تقييم فندق جرافيتي سهل حشيش / Gravity hotel Sahl Hasheesh review

[@mhmadhady6154]

ممكن نعرف ال case بتاعت حضرتك بالتفصيل عشان انا شايف ان الفندق مش وحش للدرجه

[@ahmedkhattab8928]

الحمد لله ان حضرتك انبسط في الفندق المرة الجاية هعرف حضرتك ال case

[@mhmadhady6154]

@@ahmedkhattab8928 علي فكره هو المطعم اقل من المتوسط واللوبي صغير فعلا وفيه عيوب تانيه فعلا بس هو تقييمه كده قصدي انه بالنسبه لسعره مش وحش مع وجود العيوب دي وفيه فرق سعري بينه وبين تروبيتال اكيد تروبيتال اعلي

[@ahmedkhattab8928]

أنا لما كنت حاجة كان اغلي من تروبيتيل ولغاية دلوقت هو اغلي من تروبيتيل انت متخيل أنا السنة ديه كمان حجزت تروبيتيل وهعمل ريفيو من هناك 👌

[@mariamyoussef7765]

ايه احسن فندق فالغردقه او سهل حشيش اقدر اعمل فيه كل ال water activties وخدمته كويسه و علي شاطئ كويس وسعره فالمتوسط

[@ahmedkhattab8928]

بريمير لا ريف و بارون

[@ghadamahmoud539]

انا جربت تروبيتال سهل حشيش ممتاز

[@ahmedmandor9588]

فندق جانجل اكوا بارك ايه رأيك فيه

[@ahmedkhattab8928]

متوسط المستوي

[@hanybozeed6202]

جانجل مستواه متوسط ازاى وهو تبع مجموعة الباتروس اللى حضرتك بتوصي بالحجز فيها

[@ahmedkhattab8928]

أنا بوصي تحجز في مجموعة الباتروس لأنها أفضل مجموعة موجودة بس مش معناه إن كل الأوتيلات توب يعني المتوسط هنا أفضل من الجيد برا

[@mohamedaod2983]

ممكن ترشحلي فندق في الغردقة يكون في اكو بارك اطفال والاكل يكون كويس

[@ahmedkhattab8928]

الباتروس اكوا بارك.. ديما ركز علي مجموعة الباتروس او صن رايز

[@mohamedaod2983]

@@ahmedkhattab8928 افضل يعني من هاواي سيزر بلاس

[@ahmedkhattab8928]

هاواي بلاش منه خالص

[@مهندوايمي]

مشكله الباتروس صف تانى

[@omsama416]

@@mohamedaod2983 مجموعة هواوى كلها الاكل سئ جداا والخدمه

[@القرانحياتي-ه4ت]

طب لو هروح شرم الشيخ انزل ف فندق اي يكون هادي وصف رملي علي البحر

[@ahmedkhattab8928]

مجموعة الباتروس كويسة جدا... صن رايز مونتيماري... صن رايز اربيان بيتش...كورلل سي واتر ورلد أو هوليداي

[@mikesobhy1611]

سؤال. ما هي الفنادق ذات سياسه طفلين تحت 12 سنه فري . وما هو أفضلهم من حيث الطعام والاكوا اطفال

[@ahmedkhattab8928]

تقريبا معظم الفنادق سياستها الطفل الأول من ٦ ل ١٢ سنة مجانا والطفل التاني من يوم ل ٦ سنين مجانا... حسب انت محتاج ايه بالظبط

[@KareemMohamed-kf3wf]

ايه رايك بهاواي سيزار

[@ahmedkhattab8928]

شوف مستر كريم أنا بالنسبة ليا مجموعة هاواي كلها فاشلة جدا.. هو صاحب المجموعة في الاساس مقاول وبيعمل الفنادق ديه الشكل حلو المضمون ضايع فنصيحة أخ أبعد عن مجموعة هاواي

[@KareemMohamed-kf3wf]

الله ينور عليك بصرحه كنت بختبرك انا من راس غارب جنب الغردقه ونزلت هاواي سيزار زباله اكل تعبان تفرقه بين المصريين والعرب

[@KareemMohamed-kf3wf]

ممكن فندق ٥نجوم ترشحهولي

[@ahmedkhattab8928]

شكرا مستر كريم شهادة اعتز بيها..... واختبارك مردود 😅

[@ahmedkhattab8928]

خليك في مجموعة الباتروس او صن رايز الي في اتجاه سهل حشيش متنزلش الفنادق الي في الغردقة

[@nogaelbahat5818]

ممكن رايك في لونج بيتش

[@ahmedkhattab8928]

فندق كويس جدا.. الاكل فيه كل يوم متنوع النظافة كويسة جدا فريق الانميشن كويس جدا وانشطته كتير الخدمة فيه والاستف محترم جدا و خدومين انصحك بالفندق جدا

[@nogaelbahat5818]

شكرا جدا طب لونج بيتش ولا ديزرت روز

[@ahmedkhattab8928]

هو ديزرت روز كويس برده بس من رأي لونج بيتش

[@nogaelbahat5818]

شكرا جدا

[@ahmedkhattab8928]

العفو.. اجازة سعيدة

[@ahmedmandor9588]

لوسمحت هو ايه الفندق الأحسن جرافيتي سهل الحشيش ولا ديزرت روز ريزورت

[@ahmedkhattab8928]

ديزرت روز بدون نقاش... والأفضل شوف مجموعة الباتروس أفضل من الاتنين

[@ahmedmandor9588]

طب ايه رايك في فندق ديزرت روز

[@ahmedkhattab8928]

فندق كويس جدا بس في المبني ٥٠٠٠ بلاش تاخد غرف فيه

[@ghadamahmoud539]

تروبيتال

[@ahmedkhattab8928]

عالمي... نزلت فيه حاجة كده جامدة جدا

[@رشااحمد-خ2ع]

طب رأى حضرتك فى فندق السندباد

[@ahmedkhattab8928]

فندق كويس بس الاكل بتاعه مش كويس والخدمة في ناس كتير بتشتكي منها في فنادق أفضل رأي الشخصي حاولي تحجزي حاحة تبع مجموعة الباتروس

[@nonamohamed6672]

الاكسترا بيد بفلوس زيادة ولا فرى من فضلك

[@monakhattab2888]

بنستفاد منك كتير في تقيمات الفنادق 👌🏻

[@ahmedkhattab8928]

شكرا يا فندم ❤️

[@yousseframy3959]

لوسمحت انا كنت عايز اعرف ايه احسن فندق في الغردقة في نفس مستوي ريكسوس سيجات

[@ahmedkhattab8928]

بريمير لا ريف و بارون جامدين جدا

[@jo-kr9il]

طيب رايك فندق استيلا دى مارى جاردن ولا فندق رويال لاجونز

[@mekymohamed2242]

كم مطعم في الفندق

[@ahmedkhattab8928]

واحد الرئيسي و ٢ سيت مينيو

[@mekymohamed2242]

@@ahmedkhattab8928 تسلم كلك زوق غالبا هيبقي صان رايز مكادي باذن الل

[@ahmedkhattab8928]

@@mekymohamed2242 أحسن كتير إن شاء الله استمتع اجازة سعيدة

[@mariannaroz188]

ايهما افضل بريما لايف مكادى ام جرافيتي سهل حشيش

[@ahmedkhattab8928]

صن رايز مكادي فندق كويس جدا

[@ahmedkhattab8928]

بس لو عايز مقارنة بين بريما لايف و جرافيتى فبريما لا يف احسن من حيث الاكل والنظافة جرافيتي فندق جديد بس الاما والنظافة مش موجودين

[@Eslam-b1t]

حمد الله علي السلامه واحشتنا

[@ahmedkhattab8928]

حبيبي يا صديقي ❤️

[@monoashroof1250]

ممكن اسأل حضرتك ازاي عامل هاشتاج باسم الفندق تحت العنوان؟

[@ahmedkhattab8928]

أكيد... عادي # جرافيتي

[@monoashroof1250]

@@ahmedkhattab8928 شكرا لحضرتك اتمني تقولنا رأيك في الفيديو بتاعنا

[@ahmedkhattab8928]

أكيد طبعا

[@umitkaptan8470]

Super

[@yasoyaso5760]

لو سمحت جرافتي ولا بيراميز سهل حشيش ممكن رأيك ضروري عشان عايزه احجز ومحتاره

[@ahmedkhattab8928]

آلأتنين مش كويسين لو في إمكانية تروبيتيل

[@yasoyaso5760]

شكراً جدآ

[@M.bn-khattab]

احسن فنادق ترشحها لينا ف سهل حشيش ايه

[@ahmedkhattab8928]

بارون بالم سهل حشيش و تروبيتيل سهل حشيش

[@ahmedkhattab8928]

و بريمير لا ريف طبعا

[@emadgomaa5370]

@@ahmedkhattab8928 بارون طبعا مفيش كلام ولكن تروبيتال واخد تقييم عالي مش عارف ازاي وخاصه الاكل فيه ضايع

[@ahmedkhattab8928]

الحقيقة أنا كنت في تروبيتيل فندق كويس جدا جدا

[@dinadanana3195]

اوبروي سهل حشيش طبعا بدون نقاش

[@ابراهيمشعبان-ح3و]

يعني مستوى النضافه فيه ايه

[@ahmedkhattab8928]

سئ جدا

[@ahmedkhattab8928]

الفيديو مصور عكس كده إنت شايف كده... هو حضرتك مالك يعني بتدافع قوي عن الفندق يمكن عشان إنت شغال هناك مثلا ولا ممكن يكون ليك مصلحة 😉

[@engysamer1823]

يعني جرافيتي سهل حشيش ولا سيجال الغردقه

[@ahmedkhattab8928]

لا جرافيتى

[@engysamer1823]

@@ahmedkhattab8928 شكرا لحضرتك طيب ايه رأي حضرتك في swiss inn Resort الغردقه

[@ahmedkhattab8928]

العفو يا فندم... فندق سويس ان تحت المتوسط الحقيقة... أنا بالنسبة ليا اي حد بيسألني برشحله مجموعة الباتروس او صن رايز أو جاز

[@Mariemkhairy]

انا لسه هحجز وهروح بعد ٢٠ يوم لاني برا مصر هو الكلام دا من ١٠ شهور ممكن يكون اتحسن دلوقتي، وغير كدا في تقييمات في فيديوهات كتييره حلوه وناس راحو وبيقولو جميل بس انا خوفت من الفيديو والكومنتات ف لو حضرتك مثلا روحت من قريب أو تعرف حد راح يقول رايه؟

[@ahmedkhattab8928]

أنا الصراحة مرحتش من قريب بس أنا رايح إن شاء الله تآني في شهر ٧ بس مش عليه رايح للفندق إلي جمبه تروبيتال سهل حشيش ممكن طبعا يكون الفندق أتغير أنا مقدرش احكم علي حاجة انا مرحتهاش الافضل إن حضرتك تشوفي ال تقييمات علي TripAdvisor أنا كمان عايش برا مصر فعارف قصد حضرتك إيه لو عايزة نصيحتي انزلي في تروبيتال أنا تآني مرة انزل فيه وتقييماته ديما عالية

[@Mariemkhairy]

@@ahmedkhattab8928 شكرا جدا لحضرتك بس هو تروبيتال في اكوا بارك

[@ahmedkhattab8928]

الاكوا بارك إلي فيه صغيرة

[@agubcfyh255]

كام حمام سباحه في فندق من فضلك

[@ahmedkhattab8928]

٦ حمامات سباحة في الفندق كله

[@marwandawood7451]

تروبيتال سهل حشيش حلو ولا لا؟

[@ahmedkhattab8928]

فندق جامد جدا توكل علي الله

[@ميرويوسف-ر1خ]

فندوق جرافيتي سمرا باي أكوا بارك اؤ ريك في

[@ahmedkhattab8928]

فندق محترم خدمة و نظافة واكل....

[@tamerromman1996]

ريفيو فندق جرافيتى سهل حشيش تاريخ التسجيل 7/8وتاريخ الخروج 11/8 غرفه رقم 1117. ـ كان الموظفون في الاستقبال غير ودودين على الإطلاق. كان تسجيل الوصول فظيعًا. كان المكان مزدحمًا للغاية ، حيث كان هناك موظفان فقط للتعامل مع أكثر من 70 شخصًا أرادوا تسجيل الوصول. الموظفان ، أحدهما يدعى أحمد ، والاخر اسلام حيث يتم التعامل ببطء شديد وعدم مراعاة لظروف النزلاء وان معهم أطفال يحتاجون الراحه و لم يكن أحد يبتسم لنا . ُـ مطعم مزدحم للغاية .. لا توجد مساحة كافية لتناول الطعام للجميع ولابد انك تقف في طابور طويل للاكل كل مره في الفطار والغداء والعشاء. يمكن أن يكون الطعام أفضل بكثير من حيث الطعم والتنوع وفي الجودة . ـ كان الحمام كارثيًا بالكامل (كانت خزانة الدش متعفنة وقذرة وتسرب المياه من جميع الزوايا وكانت أرضية الحمام رطبة بشدة بعد كل دش واكثر من مره الاطفال بتقع في الحمام بسبب المياه في أرضية الحمام. كانت مروحة التهوية تصدر صوتًا غريبًا كما لو كانت مكسورة. ـ ذهبت للعشاء في المطعم العربي وفوجئت بتفرقه في التعامل ـ تم تقديم الأكل بارد ـ عدم اهتمام ـ عند طلب ارز للاولاد انتظرت ١٠ دقائق ـ عندما اشتكيت قابلنى الاستاذ احمد الشافعي بمنتهى اللاموبالاه ـ وعندما طلبت المدير في الاستقبال جائنى الاستاذ علاء مدير الاستقبال ولم يبدى اى اهتمام لشكوتى . الضيافة1/10 جودة الغذاء 3/10 تنظيف الغرفه 3/10 فريق الرسوم المتحركة 5/10 التدبير المنزلي 1/10 معاملة الموظفين مع الضيف 1/10 الموقع 9/10 فندق أكوا بارك 8/10 حمامات سباحة فندقية 6/10 الكيدز كلاب ليس مجانى. الصالة الرياضية ليست مجانية. العيادة ليست مجانية. إنه من الوهم أن يصنف فندق 5 نجوم مع هذا النوع من الطعام والموظفين

[@ahmedkhattab8928]

شكرا علي الريفيو 👌

[@tamerromman1996]

لا دا كلام حصل بالفعل يا استاذ احمد

[@ahmedkhattab8928]

أنا عارف اصل في ناس دخلت في الكومنتات تشتمني وتقول اني قابض استني بقي ريفيو تروبيتيل سهل حشيش أن شاء الله يوم الأحد هينزل

[@mrorabi1594]

حقيقى كلام حضرتك للاسف تجربة سيئة للغايه

[@emanhamdi4648]

حضرتك رحت في عيد او اجازة معينة ؟؟

[@ahmedkhattab8928]

حضرتك أنا كنت في اجازة عادية مش في العيد ولا في زروة الموسم يعني

[@yassereldaba2498]

رأي حضرتك في فندق علي بابا هو افضل ولا ديزرت روز

[@ahmedkhattab8928]

فندق ديزرت روز أحسن من الاكل والخدمة و النظافة ومحافظ علي مستواه

[@عمرانيوسف-ي2س]

احنا كنا من اسبوعين هناك والله فندق جميل جدا والنضافه والله كانو زي النحل في المطعم بس فعلا مفيش تنوع كتير في نوع الاكل بالنسبه الفراخ واللحمه بس علي الاقل كان الاكل نضيف وطعمه كويس والجرسونات كانت تجي تسالنا لو محتاجين ميه او عصير والله كانو ذوق جدا واداره الفندق اتصلت بينا وعرفو من اوارق الحجز عيد ميلاد بنتي كان تالت يوم لينا هناك واتصلوا بينا وعملو ليها حفله صغنونه كده ليها واتبسطت جدا مش عارفه اقول ايه تاني بس بجد تجربه ان شاء الله تكرر تاني في الفندق ده بس معلومه للامانه كلام صاحب الفديو عن السرير الذياده فعلا كان بيزيق والكنبه السرير ده فعلا اخرها للاطفال مش لشخص بالغ والميه الشامبو والحاجات دي كل يوم كانت بتجي لينا الاوضه بدون طلب كل التقدير لكل العاملين بالفندق

[@ahmedkhattab8928]

يبقي أنا حظي كان وحش 😔

[@sabryserour5602]

حضرتك شخصية محترمة يا استاذ احمد ربنا يعزك يارب بنستفاد منك يا غالي المفروض الموظف اللي في الريسبشن دة يحترم الجيست عشان الناس دافعين مش داخلين الفندق ببلاش احترمك علي هذا الفيديو لأن عشان تعرف الناس بخدمات فندق جرافيتي

[@ahmedkhattab8928]

شكرا لحضرتك استاذ صبري وهو ده المهم إن الناس تستفاد

[@bomboshkhattab5971]

الله ينور

[@ahmedkhattab8928]

حبيبي يا فوكس ❤️

[@nisreenhassan_8520]

للاسف اسوء فندق رحته اول مرة واخر مرة وكنا دافعين كتير مش مع شركة ،مشينا تاني يوم على طول ،بالرغم من ممكن يكون احسن من اول التسكين المتأخر و الاولاد ملحقوش الاكوا والتسكين السيء والموظفين السيئين مش كلهم، مفيش اي مهنيه ولا يعرفو يعني ايه إدارة فندق، والتصليحات الكتير فيه وسكننونا في اوضة قدامها عمال شغالين؟؟ والاكل السيء وحاجات كتير سيءة كتيييير مفيش حاجة عدلة غير الاوضة شكلا فقط

[@ahmedkhattab8928]

كلام حضرتك مظبوط جدا واضيف عليه المطعم الي مدخلتش زيه في حياتي

[@nisreenhassan_8520]

@@ahmedkhattab8928 اكلت سلطة كوسة وللاسف طلعت حمضانة تعبت بعدها قعدت اسبوع اتعالج

[@ahmedkhattab8928]

في واحد في الكومنتات بيقول إني وأخد فلوس عشان أقول كده

[@neveenmakram9094]

حضرتك مقولتش رايك فى الاكوا بارك احب اعرفه بعد اذنك

[@ahmedkhattab8928]

انا قلته ومصوره في الفيديو بس في الاخر هتلاقيه بس هقولوا لحضرتك هنا نفيش مشكلة الاكوا بارك مش كبيرة يعني نقدر نقول كويسة هيا حوالي 10 لعبات

[@fareekhaled]

حضرتك الفندق جميل جدااااا و مستوي النظافه في المطعم كويس جدا و كل الناس هناك شغاله زي النحل حرام تظلم حد وخصوصا عمال النظافه في المطعم شغالين شغل من نار

[@ahmedkhattab8928]

ماشي يا فندم أنا مظلمتش حد أنا ديه كانت تجربتي عن الفندق

[@mrorabi1594]

للاسف فندق لايرتقى بأن يكون 5 نجوم تعامل الموظفين سيء للغايه تقريبا محدش بيبتسم فى وشك بعيدا عن مدير المطعم وانا امر امامه سمعته بيقول لفظ سىء لاحد لاصطف بيقوله اش*خرله بصوت عالى وكأنه لا يهتم سماع اللفظ للضيوف بعيدا عن نظافة الاوض سيئه للغايه داخلنا الفندق واحنا حاجزين 10 غرف ب 150 الف تقريبا وكان فى اوض الفيو بتاعها صحراا وتعامل زى الزفت دخلنا الفندق الساعة 12 اتسكنا الساعة 5 بعد خناقات واسلوب زى الزفت حتى من بولمان اما بالنسبة اللاكل لم يكن هناك تنوع خالص يعنى انا روحت البارون إللى جمبه احسن بكتييير وكمبينسكى ولو تدخل مدير الفندق استاذ علاء تقريبا كانت هتكون مشكله كبيرة و ماخفاوش الا لما قولنا هنسحب الحجز ونمشى بجد معامله سيئة وفى الاخر تم تعويض اول يوم ضاع بأننا نمشى late بس نسلم لهم 5 غرف عشان يسكنوا إللى عندهم

[@amiredward4895]

هو لية حضرتك مش مصور كل السلبيات الى انت قولت عليها جوة الاوتيل وعلى فكرة الفندق كمستوى حلو جدا والمطعم مفهوش اى حاجة من الى حضرتك قولت عليها وعلى العموم دة رايك الشخصى

[@ahmedkhattab8928]

والله يا فندم لو كملت الفيديو للاخر هتشوف أنا في حاجات مش بحب اصورها لأني مش بحب أضر أكل عيش ناس أنا بحكي علي إلي حصل حضرتك عايز تصدقني اوك مش عايز ده راي حضرتك والفندق ممكن يكون لحضرتك جميل وحلو وليا لا لاني انا بشتغل في مجال الفنادق أصلا وشغال في السياحة من آكتر من 15 سنة وغير كده أنا بنزل تقريبا كل مرة مصر وبنزل في فنادق في الغردقة وشرم وفي فنادق احلي من كده بكتير مثلا الفندق الي جنبه بالظبط الي هو تروبيتيل أجمد بكتير من جرافيتى وأنا نزلت جرافيتى المرة ديه مش تروبيتيل لأني شفته من برا حلو وناس قالولي انه لسه مبني جديد فمتوقعتش إنه كده في العموم هيا أراء حضرتك

[@ahmedkhattab8928]

أنا مش بقول لحضرتك مش تنزل فيه التقييم معناه إن إنت تاخد بالك الحاجات ديه ممكن تقبلها لو نزلت في الفندق بس لكن أنا مقدرش أقول لحضرتك انزل أو متنزلش لإنه رأي خاص بحضرتك بس أنا مبسوط من راي حضرتك وإن شاء الله اي تقييم تاني هصور كل حاجة.. واستني تقييم عن مطعم البرنس

[@ahmedkhattab8928]

عارف عقبها إيه والله.. وأنت تعرف اتهام حد بدون دليل عقابه ايه عند ربنا يا كريم

[@Mariemkhairy]

انا حاليا في جرافيتي هقضي ٦ ليالي بجد الفندق تحفه جدا حصل فيه تحسينات كتير جدا من بعد الفيديو بتاع حضرتك التيم هناك محترمين اوي ووشهم بشوش والانيميشن كل حاجه تحفه حتى الاكوا بارك المطعم الاكل فيه جميل جدا ولسه هجرب المطاعم المتخصصه ف بجد هو فعلا يستاهل وحبيت اقول رايي لان الفيديو باين من زمان وشكرا لحضرتك❤️

[@ahmedkhattab8928]

الحمد لله أنه اتغير هو ده هدف الفلوج أن الفندق يتحسن لان احنا رايحين عشان نستريح وريت الفندق عالي والمفروض أنه كان يكون أحسن من كده

[@nonamohamed6672]

انا حجزت وخوفت من الريفيوهات والفلوجات يعنى بجد كل حاجه كويسه

[@ahmedkhattab8928]

يارب يفضل كده أن شاء الله الفترة الي جاية في ريفيوهات عن كذا فندق في الغردقة و شرم

[@Mariemkhairy]

@@nonamohamed6672 ايوه والله جميل جدا اخر ليله ليا كانت النهارده وبجد زعلانه اوي فريق الانميشن طيب اوييي الاطفال هيحبوهم جدا و مستر جمال الهاوس كيبنج طيب جدا حتى بتوع البار كله بيرفكت الستاف طيوبين اوي اوحش حاجه كانت الاكوا بارك الكبيره لأنها صعبه شويه وبس كدا💗 نصيحه مني روحي

[@nonamohamed6672]

@@Mariemkhairy تسلميلى يا حبيبتى طمنتينى بجد شكرا انا هروح يوم الجمعه إن شاء الله

[@amiremil2188]

فندق كليوبترا لاكشرى مكادى كويس

[@ahmedkhattab8928]

كويس جدا جدا

[@amiremil2188]

@@ahmedkhattab8928 يعنى مستوى الفندق كويس من جوة

[@ahmedkhattab8928]

الفندق كويس جدا

[@amiremil2188]

@@ahmedkhattab8928 ميرسى اوى

[@ahmedkhattab8928]

ولا يهمك 👌

[@rosemarieebinger9085]

Wir waren im September im Tropitel und sind oft am Gravity vorbeispaziert… für uns sah es aus, dass dies ein Hotel für ägyptische Gäste ist…der Strand mit den Segeln fand ich nicht sehr schön und der Steg in die Lagune ist für beide Hotels gedacht, da er öffentlich ist. Es war täglich eine Völkerwanderung auf diesem Steg… für die Gäste beider Hotels sicher nicht entspannt. Touristen, die extra zum Schnorcheln eine weite Reise aus Europa auf sich nahmen, waren von Nichtschwimmern mit Schwimmweste umgeben… das Tropitel ist ein sehr schönes Hotel, mit sehr viel Service für Touristen, die dafür viel Geld bezahlen und eine weite Reise auf sich nehmen. Das Gravity würde ich nie buchen, wird aber auf dem deutschen Reisemarkt mittlerweile auch angeboten

[@ahmedkhattab8928]

Vielen Dank für Ihre Meinung! Ich bin in Ihre Meinung 100% 👌

[@ahmedkhattab8928]

Falls möchten Sie Nachfrage über Orte oder Hotel in Ägypten Sie könnten mich gerne an Whats app oder an Facebook kontaktieren LG, Ahmed

[@mmakady7446]

تقريبا الفندق شاف الفيديو وصلح معظم المشاكل الي قولت عليها بس ليه انا كانوا حاطينلي نسكافيه من تحت بير السلم في الاوضة وحضرتك لأ 😂

[@ahmedkhattab8928]

الحمد لله انهم اتغيرو... بالنسبة النسكافيه نعمتك فرق في السرعات 😅

[@martinsamaan9652]

لاحظ ان التطبيل زاد المره دي انت علي كلامك احنا نروح بمكانس و شرشوبه

[@ahmedkhattab8928]

حضرتك لو شايف إني كده بطبل يبقي ديه مشكلتك انت مشكشكلتي انا... شكرا لحضرتك

[@amrsaheen94]

كلام غير صحيح

[@mariemhisham1505]

مع احترامي لحضرتك بس انت شخص كداب كل حاجة قلتها كانت كذب الservices هناك بحد تحفة والنظافة تحديدا للمطعم الي حضرتك كدبت فيه حلو اوي انا روحت gravity وهروحو تأني إنشاء الله انا روحت علي فكرة فنادق عالية آوي وبالنسبة لي انه مقابل سعره تحفه بجد وبالنسة لل shampoo اصلا كان كتير اوي هناك من غير ما اطلب وال pools هناك نضيفة اوي بجد كل حاجة فيه حلو واكله حلو هو مش متنوع اوي بس جميل فا بطل كذب بجد

[@ahmedkhattab8928]

اولا شكرا لذوقك واضح قوي قد ايه انتي محترمة وعلي خلق ثانيا ما تروحي الفندق هو حد ماسكك تقريبا انتي صاحبة الفندق لان محروق دمك قووووووي ايه ده عموما شكرا لاخلاقك الرفيعة ومستوي الادب العظيم الي حضرتك فيه مساء الفل

[@mrorabi1594]

كلام حضرتك كله صح للاسف فندق سىء لايرتقى ان يكون 5 نجوم معامله سيئة نضافه سيئة

[@aymankhattab2357]

حلو جدا الفندق ايه الي حصل ليه

[@ahmedkhattab8928]

أنا كنت عارف انه كويس اخر مرة نزلت سهل حشيش من سنتين لما رحته لقيته مدمر الصراحة حرام فيه الفلوس