Рет қаралды 180,113
Sheiku Mohammed bin Rashid Al Maktoum, është sundimtari 71 vjecar i Dubait dhe zëvendëspresident i Emirateve të Bashkuara Arabe. Në lindjen e Mesme ai është i njohur si arkitekti i transformimit të Dubait në një destinacion të rëndësishëm biznesi dhe turizmi. Në vende të tjera, është i njohur ndërkohë për lidhjet e tij me garat e kuajve, si pronar i Godolphin stables. Një nga vajzat e tij, Princesha Latifa, ka zënë faqet e para të mediave ndërkombëtare, pasi video të fshehta, të regjistruara prej saj në kushte pengmarrjeje, janë siguruar dhe publikuar nga BBC. Latifa i bëri ato video ndërsa me urdhër të të atit mbahej në Dubai, e mbyllur në një vilë. Por së fundmi, ai është në qendër të vëmendjes edhe për divorcin e tij, por për këtë do të flasim pak më vonë...
Sheiku Mohammed, ka lindur në 1949 në shtëpinë e familjes së tij në Shindagha, afër Dubai Creek. Ai ishte i treti nga katër djemtë e Sheikut Rashid al Maktoum, që sundoi dubain për 32 vite, nga 1958.
Pasi përfundoi shkollën e mesme, në 1965, Sheiku Mohammed u zhvendos në Britaninë e madhe për të studiuar anglisht në një shkollë gjuhe në Kembrixh. Sheiku i ri ndoqi një kurs trajnimi gjashtë mujor edhe në shkollën ushtarake në Aldershot, Hampshire. Në 1968, pas kthimit të tij në Dubai, sheiku Mohammed shoqëroi të atin në takimin me sundimtarin e atëhershëm të Abu Dhabit, sheikun Zayed al Nahyan, ku u ra dakord për një union që do të conte në ngritjen e federatës së emirateve.
Pasi Emiratet e Bashkuara Arabe, morën pavarësinë nga Britania e Madhe, në 1971, Sheiku Mohammed u zgjodh ministër mbrojtjeje, një pozicion që ai e mban ende.
Sheiku Mohammed u përfshi shumë madje edhe në planin e të atit për të kompensuar rezervat në shterim të naftës në Dubai përmes diversifikimit të ekonomisë dhe shndërrimin në një qendër të madhe ndërkombëtare të tregtisë dhe financës, por edhe në një destinacion turistik.
Sot, më shumë se 95 për qind e produktit të brendshëm bruto të emirateve, nuk është i bazuar tek nafta me turizmin që kontribuon në masën 20 për qind.
Popullata e Dubait po ashtu është rritur nga rreth 40 mijë në vitet 1960 në 3.3 milionë banorë, përfshirë thuajse 3.1 milionë banorë jo nga emiratet, shumë prej të cilëve jetojnë në qindra qiellgërvishtëset që mbushin horizontin e qytetit.
Në 1990, sheiku Rashid, u nda nga jeta pas një sëmundjeje të gjatë që kulmoi me një infarkt. Ai u pasua nga vëllai më i madh i Mohammedit, Maktoum.
Pesë vite më vonë, sheiku Maktoum zgjodhi Mohammedin, princ të kurorës së Dubait. Ai po ashtu ia transferoi atij shumë prej detyrave të përditshme të menaxhimit të emirateve.
Sheiku Mohammed u bë sundimtar i Dubait dhe zëvendëspresident e kryeministër i emirateve të bashkuara arabe në 2006-ën, pasi vëllai i tij u nda nga jeta në moshën 62 vjecare gjatë një vizite në Australi.
Nën lidershipin e tij, zhvillimi i Dubait vazhdoi me ritme marramendëse.
Në 2008-ën, emiratet prezantuan ndërtesën më të lartë në botë, Burj Khalifa: Dubai Mall, asokohe qendra më e madhe tregtare në botë dhe Metronë e Dubait.
Projekte të tilla ambicioze, sidoqoftë, u realizuan me marrjen hua të miliarda dollarëve.
Kriza globale financiare bëri që tregu i pronave të paluajtshme në Dubai të tronditej dhe në 2009 kompanitë e lidhura me shtetin thuajse falimentuan për shkak të borxheve të tyre. Abu Dhabi sidoqoftë ndërhyri duke i dhënë hua qeverisë së dubait paratë për të cilat kishte nevojë të dëshpëruar.
Bumi i ndërtimeve në Dubai, po ashtu u mbështet edhe tek puna e paguar pak e punëtorëve të huaj të ndërtimit, shumë prej të cilëve ankoheshin për shfrytëzim dhe vuajtje.
Por Sheiku Mohammed, u bë i famshëm edhe për përfshirjen e tij në garat me kuaj dhe ka meritat për transformimin e tyre në një industri globale.
Ata janë vizionarë, jane guximtarë, kthejnë në ar çdo gjë që prekin.
Shpesh ëndërrimtarë e këmbëngulës...
Ndonjëherë të përkëdhelur nga fati, ndonjeherë të ngritur nga hiçi...
Janë ata që kanë ngritur perandori miliarda dollarëshe, ata që kryesojnë klasifikimet e më të pasurve të globit...
Janë ata qe nuk dinë tv ndalen e kërkojnë akoma më shumë…
Njihuni me më TE PASURIT e planetit!
Rubrika më e re në Top News
Çdo të Shtunë, Ora 17:15
Autore: Ardita Beçolli.
Për më shumë vizitoni: top-channel.tv/
Subscribe to "Top Channel" on KZbin Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#TePasurit#TopChannel