تجهيزات السادس•نصائح لدفعة 2025

[@hli.16]

شفت قناتج منزمان جان حلمي افتح قناة جان الكل رافض بسب مجتمع هم هسة الحمد لله واخيرا فتحت موضوع وي اهلي وافقوا الحمد لله فتحت قناة

[@RORO-fp4vz]

واحلى اشتراك لاحلى بنوته💌.

[@Rass-6d]

شفت تعليقج واشتركت+اخذت فره باقناة كلش حلوه 🎉

[@hli.16]

@@Rass-6d ثنك

[@Zahraa-k8m]

هاج اشتراك ❤

[@2000-t1i]

عفيهه عليجج واحلا شتراك لعيون الحلوهه

[@ZahraAlHaider]

بديت سادس ونهيتها واني لا اشتريت ايباد غالي مثل هذا ولا سماعه ولا هيج اشياء تنصرف ب 2023 بشهر سادس حيل جنت متحمسه لـ سادس واني ضروف تعبانة كلش معندي مكان خاص ادرس بي عدنه عرفتين وحده النا وحده ل امي وابوي جنت اكعد بغرفتنا هو نفسه استقبال اشتريت الي بفلوس نجاحي ميز دراسي صغير ب ٥ االالف علمود اكدر ادرس عليه فوني احترك فدرست بحاسبه مالت اختي جبيرة رغم جان هم يجي خطار بيتنا وهسه جنت اقفل باب وروح غير غرفه لو مرات مجنت اقرا بسبب هوسه اشتريت أقلام وجان عندي مالت خامس اشتريت بعد هالايتر وكم قلم جاف ودفترين وراها بديت اشتري ملازم الي كلفتني فوك 200 الف جنت احس بتأذيب ضمير انو ابوي جان يشتغل ويطلع بهذا حر علمود معيشه اخاف اني ماجيب معدل وينكسر بزايد بديت مدرسه وسوالفها مالزمت خصوصي هم مجانن عندي امكانيه وهم اني مردت لان كلت مريد اتعب من ورا طريق بعيد عليه وياخذ وكت اهواي علمود ماده وحده فكلت اعتمد ع يوت وضليت ع يوت جنت اشوف هيج فديوهات جنت احس غصه بكلبي لان جنت اتمنى هيج شي ايباد اصريت ع اهلي اشتري ايباد برو حتلو مستعمل جان ب ٤٠٠ الف مكدرت اشتري جمعت فلوسي مالت منحه انطوها ل طلاب واشتريت بي ايباد بسيط ب ٢٠٠ وكل هذا هم جان غالي كدرت ادرس وادخل وزاري بكل لفهه تعبت حيل من بدايه سنه استغليت كل عطله بيها ماسختت واذا سختت ابوي جان يحجي عليه يكول انتي سادس اقري فجنت اقرا حيخلص سادس واني بحياتي لا علكت قصاصات ع حايط ولا سويت فلوقات ولا اشتريت هاي اشياء جانت امنيتي هاي بس حمدالله ع كل حال ورغم حر غرفه بس كدرت ادرس وشمس همين اتمنى من الله معدل عالي لا يضيع تعبي وابرد كلب ابوي يتعب بهذا حر ويروح يشتغل علمود عيشه وهسه امتحنت امتحانين اسلاميه وعربي واجلت انكلش وهسه باقي يومين ل امتحان احياء حبيت اوصل فكره فقر لا عيب ولا شي حاسه بكل شخص يباوع ع هيج اشياء ويتمناها ميكدر يجيبها م مشكله الي يريد يوصل حلمه يقاتل كلشي ضروف الي خلقه رب عالمين لا اعتراض عليها وهلشي مو عائق ماكدر اجيب معدل ادعولي بمعدل يرضي قلبي🫂💔 التعديل :_ حاليا معدلي ب ٨٠ بس ماريده مأجله ٤ مواد ادعولي وراح اقدم اعتراض ادعولي اجيب درجه كامله✨ التعديل 2024/9/1 راح اعيد سنه ثانيه ويا د ٢٥ علمود حلمي علمود طب ادعولي الله يصبرني وينطيني قوه وكذالك الله يبعد عن كل طالب ظروف صعبه الله يرزقنا 🤌

[@Hager100]

الله يسهلج يارب، انتضر قصة نجاحج الحلوة

[@1elcc]

الله يوفقج

[@ZahraAlHaider]

@@Hager100 امين يارب أجمعين ان شاء الله 🫶💕

[@ZahraAlHaider]

@@1elcc امين يارب العالمين 💕🫶

[@zah-aa]

حبيبتي زوزه ربي يوفقج ان شاء الله تجينا اسئله الاحياء سهله ونجاوب يارب❤

[@rzm3_13]

مَراح اكللكم غير إنو السادس يحتاج واحد قوي وصَبور ويتحمل يدرس سنة وأكثر من سنة بنفس الطاقة وحته إذا راح الشغف والطاقة واجب يستمر 🥹🍓

[@zzzz945]

اني هسه طالبة ثالث منتضرة النتائج وماخايفة لان متأكدة ربي ميضيعلي تعب وكلامج كلش ايجابي انطاني شغف ادرس للرابع حتى اوصل للسادس بخير وسلامة🥺🦋

[@rzm3_13]

@@zzzz945 حياتي انتِ والله ربي يوفقج تدرين الرابع احلى مرحلة مرت عليَ ابد ماانساها ادرسي بالمدرسة ماكو داعي تدرسين من هسه جان معدلي بيه ٩٩ واتونسي هاي العطلة الماقبل الأخيرة الكم 🥹🫶 ادعيلي كلش محتاجة الدعاء ان شاء الله اطلع معدل ٩٩،٨٦

[@zzzz945]

@@rzm3_13 ان شاء الله ربي يوفقج🦋🫂

[@aso99817]

حتى احافظ ع حماس السادس لسنة كاملة بالبداية اشتريت قرطاسية ع كد الحال وع طول السنة كل ما احس اني فقدت الشغف جنت اشتري دفتر ومرة أقلام ومرة ستيكرات حلوة ومرة هايلايتر الوان غريبة لان من اشتري شي جديد يصيرلي واهس ادرس وهيج كضيت السنة كلها

[@ethan2536]

زين تسوين

[@malakmahmoud7696]

والله فكرة بس أنا لسا حماس البداية ما وصلني حتى احافظ عليه 😂

[@5ce.t]

أقضوا حوائجكُم بالكُتمان ، بنات لتحجون عن أي شي تريدون تسووه ، اوكي أني وياكم أنُّ ممكن غيرنا يستفاد بس لتحجون بالشي قبل لايصير ✨.

[@اللهمثبتقلوبناعلهالأيمان]

اي والله لعظيم اهم خطوه بل حياء اذا تريد شخص ناجح حته اهلك لا تحجيلهم

[@teeba4444]

​@@اللهمثبتقلوبناعلهالأيمانشلون يعني ماأحجي الأهلي ؟

[@zsvex]

حبي هاي فيديوهات تحفيزية حتى باقي الدول ينزلونها وبالخارج الطالب هم يحتاج يشوفها حتى يتحفز واللي يقرة ويتعب الله ميضيع تعبه

[@ims0zy]

حماس البدايات 🥲 وياج طالبة سادس سنه ثانيه وداامتحن ، ابد لاتخلي حماسج يروح والتزمي بالتحضير اليومي وابد لاتسوين تراكمات استغلي ابسط ثانيه بيومج للدراسه ولاتضيعينها ابد💕

[@hli.16]

طالبة سادس توثق يوميتها هل من دعم

[@Sixths.2024]

كرهنا بحياتنه وبزعنه السادس 🙃🙂

[@فطومهفطم-ي8د]

بشري

[@Emily159]

شكلي 🙂 واني شاردة من محاضرة حيدر وليد وجاية اشوف هل مقطع 😂 من يخلص المقطع ارجع عليه

[@هدوءالليل-ك5م]

متتت اني هم

[@aseelabarheem570]

حتى انا 😂😂

[@Dr.ATABRAQ.M.H]

ايابا شبسرعة الايام قبل كم سنة شفت الفيديو مالتج مال رحلتي بالثالث واني جنت رابع اعدادي وهسه اني جامعة اله اربع امتحانات وانت صرت سادس واو الايام تخوف واملي بيج جبير حتبدعين بالسادس

[@Mariam-sy3qo]

جامعة الا أربع امتحانات 😂

[@Dr.ATABRAQ.M.H]

@@Mariam-sy3qo طلاب السادس يفهموني 😁😂

[@Mariam-sy3qo]

@@Dr.ATABRAQ.M.H سادس حالي حالج 💔

[@Dr.ATABRAQ.M.H]

@@Mariam-sy3qo موفقة قلبي

[@Mariam-sy3qo]

@@Dr.ATABRAQ.M.H حبيبتي و لكِ بالمثل

[@ژوي]

وياج دفعه25، بالتوفيق حبيبي 💖.

[@zainabalta000]

ڪٰل الهلا

[@SajadKadm-m2l]

‏أنا فاقد البصر وامتحا خارجي قدمت سادس ابتدائي ‏ونجحت وأيضا قدمت ثالث متوسط ونجحت السنة القادمة راح أقدم سادس إعدادي

[@whatdoyouuwant]

نصيحة من طالبة 24 أجلت فيزياء قبل كل شي اتمنى تدعولي و تدعون لطلاب هاي السنة أن نطلع أعلى المعدلات 1-أول شي و أهم شي الاستمرارية حتى إذا تجيكم ايام تدرسون بشكل قليل المهم استمروا و أبد لا تنقطعون عن الدراسة بشكل نهائي هاي العطلة اعرفوا تستغلوها صح من هسة اكولكم بس يبدي الدوام حيبدي الوقت يركض و ما تحسون إلا و إمتحان نصف السنة قريب و من بعده الوزاري أقرب و هذا مو تخويف لكن أدركوا قيمة الوقت. 2- هاي النصيحة تعتبر من الناحية النفسية و هي حاولوا دائماً تجذبون الخير الكم و تفائلوا و حيطوا نفسكم بطاقة إيجابية حتى لو جان المحيط الخارجي سلبي مالكم علاقة بيه. 3- حتمر عليكم مواضيع صعبة و ما تنفهم من أول مرة ف عادي كلش لا تضوجون و تستسلمون من أول مرة حاولوا وياها و عيدوها أكثر من مرة أهم شي استمرارية المحاولة. 4- انتبهوا على الفصول الأخيرة مال الفيزياء حاولوا تدرسون ولو جزء بسيط منها هالفترة لأن انحصرنا بيها و ما كدرنا نضبطها بسبب ضيق الوقت ف من هسة حصنوا نفسكم. 5- الفصل السادس رياضيات و العضوية كيمياء كذلك ادرسوها على وقت فراغكم لا تعوفوها للأخير مثلنا. 6- الوزاريات إياكم ثم إياكم تهملون الوزاريات أو تراكموها عليكم و ادرسوا كل تفاصيل المنهج اللي جاي وزاري و اللي مجاي وزاري. 7- رسومات الأحياء كذلك اهتموا بيها بإختصار ادرسوا بما يرضي الله لا تعبرون شلون ما كان. آخر شي اتمنالكم التوفيق والنجاح و لدفعتنا كذلك.

[@NoorNoor-oi3ls]

شكرا يعمري ع كلامج استفاديت من نصيحتج اني طالبة معيدة من دفعة 23 يعني قبل الدفعة هاي جنت سادس والعام دفعتكم تركت وهسة دفعة 25 عدت علمود حلمي وحاسة ب احباط والله وكل شوي اختنك بس اكول يلا عادي الله يعوضني يعني جاي احس احارب نفسي في سبيل ماضوج او ابجي واني همات مريضة من طبيت للسادس تمرضت والله جنت مابيه شي وصابتني حالة نفسية العام واحباط لهذا ماستمريت بالقراية وجنت المواضيع الي مافهمها من اول مرة اضوج وانقهر وابجي بس هسة الحمد لله تعلمت من كل غلطة غلطتها الا شي واحد وهوا النوم وهدر الوقت ماجاي اكدر اسيطر عليهم شسوي مادري ممكن تنصحيني

[@baneen-5]

00:29 احسننننننن خطوووووه تسووها هو انو تبدون تدرسون ع الكتب بالاخص الادب والاحياء وبصورة عامه كل الحفظيات وحتى المسائل🥹 فعلاً احسن خطوه اعتمدوها 👍🏻💕 + ادعولي اني دفعة ٢٤ ارجع بعدين اكوللكم شصارر🥹🤍🤍🤍

[@Lakasaaoaoskskslslskslsl]

يعني منجيب ملازم ؟ بل ذات الأحياء ، أريد طريقة أكدر أضبطها واسيطر عليها من هسه 👍🏻

[@dannistevn3113]

@@Lakasaaoaoskskslslskslslالادب ابد لا تعتمدي ع ملزمه انا جنت مصره اله اقره ع الملزمه رغم احسها مو قريبه لذهني والافكار ما مترابطه بس جنت مصره ،،،،بس بعدين لكيت الطريقه الصح انو تجيبي الكتاب وتاشري الاسأله من الملزمه ع الكتاب( بس هيج بشكل مرتب بقلام هايلايتر ع بالكتاب الجواب و بجاف السؤال،،،، حته لو مو هايلايتر اذا متحبي انتي وطريقتج)يعني السؤال ولحدمن الجواب من الملزمه فبكيفج الملزمه تشتريها لو من النت تاشري ،،،وحته اذا انتي من الناس التحب الملازم فجيبي ملزمه وعادي اقري عليها بس من ناحيتي اشوف الذاكره الصوريه ع الكتاب احسن

[@dannistevn3113]

⁠@@Lakasaaoaoskskslslskslslوبالنسبه للاحياء فلا تستغني ابد عن الكتاب والزمه ثنينهن لازم ،،،تفهمي الموضوع من النت او من مدرسكم او اي مصدر وتقري ع الكتاب ولمن تفهمي الموضوع روحي للملزمه (اذا تريدين رأي فملزمه سالم ال منصور كلش زينه ،،،واكو ناس تحب ملزمه ماهر نايف انا عندي منها مال اخوي بس ابد ما اقره عليها بالنهايه كلمن ورأيه ،،واذا تحبي الملخصات كلش زين رغم تاخذ وقت بس ترسخ المعلومه بالاخص بالاحياء(ملخص مو يعني تنقلي الموضوع من الكتاب لورقه او ع شكل سؤال وجواب لا هذني موجودات بالكتاب والملزمه مالهن دعي اقصد *مخططات ذهنيه واشياء تشبيهيه كرسم او قصه او رموز او تشبهي الشي تاشبيه غريبه جد هل طريقه فادت وياي لان انا عندي صعوبه قويه باحفظ (اطيج اسم مدرس يسوي تشابيه تكدر تاخذي منها فكره

[@Lakasaaoaoskskslslskslsl]

@@dannistevn3113 ولد + كلامج صحيح حتة أصلًا اني ممتعود أجيب ملازم بل سنين السابقة ، يعني من كم سنة اني ما مشتري ملازم بس أقره بل كتاب ، لأن الذاكرة الصورية بل كتاب أفضل من الملزمة ، بس جبت ملزمة قواعد وأدب لأستاذ هشام المعموري لأن مسجل يمه ف لازم ، بس أعتقد راح اخليها شي جانبي وأعتمد على الكتاب بشكل أساسي + ممتعود أأشر بقلم هالايتر لان جنت ألخص بقلم الرصاص ف هسه مشكلة شوي 😂

[@baneen-5]

@@Lakasaaoaoskskslslskslsl الاحياااااء كتاب كتاب كتاب احفظي سرد كانو ادب واشرحي وشوفي انتي شنو طريقتج بعد بدعي بي ، كملتي حفظ بالكتاب ؟ تعالي على الملزمه مال ماهر او سالم ملازهم فدشي خلي اي احد من اهلج يسمعلج السؤال او انتي غطي الجواب وشوفي حافظه زين ؟ تفهمين السؤال زين ؟ وبنهاية كل فصل حلي اسئلة الفصل + اسئلة ملازم استاذ سالم ووزاريات ( الوزاريات اذا تريدين افهمج كوليلي وبعيوني ) وصدكيني هيج فول راح تصيرين بالاحياء وان شاءالله كلشي تضبطي اي شي تردي كوليلي وتدللين حبيبي 💗💗💗اسفه طولت بس اريد افيدج🥹♥️♥️

[@R_rahmty]

نصيحه طلاب اذا تعانون من ادب العربي اقروا ع عبد الحكيم محمد+ عبدالله الزبيدي هذوله اسطوره ب شرح ادب بالتوفيق 🍃☁

[@six_do]

أن تُصيـب سِهامُنا هذه المره ولا تُخطئ، أن تلمَع عيـوننا من فرط إلانتِـصار✨. آمين يارب 🤎🙂‍↕️.ادعولي د24

[@darck3676]

انا طالب سادس ٢٠٢٤ وجاي امتحن احب اطمنكم انو السادس مو مثل ما يكولون عليه صعب لا مو صعب هوة بس طويل ومحتاج همة وقراية والتزام جاي امتحن وانا اكوللكم السادس سهل حتة بدون حذوفات ❤

[@امرور-ط5ج]

حبي رايد ابلش سادس اروح علمي لو أدبي منو لاسهل

[@darck3676]

@@امرور-ط5ج يا حبي حسب انتي تحبين الحفض لو الفهم والافكار اكثر …. اذا تحبين الفهم العلمي احسلج وراح تشوفين الادبي صعب اذا ما تحبين الحفض بس اذا تحبين الحفض اكثر روحي ادبي …العلمي صعب يصير عليج اذا ما تحبين الافكار وشوية تعقيدات بسيطة محتاجة احد الى واهس بالفهم ويفكر شوي

[@زهراء-ب9ن]

جاي ادرس فاينل عضوية صيدلة وشفت الفيديو واجيت اسخت واذكر ايام السادس 😂 بتوفيق أن شاء الله ✨✨✨

[@teeba4444]

الله يوفقج❤

[@سوسو-م4ظ3ي]

يارب تنجحين وتحققين المعدل الي بالج❤

[@8.ro_n]

بِـما أنــي سادس دَ26 فـ هسه أني أعفاء عام بالرابع وصرت خامس عـلمي وجاي أقره للخامـس وأريد معدل عالي فوگ95 علمود أدخل أهلية ببلاش بالسادس لان أخويه الأكبر مني عاد سنة ثانية بالرابع فـ صار يدرس وياي فأني گلت أسوي هاي الخطوة علمود تقل المصاريف وكذلك أبويه يدفع فلوس للبيتنه الجديد يلي ننتقل أله وره ما نخلص سادس وهسه كلت أدرس علمود أساعدهم بالمصاريف حمدلله عندي آيباد يكفيني حتى للجامعة وجاي أدرس عليه وكذلك النت متوفر وعندي مكان مخصص وأكدر ادرس ومقررة بالسادس ما أضيع دقيقة من وقتي علمود أحقق حلمي وأرفع راس أبويه لأن هوه مأيس من أخويه فَـ حاط أمله بيه أنـي ولازم أفرحه فـ هذا كلام للناس يلي تسخت وما تقرى أقرو حتى لو عندكم أمكانية تدخلون أهلية ععاديي أقرو وأدخلو كلية بتعبكم أو مو بس كلية حتى أهل الأعفاء شدو حيلكم وهيه كلها شكم سنة وتخلص ترى الوقت يمشي سرييعع أني هسه لحد الآن ممصدگه وصلت خامس وبعد بس هوه وأدخل سادس .المهم هذا تعليقي يبقى ذِكـرى منا لحد الخامس وكذلك للسادس " لا تنسوني بدعواتكم ترى أني مثل أختكم 🫂🙏🏻💓

[@أطيافحسين-ض6ت]

شلون تقدم ،انت مدرسة لاهليه حاليا

[@أطيافحسين-ض6ت]

شلون تقدم ،انت مدرسة لاهليه حاليا

[@ayoahmed7151]

7:19 كلش فخورة بيج انو راح تدرسين ؏ يوتيوب بس وهو اصلا منصة عملاقة من الاستاذة المبدعين راسليني اكلج شنو تحتاجين ملازم وكتب لان اني اتبعت هالطريق وكلش فادني ومرتاحة عكس بقية الطلبة ماعانيت ابد لان مشيت ؏ مسار صحيح

[@نورعمري-ز3ض]

شنو تنصحيني خصوصي لو يوتيوب احسن ادرس عليه ممكن تجاوبيني

[@user-gggg1800]

اريد اتواصل وياججج

[@rzm3_13]

يارب زينب اطلع معدل ٩٩،٨٦ آمين يارب العالمين ادعولي عليكم الله كلش محتاجة الدعاء 🫂

[@teeba4444]

حبيبتي أن شاء الله ماكو شي صعب ❤

[@i4i4z]

نصيحه اخوج طالب سادس وباجر متحاني احياء 😅 حاولي تقرين الجزء الثاني نوب ترجعين الجزء لاول لان كل المدارس ما راح يصير الها وقت تاخذ الجزء الثاني اما جزء لاول راح تاخذينه يومي ومتحان شهري وهم نصف سنه و حاولي تقرين روومات لاحياء لان تعبت منهن 😂 + موفقه ان شاء الله وان شاء الله نشوفج بأعلى المراتب

[@HamdaYousef-w1o]

خوش فكرة والله

[@hfhvbj-ew4]

لتسون هاي الخطوة لان حرفيا خطوة غبيه لان اصلا اساس الافصل الاخيرة هو الافصل الاولى رجاء طلاب لتسوون هيج اشياء وتتندمون نصيحة من طالبة سادس حتخلص اكو هواي وقت

[@0xllm]

@@hfhvbj-ew4طيب عيناي شوكت نلحك نقرا الافصل الاخيرة💓

[@hfhvbj-ew4]

@@0xllm لتخافين يكملون بس لتسخين ابد واقري يوم بيومة مثلا بالعطلة ضبطتي من كل مادة فصلين كلش حلو

[@نرجسسه]

حذفت قناتي و هسا ندمت جان بيها ذكريات و تعليقات اعلق بكل فيديو دراسة و بيها مشتركين و هسا ضايجة و تندمت سويت نفس الاسم و اليوزر و الصورة 😂🙂😔💔 .

[@jemaime5698]

بدايه خير ونور عليج يا رب افضل شي سويتي انو درسين على اليوتيوب والله افضل من المدارس الاهليه والخصوصي انه ما خايفه عليج لان السادس يراد الله شجاعه وصبر وأنت لاثنين عندج ما شاء لله الي عليج ثقي ب الله وبنفسج وكوني مصره على اي قرار تاخذي وب التوفيق

[@abodabod-yh3om]

تجهزاتي لسنه الثالثه بالسادس جبت ايباد 9 جديد وسجل ابو 200 اكتب كلشي وقلم رصاص وابشركم الببجي قويه بالايباد

[@كرارحيدر-ه5غ]

مو بس انتي تريدين تتحدين نفسج وتدرسين بس على اليوتيوب اني هم مثلج وان شاء الله نطلع معدل زين ومن اول دور ❤

[@au_1h]

بالتوفيق عُمري انا هم سادس دُفعة25💜.

[@hli.16]

طالبة سادس توثق يوميتها هل من دعم 😊

[@Nahla_art123]

تجهيزات لسادس❎ نيشان السادس✅

[@توت-ك8م]

اللهم اني اسألك المعدل العالي بتوفيقك وليس بجهدي فانه مستحيل علي لكنه عليك هين يارب العالمين ياارحم الراحمين

[@M3M0gg]

زينب اذا ما تطلعين معدل لازم يقضون عليج لان حرفياً كلشي متوفرلج

[@zainabalta000]

🫣💔💔💔💔💔💔

[@Noo-r3e]

طلعتلي هسه قناتج بعد كم ساعه اروح للامتحان احياء ادعو الطلاب السادس 😢 حبيت قناتج❤

[@fatm_112]

بشري جاوبتي

[@Noo-r3e]

@@fatm_112 😞 جفصت وعلي بطلت ماريد معدل مهم نجاح

[@Lololo9986]

رجعوني من اخلص امتحانات اكللكم معدلي ،وادعولي وبالنسبة لصاحبة القناة احسن شي سوته بحياتها جابت الكتب بالتوفيق

[@Ruqia.2006]

عندي احساس كلش قوي حتطلعين طب لان اكو هواي بنات فاتحين حساب ويصورون يومياتهم وفلوك الامتحانات الوزاريه وهسه هنه طب

[@zainabalta000]

الله يرزقني احساسج مع العلم اني حلمي مو طب هيج ايشي😂👍🏼.

[@llerx]

​@@zainabalta000 حبي انت علمي لو ادبي

[@استغفرالله-ن3ذ]

كاتبة بداية الفيديو تجهيزات سادس علمي ​@@llerx

[@Fatim-313-fa]

كل موفقيه يا رب ما ادري احسهم نسنس😓🤏🏻

[@سارهعلي-ق1غ5ط]

درسي على راحتج لاتضغطين على روحج لان وراج سنه كامله على دراسه فا تعب عليج وخاف اخر فتره تضلين تنسين من تعب وشدي حيلج بدوام يوم بيومه اهم شي والله يوفقج

[@سارهعلي-ق1غ5ط]

@tjc426 لا ماترتاح صدكي لان يصير عليها هواي وتتعب وهيه من بدايه تعبانه فا تنسه ومااتكدر واني اقصد هسه بلعطله ماتعب روحها مو بدوام

[@نرجسسه]

@@سارهعلي-ق1غ5ط حذفت قناتي و هسا ندمت جان بيها ذكريات و تعليقات اعلق بكل فيديو دراسة و بيها مشتركين و هسا ضايجة و تندمت سويت نفس الاسم و اليوزر و الصورة 😂🙂😔💔 .

[@نرجسسه]

@@سارهعلي-ق1غ5ط حذفت قناتي و هسا ندمت جان بيها ذكريات و تعليقات اعلق بكل فيديو دراسة و بيها مشتركين و هسا ضايجة و تندمت سويت نفس الاسم و اليوزر و الصورة 😂🙂😔💔 .

[@نرجسسه]

@@سارهعلي-ق1غ5ط حذفت قناتي و هسا ندمت جان بيها ذكريات و تعليقات اعلق بكل فيديو دراسة و بيها مشتركين و هسا ضايجة و تندمت سويت نفس الاسم و اليوزر و الصورة 😂🙂😔💔 .

[@نرجسسه]

@@سارهعلي-ق1غ5ط حذفت قناتي و هسا ندمت جان بيها ذكريات و تعليقات اعلق بكل فيديو دراسة و بيها مشتركين و هسا ضايجة و تندمت سويت نفس الاسم و اليوزر و الصورة 😂🙂😔💔 . واسيني

[@Saddsmi]

بالتوفيق دُفعة ٢٠٢٥ ❤!

[@rzm3_13]

الإنكليزي اقريه عله محمد العبيدي يجننننن

[@princess-zk1vs]

بالتوفيق عمري ومعليج من اي بشر يكلج حماس البدايات ومدري شني ويخربون واهسج اني دفعه 2024وجاي اقرى وعادي اي شي يطلعلي راضيه لان بالتالي الله ميضيع تعب عبده تذكري هاذا دائما بس يحتاج درسين وتشدين حيلج بالتوفيق عمري انتِ❤

[@Xoxo.lli90]

بتوفيق إني باقي لي أسبوعين وأكمل سادس ان شاءالله 🤍

[@زينتيسو]

يجي يوم واصير سادس واسوي هم هيج فلوكات و بعدها اسوي فلوكات جامعه بأذن الله بكليه الصيدله🫀💥

[@toth_422]

اجيت من الانستا وكلش متحمسه اشوف الفيديو لان احب فيديوهاتج 🔥✨.

[@duha-iv5fc]

ممكن تطيني حساب البيج مالت الخياطة مالتهة

[@toth_422]

@@duha-iv5fc موجود بالانستا اذا عندج الانستا مالتها.

[@Jojol_2008]

كولش حلوه قناتج حفزتني افتح قناه والحمدلله فتحت قناه لكن بعده صغيره❤

[@Non-eu]

اني راحت علي سنتين 😢 جان هسه اني سادس دفعه ٢٠٢٥ الحمدلله على كل حال نجحت للخامس وعسى ان تكرهوا شيئا وهو خير لكم

[@حياةطالبة-م1ج]

كل تأخيرة وبيها خيرة ميخالف

[@HoWra-q9l]

تصويرچ يجنننن😌🧿🧿🧿

[@nbaanbaa3119]

نصحيه من 2024 لحد يلزم معهد اقرء على يوتيوب حلوا وزاريات فقط والله خاصتن هاي عطله لا ضيع ولا يوم ولا تعتمد على شي اسمه حذوفات ولا ابد احنه اكثر دفعه انضلمت اتمنى من الله اطلع من هاي سنه ادعولي اجاوب بل امتحانات يارب يارحمن ياكريم يالله اجاوب بل امتحانات بلتوفيق دفعه 2025

[@rek-777-77]

اي ولله قاريه يوتيوب و حاله وزاريات و لا هاي الحصره 🗿💔

[@6m_bh]

لا خويه بالعكس المعهد اهم شي بالعطله لان مجبور تقره مو نفس اليوتيوب يوم تقرين ويوم لا وكلساع اعلان وكلساع شغله المعهد افضل طبعاً المعهد افضل بسبب اختيارك للمعهد المناسب والمدرسين المناسبين لكميه استيعابك المعهد افضل بسبب تقره وتراجع وياهم كل يوم بيومه عكس اليوتيوب بس تريد تخلص محاظرات بدون فهم ..

[@ZainabAli-se7bs]

ذكرى طالبه سادس 2025 بعدني مباديه ولا دارسه ان شاء الله التوفيق الي والكم 💗

[@Yoyo97-j7u]

الله تذكرت بداياتي والحماس فول اقلام ودفاتر وبندات جنت اقرا من صبح لليل وهسه دا اسوحل بروحي وخمول ومأجله 3 مواد😭😩 ياربي نخلص ع خير والله تعبنا💔💔😔😔

[@Kftujfgjkif86]

بنات احمدن ربجن وكولن ياربي حسسني بنعمدك لان اكو ناس تتحسر على هذه الاشياء.

[@louellajeter896]

كمياء حسين هاشمي مسربات حسين محمد فيزياء ادرسوا فصل اخير من كل ماده من هسه وولا سالون ليش بعدين تعرفون ولا دخلون معهد حضوري كل مواد تتبذهلون احسن شي الكتروني او حضوري كم ماده فقط اثنين مثلا او يوتيوب خير من الله امتحنوا نفسكم كلش مهم كلش

[@most-ri1hb]

صح كل فصل اخير من كل ماده حته ميصير ملل وره نص السنه وبنفس الوكت من تخلص بس تراجعه

[@louellajeter896]

@@most-ri1hb اي فصول اخيره سنه ملحكنا نقراهن ومحد كالي لو ادري هيج جان قريت شوي شوي ويا كل فصل من فصول ب بدايه ولا هل بهذله

[@ethan2536]

باع هو صح احنا انحشرنا بالفصول الأخيرة بس غلط يبدون بيها لأن اول ثلاث افضل هم الأهم ومطولات حيل ما يلحكون يقروها ، لكن الافصل الأخيرة يكدرون يقروها بعطلة الجمعة أو بعطلة نصف السنة او قبل المراجعة بفترة

[@louellajeter896]

@@ethan2536 لا مو يبدون بيها طبعا خطا بس مثلا ويا فصل اول يقرون صفحه من فصل عاشره فيزياء يحفظون كل ٣يوم مثلا كل اسبوع محاضره عضويه وحده اقراها متاثر وهم منا نص سنه هو مخلصه

[@_0zose]

​@@ethan2536صحيح انا كلولي اقري اخير افصل بس اشوفه مو منطقي اول ثلاث افصل مهمات وكلها تكول

[@lll_iii_e]

راح أعيد السادس واني بنفس حَماسي واقوى من السنة الي فاتت 🫂🩷🫶🏻

[@Ranajj574]

الله تذكرت بدايتي ويه سادس شكد دخلت بحماس وهسه صار عندي ضروف ولا متحان امتحنت دعولي لو انجح لو اعيد وياكم

[@AliAli-u4v2z]

مثلچ

[@AliAhmed-wo2df]

_فدوة ذاك ليوم اتابع نصائحج من جنتي ثالث_ _ما شاءلله هسةة صرتي سادس_ _الله يوفقج_

[@youinmymaind]

داشوف الفيديو واني دُ 24 و السادس ديقلط أنفاسه الاخيره شباب أوصيكم بشغلتين بس و استحلفكم بِـ الله الاسلاميه لا تهملوها وكل يوم اقروا ورقه أو موضوع والأدب هم كذالك و سهلوها تسهل وعلي ولا تخافون الله عليكم لا تخافون وعلي سهل هو بس يحتاج تقرون كل يوم حتى لو بس تعريف تتعودون بعد كلما تحسون بفراغ ترحون وتكمشون كتبكم وتقرون والله يسهلها عليكم ويفتحها بوجهكم إنشاءالله ❤️❤️❤️❤️❤️.

[@DuddZhhddh]

كيمياء هاشم الغرباوي رياضيات حيدر وليد. افظل ثنين عن تجربة

[@hli.16]

طالبة سادس توثق يوميتها هل من دعم

[@user-ov4ey2eb6q]

اهم شيء الدفاتر بالاخص الرياضيات بالرغم ملازم ومدرس خصوصي لكن فقط الفصل الثالث والرابع اخذن من عندي 5 دفاتر حرفيًا والسجل الخامس اكبر من راسي لذلك هاي الامور صح اتسوي واهس بس تعتبر شغلات ثانوية

[@malakahmeed740]

7:34 مراح تحتاجون دفاتر اصلاً أوراق بيض وملازم وقلم رصاص واحد كولش كافي

[@vgdtdsr]

دفعه ٢٥ دعواتكم ادخل وزاري

[@zahrazioi]

مايحتاج دفاتر اصلا افضل طريقه هي البند و تحل بيدك حتى لو بدون ترتيب لان بدايه سادس جنت بس ارتب و انضم وكلها مضيعت وقت وبدون فايده الافضل هو تحل بيدك بدون ترتيب هواي و مبالغ ! هذنيج وينهن دفاتري مكومات ولا استفاديت شي منهم

[@zahrazioi]

++دفاتر غاليه كلشش يعني الواحد يوصل ٤تالاف يعني سعر بند البند بيه فوك ٥٠٠ورقه ويضل وياك اكثر من شهرين اني من بدايه سادس لحد هسه صارفه اربع بنداتت 😅

[@دِفء]

@tjc426عفيه

[@دِفء]

@tjc426انوب يصير الخط واحد نازل وواحد صاعد

[@Bsjwkwka]

بالعكس للي يحب يكتب ويلخص بيده هواي استفاديت منهن هواي حيل😔

[@zahrazioi]

@@Bsjwkwka سوي الي يريحج 🤍🤍

[@Sara-hg2pv]

ذاك ليوم شفنه تجربتج بالثالث شبسرعه مرت لايام ،معانو انتِ من دفعتي بس اني رسبت سنه جان هسه وياكم 😢❤

[@JojoAmeer-k3j]

كوني حريصة على وقتج زيادة من توصلين ليوم الامتحان تصيرين تعدين الأيام الي تماهلتي بية

[@سادسيون-ي6ل]

اهمشي تنضمون وقتكم ❤ وأن شاء الله كلشي سهل عليكم دفعه 25 وانتو كدهه مرحله كلش قصيره وحتشوفوهه تخلص بسرعه

[@kawharabd]

شكد مابيج خلصي المنهج بالعطله الله يخليج احنه ٢٤ وقريت بس فصلين وحضي طاح تندمت وهسه ممكملين منهج لان تراكم ونروح للامتحان

[@اوركيديا-و9ر]

مو شرط حبيبيتي اني داخله معهد ويجنن المدرسين مو كل اصعابيج سوه

[@kawharabd]

@@اوركيديا-و9ر حبيبتي اني احجيلج عن تجربه سنتين سادس وصديقتي العام خلصت ثلث ارباع المنهج بلعطله وهسه صيدله وهواي صديقاتي سوو هل شي واني مداحجي ع خصوصي لان هيه مو خصوصي والتزامات يوت

[@user-vp3zu2lq2k]

لاشسالفه منهج كامل يادوب فصلين تلاث

[@kawharabd]

@@user-vp3zu2lq2k مراح تفهميني اله من تمتحنين

[@يقينالتميمي-غ3ن]

شلون تخلص منهج بعطلة 3او 4 اشهر؟؟؟

[@doctorsurgeon4664]

نصيحة ادرسو بدون تسخيت حطو كل جهدكم حتى طلعون

[@إسراء-ك4ب]

أدعولي اطلع معدل أكثر ٩٥ 🥹❤️

[@f7.k]

طلاب من تقرون وزاريات تشوفون اسئله خارج القطر ومتميزين لا تركزون بيها اخذو الفكره واعبرو لان تجي صعبه وما تجي هيجي هيج افكار النه وحتئ اذا يردون يجيبون سوال واحد ضمن ترك ❤

[@ڤانبيرسي]

7:32 اني اكتب مع محمد قاسم الرياضيات صارت دفترين ابو ٢٠٠

[@zainabalta000]

اويليييي

[@ڤانبيرسي]

@@zainabalta000 اي وبطلت اكتب بقيت عل ملزمه احسن

[@user-am1]

اختي عزيزة نصيحة من طالب خلص سادس سنة هيج امور وموبايل عدو كبير بالسادس بمعنى كلمة اذا كنتي تردين معدل اتمنى تكعدين وتخططين وتحسبين هذا شي وتشوفين تاثيرا وبالتوفيق

[@جيِني-ب6ب]

سجلت اهليه لأن احس هذا احسن شي اني اعرف بنفسي مالتزم اذا ع يوتيوب.

[@56-me8zc]

ترا حياتي اهلي هم اكثرهم ما يكملون منهج

[@Maro.20j]

احسن شغله سويتيها جبتي الكتب اقري الكتاب ياله ترجعين للملزمه لان هو مصدرج الاساسي الاسئلة تجيج من الكتاب مو من الملزمه 🌝💖✨

[@purplesky8239]

حماس البدايات🗿✨💔

[@lannyrouse9677]

التصوير يجنن والله يوفقج ابقي انشري ولتتأثرين بالي يكولج تلتهين بالعكس هذا تحفيز الج

[@Naa1992a]

بالعكس الكتب كلش مفيدة للسادس اكثر من الملزمة ويفضل الكتاب وياا ملزمة وزاريات

[@Zeinaboğlu]

سويلنا روتينج الدراسي حتى تسويلنا حافز✨.

[@فروله-ط5ر]

وياكم طالبه جانت بسادس دفعة 2022والحمدلله قريت عل اليوتيوب وجان نتيجتي حلوة والحمدلله هسه اني طالبه تمريض

[@Fatuma313]

اخخ الدنيا سريعة حيل والوگت يمشي اتذكر شفت فيديوا الج مال رحلتچ بالثالث وهسه انتي بالسادس 🥹

[@20071r]

طبعا نصيحه مني.. موسيقى ابدا لا تحطون ع فيدوهاتكم او ع تنشرون موسيقى اغاني والخ من الحرام هذا اثم عليك وعلى كل واحد يسمع وشكد سمعوا يتسجل عليك بكد الي سمعوا.. نسال الله الهدايه للجميع

[@كرستيانورونالدو-م5ش]

ما شاء الله مشتريات تفتح نفس تدرس ولله انه من ريف لازم اشتغل بل مزرعه واصرف على نفسي 😢 بس حمد لله على كل حال ان شاء الله من احقق حلمي اشتري كل بنفسي

[@zainabalta000]

كلنا هيج حبيبتي تره التصوير فقط مظاهر محد يعرف شلون تعبنا وجبنا هيج اغراض كلنا نتعب ونشتغل يله نجيب الشي الي يسوه يعني ما يجينا علحاضر🩷🩷🩷

[@Bdour3]

نفس آيبادي ونفس سماعتي ماتشي ماتشي💕🥹✨

[@اطيافراحله-ش3ك]

إن شاء الله سنه جايه احضر لسادس ❤

[@فاطمه-ض4ذ9ف]

احسن شي سويتي من جبتي الكتب لان الوزاري مراح يجيبولج من الملزمه راح يجيبون من الكتاب المنهجي واني كضيته السنه كلها ع ملازم بالمراجعه يلا فتحت الكتب وكلش متندمه الكتب احسن بهواي وحتى وقت الامتحان تتذكرين وتتولد الذاكره الصوريه وخاصه الاسلاميه بالخصوص لاتجيبين اي ملزمه فقط ع كتاب وأشري واقري ع حمود الجنائي وحاولي تخلصين اول 3 افصل بالعطله كل المواد حتى الاسلاميه لا تستهينون بيها ابد ابد ووكل التوفيق للجميع ان شاء الله ❤

[@hfhvbj-ew4]

ترا الفيزياء والكيمياء والرياضيات والعربي القواعد متنقري ع كتاب شدتحجين انتي؟!

[@فاطمه-ض4ذ9ف]

@@hfhvbj-ew4 ماجاي اكول فقط كتاب!!! مو صحيح هالحجي لازم ملزمه وزاريات لان الوزاري والاثرائي مو كله موجود بالكتاب بس افهمي الفكره داكول لازم عدها الكتب حتى يكون عدها اطلاع كامل ع مادة لان بعض الملازم مو كامله

[@hfhvbj-ew4]

@@فاطمه-ض4ذ9ف كثر الملازم والكتب حيصير تشتت وحرفيا الكتب العلمية ابد متستفاد منها ولابشوي ماعدا الاسلامية والاحياء بالكتاب

[@فاطمه-ض4ذ9ف]

@@hfhvbj-ew4 اكيد انتي بعدج هسه باديه سادس.... أو سنه اولى سادس صحح؟؟!

[@hfhvbj-ew4]

@@فاطمه-ض4ذ9ف حخلص سادس الا اربع مواد

[@ililij]

طالبه 2024 عدت علمود المُعدل يارب خليها سنه خير وتوفيق يالله 🩶

[@666_6th]

+

[@كوثر...الشيعيه]

ادعولي اني رحت للاول متوسط واريد ادخل مدرسه متميزات ادعولي انجح باختبار الذكاء والاختبار التحصيلي باقي 29 يوم على الاختبار وكلش صعب 😢

[@مريمعلي-م9ق]

انتي باعدادية النجاح

[@Aya.hossam8]

طالبه سادس حبيت افتح قناه وأوثق يومياتي وكلشي يبقى ذكرى 🫶🏻🥹

[@lariss_att]

اشتركت بقناتج مبينه حلوه مثلج🥹💞🫂

[@زهراءعقيل-ج2ي]

اتمنى يرجع حافزي مثل اول بدايه😢

[@n9ueu]

لتصدكون بأحد يگلكم السادس سهل. جذبة صدكتها من دفعة الحذوفات و بسببها تواهنت بالبداية و صار عندي تراكم لذلك ف السادس مو سهل لحكوا تضبطون أول ٣ افصل بالعطلة "تضبيط" و مراجعة مكررة بحيث بالدوام بس تراجعون لليومي و تتقدمون على المدرسة. أقل شي كل ٣ ايام راجعوا إلي درستوا حتى لو مراجعة نظرية أهم شي متراكمون المعلومات. و السادس كد ما صعب كد ما مرحلة عميقةةةة حتكتشفون بيها أشياء هواية و كأنُ داخلين مجرة جديدة. تقربوا من ربكم و شوفوا البركة و النعمة بالوقت. خليلكم مكافأة بنهاية كل يوم حتى لو انجازاتكم صفر بهاليوم و مهما كان انجازكم أبد أبد لا تتخاذلون و تضلون تجلدون بذاتكم تدرون ليش؟ لأن لما تكون مو راضي على نفسك حتحس بفشل و تحس بتقصير حتى لو كنت تدرس ساعات طويلة و بالتالي بعد فترة حتكونون بفترة فتور او فترة الـ Burnout إلي هي حتحسون تقريبًا نفس الاكتئاب و حتكونون كارهين الدراسة و ضميركم ميت و أساسًا محتقرون بيها و لتكلي لا هذا السادس و الخوف يكومني و داعتكم تسبون ابو السادس بهاي الفترة و تكرهون حياتكم و حتى الكتاب من تشوفوا تختنگون ممكن يطول اسبوعين أو شهر او يمكن أكثر لذلك خلي عدكم حيطة من هالأمور و حتى تتجنبوها لهلفترة كافئ نفسك بنهاية كل يوم حتى لو فات وقت نومك حتى لو ما أنجزت شي لتجلد ذاتك و لو و لو كلمة الـ لو للشيطان ديحرضك على نفسك بالتالي توكع بدوامة الفتور و ابحثوا عنها و شوفوا عواقبها. مريت بيها خلال السادس ٣ مرات ف اخذ نصيحة مجرب مو حكيم. همين افتخر بالاشياء الي تسويها كل يوم و و لا تثق بنفسك ثقة عميية ديربالك خلي نفسك بعين نفسك مو فد شي عظيم ما اكلك قارن روحك لو ضعف روحك لكن الثقة حتخلي عقلك عبالك أنت صدك بالمكان الي تتخليه طول الوقت بسبب ثقتك بنفسك العمية. بطل تتخيل حتطلع الاول و تتكرم و تطلع مقابلات طول الوقت اتخيل قبل لتنام لكن مو طول الوقت ترى والله عواقبها و خيمة و انتم ادرى بعد ثقوا بأنفسكم من تطلعون للامتحان هاي الثقة مريوده بهالوقت لأن حتى لو ناسي الاجوبة حتتذكرها تالي متالي. اني كنت طول عمري اشوف روحي ضعيفة و بكل امتحان اكون خايفة و محجيب بي درجة زينة و سبحان الله اقره بشكل يجنن من وره هالتفكير و خوفي ( الغير مفرط) و اجيبها للميه، لكن السنه الثقة مالتي وكلتني تبن. خلي الك اهداف أسبوعية و شهرية مو هدفك بس المعدل لأن حاليًا بعيد كلش ف حتتواهن فخلي أهداف يومية و أسبوعية و شهرية. هاي أمور تمنيت احد نصحني بيهم و ما شفت أحد ذكرهم لذلك طبقوهم حرفيًا مفاتيح السادس لو طبقتوهن. و باقي النصائح مليان اليوتيوب شوفلك مقطع واحد و خلص. و لتاخذ نصائح مصيرية مثلاً تأجل لو تعيد هاي أمور أنت تحددها مجرد نصائح عامة و خلي اهدافك بينك و بين نفسك لتشاركها لأن محتنجزها هيجي و بطل تنصح بالوادم محد محتاج نصيحتك حتى لو طلبوها أنت الخسران والله.

[@X-_-X.]

شكرا على كل حرف كتبتيه .

[@n9ueu]

@@X-_-X. يدللون علينه السوادس الجدد 🤍

[@ماڪۅۅطنماڪۅإسم56]

اشـكُرچ والله يـوفقِچ ويجبـُر بخـاطرچ.🎀🩷🩷

[@n9ueu]

@@ماڪۅۅطنماڪۅإسم56 يا حبيبي ، آمين 😞🤍🤍

[@Hary99.]

شُكرًا ألج ع النصائح الحلوه ، اني بعدني بداية السادس وصايبني فتور واجلد بنفسي رغم معفيه والحمدلله بس مدري ليش تخيلي لدرجة من اول ايام ابجي وماعرف شبيه وافكر شلون راح اخلص هالكتب كلها وشلون راح ابقى مستمره وكل شويه اتذكر تعبي بالثالث وشلون جنت مُرهقه وبعدين اشوف الطلاب السنه تأجل وتخيلي اشتركت بدورات(مدرستي فاتحين) ونصحوني المدرسين كالو علمود بالدوام متختلط عليج الامور لان نفسهم الي يدرسونه بالدورات راح يدرسونه بالسادس وهسه حيصير شهر واحس ثقتي بنفسي مدري شلونها وكل شويه اكول خاف دراسة اليوت احسن وخاف وخاف ووو لدرجة هسه من شفتج كاتبه تعليقج حشيت لازم اكتب كلشي بقلبي لان حته صديقاتي للاسف يحسوني اجذب عليهم لان ممتعودين عليه هيج ، شُكرًا ألج مره لُخ وبالتوفيق يارب يكتبلج أسعد الحظات بالمعدل الترديه 🤍🤍🤍.

[@Zahraavvvvvvvy]

الايام تركض ركض جنت اشوفج فديوهاتج من جنتي ثالث متوسط وجنتي تراجعين للاحياء وهسه صرتي سادس ما شاء الله 🥹🎀 .

[@Mar__iam9988]

مشكلة جو حار ماكدر اقرة بالطابق ثاني

[@vhuiopkkll]

حته اني عفت الغرفة ونزلت جوة

[@ban_28]

الحمد لله اليوم كملت غرفتي وباجر ارتبها اكثر واغير مفرشي واجلد الميز مالتي وارتب ملازمي لان اليوم جبتهم وبقالي فقط خمس ملازم او اربعة وكم دفتر و ورق بند واجيب قرطاسية صح هواي لان هلفترة شايلين لبيت جديد ف افتهم وضعي انو ما اكدر اشتري كلش اشياء منا لشهر تقريباً شهر ثامن بنص السابع يلا اجهز اشيائي المهم اني حالياً مستمرّة بدون هذول الاشياء يعني بدست سادس من 4/25 اول مطلعت اعفاء موكفت الدنيا بديت باشيائي مال الخامس ودفاتر ماعندي ولا ملازم بس بديت وشوي شوي اجيب اكثر العافية درجات والحمد لله 🤍🧚🏻‍♀️

[@liixt1]

باعي جمعي يوميتچ واشتري اللي تردينه واوراق البند ب5 ينطيج 500 ورقة تكفيج سنة كاملة + ممُكن نصايح للاعفاء وهل ضروري اقرأ بالعطلة لان بصراحه مالي واهس واذا قريت بالعطلة يروح حماسي من يبدي الدوام وابقى اسخت وهم عندي صعوبة بالكيمياء مُدرستنا اسألتها جدًا مُركزة ..

[@ban_28]

@@liixt1 عمري أنتِ ان شاء الله +اذا رابع ورحتي خامس لا تقرين واذا ثالث ورحتي رابع هم لا تقرين لان تنسين شقريتي بالعطلة ف احسن شي بالدوام انتبهي وحضري يوم بيومه

[@liixt1]

@@ban_28 شُكرًا عُـمريَ .

[@Zahras859]

اني جان حلمي من طفولة تصير قناة عندي وهسه حقتته بس ما عندي مشتركين😔وبس يجي ثالث اصور فلوقات ومشتريات

[@Harry_shin]

الله يوفقكم يارب ومايخليكم تعانون الي عانيناه

[@منيرهالدرب-ذ5م]

طالبه ثالث بس احب فيدوهاتج

[@عبدالقادرمؤيد-ش5غ]

اني من دفعه ٢٥ ٢٠ اسأل الله العظيم رب العرش العظيم ان يسهل علينه ويوفق الجميع ويوفقني ويسهل أمورنا وضروفنا ويفك اسرنا😢

[@allail8413]

نصيحة ادخلي اللكتروني 🤍 السادس مو مال تجربة او يوتيوب تحتاجي احد ينظملك كلشي

[@fatimaailfatoma2818]

اني الكتروني 5 مواد 😔

[@allail8413]

مثلك انا هم دخلت خمس مواد عدا الاسلامية والاحياء ، وتندمت لان ما دخلت احياء واجلتها وباقيلي فصلين مادارستهم لان ماجان عندي وقت ادرسها جنت ملتزمة ويا المدرسيين وعايفة الاحياء 😀

[@AbbasSabah-uz2sf]

والي معنده امكانيه

[@fn.7ii]

مُـتابعةة جديدةة، قناتج تجننن، بالتوفيق ان شاء الله المعدل العالي🌷.

[@مريومه_اجمل_بشر]

اخ مو ذاك اليوم جنتي رابع 😭😭؟

[@bnon__9012]

زنوو سويلنة فيديو نصائح للخامس🥹

[@MGMm1]

هسه عود صدك 24 نسوهم واني 24 وصرت 25😢

[@FatimaMaitham-gr4xj]

انيهم 24 وصرت 25

[@sdhjjZougr]

ادعولي اطلع من ثالث ❤

[@TEBA-bv3ze]

اخوي چان د،2023 واشترى ملازم للمواد بس المشكله اني اعتمد على غير مدرسين عكس مدرسين الملازم....+لهسه مابديت سادس يعني جاي اسخت والمشكله بالخامس طلعت دور ثلني رياضيات ف احس الامور معقده💔.

[@kawharabd]

لا ميفيدونج لان بيهن حذوفات حبيبتي

[@TEBA-bv3ze]

@@kawharabd فعلاً بس جاي اكتشف الملازم ويمكن البعض كاملات مثل ملزمة الادب عقيل الزبيدي + انكليزي علاء السعداوي جزئين وغيرهم....•

[@kawharabd]

@@TEBA-bv3ze أي إذا. كاملات عوفي لا تشترين تدرين اني لكل مدرس عندي ملزمه 🥲الاحيا ٣ ملازم تخيلي وها وأستاذ سالم ٣ اجزاء يعني ٦ سته بس احياء وغير هواي وهسه بلامتحانات مخبوصه خبص حرفيا لا تخلين روحج هيجي مثلي

[@فاطمهه-غ9ب]

موفقه زينبيي بهالمرحله وأن شاء الله سنه خير وبداية خير عليج وتنالين المُعدل اللي تستحقي وتكونين بالمكان اللي تستاهلي وأنتِ مُبدعه ما ماشاء الله عليج , لا تقطعين علينه هوايييي♥♥♥