تغير زيت وفلتر القير لسكويا والكزز والاندكروزر بدون عيار وطريقة الفك والتركيب

#قير
#سكويا
#لكزز
#لاندكروزر
#زيت_القير_فك_فلتر
#تغير_زيت_القير

[@Aburakan16]

اخوي محمد العتيبي الله يعطيك العافيه ويبارك لك بحلالك وبالعكس الوكاله تتخوف من تغير زيت القير ويعطونك ورقه توقعه انهم غير مسؤلين ولا يتحملون اي مسئوليه اذا صار فيه اشكاليه بالقير وهي تختلف قيادة شخص من شخص اخر جتن مواتر ماشيه على٩٠ الف وماشيه ١٨٠ مابين كوامري وسيارات كوريه واف جي من موديلات ٢٠١٣ كل الي عندهم تاخير بالتعشيق ونتعه بالقير

[@فيصلالفيصل-ع1ق]

ماشاءالله تبارك الله لكن عندي سوال يالامير معي سيكويا اذا دعست اوفي طلعات تظهر ريحة بالسياره من يوم اخذتها وهي جديده ايش حلها

[@Aburakan16]

الله يجزاك كل خير مشكلة الريح مع الدعس يايكون الشكمان ينفخ بالصدام الخلفي ويدخل عندك بالغمار او فلاتر خلف الصدام الخلفي تعبانات او ان يكون الشكمان مفرغ من دبة البيئه

[@رافعليث]

الله يعطيك العافيه. مبدع وفاهم ومتمكن. لكن سؤال هل الزيت فقط قي الكرتير. وما فائدة تغير مايوجد في الكرتير فقط من دون التنظيف وافراغ جميع الزيت من دائرته كامله.

[@saad88889]

اذ تغير باستمرار يعتبر نظيف مايحتاج تفرغ الطنجره كامل

[@ahmidnasser9037]

الله يرزقك من واااسع فضله. فعلآ معلم بدون كلام ماشاء الله عليك.

[@Aburakan16]

اللهم امين ومن يقول يارب عز الله يعزك ويرفع قدرك

[@mohammedemsaad9203]

السلام عليكم اخوك من ليبيا سؤالي لك عندي سيارة تندرا 2007 شن نوعية زيت المفضل واحسن. وثانيا كم الكمية اللي ياخذها القير بضبط وشكرا

[@Aburakan16]

وعليكم السلام ورحمة الله وبركاته منورين ياهل ليبيا حصلت لك استفسار بالواتس

[@فيصلالزهراني-ط2ز]

ابو راكان ارفع لك القبعة احتراما وتقديرا لشخصك الكريم

[@Aburakan16]

فيصل الزهراني الله يعزك ويرفع قدرك ولك كل احترامي وتقديري

[@saad88889]

ماشاءالله تبارك الله ابدااع سوال اثنا المعايره هل يجب ان يكون القير ع R او فقط شغال الموتر

[@muhannadh3713]

عندي جيب لكزس ابغى اغير الزيت على ١٠٠ ألف دفعه وحدة ولا بالتدريج الوكالة قالوا نغيره لك مره وحدة وخايف لأنه ما تغير من قبل وش تنصحني به

[@aghhr4094]

ابو راكان الله يحفظك وينفع بك وبعلمك موتري جكس ار ماشي٩٠ الف ولكن له ٨سنوات واستخدامي له نادرا وقت السفر وماقد غيرت زيت القير نهائيا ولاحظت وجود ترشيح زيت خفيف جدا على اطراف وجه الكرتير وأريد تغيير الوجه والزيت ومتخوف من ان الزيت فقد لزوجته بعد كل هذه المدة ماذا تنصحني به لاهنت

[@Aburakan16]

اللهم امين الله يجزاك كل خير ويحفظك لعين ترجيك باذن الله مافيه ضرر عليه اهم شي وقت تعبية الزيت وهو بارد الموتر

[@aghhr4094]

@@Aburakan16 بارك الله فيك ابي اسحب عينه واشوف اللون والريحة واللزوجة

[@Aburakan16]

@@aghhr4094 👍

[@aghhr4094]

​@@Aburakan16توكلت على الله وأخذت بنصيحتك وفكيت الكرتير و غيرت الوجه دون تغيير الفلتر نزل زيت ٤لتر و٨٠٠ملي وعبيت زيت ٥لتر و٥٠٠ملي وسويت التشبيك بين نقطة ٤ ونقطة ١٣ وحركت عصا القير من PالىSمن١الى ٦ ثم إلى Pثم بين الDوNلين أشرت لمبة الDثم وضعت عصا القير على انتظرت حتى يسخن الزيت واستخدمت مقياس اللي للتأكد من صحة درجة الحرارة ولعت لمبة الD عند٤٠ وانتظرت حتى ٤٤ وفكيت صرة العيار ونزل زيت ٣٠٠ملي ثم قفلت الصرة وشديتها بعزم20نيوتن/متر ولكني مستغرب ان كمية الزيت اللي عبيتها كبيرة ثم مشيت بالسيارة وامورها والحمد لله طبيعية وهي الآن تحت التجربة والملاحظة. وش رايك في كمية الزيت المضافة

[@Aburakan16]

@@aghhr4094 الله يوفقك ويسر امرك ماشاء الله تبارك الله مهندس الله يطرح فيك البركه ممكن العلب الجديده ماتكمل لتر تحصل فيه نقص من كل علبه ٥٠ ملي بعض العلب ماتجي لتر كامل تحصل ٨٥٠ ملي اهم شي بالموضوع انك اعتمدة على الوزن وهذا هو المهم تكتفي بالكميه كذلك ممكن يكون فيه نقص قبل وانت الحين كملت النقص شي طبيعي مثل ماقلت اهم شي انك فحصت وطلع مضبوط 👍

[@عمرالعائش-ن7ج]

السلام عليكم سؤال الله يجزاك خير، عندي سيارة تندرا 2008 محرك 40 V6 كم يتحتاج القير إذا بغير الزيت كامل بالفلتر

[@Aburakan16]

وعليكم السلام ورحمة الله وبركاته ٦ لتر الا ربع

[@Aburakan16]

ياهلا ومرحباء اخوي ابو جود مكتوب بكتاب الصيانه P او N بحالة السياره باردة متوقفه وبدون فك كرتير يعني قياس يومي او فحص السياره من صاحبها اما اذا فكيت الكرتير وفرغة الزيت القير فحصه بوضع R بحاله رفع الزيت لطرمبه والفلتر نتظر ربع ساعه بعد ارتفاع الزيت نعاير على وضع R كذلك مبين على عيار القير لسياره

[@abujudyalzahrani8535]

يعني تقصد يا ابو راكان بعد تركيب الفلتر واضافة الزيت الجديد وتعشيق القير منP الىD . نحط القير فيR ونشيك على مستوى الزيت .. الكلام هذا ينطبق على جميع السيارات اللي ينفك فيها الكارتير كذا قصدك يا ابو راكان

[@Aburakan16]

مضبوط يابو جودي

[@abujudyalzahrani8535]

@@Aburakan16 لا هنت يا ابو راكان ... اضفت لي معلومة جديدة ...

[@Aburakan16]

ابو جود لا تهون كلنا مكملين لبعض الناس لناس والكل با الله

[@abujudyalzahrani8535]

@@Aburakan16 على راسي طال عمرك

[@user-Caesar999]

هل فيه ضرر تركيب فلتر القير السكويا تركيبه لللاندكروزر8سلندر6نمر

[@Aburakan16]

فلتر الثمان سلندر سوا لكزز او سكويا او في اكس ار او جي اكس ار من ٢٠٠٨ الى ٢٠١١ شكل واحد ومن ٢٠١٢ الى ٢٠٢١ شكل واحد

[@user-Caesar999]

@@Aburakan16 🌹💫💫💫

[@Aburakan16]

@@user-Caesar999 🌺❤️

[@Aburakan16]

ياهلا اخوي سعد معايرة الزيت الافضل يكون القير وضع R

[@احمدعلي-ح5ط5ك]

الله يعطيك العافية وشغلك ممتاز لكن يا اخوي معايرة الزيت وهو بالبارك على p وهذا موجود بالكتيب وسالت عنه بالوكالة . لك التحية

[@Aburakan16]

احمد علي ويعافيك يارب الله يعزك ويرفع قدرك ونستفيد من معلوماتكم القيمه بارك الله فيك وكلنا نتعلم من بعض 🌹🌹🌹🌹

[@faisalalzahim4166]

فعلا اخوي ..تعبي وتمرره على كل النمر ثواني . ثم P وتعاير .

[@Aburakan16]

Faisal al zahim كلام سليم

[@عبدالسلامالحربي-ص9ز]

السلام عليكم أبو ركان عندي هايلكس 2012 ماشي 280ألف هل اغير الزيت بتدريج ولا اخليه؟

[@Aburakan16]

وٍعَلْيّكَمُ ٱلْسَلآإمّ وٍرٍحَمُةٌ اللَّـَـَـَـْـْہۆۆبُكَـرٍكَـگآإتَهّ الافضل تغير تدريجي على مراحل

[@S.Algrwan]

ابو ركان الله يسعد ايامك كلها ومن يتابع عندي اسكويا و ماشية ٢٠٠ الف كيلو والزيت ماغير . البعض يقول لاتغيرة اذا غيرته يخرب القير. وهل فيه طريقة لتغيير الزيت دون تحدث مشاكل

[@Aburakan16]

S Algrwan ويسعدك يارب تقدر تغيره اهم شي تتاكد من ثلاث حالات ١- تتاكد من رايحة الزيت هل فيه ريحة كلتشات او رايحة زيت طبيعيه ٢- تتاكد من لزوجة الزيت هل فيه لزوجه ولا منعدمه الزوجه ٣- تتاكد من لون الزيت هل هو احمر او بني او قالب اسود اذا صار عندك الزيت بوني او اسود ومافيه لزوجه راح تغير عن طريق مراحل سعة القير عندك ٦ لتر تاخذ من ٦ لتر الموجوده فالكرتير تاخذ ٣ لتر فقط وتضيف ٣ لتر زيت جديد وبعد ممشى تقريبا من ١٠٠٠ الى الفين او خلال شهر تكرر العمليه ثاني مره حتى تغير تغير كامل

[@S.Algrwan]

@@Aburakan16 ابو راكان الله يعطيك العافية ويبارك لك بالمال والعيال . انت ماعندك ورشة واذا كان عندك في اي منطقة او فيه ورشة بالرياض تنصحني فيها

[@Aburakan16]

ويعافيك يارب ويجزاك كل خير ولك بالمثل انا موجود بحائل فيه ورشة خالد العصيمي بالرياض عند كبري الفحص طريق الدمام

[@mohamademohamade7154]

@@Aburakan16 الله يوفقك ويعطيك الصحة والعافية على المعلومة

[@Aburakan16]

@@mohamademohamade7154 اللهم امين ومن يقول يارب ❤️🌺

[@Abdullah__91]

انا غيرت الزيت قبل اسبوع لكنه بعد ماعباه وعشقنا عبيناه ثاني وخذ حاجته من الزيت بس سكر صرة العيار وهو يصب شوي هل هذا صح ولا ارجع افتحها عشان الزايد يطلع ولا اسكرها الا بعد مايوقف ؟

[@Aburakan16]

اهم شي الوزن وهي صاخنه او نقول بعد ماتطلع عليه مشوار يكون الزيت اخذ دوره كامل توقف وهي شغاله وضع القير P تفك مسمار الوزن اذا كب كميه كبيره فهو زايد اذا خفيف فهو مناسب

[@Abdullah__91]

@@Aburakan16 الله يجزاك خير بطبقها عشان ارتاح نفسياً

[@Aburakan16]

ونعم فيك اخوي ابو جود الله يسلمك من كل شر

[@طلالالقحطاني-ش5ر]

ابو راكان موتري ماشي ١٧٠ شرايك اغير زيت القير ولا يضر

[@Aburakan16]

طلال القحطاني |•.. هـَْـُلاٌٍے وًَ غ̷̷َـٌَلاَّے ✿ بالقحطاني اول شي شف عينه من الزيت اذا فيه احتراق او متغير لونه او مافيه لزوجه تغير تدريجي اذا اموره طيبه تغيره كامل

[@trj_2386]

ابو ركان عندي سكويا ٢٠١١ لمتيد ماشي ٢٢٠الف بعض المرات اذا جيت احطه من Pالى N اواجه صعوبه ودقه

[@Aburakan16]

TRJ_23 اول شي افحص عصاء القير الموجود عند القير غالبن تكون الحاله ان حمل السياره مرتكي على القير الافضل تحطه القير وضع N وتسحب الجلنط تاقف السياره وقوف تام وبعده تحط القير P شف بعده هل القير تغير ولا نفس الشي

[@Aburakan16]

|•.. هـَْـُلاٌٍے وًَ غ̷̷َـٌَلاَّے ✿ اخوي عبدالله العنزي زيت القير يفحص الون والزوجه والريحه اذا لونه اسود ومافيه لزوجه ولا فيه رايحة كلتشات يغير جزئي يسحب منه ٣ لتر من الزيت القديم وتضيف زيت جديد ٣ لتر تمشي عليه الفين الى اربع الاف كيلو ويفحص ثاني مره حتى يكون الزيت لونه احمر وفيه لزوجه ولا يكون فيه رايحة لكتشات اذا ضبط معك تغير كامل مع الفلتر من المحتمل تكرر العمليه الى اربع مرات

[@خالدالشريف-ه9ه]

جزاك الله خير لازم تحط العصى على ال بارك

[@Aburakan16]

وياك يارب ويبارك فيك على المعلومه

[@faisalalzahim4166]

بارك الله فيك.. الباترول فتك الموديلاتالجديده نفس الشي لكن مافيها صرة تعبية

[@Aburakan16]

Faisal al zahim اذا ماحصلت مكان التعبات عن طريق مضخه او طرمبة بانزين قديمه تحطه بالزيت وتدفه مع مكان الوزن

[@faisalalzahim4166]

@@Aburakan16 الف شكر

[@Aburakan16]

Faisal al zahim إْڷـξ.ـفوؤوؤ ..༄༅

[@عبدالله-ز8ح4ذ]

سيارتي والله من يوم شريتها عام ٢٠١٣ ما غيرت زيت القير لاحظت في الأيام اللي فائته تأخر في الانتقال من ١ إلى ٢ يعني يحن الموتر مده ٩ ثواني هل هذا دليل على انتهاء صلاحية الزيت ارجوا الرد لو تكرمت🌹

[@Aburakan16]

عبدالله & الله يبارك لك بحلالك هو المفروض انك تغير الزيت في وقته كل ٦٠ الف او ٧٠ الف تعتمد على قيادتك بالحاله هذه انك تغير الزيت على مراحل تدريجي تسحب لترين وتظيف لترين هو الحين موترك فيه علامات ان الزيت تعبان

[@عبدالله-ز8ح4ذ]

@@Aburakan16 مالك لوى ما ظهر لي اي علامة تبين أعطال أو أي خلل

[@Aburakan16]

عبدالله & لا تنتظر علامة الخرب او العطل اذا طاح الفاس بالراس ماينفع وانا اخوك

[@saadialshammari4987]

@@عبدالله-ز8ح4ذ اصلا مايطلع لك علامه انه الزيت تالف

[@ksa628]

اخوي عندي الموتر ماشي 200الف عادي اغيره؟ الله يعافيك

[@Aburakan16]

ياهلا اخوي بندر يعتمد التغير على شكل الزيت يعني لونه رايحته هل هو محترق او لا لزوجة الزيت بحال اختلف من الشروط الثلاث اغيره تغير على مراحل سحب لترين من القديم واضيف له لترين جديد لمدة اسبوع واطبق الحركه السابقه حتى يصفي الزيت ويكون رايحة الزيت الجديد ماهو احتراق

[@ksa628]

@@Aburakan16 'الله يجزاك خير في هذا اليوم الفضيل راح اسوي الي قلت يحتاج متخصص ولا اي ميكانيكي عادي؟

[@Aburakan16]

بندر الطريسي الافضل متخصص

[@fofo-zb2pq]

مرحبا انا معي يارس 2015 وماشيه 110 الاف اقدر أغير زيت القير

[@Aburakan16]

T- Rex تقدر بعد الفحص على الزيت هل هو يتغير تدريجي او تغير كامل او تغير بدون فلتر

[@fofo-zb2pq]

ابو راكان هاوي مكانيكاءفحصته يقولي كويس بس يعني مافي مشكله عــلــى ممشاها الحين اقدر أغيره كامل والله يعطيك العافيه

[@Aburakan16]

اذا قال كويس يَعٌِـYANEـنْيِّ نظيف مافيه احتراق غير الزيت

[@fofo-zb2pq]

ابو راكان هاوي مكانيكاء يعني كذا اغيره مافي مشكله ؟

[@Aburakan16]

ان شاء الله

[@أسيرالصمت-ي6ل]

اخوي ابو راكان .. الله يسعد قلبك .. عندي سيكويا ٢٠١٤ ماشي ٧٥٠ كيلو وماغيرت له زيت القير لحد الان ومتخوف من كلام الناس انه لازم يتغير بالوكاله هل هو صحيح او اوديه لأي ورشه .. وهل تعرف احد بالرياض امين ومضمون شغله . تحياتي لك

[@Aburakan16]

ياهلا اخوي المهاجر ٩٩ ويسعد قلبك موترك ماشي ٧٥٠ الف انصحك تغير بتدريجي او مراحل سحب عينه واضافه عينه جديد بنفس ومقدر السحب الوكاله ما راح يبدلونه الا بتوقيع تعهد انك ماتطالبهم اذا ضرب القير واذا تبي ورشه بالرياض والشباب فيهم الخير والبركه عن نفسي اعرف ورشة خالد العصيمي شغله تمام ومتمكن عند كبري الفحص طريق الدمام موجود موقعه على قوقل ماب ورشة خالد العصيمي . ويمدحون ورشة العتيبي بالصناعيه القديمه وانا ماعرفه ولا ادري كيف شغله

[@أسيرالصمت-ي6ل]

@@Aburakan16 بيض الله وجهك ابو ركان .. فعلا اتصلت اليوم على الوكاله قالو نغير زيت فقط بدون فلتر ومانبدأ الشغل إلا بعد توقيع تعهد عدم مطالبتهم بشي يحدث .

[@Aburakan16]

المهاجر ٩٩ وجهك ابيض ريعافيك يارب

[@aliyahya6512]

نصيحتي لك خله على ماهو عليه لان ممشاك كثير.. ولك تحياتي

[@Aburakan16]

Ali yahya ابشرك له تقريبا سنه واموره طيبه ومايشيك من شي الله يبارك للجميع

[@abujudyalzahrani8535]

تسلم يمينك يا ابو راكان اخوك ابو جودي

[@Ebrhrr]

يابو راكان طريقه المعايره تشغل السياره على P وتستنى درجه حراره الزيت من ٤٨ الى ٥٠ درجه لها برمجه او مسدس حراره وفيهذ اللحظه تفك الفتحه وتعاير وهذي طريقه معايره سيارات تويوتا الي تجي بسره الحديثه

[@Aburakan16]

ابو نايف rashndi كلام معلمين بيض الله وجهك على التنويه والتوضيح الله يعطيك العافيه وكلنا مكملين لبعض

[@Aburakan16]

|•.. هـَْـُلاٌٍے وًَ غ̷̷َـٌَلاَّے ✿ اخوي نايف الله الله..✭✮❀ېـَ؏ْــؕؕؕؕؕطيٍگ ٱڵـ؏ــٱڣې❀ العافيه

[@eyadeyad1815]

اخوي للاسف غيرت ازيت وهو محروق كامل وفصل عندي ارويس

[@Aburakan16]

الزيت القديم يتحول الى رواسب وكربون ويتجمع داخل الكرتير تغير تغير كامل بزيت جديد والزيت الجديد يسب الترسبات الموجوده بالكرتير مع الكربون ويسكر الصمامات كذلك يكون اختلاف بالزوجه بعد ماكان فيه انعدام او فقدان الزيت القديم لخواصه الله يعوض عليك ويرزقك من واسع فضله

[@eyadeyad1815]

شكرآ الك بس قير تندرا مش متوفر ب الاردن للاسف

[@i_n_93]

ورشتك كبيرة ماشاء الله بس شعجب لوحدك تشتغل يعني عمال قليلين

[@عبدالله-ز8ح4ذ]

سمعت ناس تقول لا تغير زيت القير بشكل الكامل لأنه يسبب تخبيط. التدرج بالتغيير أفضل وآمن للقير تفرغ لتر وتصب لتر جديد ولمدة شهر

[@Aburakan16]

عبدالله & كلام سليم طريقتي وانا اخوك اسحب لترين من الزيت القديم واضيف لترين زيت جديد لمدة اسبوع تمشي على الموتر وبعده اسبوع اسحب لترين او ثلاث واضيف نفس الكميه المسحوب وتمشي عليه لمده اسبوع وبعده تفحص ياتغير تغير كامل او تواصل على التغير التدريجي

[@عبدالله-ز8ح4ذ]

@@Aburakan16 ابيض وجه

[@Aburakan16]

عبدالله & وجهك ابيض

[@fayezal-zahim9958]

@@Aburakan16 السلام عليكم طيب والفلتر لو تكرمت عادي مانغيره ؟

[@سليمانموسى-ح9ح]

السلام عليكم معي سكويا ٢٠١٠ ماشي ٢٥٠ كيلو ويقولي ان تغييره ب١٢٠٠ ريال المبلغ معقول والا لا وبعد التغيير يحتاج برمجه

[@Aburakan16]

سليمان موسى وٍعَلْيّكَمُ ٱلْسَلآإمّ وٍرٍحَمُةٌ اللَّـَـَـَـْـْہۆۆبُكَـرٍكَـگآإتَهّ التغير قيمة الزيت للجالون اربعة لتر ١٢٥ وانت تحتاج ٦ لتر والوجه والفلتر بقيمة ٢٠٠ ريال وشغل اليد يختلف من ورشه الى ورشه واغلب الورش من ١٥٠ الى ٢٥٠ كلام فاضي مايحتاج الى برمجه غيرت قبل لسكويا ويوكن وجيب لكزز وجيب لاندكروزر واف جي وكوامري وسيارات كورية ولا وحده فيهن تحتاج الى برمجه

[@Aburakan16]

سعر مبالغ فيه ولا تحتاج الى برمجه مثل تغير زيت المكينه

[@Aburakan16]

@ابو خالد ال معليش على الناخير رديت عليك بالسناب

[@وليدالشريف-د1خ]

عندي سكويا 2016ماشي60ألف هل يتم تغيره كامل

[@abujudyalzahrani8535]

غير فلتر القير وزيت القير والتغييره الثانية غير كل50.000

[@binfahdanAlghamdi]

كتيب المصنع يقول كل ٨٠ الف يتغير وانا ماشي عليه واموري طيبه

[@ولدعاإآصي]

سلام عليكم اخوي ابو راكان اضفتك سناب ابي اتواصل معك ضروري بخصوص القير حق السكويا ومقفل الخاص لو تكرمت ابي الواتس اب او افتح الخاص اذا ممكن وانا اخوك

[@Aburakan16]

وعليكم السلام ورحمة الله وبركاته الواتس ٠٥٥٥١٥٦٦٤٣

[@كُنعادلاًقبلأنتكونكريمًا-م2ن]

والله شفت الزيت عندك منتهي المفروض نقصت لترين وحطيت لترين على اساس ما يسير اشكاليه على القير والي على المغناطيس هذا مو وسخ هذا برد الحديد وهذي معلوماتي البسيطه حبيت افيدك فيها ومنكم نتعلم

[@fahadaboud3194]

سلام عليكم ورحمة الله وبركاته اخوي ابو راكان انا بخميس مشيط وابي اغير زيت القير والفلتر سكويا ٢٠١٦ ماشي فوق الميه ماغيرته للحين اذا تعرف لي أحد مختص في خميس مشيط أو لكم فرع ياليت تدلني او ترسلي الموقع أو وسيلة اتصال ولكم جزيل الشكر والتقدير

[@Aburakan16]

fahad aboud وٍعَلْيّكَمُ ٱلْسَلآإمّ وٍرٍحَمُةٌ اللَّـَـَـَـْـْہۆۆبُكَـرٍكَـگآإتَهّ اخوي الله يبارك لك بحلالك ويعطيك من خيره ويكفيك شره مع الاسف اخوي وابيك تعذرن اني ماعرف احد بخميس مشيط

[@fahadaboud3194]

يعطيك الف عافيه ومشكور وربي يبارك لك في عملك ومهنت يدك ويقويك

[@Aburakan16]

الله يعافيك ويجزاك كل خير ولك بالمثل يارب

[@saeedali6820]

السلام عليكم

[@saeedali6820]

يوجد محل في احد رفيدة ممتاز جدا سعودي وتخصص تغيير زيت السكويا

[@Aburakan16]

انصحك انك تغيره كامل

[@محمدنزار-ز8س]

وين مكانك

[@abujudyalzahrani8535]

ابو راكان اللي اعرفه ومن خبره يا فيP اوN ليه R هل مكتوب في الكتيب الخاص بالصيانة ؟؟؟ طبعا بعض السيارات يجيك مكتوب في عصا قياس زيت القير ... كانت عندي النترا2005 مكتوب في عصا زيت القير N

[@Aburakan16]

ياهلا اخوي محمد نزار الموقع حائل

[@tntq8697]

والله من عرفت تلمواتر ماخبرت الزيت القير يتبدل الا في حال تهريب او اشكاليه في القير مثل الرجفه او الثقل اما سالفه كل ٨٠ و١٥٠ ماعليكم منهم الوكاله لازم تستهلك وتربح من ورى زيوت والقطع والله اعلم

[@موسىالعتيبي-ض5س]

كلامك سليم بس اني اخاف ان القير يخبط

[@صالح96-ذ5ج]

اذا كلامك صحيح ليش اغير زيت المكينه مايحتاج تغير

[@يحيقيسي-ن4ض]

طريقتك جدا خطٱ

[@Aburakan16]

تجي بعد مانزل المقطع له اربع سنوات تقول خطا المقطع اكبر من اشتراكك باليوتيوب

[@a.b.t7182]

اذا الزيت زايد ياثر ولا لنه انا عبيت زيت وصار فيه تهريب هل معناته ضرب عندي شي ولا في صمام يزوع الزايد

[@Aburakan16]

@@a.b.t7182 زيادة الزيت تتلف الصوف عندك صوفة مابين القير والمكينة وعندك صوف العكس لن زيت القير مع الحركه والحراره يتمدد ويطلع الزيت من النقاط الضعيفه مثل الصوف وبلف تبخير القير ومبرد القير

[@trj_2386]

تكفى رد علي