Top News/ Serbia fut armë në Veri/ Skenar për sulme, Sveçla paralajmëron Beogradin

Policia e Kosovës ka bërë me dije se falë bashkëpunimit me Agjencinë Kosovare të Inteligjencës kanë kryer një bastisje në rrethinën e Zveçanit dhe kanë zbuluar një arsenal armësh. Drejtori i Policisë së Kosovës, Gazmend Hoxha tha se operacioni u zhvillua pranë Urës së Hekurt dhe dyshohet se përmes armëve kishin për qëllim të sulmonin institucionet e sigurisë të Kosovës dhe të trazonin qetësinë në rajon. Policia bën me dije se janë konfiskuar 1 mijë e 588 municione, 10 armë të gjata, 6AK 47, mitralozë, 62 shok-bomba, eksplozivë të ndryshëm, dylbi, radiolidhje, pajisje shurdhuese, karikatorë, maska, jelekë antiplumb, uniforma të ushtrisë serbe dhe uniforma të Policisë së Kosovës, si dhe pajisje për dron, ndërsa është ndaluar një person si i dyshuar, ish zyrtar policie.
Lidhur me gjetjen e arsenalit të armëve ka folur edhe ministri i Punëve të Brendshme, Xhelal Sveçla. “Në çdo ditë të punës sonë po zbulojmë përmasat e krimit dhe kapacitetet e armatimit që kanë pasur grupet kriminale në veri, të cilat kanë sulmuar apo kanë planifikuar të sulmojnë zyrtarët tanë dhe institucionet tona. Është e qartë kush qëndron prapa kësaj veprimtarie si edhe pas depove të tjera të armatimit, sulmeve ndaj zyrtarëve tanë, pjesëtarëve të KFOR, gazetarëve e qytetarëve. Të njëjtit e sulmit të Banjskës, të cilët strehohen në Serbi e mbrohen dhe glorifikohen nga Aleksandër Vuçiç”, tha Sveçla. Ai shprehu vendosmërinë e institucioneve të Kosovës për të ballafaquar çdo përpjekje për cenimin e rendit kushtetues. Sipas tij, mbetjet kriminale të Milan Radojçiqit po ç’rrënjosen nga veriu.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: top-channel.tv/
Subscribe to "Top Channel" on KZbin Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#TopNews#Skenari#Serbia