Рет қаралды 7,746
تراث الأغانى
لا يا حبيبي
ام كلثوم
عبد الفتاح مصطفى
رياض السنباطى
ليلي ونهاري فكري بيك مشغول وحياتي لك وحدك و لك على طول
ولسه بتصدق حسود وعزول
قالوا لك الغيرة تزود حبي وبالدموع والحيرة تملك قلبى
بالحب وحده انت غالي عليا بالحب وحده انت ضي عنيا
بالحب وحده وهو وحده شويه
لا يا حبيبي
أنا لما حبيتك خطر على بالي اللي جرالي واللي راح يجرى لي
صورت افراحي ونعيمي في قربك وسهدي ف بعدك ونار عزالى
عمري ما قلت ازاي وليه حبيتك
ولا عمري قلت يا ريتني يوم ويا ريتك
وبكل قلبي وبكل عقلي هويتك
بالحب وحده انت غالي عليا بالحب وحده انت ضي عنيا
بالحب وحده وهو وحده شويه
لا يا حبيبي
الحب هو الود والحنية
عمره ما كان غيره وظنون وأسيه
الحب هو اللي بأمره هويتك
وأمره لا بايدك ولا بايديه
مين اللي قال عزك بذل خضوعي
ولا غلاوتك فى الهوى بدموعي
لو كنت أرضى بالهوان فين قلبي
وازاي تخونه وتحكمه في ضلوعي
بالحب وحده انت غالي عليا بالحب وحده انت ضي عنيا
بالحب وحده وهو وحده شويه
لا يا حبيبي
بالحب وحده انا سلمت قلبي إليك
بالحب وحده مش بغيرتى عليك
فين الحنان فين الامان يا حبيبي
لو حيرت فكري الظنون حواليك
الهجر اهون من عذابي في قربك
ولا اشوفشي يوم أندم عليه وأنا جنبك
وكفاية اعيش بالذكريات في بعادك
أنا عشت اكثر من حياتي في حبك د
بالحب وحده انت غالي علي
بالحب وحده انت ضي عني
بالحب وحده وهو وحده شوية
لا يا حبيبي