Рет қаралды 309,096
لاتنسى الاشتراك بالقناة ليصلك كل شي جديد
+لايك وتعليق
تعرف بطل الزيت، أو كيلو اللحم، أو كيلو التمن، أو قطعة الأثاث، ليش اسعارها غالية هيج؟
دسمع..
من تجي البضاعة من الحدود أو الميناء بطريقها لمحافظتك، أكو ألف سيطرة لحماة اعراضنا ومليشياتنا المقدسة وعشايرنا الأصيلة وحكومة اقليمنا توكفلها بالدرب، بين محافظة ومحافظة، ومنطقة ومنطقة، متطب يا أبو التريلة إلا نكصلك وصل بكذا مبلغ..
أبو التريلة يريد يعبر، شراح يسوي؟ يدفع..
ويتحمل سعر الوصل عالبضاعة فوك سعرها الأصلي..
وهكذا، الحاجة ام الألف دينار صارت بألفين..
هذا بعلم الاقتصاد يعتبر مصيبة هائلة، لأن يسبب:
* زيادة التضخم.
* زيادة الأسعار.
* زيادة نسبة الفقر.
* وبالتالي زيادة الجريمة، ضعف العملة الوطنية، عدم كفاية الرواتب... الخ.
صولة وحدة تضرب بيها هاي الشكولات ضربة وحدة، ثاني يوم ينزل سعر كلشي للنص، والراتب اللي جان يوصلك لنص الشهر راح يصير يوصلك شهر كامل.
سمعت راعي غنم مرة يكول:
سعر كيلو اللحم ٥٠٠٠ دينار بس، لكن يوصل للناس ب١٨ بسبب هاي السيطرات.
#رسلي_المالكي