Tom qaab kev tuag yuav moog qhov twg karaoke

Tom qaab kev tuag yuav moog qhov twg karaoke
Vaajtswv tej lug qha tseg has tas
------------------------------------------
lyric
Vaaj tswv tej lug qha tseg has tas
Yug lug ua neej nyob huv nplaj teb
Tug tswv teem tseg muaj caij yug lug
Nwg teem caij tuag peb tsiv tsi dlau
Vaaj tswv txuj lug qha tseg muaj tseeb
Vaaj tswv qha tseg rua peb has tas
Nwg teem caij cog hab teem caij hlub
Teem caij sib tuav teem caij sib khu
Vaaj tswv phau ntawv qha tseeb has tas
Nws teem caij nyav hab teem caij quaj
Caij muaj phooj ywg caij ua yeeb ncuab
Teem caij sib thaam hab caij sib ntxub
Tug Tswv txuj lug qha tseeb has tas
Nwg teem caij khaws hab caij pov tseg
Nwg teem caij ndluag hab teem caij ntxiv
Teem caij ntsag tu hab caij sib thaam
Tug Tswv txuj lug qha tseeb has tas
Muaj caij ua rog hab caij taj tug
Tej peb noob neej ib txwm pheej raug
Ib tam dlhau tam yeej yog tej qub
Lub nplaj teb yog lub nkuaj kaw neeg
Tej sub sw kwg noob neej pheej raug
Yeej yog tej qub ib txwm pheej muaj
Los peb noob neej tsi nrhav kev dlim
Noob neej ua neej nyob huv nplaj teb
Pheej raug vij sub vij sw tsi dlhau
Caag tsi muaj neeg raag xeeb kag le
Txuj kev teev dlab yog kev puam tsuaj
Thaum kaab faaj zoo qha tseeb has tas
Muaj caij quaj ntsuag caij nyob ntsag tu
Nwg teem caij tsim hab tseem caij nrhuav
Nwg teem caij nrhav hab teem caij pluj
Phau Tub laaj lim yeej qha tseeb tseeb
Nwg teem caij hlub hab caij sib ntxub
Los peb noob neej tsi paub kag le
Noob neej txhaj tau txuj kev puam tsuaj
Yog koj tsi nyeem phau vaaj lug kub
Koj kev ua neej yeej yuav tsi hloov
Txuj kev ua neej tug Tswv saib ntsoov
Tom qaab kev tuag yuav moog qhov twg
Yug lug rua huv lub nplaj teb nuav
Yuav tsum paub tas txuj kev teev dlaab
Yog tug yawm sij qheb txuj kev tuag
Peb moob lub neej txhaj sawv tsi taug
Kwv tij neej tsaa tsi has xeem twg
Txhob cais paab pawg peb txhaj vaam meej
Txuj kev ua neej Tswv ntuj saib ntsoov
Ua neej sib hlub tug Tswv yuav paab
Txuj kev teev dlaab yeej tsi vaam meej
Txuj kev yuav nruag lub nruag tug nees
Nwg tsi txuag koj tug hlub tug yau
Nwg tsi xaiv mej tug muaj tug pluag
Txuj sa peb muaj le naj nub nua
Tug Tswv tuav rawv txhua tug txuj sa
Vim yog txuj sa tsi yog peb le
Kwv tij suav dlaws hlub mej txuj sa
Yuav tsum ceev faaj kev nkauj kev nraug
Kev nkauj kev nraug tej kev lom zem
Yuav raug teem txim tom qaab kev tuag
Tej kev lom zem yog txuj kev txhum
Vaaj Tswv phau ntawv qha tseeb has tas
Noob neej lub cev yog qhov chaw rua
Tug tswv ntsuj plig lub vaaj lub tsev
Yog tsi ceev faaj yuav raug puam tsuaj.

[@paphanga9303]

Uag tsuag neb tseem ua tau zaj kaoke muab rau peb hu ghuas VT ntuj thov txhawb ngaa VT nawb