Рет қаралды 341
عمرني فكرت نهضر على موضوع دي بحال هكا، ولاكن ماقديتش نصبر
هل المضاهرات المناهضة للعنصرية تعتبر قضية وطنية مغربية ولا غير هايب تابعينوا ليوتوبرز المغاربة.
Patriot act: • Drug Pricing | Patriot...
John Oliver: • Marketing to Doctors: ...
Missaha: • 😲 متظاهرين سرقو سيارات... 🤬
Social Media:
Instagram: SamieVisual
FB: SamieVisual
email: samievisual@outlook.com
Bio:
أهيا، معاكوم أيوب من الرباط، 28 سنة و تانصور قصص على شكل "StopMotion" عشتهوم و محاداثات ريني و بين عقلي تخليك غي مبهور و تاضحك عليا.
كانبوستي كولا جمعة مع 10 دليل.
إلى عجبك الكونسيبت دير لابك و تآبونا عندي فلاشين
سلام
عمرني فكرت ندير ڤيديو بهاد الشكل، و لاكن آيكون مختالف على نوع الفيديوهات لي بغيت ندير، ولاكن الواقع خلاني و فرض عليا نهضر و نتكلم بشي لي تايحرقني لداخل ديالي.
غي باش نحطوم شوية فالصورة عليا، كانتفرج في مسلسلات بزاف أمريكية و شي عامينين هادي وليت تانتفرج حتى في برامج الاخباربة/ كوميدية سياسية الأمريكية، و بسباب هاد البرامج، الحلم الأمريكي لي كان تايتصور لي فالبال مع كترت الأفلام و المسلسلات تبدل بزاف و وليت تانݣول نعيش فأي بلاد ، نعيش فالمغرب و مانعيش فميريكان، الصراحة،
و باش مايجوش شي وحدين يݣولو غي كاتخربق، أقل حاجة، أنسولين، الدوا الضرووري لصحاب السكار، داير
295$، للمقارنبة،داير غي 13$ فجارتهوم كاندا، و إلا بغيتي معلومات كتر نخلي ليك فيديوات في الديسكريبسيون تفهم كتر،
و لاكن مشي هادشي لي بغيت نهضر عليه،
هاد اليامات خرجو مغاربة في آنستا و يوتوب تايشجبو العنصرية و مشاكيل لي واقعا فيها ميريكان حاليا، و دايرين فيها تايإيدو الإضراب السلمي بلا سرقة و نهب. بطابيعت الحال تانإيدهوم و متافق معاهوم،
مانكومونتيش على هاد الموضوع الأمريكي حيت موضوع ماتايهمش البلاد و الأودؤونس لي كانستهدفها ،واخا متبعو من أ تال ياء، و كيف قلت تانشوف بزاف الأخبار و الثقافة الأمريكية، ولاكن عمرني مامشيت عند شي حد كانعرفو ولا با ولا خويا نݣول ليه آش واقع في ديك البلاد لي ماكاتهموش هو أصلا، و هادا هو بيت القصيد
واش فعلا مشكل مقتل جورج فلويد و العنصرية في الولايات المتحده الامريكيه مشكل تايهم المغاربة و موضوع لي يستحق نوقف موراه و قضية لي نآمن بها شخصيا
ماعرفتش بالنسبة ليك، و لاكن أنا لا، ماشي موضوع لي نتاخد عليه موقف ، حيت كيف قلت فاللول، ميريكان شابعة مشاكيل و تايعجبني نتفرج و نتعرف علا مشاكيلهوم فقط بسبب الفضول لا غير
هنا تايتطرح السؤال واش كاين في المغرب مشكل العنصرية
إلا كنت غالط آ الإخوان رضو عليا، ولاكن لا، ماكاينش
عمرنا سمعنا البوليس قتل فلان بسبب لون البشرة
ولاكن شفنا قتل بسباب الحݣرة و العجرفة
عمرنا سمعنا بوليسي شد شي حد في الطريق و جبد عليه الفردي غي حيتاش (سمحو لي على الكلمة) "عزي"
عمرنا شفنا مخزني هز زرواطة على صحراوي ولا سوسي ولا ريفي غي حيتاش بغا و بشكل فردي
شفنا الظلم (صحرى) و السياسة و و اليديولوجيا
شفنا حراك الريف و مشكل الإعتقالات
ماكاندافعش على أي قضية، و لاكن ماكانشوفش شي سبب علاش مغاربة خالقين هاد اليامات قصة للعنصرية و حنا أصلا مامعنيينش بحرب و مشكل خارج بلادنا
حنا عدنا الفساد الأخلاقي و رجال لي مابقاوش رجال،
نعام، في الدين ديالنا الراجل خصو يبقا راجل و يزوج مرا و الدين تا يفني و تايعاقب على اللواطية و ما جاورها من أفعال لي تانشوفوها تاتكتر في المجتمع ديالنا المغربي، و كتر من هاكا الناس تادافعو تشجع عليها
عدنا مشكل خوصصة التعليم و الأساتذة المتعاقدين و المقرارات القديمة و الفرنسية لي مابغاتش تحبس من الإستعمار ديالها
مشكل التطبيب و السبيطارات لي ....
الرشوة و الاختلاسات دسياسيين
الكريساج و قلة الأمن في المدن و ضواحي
و زيد و زيد
هادو هوما المشاكيل لي خسنا نهضرو عليهوم و نديرو منهوم قضية وطنية، ماشي جورج فلويد
#samievisual #stopmotion #rabat #animation