Topalli: Mos blini votat në Shkodër, Meta: E pacipë, shkodranët s’shiten me oriz-Ora News

Subscribe në Ora News këtu bit.ly/1s5j7UT
Kuvendi është përfshirë në debate të ashpra mes ish-kryetares së Kuvendit Jozefina Topallit dhe kryetarit të Kuvendit Ilir Meta për blerjen e votave në Shkodër. Deputetja demokrata ka akuzuar LSI se po ble votatat në qarkun e Shkodrës. Por ka reaguar Ilir Meta duke i kërkuar Topallit se nëse ka një provë ta cojë në prokuori.
Jozefina Topalli: Do ta harrojnë ndërkombëtarët cfarë është Maqedonia me atë që do mund të ndodhë në Shqipëri. Mos bëni presion mbi votuesit, mos provoni përsëri që të blini, apo përmes kërcënimit të vendit të punës, që ju keni punësuar në qytete të ndryshme, konkretisht e kam për Shkodrën, të blini shpirtin dhe ndërgjegjien e tyre. E keni bërë njëherë, kësaj radhe nuk ju ec, aq më tepër që ata që i keni të punësuar në administratë ju keni neveri. Unë jam e sigurt që në momentin që nëse vota do jetë e fshehtë ata do tjua kthejnë riskun.
Ilir Meta: Ke folur disa herë në parlament për këtë çështje sepse ke hallin e zgjedhjeve më 21 qershor, dhe është e drejta jote. Është edhe e drejta jote të jesh e pacipë. Por mos harro që na dëgjon Shkodra, dhe Shkodra na njeh shumë mirë, edhe ty edhe mua edhe ata që janë aty. Në rast se ke fakte të tilla, ti dhe partia jote, dhe cdo qytetar ti denoncojë në Prorkurori. Por ti ke hall tjetër, se do të justifikohesh më 21 qershor për rezultatin e partisë tende dhe tja vesh fajin te tjerëve.
Ti je aq e pacipë sa të njeh Shkodra shumë mirë dhe përgjigjen do të ta japë më 21 qershor. Atë që ti quaje mafje sot e ke aleatin më të ngushtë dhe do të ta japi Shkodra përgjigjen me 21 qershor. Atë që ti quaje mafia dhe ai që të quante ty moldave, po i ke harruar ti këto…po nuk i kanë harruar njerëzit, sot jeni aleatë përgjigjen do ta marrësh më 21 qershor. Por nuk shiten shkodranët. Unë nuk flas asnjëherë, por meqe zonja më përmendi drejtpërdrejt dhe ka disa seanca që shpif këtu unë do t’ja jepja këtë përgjigje këtu, do t’ja japë edhe Shkodra. Me qetësi dhe dashur e ke më 21 qershor.
Mos shpif dhe mos merr nëpër këmbë se shkodranët nuk shiten, as me oriz, as me misër, as me xhinse dhe as me fustan, cfarë faktesh ke coi në polici. Mo ki merak se nuk tradhtohem unë nga provokimet e tua. Unë për zhelesh nuk të kap, kam respekt edhe për ty edhe për doktorin, i cili të shkojë në gjykatë të sqarojë shpifjet që ka bërë për LSI e Shkodrës.
Për më shumë klikoni në www.oranews.tv/vendi/topalli-m...

[@rtvoranews1]

Përplasja në Kuvend, Topalli: Mos blini votat në Shkodër, Meta: E pacipë, shkodranët s’shiten me oriz