Рет қаралды 6,422
Një operacion i befasishëm për të arrestuar azilkërkuesit në të gjithë Mbretërinë e Bashkuar do të nisë që të hënën. Sipas investigimit të “The Guardian”, përgatitjet për dëbimin e tyre në Ruanda do të nisin disa javë më herët se sa pritej.
Autoritetet pritet të mbajnë refugjatët që vijnë për takime rutinë në zyrat e shërbimit të imigracionit dhe të kapin njerëz në mbarë vendin në një aksion të madh dy javor. Ata do të transferohen menjëherë në qendrat e paraburgimit, të cilat tashmë janë përgatitur dhe do të qëndrojnë aty, gati për të fluturuar drejt Ruandës, ku fluturimi i parë do të kryhet këtë verë.
“The Guardian” shkruan se nisja e operacionit përkon me zgjedhjet e këshillit vendor të së enjtes në Angli dhe mund të shërbejë si mesazh për të treguar se Rishi Sunak po godet migrimin e paligjshëm.
Sipas Zyrës së Brendshme, qeveria po hyn në fazën përfundimtare të funksionalizimit të kësaj politike historike për të trajtuar migrimin e paligjshëm dhe për të ndaluar gomonet në La Mansh.
“Në mënyrë të pashmangshme, kjo do të përfshijë ndalimin e njerëzve në përgatitje për fluturimin e parë, i cili do të niset për në Ruandë për 10 deri në 12 javë. Do të ishte e papërshtatshme të komentohej më tej mbi aktivitetin operativ”, citon “The Guardian” deklaratën e Zyrës së Brendshme.
Në fillim të javës, projektligji për dërgimin në Ruanda të klandestinëve mori dritën jeshile të parlamentit britanik. Kryeministri Rishi Sunak u shpreh se nuk do të lejojë asgjë që ta pengojë këtë nismë të ekzekutivit, me shpresën se fluturimet drejt Ruandës mund të fillojnë në muajin korrik.
“Për të arrestuar njerëzit teksa përgatitemi për t’i larguar, ne kemi rritur hapësirat e paraburgimit në 2.200. Kemi 200 punonjës të trajnuar dhe për të trajtuar shpejt dhe me vendosmëri çdo çështje ligjore, gjyqësori ka vënë në dispozicion 25 salla gjyqi dhe 150 gjyqtarë që mund të sigurojnë mbi 5000 ditë seanca”, tha ai.
Ndërkohë, Policia në Skoci është vënë në gatishmëri për shkak të rrezikut të lartë të protestave në rrugë dhe përpjekjeve të aktivistëve pro-refugjatë për të ndaluar ndalimet. Komunitetet lokale në Skoci kanë parandaluar dy herë deportimet duke organizuar protesta masive në Glasgow në maj 2021 dhe në Edinburg, në qershor 2022, ku qindra njerëz rrethuan automjetet e zbatimit të imigracionit për të parandaluar largimin e azilkërkuesve pas përplasjeve të tensionuara midis protestuesve dhe policisë.
Pamje: AFP
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: top-channel.tv/
Subscribe to "Top Channel" on KZbin Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#Operacioni#Ruanda#TopChannelNews