبين واحد معلوماته عاديه مثلنا ههه اقتبس وطحت بمقطع ووواحد واصله ضوئيات ، جيبو واحد من الشركه يعطي العلم الاكيد

[@LGO888]

للاسف مافهمنا شئ سكرو الموضوع

[@avathelastofus5109]

ليان الجهني لا خليهم يفتحونه ما بين الأرض والسماء

[@amernaif1260]

ماطلعنا بنتيجة من المقابلة كلها توقعات وتكهنات ليش مايطلع مسؤول من الشركة ويوضح المشروع حسسوني انه سر عسكري ومتكتمين عليه .. مع احترامي لعبدالله السبع حق يشرح عن ميزة نزلوها سناب شات واعلانات وموية بيرين اللي يعلن عنها لطريقة غير مباشرة .. دايماً كل شي عندنا فيه غموض مافيه شفافية

[@فاضي-س1ت]

كلام فارغ .. حتى خط dsl ماوصل عندي ومتصل حاليا على الجيل الثاني براوتر واتابع على 144p ويقطع غذو الاطراف واتركو الوسط بعدين ليه تعرضون هذا الكلام اذا هو غير واضح ومبهم ومن هذا الشخص الاحمق .. لم يذكر غير اجابات غير متعلقه بالسؤال شوفو وجهه لما ينتهي المقطع .. نظرة الانينموس !! من شكلك ماتفرق بين الشد والفك .. قال ايش تقني ناقصك تكتب اسمك يمين القميص وباليسار رقم المتدرب

[@Asase7669]

مع احترامي للضيف كان الأجدر استصافة شخص مسئول من احد الشركات المعنية بالموضوع .

[@kixfire4623]

ماعندنا نت بالسعودية عندنا زبالة ابي نت 50 مو 600 بس اهم شيء البنق يكون 5 وهذا الشيء مستحيل تحصله عندنا للأسف

[@strengerman9809]

KiX FIRe اتحداك الالياف ماوصلت البنق خمسه بالسوني طبعا اقصد بالسيرفرات الاوربيه والامريكيه اطنخ واحد بنقه تسع طعش ولا عشرين لاتدور احد

[@BA_-nz6qk]

جايبين شاب في مقتبا العمر على اساس يشرح المصدر المقدم للفائدة (شركات الاتصالات) بأنه متعاون بينما الحقيقة أنه يبحث عن أسهل طريقة لخداع العميل وتقديم خدمات ناقصت المستحقات بأسم الخطأ الفني.

[@عبدالرحمنالنهدي-ش2ط]

دام الشركات راح تستأجر هم نظام الربح عندهم 1000% بيصير اقل سعر 399 .

[@يوسفاحمد-ك5م4ص]

ايش اللي جايبينه ذا لا معلومات زي الناس ولا عارف عن ايش يتكلم كل كلامه سمعت و يقولون و المذيعه تصحح له المعلومات الزبده من الكلام راح نبقى على طمام المرحوم

[@AAG405]

طيب الحين مالقيتوا غير هذا الزق حق ابل الجاهل ضيف عندكم ياخي نبي متحدث الرسمي للشركة ضوئيات وليس هالسلقه ياللي مستضيفه.

[@bril5232]

قاهرك عشانه يمدح ابل 😂 وسع صدرك يارجل طز ب ابل وطز باندرويد كله وش بيقدم عندك ووش بيؤخر

[@m7mdrd1]

اذا ما عجبك شي بشخص محدد لا تسبه وانتقد اسلوبه ليتحسن

[@KSTN360]

الانسان هاذا فاشل عرف اشياء في الايفون قام يتفلسف مفروض الناس ماتعطيه وجه والنت الي على الكهرب اعرفه من حوالي 8 سنين وانا ماعرف شي مافيه زي فيصل السيف مشاء الله عليه

[@عبداللهالغامدي-غ5ظ]

ياخي كذابين أنا عندي وصلو كل شي حتى اللوحه المعدنيه موجوده لكن اتصل على اس تي سي يقولون لازم اللوحه المعدنيه مكتوب عليه اس تي سي نفس الكلام قالوه زين وموبايلي والاتصالات المتكاملة شكله مايبغى يتفقع في كول اوف ديوتي ههههه

[@aboqzal]

انا شغال في شركة الكهرب ولا عندي اي خلفيه عن شركة ضوئيات وتبون الخبير التقني السبع يعلمكم 😂🤚🏻

[@subzero8414]

الشركه نفسها مافيها خير لموظفيها . كيف اذن مع الناس

[@abda11h]

يقدر يشغلها الكهرباء لاكن مجبورين يدخلون الاتصالات معهم مجرد مشغلين ةياخذون منكم فلوس فواتير وغثى ويذلونك بعد بس الكهرباء ملزومه علشان ماتعلن افلاسها الشركات الاتصالات

[@fahfah249]

ضحكته مالها حل 😂😂😷

[@ياتننياهات]

ما يعرف شي عن الكهرباء ثاني شي الخبير يجب ان يكون انسان ذو علمم

[@extremelywanted]

دلخ ليش تظهر اعلاميا وانت اتوقع وما اتوقع وما عندي احصائية وخراط فاضي تبي تتميلح كل اللي قلته شفناه زمان بمقطع فيديو بالواتس اب ما جبت جديد

[@xxdanaxx2440]

حريم +موسيقى = إثم

[@عُمرالقلادي-ح4ه]

أسد الصحراء هاذا اختصر ام الموضوع

[@ahmedalzahrani8142]

وفسر الماء بعد الجهد بالماء

[@ra0000f]

الانترنت عن طريق القمر الصناعي فوق هام السحب فائق السرعة انتظرو بلا ضوئيات بلا أليايف وخرابيط.

[@bril5232]

RAOUF HD Channel البنق ابو كلب بالاقمار

[@Super-K1]

RAOUF HD Channel حنا ما وصلنا اللي ع الارض اللي هي الالياف تبي يوصلنا اللي بالفضاء 😂💔

[@bril5232]

Q10_V الاقمار توصل باي زاوية تبي بس ارخ ريالك ؛ الالياف لو تزق فلوس ماجتك الا بعد مايقررون بعد سنوات ويحفرون ويسوون مشاريع وخرابيط

[@emaddboor]

Q10_V انت ما تفهم الي من الفضاء الفور جي ولا كيف شابك النت في الشريحة و تمشي في الشارع شابك سلك وراك ولا ايش بطل غباء

[@Super-K1]

emad dboor ي اخوي والله مدري من اللي ما يفهم 4G تكون عن طريق ابراج الاتصالات سواء زين موبايلي وغيرها ماهي عن طريق الاقمار الصناعيه

[@staro980]

السعودية وين و الناس وين معقول نحنا بسوريا حرب شغالة و نحنا منطقة محاصرة بنص سوريا و ووصلنا انترنت وايرلس من تركيا لمسافة تصل 500كم و سرعات تصل ل 1 جيجا ووين ما تمشي بالشوارع عندك انترنت و الاهل بالسعودية لسا بيحكو عن هيك مشاريع

[@tornadox854]

حسان أبو نوح حنا متوفر عندنا الانترنت بكل مدن السعودية لكن المشكلة بالفايبر اللي يعطي سرعات جداً عالية مو متوفر بكل المملكه يعني تقدر تقول ٦٠٪؜ من السعودية فيه فايبر

[@staro980]

Tornado x أعلم ما بها يوجد في المملكة صديقي و لكني أدعو إلى البدء من حيث انتهى الآخرون

[@strengerman9809]

Tornado x لا تحاول والله ماغطوا الالياف ثلاثين بالميه عشان تقول ستين بالميه الشركات عندنا نصب بنصب

[@اللوتس-ي2ت]

نصيحه لوجه الله تعالى لاحد يشترك في فايبر زين مافيه دعم فني ولا يهتمون بلعميل اصلا اذا كان اشتراكه فايبر ... لسببين استغلتهم زين بكل وقاحه 1- الاول فيه اتفاق بين شركات الاتصالات الثلاثه العامله في السعودية انه كل شركة لها منطقة او حي معين في المدينه ولسوء حظي مزود الحي الذي اسكن فيه شركة زين هنا العميل مجبر يكمل اشتراك معاهم مضمون مايقدر يغير لشركة ثانية 2- الثاني لو بتلغي الاشتراك فانت تدفع حق سنتين اشتراك حسب العقد وهنا ربحانين مقدما....

[@عبداللهبنأحمد-ن9ر]

اقصد رقمي محصور من الواتس

[@mbt360]

العبرية اي شي عن السعودية تنشره عشان المشاهدات بدون مبالغة امس طقعت واليوم مكلميني بيقابلوني عشان يسألوني عن الطقعة.

[@majed3744]

ربط شركتا الاتصالات والكهرباء هو الأفضل

[@tsg1spider]

شف وجه التيس واحلب لبن.. هذا الخبير التقني.. ياقناة العربية الى متى هذا الانحطاط الإعلامي.. جايبين واحد مايعرف كيف تشتغل تقنية الإنترنت.. يقول غير منطقي انترنت عن طريق الكهرب مستحيل! هذا ما سمع في تقنية BPL كيف خبير تقني.. غير كذا تتكلمون عن ضوئيات جيبو شخص من ضوئيات مو واحد يقول ارجح كلام المذيعة و اتوقع كذا و كذا و كذا.. احترمو عقول مشاهدينكم حسبي الله عليكم ونعم الوكيل

[@جمرةعرب-ه8خ]

مطلعين والله ماعنده شي ولايعلم شي

[@alotibi99]

أقول يا زين النوم بعد بكره

[@Ikazmn]

لا تفرق اذا كان اس تي سي ولا موبايلي في فرق شاسع ل اس تي سي ، موبايلي جدًا خايسه

[@froos7339]

اتمنى شركات الاتصالات عندنا ما تستغلنا فيها وترفع لذيك الأسعار الفلكية

[@nassera6930]

اللي مافهم شيء من اظن واتوقع واللي فهمته زي اخينا اللي مقابلينه السالفه بإختصار مافيه شي جديد نفس الألياف الضوئية

[@nawafnk]

😂😂 انت تختار مزوّد الخدمه جمله جميله ولكن مستحيله الموضوع بسيط شركة ضوئيات راح تأجير فايبر على شركات الاتصالات على حسب حي انت وحظك 😏 مافيه اختيار ابدا في فايبر 🙂

[@AA-ib9sk]

اخر المقطع المثل انمغن لنظاره قريب 😂

[@AlhadriHassan]

مقدمة سيئة, ومستمعة سيئة

[@amjad1422]

الكلام متى بتبدأ بعد ١٠ سنين غن ياللييييل مااطولك

[@cloud.7R]

AQEEL احمد عقيل AHMED يقولون بداية رمضان او بعد رمضان

[@A7MaDZzz]

مع الرؤيه من 2020 تبدا

[@teiro4145]

خبير تقني مرة وحدة ؟؟!!! هذا لو تقول له سوي روت لجوال اندرويد يقولك تعال بعد اسبوع ويروح يدور شروحات بالمنتديات ههههههههه

[@hgj7576]

eblees

[@VIPMAFIA97]

وزارة الاتصالات ؟؟؟؟

[@نوافالمطرفي-ر2خ]

هههههههه يهايط ويسوي نفسه ابو العريف بالأخر فظحته كلامه متناقض 😁😁😁😁😁😁😁

[@heyam22z60]

Nice

[@كيف-ر7ظ]

شركة ضوئيات ليست تابعه لشركة الكهرباء بل تعاقدة معاها وهي شركة صينية

[@kabosi3693]

ازعجتونا النت بطي النت بطيء وانتوا قبل عشر سنين ما تعرفون العنز منين تطقع

[@kingpainchannel]

مع احترامي للضيف..ما استفدت شيء.. لا نحتاج تكهنات وتوقعات.. جيبوا ضيف يعطيني المختصر المفيد

[@krkabh]

وش درى السبع ههههههههه

[@Marenat100]

يا سلام بتسوي 😂😂😂😂😅😅 ردد ياليلل ردد ياليل

[@skipper526]

ديسلايك على الفين وحجره ثقالة دم

[@ppqq5568]

يارب ان الخدمة تكون مجانية لموظفين شركة الكهرب لأن ابوي اقرب انه يصير مدير انا ادري ان حلمي ضئيل واتوقع انه نسبت حدوث هذا الشي 0.000000000000000001 لكن نقول انشاء الله

[@m_3545]

بشر وش صار

[@XtremesTV]

راح يستئاجرون الحفريات و يرفعون السعر ههههههههههههههههاي