تحليل حادث مروري عن الاسبقيات ضمن تقاطع شارع المغرب.. برأيك على من تقع المسؤولية التقصيرية؟

[@odaykhateeb475]

اصبح من الضروري جدا تفعيل الاشارات المرورية الضوئية لتجنب مثل هذه الحوادث.. بالاضافة هي مراح تكلف الدولة مبالغ كبيرة

[@mahditalip3091]

بعض رجال المرور يستغل المنصب والاساءة اليه مما يؤدي الى كره السائقين بهم مع الاسف

[@مايسكرانو]

المن تقصد

[@TheTeacher88]

ما دامَ لي خالقٌ باللُّطفِ يغمُرُني فما الذي بعد لُطفِ اللهِ أخشاهُ

[@ahmedrejap6073]

جزاك الله تعالى خيرا عميد عمار لأن بعرض الحوادث ومناقشتها جعلتني أطور خبرتي ومهارتي بالسياقة وان ازداد حذرا وحرصا وانتباها لأنها امانة

[@mohammedasor]

نصيحه. في العراق لا يوجد شي اسمه اسبقيه ولا ثقافه سياقه. نصيحتي للمسرعين وهوه انته سوف تكون من تعداد الموته ألم يكن اليوم سوف يكون غدا . انا اعرف جيدا انك سايق ماهر ومتمرس ولكن ثق في الله سوف يأتي أجلك ونته ما تدري.

[@ashiqiraqi]

يا اخي رجعوا الاشارات الضوئية النظامية وخلصونة

[@Yolyo1]

ستاذ عمار والله حجيك صحيح تحياتي من نجف❤

[@princeofpresia92]

عاشت ايدك والله خبلونا، ينطي اشارتين بنفس الوقت، وهو سايقنا شلون إنسان متحضر، بحيث عبالك طالع من سجن مو من إشارة

[@صفاءالزيدي-ب7ت]

استاذ عمار المحترم هذا الحادث يتحمله رجل المرور نعم المضله التي تحتوي ع رجل المرور لايوجد بها احد اعتقد يكون شخصين واقفين في التقاطع لتنظيم حركه السير وشكراً

[@CLS63_S]

آبو السياره الزرقا جارنا وتوفى من اثر الحادث الله يرحمك عمار

[@amsaad5806]

❤اللواء وليد عمار ربي يحفضك يالغالي علم والله علم ذهب والله ذهب

[@abdullahsafaa7938]

تفعيل الاشارات الضوئيه وتغريم الي يضرب الاشاره هو الحل الوحيد لهيج حوادث

[@ايادزوين-ي9ي]

استاذ عمار الف تحية الك اني ما اقول شي بس تعال فد يوم وشوف اشلون المرور يحرك السير في تقاطع درويش صحيح همّة ديتعبون بس صدقني اكثر الاحيان يحركون السايد المتوقف قبل ان يقطعون السايد الماشي

[@Clintestood]

بعض المرور..(ليس الكل) ماعدهم اخلاق مع السائق.... ولا عدهم اسلوب مؤدب.....نرجوا معالجة اخلاقهم من قبل الإدارة العليا

[@KahaledO]

احسنت استاذ عمار.

[@sarmadsarmad7747]

0:51 صح هاذ الي يصير و المرور ينطير اشاره و يعتمد ع السيارات هيه الي تكطع السير وتعبر

[@احمدعزيز-خ5خ]

كل التقدير ❤❤❤

[@iinfinity7320]

استاذ عمار اذا ممكن تحليل لحادث شارع ٦٠ والميكانيك بتاريخ 7-2-2024

[@TheTeacher88]

اللهم صلِّ🥰 على محمد وآل محمد 🌺اللهم صلِّ🥰 على محمد وآل محمد 🌺اللهم صلِّ🥰 على محمد وآل محمد 🌺

[@war1214]

أبو المهافي شدعواه هيج سرعة بالأنطلاقية؟

[@saeediraqi2816]

غير موهافي

[@Mkkd80903]

طالع بيه تراي ههههههه

[@war1214]

@@saeediraqi2816 وإذا مهافي ، جي كلاس مارسيدس أو بي أم يحترم الطريق ويمشي مثل الأوادم

[@illi_sd]

المرور مغلطان لان مقدر وقت السياره الزرقه راح تعبر بس ابو المهافي كلش مستعجل

[@amsaad5806]

❤الف تحيه لرجل المرور على وكفته من الصبح وحتى المسا وكل الاوكات مطر برد حر صيف الله يكون ابعونهم

[@مرتضىحرب-ض3ص]

يرادلنه اشارات مثل باقي الدول

[@AASJAG]

اول مرة اشوف واحد هيج يشلع من اشارة مرور شنو السالفة ابو الموهافي؟!

[@captionmohammed2700]

احنا في سنه ٢٠٢٤ وعاصمه العراق مابيه ترفك لايت للعلم الاشارهزالضوئه اخترعوها ١٨٦٨ يعني قبل ٢٠٠ سنه

[@محمدالنعيمي-ه4ص3ف]

المرور يمشي وبعدين يوقف وبسببه يريد يصير اكثر من حادث ومه هذا الله يساعده

[@samisamii4637]

صلوا ع محمد

[@مؤملتيوب-ج6ش]

استاذ عمار واحد سوالي حادث وطفر بنفق الزيتون جان يريد يعبر الجزره الوسطيه شلون اجيبه

[@مهديعلي-ك9ه]

كل هذا اليصار ونرجع ونقول سببها السرعه أولا وثانيا الانتباه تحياتي الك استاد عمار

[@hoebe.1]

وربي المرور زودوهه اكثر من الازم . يعني جاي يخمطون بل عالم بحجت هوه رجل قانون. وما روح بعيد عمي مرور ويخمط بل ناس

[@كريمالكناني-ث4غ]

عميد عمار المحترم صار حادث على طريق محمد القاسم قريب صعده الدوره وراح بي شاب وكامرات قريبه عليه المفروض ينعرض هيج حادث والشاب صاحب دراجه ياريت تطلعون عليه الحادث راح يصيرله شهر

[@Muslemali-u7c]

عبالك المرور مسوي منيه ع العالم من ينظم عمليه السير هوه حاله حال منتسب الداخليه والدفاع وحاله حال اي موضف تلكاه واكف بزاويه متنشاف ويشر بيده ومن توصل لتقاطع اظل ادور عليه خاف لا كطع السير

[@josefsameer9547]

صارت فوضى عارمه بالعراق لان المدن مكتضه بالناس ولاتكفي لهكذا اعداد هائلة من البشر كان من المفترض بناء مدن جديده بالصحراء الجرداء في العراق وتوزيع وحداتها السكنيه بالاقساط على الناس بدلا من تلك القروض العشوائيه التي منحوها للناس والتي فاقمت الحمل السكاني على المدن بالاضافه الى البناء العشوائي الغير علمي

[@alimunem1409]

صحيح أخي الكريم وخصوصا في بغداد

[@tofialjbori8151]

اترجاك يا لواء عمار اني مواطن واكثر المواطنين يئيدون قراري ولي هوه فعلو الاشارات المروريه ماكو داعي رجال المرور يمشون السير ولتزعل من كلامي يا سياده الواء سبب من اسباب الازدحام همه رجال المرور مع احتراماتي الكم ومشكورين ع الجهد الي دتسوو لاكن رجل المرور يوقف السير اكثر من وقت الاشاره المروريه بهواي ف الي ارجو منك ومن بقيه الضباط ومن كل المسؤؤلين بان ترجعون عمل الاشارارت المروريه بهواي احسن... اسف ع الاطاله وشكرا الك ياسياده الواء عمار اني من متابعينك من زمان

[@waleedtauma]

واساسا هو المفروض اكو اشارات ضوئية ومتنطفي اجيبها اصلية حالها حال الموجودة بدول العالم وتنربط كهرباء طوارئ وطاقة شمسية

[@-tahaoil7984]

ايضا المفروض ابو الموهافي يتأنى قبل الانطلاق وينتبه ع السيارات توقفت او لا لان بعض السائقين مايلتزم بأشارة المرور .. بعدين ابو الموهافي شدعواه انطلق هيج انطلاقة سريعة ؟؟!!!

[@haydertaher3286]

السبب الرئيسي شرطي المرور اولا مكان الوقوف خطا يفترض ان يقف وسط التقاطع حتى يرى جميع المركبات بوضوح ثانيا ابو المهافي يفترض يقلل السرعه عند التقاطعات

[@asadbable7311]

هذا الحادث وأغلب الحوادث في التقاطعات هو سببه الحقيقي هو عدم تفعيل اضويه المرور ولا اعلم لماذا لا يتم تشغيلها

[@Mohameed_ali2000]

السبب رجال المرور اغلبهم غير، مؤهلين لتنظيم سير المركبات كلنا نلاحظ اشاراتهم غير محسوبه تنظيم في حالات الازدحام غير مدروس واحياناً يكونون هم سبب الازدحام اسلوب الغالبيه منهم مع المواطنين اسلوب جاف ويستخدمون كلمات مستفزه

[@ahi5436]

بلدنا صار دايح

[@seaman1960]

اخي الكريم مع احترامي لك ماكو ساءق عراقي يعرف قواعد المرور . يسوقون حسب قانون الهوسه . لو ترسل عينه من الف ساءق عراقي الى احد الدول الاوربية لاجراء اختبار السياقة النظري والعملي لا ينجح احد . النظام العراقي نظام اكل الزمن عليه . ارسلوا رجال شرطة لدورات الى الدول الاوربية لمعرفة طرق الحصول على الاجازة ومن خلال ذلك اختاروا الذي يناسب العراق . السياقة مو بس تعرف الاشارات وتدخل في مجسم وتسوق ربع ساعة وصرت سايق ! اجازات العراق غير معترف فيها في اغلب الدول الاوربية باستثناء الاجازة الدولية الصالحة لمدة سنة . غيروا نظام الحصول على الاجازة .

[@salahal-ibrahimi]

مع كل الاحترام....استاذ يعني باي زمن نحن نعيش ...لماذا لحد الان لا تعمل اشارات المرور....

[@hoebe.1]

ألله يكفينا ويكفيكم شر الحوادث ❤

[@Hani-rr2bk]

ماكو واحد يدخل للتقاطع بهيج سرعة بالاخص اذا كان السير متقطع احتمال باي لحضة يتوقف سايدك.

[@حسينالجنوبي-ف1س]

الله وكيلك سير يمشي قبل لا يرفع ايده المروور

[@vv3669]

لواء عمار المحترم يجب تطبيق القانون على الكل بدون استثناء ابتداءا من رجل المرور والضابط والمنتسب نزولا للمواطن البسيط...أتمنى أن أرى رجل المرور يرتدي حزام الأمان

[@josefsameer9547]

ورحال الدين هل تطيق عليهم القانون؟؟

[@seaman1960]

اغلبية رجال الدين متواضعون ولا يسوقون السيارات ! بل كل واحد عنده ساءق خاص ولا اعرف من ابن ياتون بهذه الاموال​@@josefsameer9547

[@احمداحمد179]

صاحب العجلة الزرقاء كل شي مايتحمل صاحب السيارة البيضاء ١٠٠% مقصر

[@ALkuafir]

شدعوه هل تحركيه مال ابو المهافي 😮

[@mohammedjasaam924]

وشدعوا ابو المهافي هيج طار بسرعه

[@omaryounis3078]

يا حادث بسيط هي غير السياره الزركه انتهت بعد

[@mrunknown8810]

لهل سبب من اكون اول واحد بالتقاطع اتاخر ثانييتن يله اطلع

[@عباسخالد-غ2د]

الله يحفظك

[@صوفيالوحيد-و5د]

المرور يتحمل هذا الخطاً ويتحمل غرامه سيارتهم ثنينهم وبدون اي اعذار

[@MohammedYounis]

صاحب الموهافي ليش هاي السرعه ماكدرت تصبر ثانيتين

[@AliAlbasha-h7f]

ستاذ وليد ممكن حادث محمد القاسم يم التسفيرات

[@sunsands6039]

يجب الانتباه من قبل الجميع ..وليس الاعتماد فقط على رجل المرور.واشاراته

[@coolgoal9488]

استاذنه العزيز مناشده من ابناء العراق الكادحين باسم الانسانيه باسم المقدسات ارجوكم وصلو صوتنه وسوونه حل نطالب بتعامل الانساني معنا احنه اصحاب الدراجات يعني كله تركض ورانه النجده المرور الجيش الداخليه واحنه عراقيين واصحاب عوائيل والله احنه مو دواعش والله والله عمي خلو التسجيل مفتوح وضمن المناطق باسعار رمزيه يعني احنه فقره منين نجيب 300وال400 وابو السيطره اذا يكمشنه اله يهين جد جدنه عمي ميصير هيج الله اكبر شوفولنه حل .

[@josefsameer9547]

المفروض التسجيل يكون مجاني ولا وجود لاي رسوم حتى الكل تسجل دراجاتها وهذه مسألة امنيه بحته قبل ان تكون مروريه لكن السياسيين يضعون المعرقلات لان فرق الاغتيالات والتسليب التابعه لهم ينفذون عملياتهم بدرجات غير مسجله حتى لا ينكشفون!! ! وبالمناسبه المرور والداخليه لا تلاحق هؤلاء اصحاب الدراجات الغير مسجله التابعين لفرق الاغتيالات والتسليب

[@kingfreefire-mohammed]

بالصين الإشاره المروريه تفتح على جهتين يعني إشارة جهة اليمين تفتح و إشارة جهة الأمام تفتح ، و أنت تخيل كم السيارت و الدراجات إلي تطلع بس بالرغم من هذا ماكو حوادث بالشارع إلي جاي أتكلم عنه ، و هنا الأخوان لا سيارات هواي و لا إزدحام و تضاربوا ، صدك طاح حظك يالعراق .

[@alimunem1409]

قبل 30 سنه چانت الاشارات الضوءية معمول بيهة في العراق وهسة رجعنه لسنوات قبل اختراع الإشارات الضوءية

[@yousifaljanabi5172]

استاذ عمار الغالي أٓآإگـٰـ♛ــوٌ حادث بتقاطع حي العامل الي بي البانزين خانة يوم 2/9 اذا بيه مجال واحد يشوفه ويتعلم منه انو التقاطعات بالليل خصوصا الفجريه همين خطره بشكل

[@iqg-pro6798]

سوال محيرني ليش بس بالبصرة إشاره السير عكس اتجاه عقارب الساعه 😮

[@swetunesw4756]

اليك مثال لبعض الردود حين تتكلم عن القانون في العراق يابة طير هسه هي مشكلة يمعود دي يلة مشي هسه هي ضلت علينا يمعود ياقانون اذا عندكم بعد عبارات ياريت تكتبوها لا اني ترة صار لي عشرين سنة ما جاي للعراق

[@СнайперРусский-ш5к]

اشارة مرور ماكو والله عيب صدك جذب كامرت اكو واشارة مرور ماكو 😢

[@اسانالبغدادي]

تره المرور مو ملائكه ياخذون راتب تره مو ابلاش واكفين بل شارع المفروض يشوف شغله عدل مو يضرب زاويه ويأشر منه

[@Mohammed-Al-Dulaimi]

ابو المرور غير يكون واكف بنص التقاطع!!!حتى الكل تشوفه .. السايد مال سياره زركة ماكو اي مرور هناك اكيد مراح يشوفه موقف السير .. اذا تقاطع جبير يخلون شخصين واحد ميكفي حتى الكل تشوفهم.. ع العموم عدم انتباه وسرعه مفرطه من الطرفين

[@سنافي-ء]

الدنيا تغيرت وانتو للحين واحد واقف بنص الشارع تسمؤنه شرطي مرور الحل تحويل كل الاشارات دورات انتهى زمن الاشارات

[@هربتاليكمنكياغفور]

نعم استاذ هذه الحالة غير جيدة من رجل المرور في بعض التقاطعات يقوم بفتح السير الثاني قبل إيقاف السير الاول

[@thehurricane1974]

السياقة ((((كانت)))) فن وذوق واخلاق حاليا……. رعو…نه استهـ….تار انا….نية سباق في الشوارع

[@مصطفىالمياحي-ن5خ]

قبل سنتين صار وياي حادث نفس هاي الحالة بتقاطع الصرافية بسبب ابو المرور الله لايوفقه راحت السيارة

[@المهيبالمهيب-ق7و]

سبب الحادث هوه المرور ثنيهم مامقصرين

[@Shawq-k1o]

شعب ماعنده صبر كلشي عنده تسرع وسرعة

[@azeezalani2717]

كل شارع واشاره مهمه كامرات حته الي يعبر الاشاره يحاسب ولمن تكون الاشاره مطفيه بشارع عام ومهم 2 شرطه مرور حته يسيطرون مو خال واحد وواكف بلزاويه محد ينتبهله يارب السلامه للجميع

[@Z_XP_3]

يل الله هاذ خالي 😂😢

[@Mkkd80903]

كثيرا تحصل هذه الأمور في لحظة ايقاف سير وفتح آخر والسبب موقع رجل المرور عدم رؤيته من قبل صاحب السياره القادمه للتقاطع وكذلك عدم تأني اصحاب السيارات التي سوف يسمح لها بالسير والتأكد من توقف السيارات

[@gabrielsj9629]

السلام ع. من نظرتي ودراستي في أوربا لقوانين المرور ، وهي عالميه . اولا المصوج الاول أنه عدم وجود إشارات ضوئيه المكان محتاج أشارت ضوئيه وعلامات ارشاديه بالإضافة إلى ثقافة السائق . ثانيا. شرطيه المرور ،استاذ عمار هو الشرطي مو بغرفة الاستراحه ويعطي اشاره لزم يقف بوسط التقاطع وتوجد أعراف للاشاراته والحركات التي يعطيه. ثالثا المصوج ابو السياره البيضاء ،انطلق ولزم يعطي أسبقية اليمين لسياره الزرقاء وليس لها أي دخل إذا وصل وسط التقاطع هو مصوج من انطلاقته . وانا بالخدمه وانا متاكد من الحديث الذي أقوله للانه يوميا استخدمه واطبقه

[@Hc.y1]

شباب عند الانطلاق علكيفكم من تعبرون التقاطع بعد براحتكم

[@mu.qj1]

الخطأ الرئيسي من سايق المهافي لان انطلق بسرعه و هوه تقاطع و الخطأ الثاني من ابو المرور لان بعيد عليهم و ينظم حركة السير و ابو السياره الزركه مشافه لان بعيد عليه مكان وقوف ابو المرور غلط ابو الزركه اسون يسوفه يخلي زوم مثلا بالسياره ابو السياره الزركه ماكو منه غلط

[@Yousif12836]

ولله من يوم تفعلت الاشارات بتقاطع مول النخيل وزيونة والشارع صار منظم ومرتب

[@TheTeacher88]

هههه ‏‪0:22‬‏

[@Al_iraqe_memo]

والله حجيي المحلل صحيح كلامك من ناحية الانطلاقة يعني هاي عادة ابد محلوه بلسواق المركبات اول ما ينطي اشارة المرور بسرعه السائق ينطلق ومن جهة المفروض المرور يوكف السايد وبعدين ينطي الاشارة لل سايد الاخر حتى ما يصير حوادث

[@waelalqurishe988]

استاذ عمار الاغلب لا يهتم للاولويات اما لا يعرف او هو مو ملتزم اصلا مو سايق اغلب الحوادث هذه سببه باعتقادي رجل المرور ماله ذنب

[@dr.aliabdulhameed]

الموبايل هو السبب ولاغير ذلك سبب لمعظم الحوادث ومن بعده السرعة

[@nawwwar1]

سائق الزركه لازم الموبيل بيده

[@عليعذابالموسوي]

السبب الاول المرور والثاني ابو المهافي شنو سباق ينطلق بهيج سرعة وين ماكو زباله يمشي هيج بدون حساب للغير

[@ahmadamer8280]

صوج المرور لازم يوقف السير . فدوة السيارات تتعوض بس لو عابر طفل لو شايب لو مرة منو يتحمل حياتهم ؟ هاي امانه بذمتكم عقيد عمار احجي ضميرك وعاتب المرور ادري بيك تخاف منهم لان جماعتك .

[@AsAs-t5b2h]

اعتقد السيارة البيضاء، موهافي !!!

[@ahmednaji9444]

والاستعجال همين سبب شوف ابو السياره البيضه استعجل

[@صباحالمالكي-ط5ر]

دوكفهم كلهم الاجايز منين مستلميها م̷ـــِْن الكهاوي ماكو هيج سياقه

[@سيفعلي-ز7ك9ز]

ترفك ليت يشتغل لو لا والله يخخف وحمايه ضروري يتفعل

[@aliabduly6037]

موقع رجل المرور غير صحيح يجب ان يكون في مكان يسهل على السائق النظر اليه أو يضعون اكثر من شخص في التقاطع قرب الإشارات الضوئية حتى تكون إشارته واضحه للسائقين و هذا لا يعني ان هناك تقصير و خطأ على السياره البيضاء و السياره الزرقاء لان السرعه الإلزامية في التقاطعات هيه 30 km/h .

[@yya210]

شدعوه هذه هيج منطلق كل الي بالسايد مالته متحركو بعدهم بس هو انطلق يتحمل الحادث بنسبه ٨٠٪؜

[@user-44Tunjay]

جناب العميد عمار .. وجود المنتسبين العقود في الشوارع والتقاطعات احدثتت اختناق مروري جدا قوي بسبب سوء ادارة الأمور وعدم معرفتهم بأولويات السير واحقيتها وخصوصا في منطقة الجسر الدوار قرب مرور التاجيات هناك 2 من عناصر المرور يسألون السواق عن الأجازة المرورية في صعدة الجسر القادم من سريع بغداد الموصل وهذا مايجعل صف السيارات تصل لسيطرة الشؤون القديمة .. اتمنى ملاحظة ذلك

[@murtadhaahmed4522]

بتقاطع الفراشه المرور فتح سايدين سوه و تسبب بحادث

[@jaferalobeidi2754]

العالم د تتطور واحنا انظم السير برجل مرور لعد وين الاشاره الضوئية شنو ماعندكم فلوس

[@ammaralaa8657]

لا إشارات ولا تقاطع بي خير ولا جسور والشوارع مختنكه والقانون لا يطبق

[@iqscarpa1121]

والله ابو المرور ماله ذنب لان المفروض اكثر من واحد على كل جهة يعني وحده بعيد ميشوفو وشغلة ثانية الناس متنتظر اشارة رجل المرور للمشي حتى تمشي بس يشوفوا وكف ذلك السير يمشون ومينتظرون اشارة رجل المرور

[@mostefaahmed4201]

الاولوية مو لليمين يعني شلون واحد يمشي سريع حتى يصير عابر نص المسافة حتى مايوكع عليه الحق شلون قانون هذا ؟

[@war1214]

الأسبقية لليمين في الساحات وليس التقاطعات

[@mostefaahmed4201]

@@war1214 بالتقاطعات هم

[@war1214]

@@mostefaahmed4201 لا عزيزي التقاطع الأسبقية لمن هم داخل التقاطع على الي يريد يدخل

[@mostefaahmed4201]

@@war1214 اريدك تفهمني هذا القانون اني اجي سريع حتى تصير الاسبقية الي والخ يجي سريع حتى تصير الاسبقية الة وواحد من عدنه راح يضرب الثاني مابيها مجال تبقى الاسرع هو الاحق شلون قانون هذا ؟

[@xiluzzionz]

الاولوية لليمين فقط اذا كان التقاطع من دون اشارت مرورية او رجل المرور

[@ehssanalwsse92]

العاام وين وصل واحنا رجل مرور يااخي الترفكلايت وين

[@mustafa.mznhadi]

يعني الي يدخل تقاطع غير ينتبه التقصير ٧٠ بالمية ع زرقاء

[@hazim5353]

ليش ماعندكم اشارات مروريه ضوئيه !!