Toupan a Phal ~ Lianlunching [Official]

#PaiteGospelSong#
TOUPAN A PHAL
Asa: Nu Lianlunching
Lyric & Backup Vocal : Nu Ching Mangte
Hunkhat lai mihing hinkhua ka ngaihtuah nilouh mok hi. Mihing ten hunnuam leh kipahhuai te sang a dah hun, nat leh sihna hunte in Pathian ompihna ki poimoh zaw a, himahleh huai hunte ah Pathian mel liah thei tam biik a hihdan ka phok suah hi.
Hinna sum a leitheih hileh lei geih zoudia gintak khenkhat te leh daikilkal a thil haksa tak tuakte khong ka suang tuah a, Toupan Amah a mangngilh ziak ua a tuahsak a diam? Ahihleh mi zawng leh neilou ten Toupa a phok gige tuan ua hia leh? Chi'n ka ki dong a, ka dawnna chu a hikei, himahleh i poimoh pen Toupa zaw mi teng in i naih zou gige kei a, i mangngilh mun mahmah uh, himahleh Aman hon mangngilh lou in hiai haksa leh dah hun te a Amah naihsem a i om hon deih ziak a a thil tup ie haksatna tungtawn a Amah i naih na dia hon phalsak hunnuam hun haksa tuak i hih dan, i tuah ding hon phal Pa bel le hon zohpih lai ding a hihdan ka mu hi.
Jeremia 12:5 a kigelh in hon hanthon a, hinkhua hon kivel sak tu, hon phonghalh tu leh mailam en a hon paisak tu Laisiangthou a hih bang in, haksa i sak hunte, i ihmut moh hunte, noplaini gel a naupang bang i kah hunte'n Toupa i kiang a om ahi chih thei in, ei kia tuah hilou, miteng tuah dia Toupan a Phal ei tung a tung ahi chih thei in, huaite a ki bahsak lou a Jordan gam gammang lauhuai, sakeibaknei leh gamsa lauhuai tuallenna bang a beidot huai hinkhua i tot lai in, i makaitu Toupa khekhap zui a lam pialsan lou din laa ngai khe te hon vualzawl hen.
@chingmangte
31102021
==============================================
Toupan a Phal
1. Simlei ah selung zuang ngeilou om diam?
Nunlui hinkhua gel kik ngeilou om diam?
Zalna laikhun a naubang kap ngeilou om diam?
Albang dah ngeilou om diam chi'n gel ing!
2. Simmoh nuaisiah na thuak ngeilou om diam?
Itna kiching a bualden mi om diam?
Pampaih a om ngeilou angtang den mi om diam?
Siatna tung a nuam a nui den om diam?
1st Chorus
Toupan i thuak ding a phal hi
Amah naih sem na vanzat din haksa i tuah phal hi
Hun nuam hun haksa ah
Toupa'n hon ompih
I thuak bangbang hon zohpih lai ding hi
2nd Chorus
Lungkim tak in Toupa en in
Simlei a piang teng teng haksa thuak lou khat zong omlou
Mi hau mi nuamsa leh tagah liangvai te
Makhiang sak ding hehpihtu Toupa hi
3. Lametna koi ah nga na hiam Unau?
Na lungtup simsing bang agil na hiam?
Jordan gammang bang lampi mial na tot lai in
Bah in na puk ta hiam Toupa zong in!
4. Mihing gam ah ka lametna Toupa
Na hoihna nisim hunteng in thakzel
Haksa zong nang ka hatna thagui hon bel ning
Tua chiang nang hatna toh khovel zou ning