Тохижилтын ажлыг эхлүүллээ.🍀🍀🌲🌲

Хан-Уул дүүргийн 2 дугаар хорооны нутаг дэвсгэрт ашиглалтын шаардлага хангахгүй Нэхмэлийн шарын байруудыг буулган шинээр барих төслийн хүрээнд баригдсан орон сууцны барилгуудын дунд газар, үл хөдлөх хөрөнгө эзэмшиж байсан “Марта Грийн” ХХК-ийн газар эзэмших эрхийг Нийслэлийн Засаг даргын захирамжаар цуцалсан.
Иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах, ногоон байгууламжийг нэмэгдүүлэх үүднээс иргэд, оршин суугчдын саналыг үндэслэн Тохижилтын ажлын төлөвлөлтийн даалгаврыг боловсруулж Нийслэлийн Ерөнхий архитектор баталсан бөгөөд даалгаврын дагуу ашиглалтын шаардлага хангахгүй нийтийн зориулалттай орон сууцны барилгыг дахин төлөвлөн барилгажуулах төсөл хэрэгжүүлэгчээр шалгарсан “Асиан сити” ХХК нийгмийн хариуцлагын хүрээнд тохижилтын ажлыг хийж гүйцэтгэхээр газар шорооны ажлыг эхлүүлээд байна.