عتق رقبه/ للفنان :يحيى علي السرحاني ( بدون إيقاع)

أرجوا المساهمه في نشر الفيديو ليصل لأكبر عدد ممكن لعل الله يسخر له اهل القلوب الرحميه لعتق رقبة اليتيم لتقر عين أمه🙏🏻💙
-يالله يامعبود ياخالق الكون
يامن خلق خلقه ويرحم عبيده
-تلطف بعبد من ورى الباب مسجون
ماله رفيق الا همومه وقيده
-السيف ينتظره والاخصام يبغون
حكم القصاص اللي بشرع وعقيده
-والاّ اربعين اتْعَدّ مليون مليون
ويوقّع القاضي على العتق سيده
-ياروس بلحارث وياكلّ دندون
من القبايل محتمين الشريده
-تكفون ياهل الخير تكفون تكفون
لاتتركون امّ اليتامى وحيده
-الامّ تنخاكم والاطفال ينخون
اللي يجود ويفعل الخير بيده
-لاشاهدوا طارق ورى الشبك يبكون
والقيد في رجله ودونه حديده
-غير التجدّي والبكا وش يسوون
وامّه بخافقها اللهايب وقيده
-واليا عطاه الله ممّا بتعطون
يكتب على ايديكم حياة جديده
-مالي سواكم بعد ربّي تجودون
ويتمّ عتق الوالده والوليده
-المال يفنا لكن الخير مضمون
للّي لوجه الله عطا من رصيده
-تكفون يالاجواد بالعتق تسعون
وعتق الرقاب اللي نتايجه اكيده
-ياعلّ بامر الله من النّار تنجون
لاجا الحساب اللّي بساعه شديده
-وبجنّة الفردوس الاعلى تفوزون
ذيك الحياه الخالده والسّعيده
-تكفون ياهل الخير تكفون تكفون
لاتتركون امّ اليتامى وحيده