حاتجن يا ريت يا اخواننا - زكريا أحمد

[@محمدعفيفي-ث2ق4ع]

حاتجن ياريت يا اخوانا مارحتش لندن وللا باريز دي بلاد تمدين ولطافة وذوق ونضافة وحاجة تغيظ مالقيتش جدع متعافي وحافي وماشي يقشر خس ولا شحط مشمرخ افندي معاه عود خلفة ونازل مص ولا لب اسمر وسوداني وحمص وانزل يا تقزقيز ولا عركة ف نص الليل دايرة بالحيل وساحبها بوليس قدامها جدع متجرجر وشه معور قال ده عريس الخلق ما هي بتتجوز واشمعنا احنا مافيش تمييز ولا واحد بيبيع حاجة يقول بريال و تاخدها بصاغ يا اخواننا دي حتى الإبرة ناخدها بدوشة وقلب دماغ والداهية ان احنا قلاشوة ونكتة وفالحين في التأويز ولا واحدة ف وش الفجر تبرطع مالية الدنيا صوات قال ايه جوز خالة ام احمد سلفة اخوها السيد مات سبحانك ما اعظم شانك و الله الموت ده مفيد ولذيذ حاتجن يا ريت يا اخواننا مارحتش لندن وللا باريز