أجمد نوع مانجة في مصر 🇪🇬 مقارنة ١١ نوع مانجة 🥭

تقييم و مراجعة و مقارنة ١١ نوع مانجا علشان نعرف ايه أحسن نوع مانجو في مصر ؟! في سلسلة تقييم و مراجعات اكل مصري و اكل شرقي و اكل مصر 🇪🇬
طلعة_الأسبوع_ده #مقارنة أجمد_نوع_مانجة_في_مصر 🥭 🇪🇬 #اكل #اكلات
خدت زوحليقة كبيرة اوي في 11 نوع مانجة و قارنتهم ببعض علشان نعرف مين أجمد نوع مانجة في مصر 💪❤ قايلكوا كل حاجة بالتفاصيل كلها فى الڤيديو و جايبلكوا خلاصة الخلاصة ❤ شوفوا الڤيديو 👀 و هتعرفوا ايه اجمد نوع مانجة في مصر !! ❤
لو عجبكوا الڤيديو لايك و شير و Subscribe و شهيصونى 😂❤
لينك الأشتراك في القناة من هنا ▶️🔔👇
www.youtube.co...
لينك الأنتساب في عضوية القناة من هنا ▶️🔔👇
/ @thefoodiebeast
قولولي فى الكومنتات 👇 جربتوا ايه فيهم ؟! و عجبوكوا ولا مش اوي ؟! و ايه بالنسبالكوا اجمد نوع مانجة في مصر ؟!
#TheFoodieBeast 👹 #الوحش_الأكيل
#اكل_مصري #مانجا #مصر #Egypt #مانجو #مانجة #فاكهة

[@TheFoodieBeast]

لينك الأشتراك في القناة من هنا ▶️🔔👇 kzbin.info لينك الأنتساب في عضوية القناة من هنا ▶️👇 kzbin.info/door/kCPVi55JjzamwJbZJ847cQjoin

[@ahmedkhallaf8653]

اقتناء الكلاب وما يترتب عليه من نقصان الأجر: . قال النبي ﷺ:«من اقتنى كلبًا، إلا كلب صيد، أو ماشية، نقص من أَجْرِه كلّ يوم قيراطان» متفق عليه

[@ayaibrahim4743]

١

[@dinaahmed9925]

ربنا يديم عليك الضحكة الحلوة دي

[@samylatif4824]

بس المانجا الي قولت عليها سناره دي مش سناره السناره مانجا خضرا مش صفرا

[@enashelewa1993]

احلى مانجا فالعالم المصرية انا امي الله يرحمها كانت تحب تاكلها بالقشره 😍 بس اجمد مانجا هي كيكو🏃‍♀️

[@sabahabood5377]

مع احترامي لرايك بس احلي مانجا اكل العويسي ونوع اسمه الفص إنما الزبديه ديه عصير هي والسكري واحنا طبعا اسماعيلاويه اصل المانجا

[@user-ne4yt6lq5o]

اصل المانجو الهند

[@omaradel4832]

روح هاتها م الهند يابن الهبلة ​@@user-ne4yt6lq5o

[@mahmoudf9085]

@@user-ne4yt6lq5o هههههههههههه

[@emyemy908]

@@user-ne4yt6lq5o بتاعتنا المصري احلي

[@thunderstorm4870]

مانجا يعني زبدية انما عويس مسكرة بس مفيهاش طعم المانجا والشايف غير كدا مبيحبش المانجا بيحب السكر

[@kamaledingregni4826]

المانجي هي مصر.ومصر هي المانجة مايفترقوش ربنا أعطى مصر أطيب الماكولات اللهم أحفظ مصر واهلها من كل سوء. أخوك الدكتور كمال الدين من الجماهيرية الليبية العظمى

[@belladona7712]

نعشق ليبيا واهلها

[@ragaaabdelkareem4676]

بس أصل المانجو من الهند وزرعت بمصر فى عهد محمد على

[@emyemy908]

@@ragaaabdelkareem4676 مصر وصلت ان لها ترتيب عالمي متقدم جداً في زراعة المانجا و هي الاولي عربيا طبعاً

[@user-mohamed2u]

شيروا ارجوكم على اوسع نطاق بحيث الفكره دي تلف مصر كلها. يا جماعه الخير عاوزين نقف جنب الناس اللي ظروفهم تعبانه جدا في الفتره دي. الفكره باختصار ان كل الناس اللي بتعمل شوبينج في جميع السوبر ماركيت والهايبر وكارفور في مصر وهما بيشترو الحاجات بتاعتهم يقومو ((يشتروا شنطه اضافيه)) للمحتاجين ويحطوا فيها الاساسيات وفرخه مجمده او بانيه زي شنطه رمضان بس دي هتكون طول السنه! وطبعا اللي يقدر يشتري اكثر يبقى جزاه الله كل خير. اللي هيشتري حاجات بالفين جنيه مثلا لو هيشتري شنطه بي 200 جنيه والله ماهتخسر معاه حاجه ويديها لحد يعرفو محتاج او لو يثق في حد في السوبر ماركيت يسيبها عنده وهو يتبرع بيها بحيث كل الناس تلاقي ما يكفيها واولادها في الظروف الطاحنه دي. تخيلو معايا كده لو جمعنا مليون شنطه في الاسبوع او اكثر!!. بالله عليكم يا اخوانا عاوزين نتكاتف اقسمت عليكم. لايك عشان التعليق يتشاف بالله عليكم.

[@Princess3com]

باشا مع احترامي ليك انت ملكش ف المنجا العويسي الفص العويسي + العويسي رقم واحد وبعديهم يجي اي حاجة تاني

[@anamafia]

@@Princess3com حصل

[@AW-wq3pr]

سيد المانجا هو العويس و فص العويس بلا منازع بعدها الفونس و الهندي (السناره) و بعدهم يجي الصديقة و الكوبانيه و الزبديه في النهايه التجاري تومي والنعومي و السكري

[@ahmedkhallaf8653]

اقتناء الكلاب وما يترتب عليه من نقصان الأجر: . قال النبي ﷺ:«من اقتنى كلبًا، إلا كلب صيد، أو ماشية، نقص من أَجْرِه كلّ يوم قيراطان» متفق عليه

[@MOHAMED-rv1yk]

يسطا كيكو مسيحي

[@ahmedkhallaf8653]

@@MOHAMED-rv1yk ربنا يهديه للإسلام بس لابد من إظهار الحق ولو لم يتبعه الناس حتى يبقى حاضرا فى الأذهان لأن أخطر الحجج أن يأتى جيل يقول " وما سمعنا بهذا فى آبائنا الأولين "

[@hanansaudi3598]

@@MOHAMED-rv1yk ايه ده بجد؟

[@gat3010]

ربنا يهديك للمسيحية​@@ahmedkhallaf8653

[@KemetEG]

لازم تحشروا الدين في اي فديو بطلوا بض*ان

[@mhelmy2210]

المانجو لها شعبية لا تقارن وبالتأكيد إختبار التذوق لأصناف المانجو تختلف من شخص لأخر .. خاصة انت اختبرت العويس الصعيدى وكانت مازالت تحتاج للنضج وكانت خضراء كما هو واضح .. والزبدية كانت تحتاج للنضج والسنارة والتومى كانت تحتاج الانتظار حتى تنضج بعد فترة لانها من اصناف التصدير لكن لم يدخل الإختبار جميع الأصناف هناك المانجو عويس اسماعلاوى .. رقم واحد المانجو عويس فص اسماعلاوى .. رقم واحد مانجو فونس رقم 2 والتيمور رقم 3 والصديقة بشرط تمام نضجها والكيرمسون رائعة وهم من الأصناف التى تتميز بالرائحة والطعم والمنزل يفوح بجريمة رائحة المانجو التى تم أكلها بالهنا والشفاء هناك أصناف الشيلى والياسمين والكوبانيه والكيت والدبشه وبيض العجل والكيرمسون والأرنبة الرائعة والجولك والهندى الأصلى الصغيرة

[@khaledalmatbaagy8827]

مساء الخير تحياتى لحضرتك، رقم واحد فى المانجو هى الفص وهى قريبة من العويس ولكن صغيرة جدا والبذرة رقيقة جدا، رقم 2 العويس الاصلى ولونها أصفر وليست خضراء بصفار، النوع اللى حضرتك اشتريته ليس عويس رقم واحد، ثم الهندى سنارة وهى ليست موجودة الآن إلا فى بعض المزارع النادرة مع الأسف ، ثم الالفونس أو ما يطلق عليه شعبيا فونس وهى أيضا كبيرة عن الحجم اللى حضرتك اشتريته أقرب إلى التيمور فى الحجم. شكرا جزيلا وفيديو جميل وموفق.

[@AW-wq3pr]

اتفق تماما 👍

[@Thewarriorr-mg2ns]

جزء تاني يا كيكوووووووو خصوصا المانجا عسل السنة دي ❤❤❤❤❤

[@MohamedMostafa-sk7gu]

السلام عليكم ورحمة الله وبركاته لم أعلق على الفيديوهات التي تعرضها منذ فترة زمنية طويلة لظروف صحية معينة . وأنني من أشد المعجبين بطريقة وصفك بأمانة لما تتذوقه من أصناف الطعام والشراب المختلفة مهما كانت الظروف التي قد تتعرض إليها وبالطبع تكون موفق بنسبة كبيرة جداً قد تصل إلى 99.99% إلي هنا الكلام جميل جداً وأكثر من رائع ولكنني أختلف معك كليا" وجزئيا" في فيديو اليوم فللأسف الشديد ومن وجهة نظري الشخصية البحته فقط لاغير لأن بحكم سني ( 68 ) سنه وأنني من مواليد مدينة الإسماعيلية فأنني أختلف معك في ترتيبك لأصناف المانجو من حيث الجودة والطعم والرائحة والمذاق لأن أفضل أنواع المانجو قد تكون بنسبة 99.99% هي فص العويس وهي تعتبر نفس نوع العويس ومن نفس الشجرة ولكن الشجرة كلها لا تثمر سوي أربع أو خمس حبات في الموسم الواحد ولذلك هي قليلة وغالية ويليها في الترتيب طبعاً العويس وبعد ذلك تأتي أصناف أخرى كل حسب مذاقه الخاص به مثل السكري الممتاز وكذلك السكري الأخضر وهذين النوعين غير منتشرين في القاهرة وبعد ذلك تأتي أي أصناف كل واحد حسب مذاقه الخاص به . وتلك الأنواع السابقة مخصصة للأكل أما العصير فلا يوجد شيء يفوق الزبدة . ولكن لا نغفل أن هناك مواصفات لحبة المانجو قبل أكلها فلابد أن تكون مكتملة النضج وفي نفس الوقت ناشفة من الخارج ولا تكون طرية حتى تستمتع بها وللأسف الشديد أنتم سكان القاهرة الكبرى من السهل جداً الضحك عليكم في شيئين هما المانجو الإسمعلاوي وكذلك المأكولات البحرية فعلي سبيل المثال حبة المانجو العويس التي أكلتها في بداية الفيديو كانت مستويه أكثر من اللازم وبالتالي لحمها طري جداً وفقدت جزء كبير جداً من نسبة السكر فيها وطبعاً النوع الذي قلت عليه سنارة ليس هو والملوكي هو نوع من أنواع المانجو الهندي وحدثت شوية لخبطة في أسماء وترتيب انواع المانجو ولكن في النهاية هي أذواق تختلف من شخص لآخر . بالتوفيق في الفيديوهات القادمة وإلي اللقاء في الفيديو القادم إن شاء الله تعالى .

[@TheFoodieBeast]

حمد الله علي سلامتك انا حقيقي كنت قلقان عليك و مش فاهم اختفيت فجأه كده ازاي !! الحمد لله انك بخير ❤️❤️

[@AW-wq3pr]

اتفق تماما 👍

[@hendnasr424]

الف هنا صحتين وعافيه يارب ع قلبك.. انا دمعت من كتر الضحك ع صياديه😂 الله يسعدك موفق ديما يارب ربنا يشفي ماما وتقوم بالسلامة عن قريب الله يحفظكم جميعاً وتدوم طلتك الحلوة ❤️

[@shymaaelbanna]

أذواق سبحان الله بالنسبالي الفونسا أحلى نوع مفضل يتاكل بقشره و الهنجرة خطيرة للناس اللي بتحب الحاجه مززة و ريحة قشرتها رهيبة والتيمور مسكرة و مليانة وبحب أعملهم عصير ميكس مع بعض ، و بالنسبة للحلويات والقطع الناعمة تبقى الكيت 🥭😋

[@omaradel4832]

العويس احلي حاجة ي زميلي بس لازم تبقي عويس اسمعلاوي عشان فيه كذا نوع تاني والاسمعلاوي اغلي حاجة واحلي حاجة

[@user-gv9rv9tk4n]

الف هناء وشفاء والله انا كنت عايزه اخزن مانجه وكنت محتاره اجيب ايه كنت هاجيب المانجا الكبيره اوي دي اللي شكلها برتقالي بس خلاص هنجيب زبديه ان شاء الله ربنا يوفقك

[@nadaa.shaban9716]

كيكو لو بتدوق المانجا ورا بعضها عمرك ما هتستطعم صح النوع بيغطوا علي بعض جامد قوي

[@muhamedibrahim10shan24]

بالعكس دا اكتر حاجه تحسسك بالفرق بس لو اتنين بس او تلاته بالكتير

[@TheFoodieBeast]

لأ انا عمره ما بيحصل معايا كده حتي في الطلعات الكبيرة إلي بيبقي فيها أصناف كتيرة جدآ و كلهم ورا بعض ببقي قادر افرق و اميز بينهم منغير ما اي حاجة تخش عالتانية لحد اخر صنف

[@nadaa.shaban9716]

@@TheFoodieBeast لسه من يومين اكلت نوعين مانجة اكلت النوع المسكر شوبة في الاول التانية كانت بالنسبالي زي الماية ملهاش اي طعم مع اني كنت باكل نفس النوع بتاعها الايام الي فاتت لوحدها كانت تحفة انا بقولك الموقف الي مريت بيه

[@BODA74]

كلامك صح وتجار مانجا وأصحاب مزارع قالوا كدا فعلا

[@waked9573]

كلامك صح جدا ودا اللي لاحظته ف الاكل المسكر بشكل عام مش بس المانجا معرفش هل دا ينطبق ع الانواع التانية م الاكل بردو ولا لا

[@user-jl5vb6js9x]

بصراحه المانجا عندنا في البحيره ارخص بكثير وافضل في الشكل كمان وفي الحجم

[@nouray9854]

مافيش احلي من المانجا السكري والمانجا الارنبيه 💗

[@user-oj2fg5rg7h]

اجمد مانجه في مصر بالنسبالي الصديقه ،النوع ده مظلوم رغم انه له معجبين كتير ومشهور لاكن مش واخد حقه وناس بتصنفه مش من الافضل رغم انه كسعر وطعم وريحه وكميه لياف وحجم اللحم مقابل البزره كل ده مميزات موجوده فيها ،بس نصيحه لازم تتاكل مستويه شويه ،

[@user-qp2bc9xg4i]

فعلا اول مره ادوقها السنادى وعجبتنى جدا

[@user-gn9gz5xm9k]

اللهم صل وسلم على سيدنا وحبيبنا محمد وعلى آله وصحبه أجمعين استغفر الله العظيم واتوب اليه

[@marwamostafa9418]

انت نسيت نوعين مهمين جدااااا الهندي و الفص الفص دي احلي مانجا ممكن تذوقها و يليها العويس . بس العويس اللي انت ذقتها انا عرفت من لونها و شكلها انها هطلع وحشة . خلي بالك العويس الاصلي لازم تبقي مزروعة في ارض الاسماعيلية عشان بقوا يزرعوها في اماكن تانية و في الصعيد و سبحان الله مش بتطلع نفس حلاوة العويس الاسماعيلاوي . اولا لازم تجيبها صفرا مافيهاش اي خضار و يكون العسل بتاعها طالع لبرة و اكتر حاجة تعرفها من الريحة بتبقي مفحفحة فضيحة فلو مش كده تبقي مش اصلي .

[@emyemy908]

الفص بتطرح من شجرة العويس علي فكرة

[@ishaklouis4172]

العويسى أجمد مانجة غى العااااالم مش فى مصر بس انا عارف ان الأكل أئواق بس اللى انت أكلتها دى مش عويسى دى هجين العويسى الأصلى صفرا وجامده والطعم خرافى معلش ابعت اشتريها من فكهانى فاهم وأمين وها تدعيلى عموما انا بحب فيديوهاتك وصراحتك وطريقة تقديمك

[@ferosawaf2791]

ممكن تجرب حلويات تركى من مصنع بستاشيو فى القاهره الجديده

[@youssefmahmoud8002]

بعد اذنك يا كيكو انت جبت الصنارة منين عشان قالب عليها الدنيا

[@TheFoodieBeast]

موجودة عند الحضري عادي

[@ahmedezzat7051]

طبعا رقم واحد المانجة الفص . بس غالية شوية ممكن تكون فى حدود 60 جنية حاليا .. لكن بالنسبة لباقى الأصناف نمرة واحد هى المانجة العويس الاسمعلاوى ..

[@asmaafangary429]

ياجماعة حد يمنشن لامينة شلباية تيجي تشوف الفيديو دة 😂😂😂 شوفت فيها بذرة كبيرة اغمن عليا علي طول 🤣🤣🤣

[@meraelgabry1193]

فى اسماء مانجا اول مرة اسمعها الصراحة 😂 بس هيا عندنا ارخص من كدة بكتيييير اوووى وطعمهم جنان وفى نوع انت مجبتوش ي كيكو نوع الفص دى من اغلى انواع المانجة وأحلاهم وكمان الزبدة والسكرى والنعومى 💛🧡 فيديو تحفة كعادتك 😋

[@mohammedkhaled4418]

الكيت و النعومى و التومى ديه اصناف تصدير مش البلدى

[@ahmedezzat7051]

@@mohammedkhaled4418 .. الكيت والنعومى متوفرين فى السوق و بكثرة . وأنا أشتريت الكيت بـ 15 جنية والنعومى بـ 20 جنية من جملة ماركت فتح الله ..

[@Mohamed6069]

بصراحة المصمصة قدام الكاميرا مش احسن حاجة سواء كنت بتاكلها كده مع نفسك او لا بس الريفيو البابلك ممكن يتعمل من غير مصمصة البذرة ونفس الفكرة هاتوصل بردو بدون ازعاج

[@bodynail7963]

عاوزين يا كيكو شوحها الجديد وطلعه مسامط تاني ❤️❤️❤️❤️❤️

[@rorosweet7776]

عنا بالاردن فش منجا زاكيه ....السنه كل ما اشتريها حامضه وناشفه ....بدها زياره على مصر ناكل مانجا😄😄

[@samarso5152]

انتى ممكن تسويها بالبيت

[@amiraelbadry8640]

العويسي افضل نوع مانجة ع الاطلاق ويليها السكري الممتاز

[@randatalat8762]

فيديو عسل ودمه خفيف اوي باااكيييييكووو. ،💜

[@user-sv5ve1yd4k]

انا اشتريت المانجا الفونس زى اللى فى الفيديو بس اكبر بس لقيت فيديوهات تانى بتقول لازم الفونس يكون شلها من برا فيها خد احمر لون احمر على اخضر

[@samehsharaf99]

الفص ثم العويس ثم الباقي في الأكل وأهم حاجه درجه السوي ونوع التربه المزروع فيها علشان كده مانجه الاسماعليه بتكون اعي درجات في كل الأنواع وفي النهايه كله من فضل وخير المولى سبحانه ( بلاش الكلب داخل البيت لانه نجس فهو للحراسه او الصيد ويكون خارج المنزل) لك احترامي

[@muhadratyhokok6608]

الصوت اللي عملته كذا مرة زي اللي في الدقيقة 9:16 مش حلو خالص ياريت ماتعملهوش قدام حد وكمان حتة انك تشتم وتحط صوت تيت مش روشنة

[@nakiaadrawy9866]

بتشوفنا علي مصر والمنجه بتاعت مصر هنا في امريكا بنجبها من محلات الهنود ومش ليها طعم ولا ريحه منجه صحه وعافيه عليك وعلي ناس مصر كلها وربنا يوفقك ويسعدك

[@ahmedaboetta3853]

فين الفص ياكبير أحسنهم فى الطعم وازغرهم

[@sandyhabebtmama5921]

ازاى متجبش فص دى احسن نوع

[@mohammedsaleh2240]

أنت عسل.. أسلوبك مميز بسيط بيوصل لكل الناس... وربنا يوفقك وديما للأحسن

[@osamashafter5586]

على فكرة المانجا الفص والعويس من نفس الشجرةياعنى نوع واحد بس الصغيرمنه بيقولوا عليه فص عويس

[@messi10847gaming]

ياه اخيرا فيديو ياكوكي+كنت عايز اعرف انت جايب من كل نوع كام كيلو وبكام كيلو من كل نوع

[@TheFoodieBeast]

جبت بالبركة كده و وزنت في الاخر 😂

[@mohamedomer2631]

ربنا يوفقك بس ال انت شاري منة المانجا أغلبها مش قطيع يعني مش مستوية علي الشجر والعبور ارخص ولو نزلت على الساعة 5مساء

[@Marwasamy_81]

ممكن تجرب مطعم دودز عين شمس و في فرع مدينه نصر

[@yasminayaso111]

طب فين الفونس والهندي والكيت والفص يا كيكو😉 بس احلى مانجا الصياديه 😂😂😂

[@Skavisky]

كوين 😂👑

[@ragaeymohamed1650]

الأخ الفاضل / بعد التحيه هذا الفيديو لايحصر ولا يشمل كل أصناف المانجو فى مصر الكثيره جدا والمتعدده والتى تزيد عن ١٠٠ صنف مختلفه الشكل والطعم واللون تماما مصر بدأت زراعه المانجو فى عهد الخديوي إسماعيل على أرجح الأقاويل وجلبت غالبيه الشتلات و الأصناف من الهند وبعض الأصناف الأخرى من سيريلانكا وباكستان. الهند بها أكثر من ١٥٠٠ نوع من المانجو المتعدده الأشكال والأحجام وهى أكبر دوله منتجه للمانجو فى العالم ولكن الأراضى المصريه خصبه فنجحت زراعه المانجو فى البدايه فى أراضى البحيره والشرقية والإسماعيليه وانتقلت لفايد وبعض المحافظات فى صعيد مصر وكذلك فى الواحات وبعض الأراضى الشبه رمليه . ولكل نوع سبب فى التسميه الخاصه بأسمه . وعلى سبيل المثال لا الحصر الهندى الملوكى فى مزارع أنشاص الخاصه بالملك فاروق والهندي المنشاوى فى مزارع أحمد باشا المنشاوى والمبروكه والصديق يوسف ( الصديقه ) الآن والدبشه وبيض العجل وصباع الست و ز؟ الملك والسناره والتيمور طبقا لولايه تيمور الهنديه والفونس طبقا للحاكم البرتغالى لولايه الهند أيام الإستعمار البرتغالي للهند وهكذا المسميات المتعدده والزبديه والعويس طبقا للفلاح الذى قدمها للخديوى وكان يسمى عويس وفص العويس الناتج من العويس نفسها وذلك كطريقه الزراعه لفصل البويضه للثمره والمسك شبيهه العويس والبلدى ورقبه الحمامه ومنتخب القناطر و تلك الأسماء طبقا للإنتاج المطعم والمستحدث والسكرى ولها عده أنواع وهى من الشتلات السيريلانكيه. وكذلك التومى والفجر كلان والكنت والهايدى والياسمين وتلك الشتلات مستورده كل ذلك ليس على سبيل الحصر فهناك أنواع كثيره جدا لم تذكر . ولكن لزم التنويه . شكرا .

[@user-nb7uv5vu9k]

اختلف معاك في العويس المفروض ما تكونش مستويه اوي كده علشان ساعتها حتدوق احلي مانجا وعلي فكره انت ما جبتش الكينج الكبير بتاعه المانجا المصري وهي فص العويس نمره واحد مع خالص تحياتي

[@soltanalex100]

يا باشا تقبمك في المناجا في اتجاه تاني بعيد عن الجمدان العويس و الفونس والتيمور اعلي حاجه في الاكل الباقي كله عصير

[@sengabberely]

فيه مانجا اسمها مانجا " فص " كنت متوقع الاقيها في الطلعة دي و طعمها تحفة على فكرة ومن احلى و اغلى انواع المانجا بس كعادتك دائماً فيديو روعة و ممتع يا كيكو ❤

[@marahdaghistani5039]

شوفيها في دقيقه 8:00

[@sengabberely]

@@marahdaghistani5039 اللي في الدقيقة 8:00 دي مانجا فونس مش فص و فيه اختلاف كبير بين النوعين

[@ahmedezzat7051]

المانجة الفص غالية جدا .. أغلى أنواع المانجة .. ربما يكون سعر الكيلو حاليا 60 جنية ..

[@yokazeen3812]

اه بس دى اغلا نوع مانجا وقليلة مش منتشرة بس احسن نوه حجكها صغير وطعمها تحفه وبزرتها تعتبر ورقة كلها لحم وهو ظلم العويسي الترتيب فص عويسي وتيمور وعويسي يس يمكن لشترى عويسي ما استوش كويس

[@ahmedezzat7051]

@@yokazeen3812 .. عمرو أديب كان جايب شيف مصرى عالمى من حوالى شهر . قال إن المانجة العويسى ملك المانجة .. بعد الفص طبعا

[@hadeertalaat6320]

بالف هنا ياكيكو هو النعيمي بتبقي رهيبه فى العصير ونوع اسمه ذبديه عصير بردو

[@Youssef..528]

اخيرا حلقة الاسبوع❤️🌍🌍

[@rowantaka-1994]

من قبل ما اشوف الفيديو مافيش نوع مانجا يقارن بالعويس او الفص الصغيرة منها✋ في عشق العويس ❤❤ دي نكهه مش موجوده في اي مانجا

[@AW-wq3pr]

اتفق معاك تماما

[@raghdaadeel7319]

فعلا

[@user-bs8cc2rk4g]

اتابعك من العراق قناتك ادمان الي

[@music-zb6kj]

مش عارف ليه طول الفيديو بضحك 😂

[@redtiger5000]

لحظة بس ...انت جبت منين الناعومي ب 25 جنيه ؟ انا اقل سعر شوفته ليها كان 30 جنيه و المعظم الاعم من التجار بيبعها ب 35 و 40 كمان

[@user-ny9gi2iw9i]

انا كمان قولت العويس ب65 والفص 130 اكتشفت ان الفيديو من سنه ههههه

[@ragaaabdelkareem4676]

طب فين الأنواع الأخرى مثل رقبة الوزة والهندى ،. والسنارة....

[@usamahaki8833]

اخوانا مصيرين احد يشرحنا موضوع لحم الي مانجه ؟

[@duanasriya9218]

بالتوفيق دائما 🌷 بس بدون زعل زمااان كانت الطلعات اقوى 🤷🏻‍♀️

[@hetlr3664]

م لازم تاكل الي في القشر ابقا اعمل كدا بعدين حركه مستفزه اوي الي بتعملو في اللقشر دا انتا بتصور فيديو يعنى م كدا

[@dinaahmed9925]

بالعكس كان بياكل بطريقة شيك ومش مستفز خالص

[@lar851]

واصل رب يحفظكم اهل مصر من الجزائر نحبكم بزاااف

[@user-mv4fj1gy4n]

حبيت اوييي فيديوهاتك والله وجوعت😊😊

[@redatharwat5555]

تدوم الضحكه والطريقه فيديو جميل 😂💖 بجد منور و متميز يارب دايما أحلى تقيم وأخف دم 😂💖

[@yasminashaheen]

راي الشخصي فص ثم كيت ثم نعومي ثم تيمور ❤ وعلي فكره الكيت فالعصير تحفه وتحسسك انك دكتور في عصير المانجا وهات الطريقه هات السر بتاع عصيرك والسر ان مافيش سر 😂😂😂 هم شويه سكر ومايه وعلي الخلاط

[@_ladynoor6099]

ليه الكيت تحفه فى العصير

[@yasminashaheen]

@@_ladynoor6099 طعمها ولونها❤️

[@user-cu5uv7ef6v]

دائما علي وضعك يا وحش 💪👍

[@mustafaalourifi8157]

😂😂😂 أحلى شيء إنك بتحكي عن المانجا لحمة وعن البذرة عظمة 🤣🤣🤣🤣

[@TMer1]

تسلم يا كيكو ع الطالعه..للاسف كل المانجو اللى جبتة و اللى ف السوق مش هو المانجو الاصلى كلة هجين و مطعم راحت ايام المانجو الحلوة خلاص

[@daliasalem7992]

والله كلامك صح جدا

[@femtogold4]

اجمل واغلى مانجة العويس بدون نقاش واللى كلتها كانت خضرة و مش مستوية .. جرب تانى بس اشترى من عندنا فى اسماعيلية.

[@osamaelsaket9040]

حلقه الموسم 👌🏻

[@user-zc8rh2dm2k]

انا المفضله ليا هي النعومي بكالوش غيرها

[@user-de7yg5bu5i]

اجمد نوع العويس حاجة كده عظمة♥️

[@UsamaAli-wp5ci]

أحسن مانجة العويسي و الفص

[@user-pj6uo9uw8e]

عايز اقولك الثلاثه الاخترتهم كويسين جدا ولكن العويسي ليها احترامها بس مش الكانت معاك

[@user-dw9jg6kv4r]

طيب مش في منجا فرغلي؟

[@user-sz4gh6rv2m]

عصايه اى اسمها بزره

[@hassanmostafa7114]

طبعا العويسي رقم واحد من غير جدال

[@elsayedradwan8102]

فين المانجا الفص من غير نقي احلاهم

[@hamedali8638]

المنجا ملك الفواكة 🥭 والعويس ملك المنجا 🥭 وتحيا مصر 🇪🇬❤️🇸🇦

[@5519551]

أجمل مانجا هي العويس

[@user-pj6zo1dl4e]

ممكن تجرب الرضوان فرايد تشيكن فيصل هيعجبك جدا علفكره ❤😊

[@hala-dy8qo]

ذكرتني يوميات ونيس لمن قلت احسن مكان للاكل المنقة البانيو..... ههههه ... طلعة جامدة ... استمر

[@malak8033]

جامد 👌🤍

[@user-fi8tp8gd3y]

اغلبيه المنجا الي انتا جيبها مش طيبه محتاجه كام يوم علشان تطيب

[@amradel4375]

استحالة يكون أول نوع يكون العويس

[@hazemali8731]

يا كيكو انت ظلمت العويس. اللي انت دوقتها دي خضرا. هات اللي مايلة للصفار و تكون ماسكة نفسها

[@mygaber8309]

أحلى مانجه في مصر بلا منافس عويس فص فونس

[@Dr.AymanHelmy]

عاش ي كيكو ❤️🔥

[@MOHAMED-rv1yk]

احلي طيكو واالله انبطست اول ما شفت انك نزلت فيديو

[@AhmedHassan-so8zq]

ازاي تبدأ بالعويس 🙈🙈🙈 ده أحلاهم كل اللي هييجي بعدها ولا حاجة

[@samysam4456]

فين المانجا السناره الهندي أكل

[@mohammedradwan6482]

فين ياريس الفونس وبيض العجل والفص وكيت وهندية وتومي

[@yahyazakria2734]

بقول لك ايه يا وحش ما تروح مطعم حمدي وفاء وجيب كل المنيو

[@hanayara7266]

ايوه بقي ❤️❤️❤️❤️❤️

[@mohamedrezk758]

الف هنه صحه وعافيه انا من عشاق المنجه رغم عندي سكر‘.

[@youyousalem7233]

طب احنا عايزين طلعات بتاعت زمان تانى

[@feton3256]

فيديوهات جايه

[@user-tf8fe1ib8c]

فاكهتي المفضلة المانجو 🥭🥭🥭 ، أستمر للأفضل ان شاءالله

[@doaamohamed4215]

كدا انت بتفهم في المنجا بس كمان الفونس حلوة واحلى حاجة التينور طبعا

[@fatimagmahdi9113]

الاسعار عندك حلوة اوووي ماشاءالله

[@user-ey7vu5jz9b]

اول والله❤️

[@adaaam6665]

ممكن تعمل حلقه عن الكلب بتاعك و تجيبله انواع اكل مختلفه و نشوف هو هيحب انهي نوع اكتر؟

[@tehaabomohmed5006]

علي فكره العويس بــــ18 جنيه عندنا في امبابة