天九自由講 曾經喺香港影視作品出現過的天九 雷洛傳

天九遊戲，由來已久，亦都滲透喺我哋嘅影視作品入邊，究竟仲有乜嘢作品 曾經出現過天九遊戲呢？ 歡迎大家留言，增長大家知識
歡迎加入Facebook專頁，有機會嘅可以約出嚟打下天九
天九唔夠腳 FB
/ sky9.need.more.ppl

[@TheJeffHK]

睇雷洛傳玩牌呢一幕最少十次，每次都唔明顏同講緊乜嘢，只係覺得佢講得好有型，好理所當然咁…今次多得Max兄介紹後，我終於明白佢所講嘅‘武子都出盡喇，唔出嘅都墊晒喇！’係咩意思，原來佢衰格到想用隻最細嘅武牌嚟結牌，結到的話就真心威水，可以落晒阿席嘅面😡😡

[@Manchester_guitarist]

呢一幕都真係經典

[@大頭仔-e1h]

當年睇呢段, 開心到爆~

[@Manchester_guitarist]

我當年睇係r晒頭😆

[@pyinhk]

識玩原來呢幕咁型👍

[@Manchester_guitarist]

我都係識打天九之後，專登翻睇呢一幕，都覺得好型，個個演員都好型😆

[@Manchester_guitarist]

我早兩日睇返套戲，都覺得好正😆

[@leethomas8888]

請指導一事，在電腦玩過一幕是尾牌，莊出么雞（有洞），下家電牌（空洞），對家出大雞（有洞），上家出九（有洞），結果上家勝出，這樣點計算？在現實中，上家會𣎴會打？么雙擒四的結論又如何計算？這是新手的問題😅

[@Manchester_guitarist]

多謝你嘅留言，你嘅留言亦都係好多新手卻步唔打天九嘅原因，就係好多規則都唔清唔楚😅其實只要玩之前講清楚一條例，就係「擒大過結」，意思就係只要有人擒，無論上下家結牌都無效，就解決呢個問題。以你嘅例子來講，就係大雞勝出😁

[@Sky-bo5gl]

容我說明一下， 首先所謂擒大過結，有好多人誤會係只要有人留大雞六，無論如何都係六結，咁係唔啱嘅，如果細雞出完有七八九打咗，就算之後有六，都係七八九結牌，只有係六擒咗之後嘅七八九先唔夠六大，尼個就叫擒大過結，如果係結大過擒的，咁就算七八九出喺大雞之後都算七八九贏。另外有一條例未必人人都知，亦唔常發生，如果細雞么，有人用五仔打咗，你再用大雞打，就唔再算擒，只按普通結牌計（就算玩擒大過結，五仔打完再俾六打之後再有七八九，大雞都結唔到），所謂＂五公隔住，不用包輸＂。

[@Manchester_guitarist]

@@Sky-bo5gl 詳細到不得了，教科書式嘅標準答案，我要返去溫書😄

[@fantasykui]

@@Sky-bo5gl 玩天九之前有好多規則要講明..度度玩都唔同。

[@Sky-bo5gl]

@@fantasykui 對，有啲例打咗咁耐都未聽過，其實有啲例係唔合理的，所以我都係跟天九館例，相對簡單而且公平，如果打熟咗再加其他大家都同意嘅例就好，一開始太複雜令人覺得太難學。

[@陳先生-b8i]

其實呂樂中打天九呢一幕真正演得最好嘅係秦沛，演活咗佢嘅角色一個沙塵白攉囂張跋扈乞人憎到無倫，但又當時得令嘅華探長：顏雄。

[@Sky-bo5gl]

喺度介紹一下么擒另一計法，原因係天九會加莊，有時么起贏嘅錢會俾俾人擒咗輸嘅多好多，當遊戲冇問題，當賭博就唔算公平，尤其玩兩副尊嘅時候，所以天九館用嘅係照食照包原則，即係如果你么贏100元的話，俾人擒咗就包輸100元，鸁得大輸得多，比較公平。

[@Manchester_guitarist]

感謝分享，去過天九館嘅人真係已經買少見少

[@leethomas8888]

謝謝分享，同電腦玩以一分計，現實中玩多少起計？

[@Sky-bo5gl]

@@leethomas8888 唔定，而家同朋友打一蚊楝，以前天九館打5至20蚊都試過。

[@leethomas8888]

@@Sky-bo5gl 最多果次贏多少及輸多少？

[@Sky-bo5gl]

@@leethomas8888 都唔記得啦，都係想玩唔係想贏大錢，就算打20蚊楝都好難同麻雀比啦。贏輸都係千零蚊上落。

[@leethomas8888]

分享一手在電腦打：雜九一對、單八、雜七一對、板凳一對、單長衫，好在做莊，按以上出牌，七支敦起三家，否則一戙都冇。

[@Manchester_guitarist]

一對板凳都過到👍🏻👍🏻👍🏻

[@pockyip8376]

如果實戰 別說一對板凳 就算一對人都未必過到 兩隻天兩隻地 4隻牌3個人分 且個個一棟都無 加上你武子大牌出晒 你仲要打莊 一對板凳過到的机率是0.01%

[@leethomas8888]

@@pockyip8376 電腦就是這樣的，我同電腦玩咁多手，這手牌呀算靚，好彩做莊，打到七支，都是第一次😄

[@Manchester_guitarist]

其實打機，只係過下手癮，或者比初學者適應下出牌組合，同埋學下計分，始終都係要同人玩先至可以真正練習😁

[@leethomas8888]

@@Manchester_guitarist 也有道理，一起練習又無妨😃

[@Siumings]

已pm

[@kellanlai6088]

Nice

[@Manchester_guitarist]

😄thx

[@leethomas8888]

有一手做莊想博八支牌，至尊、三武鵝伍、三文人七，按照以上出牌，請問是否正確方針出牌？多謝大家指導😄

[@Manchester_guitarist]

假設性問題，睇吓有冇D高手答你😆本人愚見，天9地8分分鐘埋到堆，賀尊收錢係正路，但係要贏都唔係咁易，除非好運D天9地8散晒，不過博下又無防😆

[@chrischan8555]

首先要睇吓你打嘅規例頭章賀尊有冇八支，如果有的話當然先賀尊，再出三文人七，點解呢？因為文長武短，三文威力比三武大，如果有閒家揸三文天九唔打你三文人七，除非你再出三武鵝五或三武地八，佢都好大機會結牌，但換成你出三武鵝五先，佢揸三武天九唔打你，你再出文對（有好多文對）佢都玩完，所以好大機會打你。所以尼舖牌賀尊，三文人七，三武鵝五，如果頭章賀尊冇八支，就三文人七，至尊，三武鵝五。

[@leethomas8888]

@@chrischan8555 解答清晰，又是位高手

[@Manchester_guitarist]

我又學到嘢😄

[@pockyip8376]

小弟愚見 感覺 三文人七 被三文 天九 地八 禽左 就大鑊 一棟都無 必輸，所以我比較保守 有沒有賀尊都 先出至尊先收兩棟穩陣 再三武鵝五 過到再出三文人七穩一點 過唔到三文人七仲有機會拆開打到 三武鵝五拆開太細無得打。

[@TheJeffHK]

Max兄你好，想請教另外一套由莫少聰同龍方等主演嘅地下賭王入面亦都有一場戲，每人只玩四隻，係咪又係另一種玩法？龍方鬧人有至尊唔擺擺67，但係個荷又話龍方點擺都死…睇到我一舊雲咁😂😂

[@Manchester_guitarist]

就咁聽你謁，應該係推緊排九😁

[@CalvinChan314]

排九

[@nathenng460]

做戲啫，揸住單九一對雜八加隻么雞四隻牌，行對雜八已經公告天下唔識打天九，實際點會咁打！ 呢個情況當然4子逢一冲敦隻九，白癡都會墊大雞六留單天孖鵝，再出一對雜八，咪么埋囉。

[@Manchester_guitarist]

我哋又多一位高手出現👍🏻👍🏻👍🏻

[@xuanxuange]

雷洛傳嗰度想更正少少嘢，佢哋打嗰隻天九係打四隻但求快殺錢

[@Manchester_guitarist]

唔似喎，我再睇返佢哋各自都仲有幾幢贏咗係手㗎啦喎😀

[@Sky-bo5gl]

天九必定係八隻，四隻嘅係排九，亦有人玩兩隻排九的。