تجربتي مع محول السيارة والقدر الكهربائي

[@a.s.l9540Luhi]

مشكور وماقصرت مقطع وافي وكافي والتعليقات فيها الكثير من التحديث والتفاصيل والتنبيهات .👍🏽🌹

[@waleedalhammad3650]

@@a.s.l9540Luhi العفو 💐💐💐

[@Mse_ta]

الله يبارك لك بمالك وحلالك ، من تجربة سنين بالمحولات والبطاريات التمديد يكون على الاضافية وضروري تغير بطاريتك لجافة او ليثيوم وش السبب ؟ البطارية اللي عندك تنشحن بسرعه وتفضي بسرعة عشان كذا تشوف ثلاجتك تطفى بسرعة فالحل الله يسلمك جافة او ليثيوم ، برضو انتبه من تركيب السايلة داخل الموتر لو تطيح صب الاسيد واعدم الفرش عليك والديكورات . والبطارية دامها من ١١.٧ الى ١٣ امبير وعليها حمل وضعها آمن اذا شفت امبيرها تحت ١٠ ودع الساحة لازم تتغير .

[@waleedalhammad3650]

اللهم امين يتقبل ما دعيت ولك كذلك بيض الله وجهك على التوضيح والشرح الوافي من خبير ومجرب فجزاك الله كل خير

[@omartameme3519]

جزاك الله خير على هذا الموضوع. وفكرة رائعة وداخله مزاجي بس لا أخفي عليك متخوف شوي !! بسبب زيادة الاحمال الكهربائية بالسيارة وخصوصاً كل شوي نسمع بسيارة شابه بسبب قدر الضغط . والله يا سلام سلم تطبخ غداك وأنت بالخط ما يمديك توصل وإلا وهو خالص... كذلك اضافة البطارية الإضافية مكلفه + المحول والتمديدات.. جزاك الله خير.

[@waleedalhammad3650]

واياك اخي الكريم تسلم من ناحية مخاطر فيه تكاد تكون معدومة نادر جدا جدا اللي راعي خطوط كثير السفر وفي البر كثير التنقل من مكان الى مكان انا اشوف ضروري يركبه بمعنى يشتري راحته صدقت مكلفة مكلفه مع الاسف فيه جشع واضحه في يركب او يبيعها شف اسعارها برا وانت تحكم لكن الله يهديهم ليتهم يراعونا شوي لا ضرر ولا ضرار

[@fm.jw55]

شرح وافي الله يعطيك العافيه ويقويك وييسر امرك وكل عام وانت بخير ومتابعينك 🌹🌹بصراحه كانت الفكره فراسي وكنت بخليه ع الاضافيه لاكن بعد تجربتك وكلامك ع الاساسيه افضل👍

[@waleedalhammad3650]

الله يعافيك يابو مبارك هذا مهوب كلامي بس كلام واحد خبير تسلم

[@hamadalmarri2141]

جزاك الله خير . الحل الوحيد بطارية ليثيوم LifePO4 توجد عند رفيق الدرب و نوع استرالي عند برق نجد . لان بطاريات الليثيوم اكبر ميزه لها انها تعطي امبير عالي جدا وتشحن ب امبير عالي ، والمحولات تحتاج امبير عالي . وتحتاج منظم شحن مطور خاص بالليثبوم والانواع كثيره . بس نصيحه لا تشبك المحول الكهربائي على البطارية الرئسيه لانك تعرض سيارتك للخطر . وضعك للبطاريه في افضل واشبك عليها المحول عشان تتجنب الوايرات الكبيره . ميزه اخرى لبطارية الليثيوم وهي انك تقدر تستهلكها بالكامل عكس البطاريات العاديه وعمرها اطول بكثير .بس شوف نوعيه زينه لانها خطيره اذا كانت تجاريه . نتمنى لكم التوفيق والسلامه

[@waleedalhammad3650]

جزاك الله خير كفيت ووفيت حقيقة هذا اللي ناوي اسويه ان شاء الله تركيب بطارية ليثيوم ولكن هل في نوع تنصح فيه وبيض الله وجهك على النصحية

[@abdullahalmutairi3134]

الليثيوم جيده ولكن لا تتحمل الحراره مثل البطاريات العاديه

[@waleedalhammad3650]

@@abdullahalmutairi3134 مدري والله ناس تمدح مدح قوي وناس تخوفنا منها

[@سلطانالالعود]

مبارك عليكم الشهر افضل بطاريه جافه مقاس 1000امبير وفوق وابتعد عن بطاريت اليثيوم لانه قنبله موقوته عن اي شورت عالي امابالنسبه للمحول دايم يقال خلك وسط خذ مقاس 3000 مع لوح مقاس 24عدد اثنين او دينمو اضافي اما مسالة بطاريه محلول الاسيد غير كافيه الا لمحولاة من 800وتحت

[@waleedalhammad3650]

عز الله انك افدتنا دائما اقول مشاركه تجربتك مع الاخرين تفيدك فائدة مالها مثيل لو تبي هالمعلومه تتعب ماتلقها الا اللي مثلك وشروك احسنت اخوي سلطان كلامك هذا يخليني اصرف النظر عن الليثيوم

[@سلطانالالعود]

@@waleedalhammad3650 جزاك الله خير

[@waleedalhammad3650]

@@سلطانالالعود واياك

[@gmcworkshop1186]

هل فيه بطارية جافه ١٠٠٠ أمبير الموجود في السوق ٢٠٠ أمبير بالتوفيق للجميع

[@waleedalhammad3650]

@@gmcworkshop1186 ربما قصد ١٠٠ امبير ولكن كم سعر ٢٠٠ لو تكرمت

[@عبدالرحمنصالح-ض1ظ]

السلام عليكم و رحمة الله وعشر مباركه ،، عندي معلومه ممكن تنفعك و تنفع القارء إن شاءالله ،، شفت مقطع يتكلم عن نفس وضعك تقريبا وقال معلومه اشوف انها مهم قبل تفكر في البطاريه ،، وهي انك تشوف دينمو الكهرب عندك لزم يكون انبيره عالي حوالي ال160 امبير ،، الله يوفقك والمسلمين ويجزاك خير الجزاء و المسلمين

[@waleedalhammad3650]

وعليكم السلام ورحمة الله وبركاته الله يبارك فيك ونسال ان يجعلنا ممن يوفق لقيام ليلة القدر ويجعلنا كن عتقاءه من النار جزاك الله خير اخوي عبدالرحمن على هالمعلومه اكيد اب معلومه في هالموضوع تفيد الجميع بالنسبه لدينمو انت اكدت معلومتي وهي انه من الافضل تغيير الدينمو الى دينمو يمسى مجازا دينمو رياضي وهو في الغالب يطلب طلبيه ارخص يكون يعطي كهرباء اقوى من حق الوكاله

[@user-F9]

﷽ _الـســـلام عـلـيـكـم و رحـمــة الـلــهﷻ و بـركـاتـه_ ✋ اخوي عندي استفسار خارج الموضوع كيف تخلي جودة الفيديو من 144p الى 1080p كيف تخليها كلها ب٦٠ إطار في الثانيه

[@waleedalhammad3650]

وعليكم السلام ورحمة وبركاته من الإعدادت اختر الكاميرا ثم تسجيل الفديو وبعدها اختر ما تريد ياصديقي

[@zaiednaseer4240]

السلام عليكم الحمد الله كل شئ تيسر علينا وهذا من فضل ربنا علينا تسوي كبستك وانت في سيارتك

[@waleedalhammad3650]

احسنت في كل كلمه اللهم لك الحمد نسال الله ان يرزقنا حسن شكر نعمة علينا

[@ماجدالدخيلالله]

الله يعطيك العافية الكلام كيف الطبخ الكبسة فيهاحكاكه وطعم يستاهل والاهماج جعلك تسلم

[@waleedalhammad3650]

الله يعافيك اخوي ماجد صحيح يجي فيها حكاكه اما الطعم جيد ولكن اكيد مهوب مثل الكاتم العادي انما هو لضروره او الطرقي او العجل يختصر عليك الوقت وهذا رائيي ربما فيه من جرب افضل مني

[@ماجدالدخيلالله]

بيض الله وجهك وصراحة إنك مبدع ومنك نستفيد

[@waleedalhammad3650]

@@ماجدالدخيلالله وجهك ابيض يالغالي الله يجعلني عند حسن ظنك وانا أستفيد منكم ايضا

[@asadab45]

تجربة جميلة ومفيدة.

[@waleedalhammad3650]

الاجمل هو مرورك الكريم تسلم يا الغالي

[@ناصرالعازمي-ل5ن]

اخوي الله يعطيك العافيه هل هذا المحول يشغل مكيف انفيرتر اول شتغيله تسحب 1800 واط و تريح على 980 واط بمعنى اقدر اشبكه على بطارية السيارة و اخلي السياره شغاله واشغل المكيف

[@waleedalhammad3650]

الله يعافيك وياهلا ومرحبا اذا الحال مثل ما ذكرت اول تشغيله ١٨٠٠ اذا محول ٣٠٠٠ يشغله ولكن تاكد من سعة البطارية الاحتياطية عندك وان شاء الله يشتغل معك بشكل جيد والله اعلم

[@khalidsaad9272]

طيب ممكن اركب المحول على الولاعه والا لازم هالبطارية

[@waleedalhammad3650]

المحول يركب على البطارية مباشرة مع اضافة فيوز حماية

[@رفيع-خ3ي]

الحل موجود وانا مجربه في بطارية الليثيوم على قدر رفيق الدرب 8 لتر الطاقه المنخفضة المطور

[@waleedalhammad3650]

كم لك مركب الليثيوم يالغالي

[@رفيع-خ3ي]

@@waleedalhammad3650 قبل كم شهر مركبها بس متنقله مو ثابته

[@waleedalhammad3650]

@@رفيع-خ3ي ماشاءالله الله يبارك لك بتوسع في البحث عنها والله يكتب الخير

[@محمدبنعبدالله-ب4ج]

جهد تشكر عليه

[@waleedalhammad3650]

تسلم يابو عبدالله

[@مشارك-ي9ث]

مادام ١٢vومافاحت الموية فما بيكمل الطبخ… فيه ٦ لتر عند رفيق الدرب ايكو مايسحب كثير

[@waleedalhammad3650]

لا يرجال ٢٢٠

[@مشارك-ي9ث]

@@waleedalhammad3650 اقصد البطارية فلتها ١٢ مايكمل مجرد ماينزل الفلت ل١١ يرن الجهاز ويفصل

[@waleedalhammad3650]

@@مشارك-ي9ث ابشرك الامور طيبه مانزل الا اذا كانت الثلاجه مشبوكه اما غيرها فلا وعموما الحمد لله استفدت من رد اخوي سلطان ال عواد في تغيير البطارية اظنها افضل الحلول شكرا لمرورك الكريم

[@7RB-F15]

اخوي الغالي الطيب هل أستطيع شحنها فقط دون شبكها على السيارة ؟

[@waleedalhammad3650]

فيه اجهزه تشحن البطاريات على الكهرباء ولكن لا اعلم انواعها لكن ممكن ذلك

[@7RB-F15]

@@waleedalhammad3650 طيب وبطاريتك هذي ؟

[@waleedalhammad3650]

@@7RB-F15 هذي طال عمرك مشبوكه على بطارية السيارة وبينهما فاصل ( دقمه )

[@ابوعزام-ط7ز]

طيب انا بركب محول اليوم على الاساسيه هل يقلل من البطاريه اخاف تخلص علي في البر

[@waleedalhammad3650]

@@ابوعزام-ط7ز اكيد اذا بتستخدم المحول والسيارة طافيه بيسحب البطارية والافضل والسيارة شغاله وما دام انك ما تبي بطارية اضافيه خل معك في السيارة اشتراك لا قدر الله لطوارئ

[@الرفيعي_الشمراني]

خطيره حاط البطاريه ورا … المكان الصحيح لها قدام ف الكبوت

[@waleedalhammad3650]

مالها مكان في الكبوت

[@r2mad727]

لحضه انا مخي فيه شي ولا وش السالفه كيف الدينمو يشحن 14 مغيره انت او مرهم عليه ؟!

[@waleedalhammad3650]

@@r2mad727 ههههه وش دعوا انت تقصد قارئي البطارية الاحتياطية

[@r2mad727]

@@waleedalhammad3650 ايوه قارئي البطاريه كيف عطاك الدينمو 14 انا لو تطلع براسي نخلتين ما يعطيني اكثر شي 13.6 ماشاء الله تبارك الرحمن .دينمو الوكاله الي عندك؟!

[@waleedalhammad3650]

@@r2mad727 الدينمو ماله علاقة مباشره اذا قي النهار والدينو ماعليه حمل والبطارية جيده فهذا طبيعي اذا اعطاك ١١ فهذ البطارية فيها مشكله الكلام على البطارية

[@waleedalhammad3650]

@@r2mad727 من ١٣ ممتاز

[@b-ksa3033]

ممكن لاهنت تعلمني كم عرض السلك وكم البريكر او الفيوز الي مركبه .؟ لان ورشه ركبت لي سلك 35 ملم والبريكر 250 امبير !!!! رحت امس شريت بريكر 200 امبير ومابعد ركبته ... دورت اقل منه شوي ... لكن مالقيت ... وشاكر لك معلومة المحول عندي بيور 1500 واط

[@waleedalhammad3650]

ممتاز ٣٥ ملم و٢٥٠ امبير اشوفها كثير تاكد وانا اخوك انت احسبها ١٥٠٠ واط تقسيم ١٢ يساوي ١٢٥ امبير عندي السلك ٢٥ ملي والفيوز ٥٠ انا عارف انه قليل ولكن معامل الامان عالي ويمكن هذا غلط عشان كذا اقول تاكد

[@b-ksa3033]

@@waleedalhammad3650 وهذا الي انا مشككني .... تخبر المحولات مثلا 1500 واط ولكن عند التشغيل يمكن تسحب اكثر بشوي ثم ترجع وتستقر ... مثلاً: محول مكتوب عليه 1500 واط لكن تراه يعطيك اكثر ويوصل مثلاً 1800 واط بسبب قدر ضغط اول ماتشغله ... فخفت ان البريكر كل ساعه يفصل .. فهمت هذا الي فهمته من كذا فيديو شفتهم يتكلمون والله اعلم .... ... لذلك دورت 180 امبير او 160 امبير للبريكر ولاحصلت للأسف وخذت 200 امبير وبركبه بعون الله قبل لا استخدم المحول بشيء كبير مثل قدر ضغط مثلاً ..... الله يجزاك بالجنه ووالديك شاكر لك ....

[@waleedalhammad3650]

@@b-ksa3033 انا اطلبك طلب فضلا لا امرا اذا ركبت عطنا تجربتك استفيد منها ويستفيد غيري لا تنسى تراي بننتظر

[@b-ksa3033]

@@waleedalhammad3650 ابشر ماطلبت شيء لكن ... اعذرني لو تأخرت .. بحكم اني متغرب عن السعودية لأحدى الدول الخليجيه ( عمل ) وطلعاتي تكون في الرياض وحولها مع الاخوان والاصدقاء انا ركبته الان بسبب اشغل عليه بورجيكتر للأمانه وجربته على حاله الان ولله الحمد اموره ان شاء الله زينه لانه يسحب حدود 270 واط بس خليته تقريبا ساعه تجربه ..... لكن ان كتب الله وجربت عليه شيء ثقيل بلغتك ...

[@b-ksa3033]

@@waleedalhammad3650 وعلى فكره ... رفيق الدرب عنده الان عروض بشهر رمضان .... بطارية ليثيوم 72 امبير وهدية قدر ضغط 6 لتر تتحكم بسحبه للكهرباء من 600 واط الين 1200 واط تقريبا ...... وبطاريات الليثيوم نفس بطاريات السيارات الكهربائية ...

[@جرحالضروف]

انا خليت الموتر شغال والكاتم شغال واحترقت علي فحمات دينمو السيارة وغيرت دينمو وبعدة خفت ماشغل السيارة وانا في السفر ، ماستفدت من المحول والكاتم ابي بطارية احتياطية تكفي احتياجي بدون تشغيل السيارة قدر وغلاية شاهي وغلاية قهوة ولنبات فقط

[@waleedalhammad3650]

احتياجاتك هذي ضروري بطارية اضافيه وتركب عليها محول كهرباء يكفي اجهزتك لذلك انصحك تشوف متخصص كهربائي فاهم ومختص وسبق وان اشتغل فيها يمدد لك التوصيلات

[@AbdullahAlDawais]

يسلخوكم سلخ في الاسعار موجود عندنا في اليمن ب409 ريال نفس المحول 2500 واط

[@waleedalhammad3650]

الأنواع تختلف ياعبدالله وكثيرة بغض النظر عن قوة المحول احياناً تجد 2500 واط أسعار رخيصة جداً ومتوفر وغالية جدا ايضا والموضوع جودة مختلفة تحياتي

[@raadlll]

اخوي وليد اذا عندك سناب او برنامج اقدر اتواصل معك فيه احتاج الرجال المختص اللي رحت له عندي اسأله له

[@waleedalhammad3650]

ياهلا ومرحبا بك سناب waleeds346

[@waleedalhammad3650]

@@raadlll الله يحييك والله ماجاء شي جميع الرسايل سواء هنا او هناك ارد عليها لكن ارسل على الايميل وابشر [e-mail]

[@TheRiyan44]

👍👏👏👏👏👏ماشاء الله ربي يباركلك

[@waleedalhammad3650]

اللهم امين واياك 🌹🌹

[@mww231ify]

راعي كشته وتطبخ علي كهرب وين راح الحطب وشبة النار ودافور الطريق كلها كنسلتها😂😂😂

[@waleedalhammad3650]

هذا افضل اختراع مر علي لراعي البر ودك اللي اخترعه تضحي له كل سنه ههههه

[@attomreshd6221]

السلام عليكم ابي تفيدوني يا اخوان انا عندي محول الف ١٠٠٠ رفيق الدرب اصدار ٢ وابيلي قدر كاتم كهربائي يتوافق معه كم لتر ؟ ولا ابي اركب بطاريه اضافيه وفيه شخص نصحني ما احط المحول تحت المرتبه لسبب حرارته سار علي يكون امام ارجل الراكب اجلكم الله فا انا سيارتي باجيرو ٢٠١٧ كم حجم البطاريه الاساسيه تنصحوني افيدوني بارك الله فيكم انا مابي اضيف بطاريه اضافيه

[@waleedalhammad3650]

وعليكم السلام ورحمة الله وبركاته بالنسبة للكاتم او اي قطعة كهربائية تجد مسجل على الجهاز الجهد اللي يحتاج لتشغيل كم واط وانت عاد اختر ما شئت واما مكان الجهاز فأكيد كل ما كان في مكان ابرد فهو افضل ولكن انا مركبه تحت المرتبه ولله الحمد ماشي معي لكن الانواع تختلف ماادري عن رفيق الدرب البطاريات من وجهت نظري اذا ما تبي تركب بطارية اضافيه اذا ركب بطارية جافه اغلي ولكن افضل من خلال بحث بحثته عن البطاريات الجافه والله اعلم ونتتظر رأي اصحاب الخبره والتجارب

[@attomreshd6221]

@@waleedalhammad3650 بارك الله فيك

[@waleedalhammad3650]

@@attomreshd6221 وفيك اخي الفاضل

[@محمدالأسلمي-ظ8ب]

محول 2500 هل يشغل مكيف شباك

[@waleedalhammad3650]

لا اعلم ولكن سهل تعرف شف كم واط يحتاج المكيف ومنه تختار المحول المناسب

[@alyamisniper3089]

غير محولات رفيق الدرب لاتشتري

[@waleedalhammad3650]

رفيق الدرب ما ادري لكن سمعته جيده ولكن انا المحول اللي معي من خلال تجربه سنوات ما شفت منه خلاف عطه بطارية 🔋 ممتازه يعطيك آداء قوي

[@mounernour7778]

وليش كل هيدا ؟مالازم تسخن ماي بهيك طريقة

[@waleedalhammad3650]

الدنيا تجارب 💐

[@mounernour7778]

@@waleedalhammad3650 ماقصدته ان استهلاك الطاقة سيكون كبيرا جدا وسوف تستنزف بطارية السيارة التي غير مخصصة لتشغيل انفينتر معروف اخي ان بطاريات السيارة مصممة لتعطي طاقة كبيرة لفترة محدودة هي فترة تشغيل السيارة ولا يجوز تفريغها اكثر من 60 بالمية . اما بطاريات الانفينتر مختلفة ومصممة لهذا الغرض

[@waleedalhammad3650]

@@mounernour7778 الله يسعدك ويبارك فيك تسلم على التوضيح والشرح اللي فهمت منك انه الافضل يكون على البطارية الاضافيه ولكن اللي لاحظته اذا كانت السيارة شغاله الدينمو راح يولد طاقة لذلك اعتقد انه الافضل تغيير دينمو السيارة ومن خلال بحثي عن الموضوع لقيت فيه انواع ممكن تطلبها من النت يكون اكبر من دينمو الوكاله ويتحمل

[@mounernour7778]

@@waleedalhammad3650 القصة اخي أن بطارية السيارة لا تصلح للانفينتر اذا استعملتها في حمل شاق مثل تشغيل القدر الكهربائي وأيضا بطارية المخصصة للانفيرترات لا تصلح للسيارات . الصحيح أن تستعمل بطارية مخصصة للانفينتر وتشحنها بشاحن كهربائي في البيت وستستمر في العمل 3 أضعاف وقت بطارية السيارة ..الأنفينتر بالاحمال الكبيرة يدمر بطارية السيارة

[@محمدمياح-ه6س]

​@@mounernour7778‏‪4:15‬‏

[@نايف-م3و]

اخوي هات رقمك بتصل فيك استفسر منك كم شغله

[@waleedalhammad3650]

فضلا لا امرا ارسل رسالة على الايميل وابشر