Рет қаралды 5,806
སྟོད་གཞས། ལྔ་རྩག
སྟོད་གཞས་ལྔ་བརྩེག་ཟེར་བ་་ནི་གསོལ་རྒྱུན་གྱི་འཁྲུག་གཞས་ཁག་མི་འདྲ་བ་ལྔ་སྒྲིག་ནས་བཟོས་པ་ཞིག་ཡིན།
Toeshay Ngatsak, means combination of five varieties of very famous classical step dance from Central Tibet. We have a two type of classical song and dance, known as Toeshay and Nangma, this is for a education purpose, those who are interested to learn about Tibetan art form of folk and classical step dances and music.
Dancer: Tsering D. Bawa and Passang Dolma
Music courtesy: (TIPA) Tibetan Institute of Performing Arts, Dharamshala. India
Venue: Tibetan Canadian Culture Center, Tornoto
Cinematographer: Phuntsok Namgyal (Sales Representative) Royal Canadian, Toronto
སྟོད་གཞས་དང་ནང་མའི་ལོ་རྒྱུས་སྙིང་བསྡུས།
ད་ལྟ་བོད་ཀྱི་དམངས་ཁྲོད་གླུ་གཞས་ཀྱི་གྲས་སྟོད་གཞས་དང་། ནང་མའི་གཞས་ཀྱི་འབྱུང་ཁུངས་དང་། དེ་དག་དབུས་གཙང་ས་ཁུལ་དུ་དར་ཁྱབ་ཇི་ལྟར་བྱུང་བའི་སྐོར་གཙོ་བོར་བྱས་པའི་རང་གི་ངོས་འཛིན་མདོར་བསྡུས་ཙམ་ཞིག་གླེང་བར།
དང་པོ། སྟོད་གཞས་ཀྱི་འབྱུང་ཁུངས་དང་། དེ་དབུས་གཙང་གི་ཁུལ་དུ་
ཇི་ལྟར་དར་བའི་སྐོར།
སྟོད་མངའ་རིས་ས་ཁུལ་ནི་གནའ་བོའི་དུས་ནས་གླུ་གར་སོགས་རིག་རྩལ་བྱ་བ་ཅུང་དར་ཁྱབ་ཆེ་བའི་ས་ཞིག་ཡིན་པའི་ཐོག་བོད་ཀྱི་བཙན་པོའི་གདུང་རྒྱུད་﹙མངའ་རིས་ཆོས་རྒྱལ་﹚ཀྱིས་ཁུལ་དེར་མངའ་དབང་བསྒྱུར་པ་ནས་བཟུང་དུས་སྐབས་ཤིག་རིང་རིག་གནས་སྤྱི་དང་།བྱེ་བྲག་གླུ་གར་གྱི་རིག་རྩལ་བྱེད་སྒོ་དར་སྲོལ་ཆེན་པོ་བྱུང་བར་གྲགས། ཕྱིས་སྡེ་པ་གཙང་པ་མི་ཐོག་གཉིས་པ་མཐུ་སྟོབས་རྣམ་རྒྱལ་གྱི་དུས་སྐབས་ལ་སྟོད་མངའ་རིས་ཁུལ་ནས་གར་མཁན་ཁྱེད་མགུ་དོན་གྲུབ་དང་། དགའ་གཡུ་ནི། ཇོ་བཟང་སོགས་ཆེད་འབོད་ཀྱིས་གླུ་གར་འཁྲབ་གཏོང་བྱེད་དུ་བཅུག་ཅིང་། མངའ་རིས་ཁུལ་གྱི་ཁྱད་ཆོས་དང་བསྟུན་པའི་“གར་རོལ་”ཞེས་པ་སྲོལ་འགོ་གཏོད་དུ་བཅུག་པ་རེད། དེ་རྗེས་རིག་རྩལ་གླུ་གར་སོགས་ཀྱི་ཐད་ལའང་དོ་སྣང་ཆེན་པོ་གནང་མཁན་སྡེ་སྲིད་སངས་རྒྱས་རྒྱ་མཚོས་སྟོད་ཁུལ་ནས་རོལ་མོ་མཁས་པ་གུ་ཏི་དང་། རོལ་མོར་བྱང་ཆུབ་གུ་ཏིའི་བུ་བཀྲ་ཤིས་དང་། ཚེ་བརྟན་པ་སོགས་སྐོང་འགུགས་གནང་བ་ལྟར་ཁོང་རྣམ་པས་རོལ་མོའི་སྒྲ་གདངས་དང་བསྟུན་པའི་ལུས་ཀྱི་རྣམ་འགྱུར་ཉེར་གཅིག་བྱ་བ་དང་འབྲེལ་གར་རོལ་བ་གཞོན་ནུ་མང་པོ་གསོ་སྐྱོང་བྱས་ཏེ། གར་དང་། མདོ་དར་མ། སུར་སྣ། ཏམ་བུ་ར་﹙སྒྲ་སྙན་ལ་ཟེར་﹚སོགས་འབུད་རྡུང་དཀྲོལ་བའི་རོལ་མོ་གཏོང་ལུགས་མི་འདྲ་བ་མང་པོ་བསླབས། དུས་མཚུངས་བྱ་སྒོ་བློ་བཟང་དབང་ཕྱུག་དང་། ཁང་འོག་དངོས་འགྲུབ་ཅན་གྱི་ཡི་གེ་དང་། ཚིག་གི་ཕན་པ་བསྒྲུབས་ཏེ་རབ་བྱུང་བཅུ་གཉིས་པའི་ས་འབྲུག་ལོ་སྟེ་སྤྱི་ལོ་༡༦༨༨ལོར་གླུ་གར་གྱི་རྩ་ཚིག་རྣམས་གཏན་ལ་ཕབ་པར་མ་ཟད། སྒྲ་སྙན་གྱི་རྒྱུད་ཐེབས་དང་བཅས་པ་ཡང་རི་མོའི་ལམ་དུ་བཀོད། གར་དཔོན་གུ་ཏི་ཅན་གྱི་གར་ཕྲུག་མང་པོ་གསོ་སྐྱོང་དང་འབྲེལ་གར་དང་། མདོ་དར་མ། སུར་སྣ། ཏམ་བུར་སོགས་རོལ་མོ་གཏོང་ལུགས་སྦྱོང་བརྡར་བྱས་ནས། “གར་པ་”ཞེས་ཟློས་གར་ཚོགས་པ་ཆུང་ཆུང་ཞིག་བཙུགས་པ་ནས་བཟུང་དེ་སྔའི་བོད་ས་གནས་སྲིད་གཞུང་གི་མཛད་སྒོར་གྲགས་པའི་དུས་སྟོན་ཁག་ལ་གར་འཁྲབ་ཀྱི་བྱེད་སྒོ་སྤེལ་བའི་སྲོལ་ཡང་བྱུང་བར་མ་ཟད། ཚོགས་མཆོད་སེར་སྦྲེང་གི་དུས་ཆེན་སྐབས་ལ་བོད་ཟླ་གཉིས་པའི་ནང་ལྷ་ས་ཞོལ་ནས་ཁང་ཡང་སྟེང་དང་། ར་ཆེ་སོགས་ལ་མང་ཚོགས་ཀྱི་ཁྲོད་དུ་འཁྲབ་སྟོན་ཡང་བྱེད། དུས་དེ་ནས་དབུས་གཙང་ཡུལ་གྲུ་སྤྱི་དང་། ལྷག་པར་ལྷ་སའི་ཡུལ་མིའི་ཁྲོད་དུ་སྟོད་མངའ་རིས་ཁུལ་གྱི་གླུ་གཞས་ཏེ་བསྡུས་མིང་ལ། “སྟོད་གཞས”ཞེས་པ་དར་ཁྱབ་ཧ་ཅང་ཆེན་པོ་བྱུང་འདུག