هذا مانصَت عليه المادة ٢٥ ج من قانون المرور من نوع المخالفات والذي سيدخل حيز التنفيذ في 6/10/2019

اذا تريد تتعلم السياقة وية اللواء عمار وليد الخياط وتتدرب على الاختبار النظري و العملي لإختبار اجازة السوق مثل الرمبة وغيرها من خلال المركز الدولي لتعليم السياقة - للحجز والاستفسار الاتصال على 07738397777 - 07838397777
صفحة المركز: / 105443338648904 :الكروب على الفيسبوك , للإنضمام
/ 411004363101200
انستاكرام / trafficawareness.iq
تيك توك / trafficawareness
تيليكرام t.me/trafficaw...
من برنامج وقفة مرورية مع اللواء المتقاعد عمار وليد الخياط :كروبنا على الفيسبوك , للإنضمام
/ 411004363101200
غرامات قانون المرور الجديد 2019
#قانون_المرور_الجديد .
.
#لا_تخالف_لن_تحاسب

[@زيونيالموسوي-ق6خ]

بس كون تطبقونه ع الكل مو بس ع الفقير وابو الجكساره ابن الدوله ما يتطبق عليه الوياي لايك

[@blackcreativity9035]

زيوني الموسوي يي صحيح حتى مستهترين بالشارع والله المفروض لو القانون ينشي على الكل لو يلغون كل القوانين ويخلونه فوضه اكثر

[@فهدرعد-س1ظ]

خايب شبيك هوى الفقير هوى مدمر البلد ابو الاجكسارة وربك مايخالف ومتهدي ويمشي ع كيفه

[@العسكرياحمد-ش3ث]

ليش شرطي المرور يكدر يحاسب مسول لو واحد بحزب والله يخبزونه خبزهاي بس على الفقير

[@majed9185]

شنو ابن دوله وحنه مو دوله ادري جنسيه مالتي نكعها وشرب مايها من دوله تحتاج ناس للتطوع علمود دقاع دافع ومن توضل للقوانين مانه حصه

[@كلشيوارد-د4ب]

القانون الذي لايطبق على الكل يجب ان لا يحترم

[@raadslman7600]

نداء الى رئيس الوزراء تغير اسم مديريه المرور العامه الى مديرية القط العامه

[@ahmadkuwaity2868]

شباب الدوله تريد فلوس من المواطن بس ما تعرف اشلون حبيبي اول شي سووا الشوارع واشارات مروريه وارصفه وبعدين حاسبوا الناس صح القانون زين بس مو على الفقير فقط وكون الدوله تشتغل مو بس كلام!!!!!

[@ضياءالملك-و2ف]

اخويه هيه بلوه لا عنده شارع بي خير ولا جسر ويريد يطبق القانؤن براسي من يمهم غفور رحيم ومن يمنه شديد العقاب

[@حسنهاديعواد]

الف رحمه عله روحك

[@حسنهاديعواد]

ياخي والله والله والله ما يفعلون غير القوانين الي اضر المواطن

[@تحسينالزيادي-ط4ل]

والله ذبحتونه بل فقير كل ماطلعو قانون الفقير يل فقير كافي هو الله يريده فكر جاي انت تخالف رب العالمين الان حنه العراقين مو هال نعمه

[@ݛقَۈشۿۃهَ-ض9ت]

اي والله بلد تعبان

[@jad4jad]

اذا تم تطبيقه على الجميع بدون استثناء فهذا شئ رائع القانون يحمي المواطنين

[@غالبالركابي-ت6ت]

هسه عدلو الشوارع كلشي سهل

[@أغصانالورد-س1ف]

هذه القوانين مهمه. لكن في نفس الوقت يجب توسيع الشوارع ووضع العلامات وتبليط الشوارع وازاله التجاوزات على الأرصفة.

[@user-ck6hz4bx7f]

تكتك ودراجه ليش ماذكرتهه

[@علاءالشاكر-ث4ه]

الاستاذ عميد عمار المحترم الي نرجوه يطبق القانون ع الكل بدون استثناء بدون استثناء بدون استثناء

[@عساهةبختكلمنفرقثنين]

والله بس على الفقرة كادرين بيكم خير طبقوهة على المسؤلين وحمايتهم

[@jabarjabr2254]

ياريت يكون عدنا شوارع مثل بقيت الدول مثلا تخطيط و علامات تنيبهيه و قضاء على مطبات. نحن نحترم القانون و بل مقابل نريد طرق و الجسور تقوم بدورها الصحيح

[@mustafahs144]

المشكلة القانون يُطبق على المواطن الفقير فقط ولا يُطبق على المسؤول وهذه الحقيقة المُؤلمة

[@رسولالسيد-م4ض]

ياحريمه انباكت الخبزات من حلگ اليتامه ويا حريمه الباگهن قلد علي ولابس عمامه الئ متى نبقه هيج

[@الموسويالموسويالموسويالموس-ذ7ذ]

حسبي الله ونعم الوكيل اذا طبق هذا القانون على المواطن البسيط الفقير فقط .. الذي لايوجد له غير رحمة آلله

[@hiathamsaleh6509]

ياريت لو تخصصون حلقه عن اجازه السوق وسحب الاستماره والاختبار وتكون بشكل تفصيلي تحياتنا لكم وبارك الله فيكم💝

[@محمدالعراقي-ر9ف8ب]

سيدنه الله يسلمك انتم اتقطون فلوس من الناس وناس تعبانه ولكم الشكر وتقدير سيدي العزيز

[@jabaarskype5054]

أتمنى أن يطبق القانون على الجميع لا على الفقراء فقط

[@qasamrashed9879]

قانون المرور بدون تهيئة الظروف المناسبه لمستخدمي الطريق اجحاف بحق المواطن .

[@hasanalnajafy4629]

ارجوا الغاء قرار الغاز للعجلات الاجره لان صعبه علينه فلوسه ونريد نداور سياراتنه كل واحد يوافقني الرأي يظغط لاييك ( تقديرنا لكم ع كل قراراتكم ولكن لا يجوز الجبر لان احنه عايشين بديموقراطية ) كل واحد منا يختار اليعجبة مدام ما مأثر ع الغير

[@lwlwlwlw3341]

بلازحمه اذا واحد جاي يمشي ع الجانب اليسر ويمشي 40 والي ورا يرمشله ويدكله هورن ومايقبل يوخر بهاي اشلون

[@الادبخيرميراث]

ماكو اجمل من القانون كلمن يضمن حقه ولايضر غيره ولايضر نفسه...وفقكم الله لكل خير

[@id8505]

اول مرة سوي شوارع مثل باقي الدول . للعلم البصرة ما بيها شارع واحد نظامي كلة طسات وحواسم . خو منطقة 5 ميل حتى علاوي مال رمل وجص وبلوك وطابوق على الارصفة ناهيك عن التجاوزات بمعنى اخر فوضى عارمة في جميع الشوارع العامة حدث بلا حرج

[@مجهولماعرف]

عفيه بلمروور هذا القانون الزين بس شي ناقصكم يامروور سووو الاشارات الضوئيه كل بغداد وخلي تنشوف يابشر ميطبق القانون شكرا جزيلا لكم وبارك الله فيكم

[@sparkyelec85]

غرامات و الشوارع ما مبلطة غرامات و السيطرات تفتح سايد واحد غرامات و اشارات المرور عاطلة غرامات و البانزين غالي غرامات و غرامات و غرامات والمنتسبين بالاجهزة الامنية الوحيدين الي ما يمشي عليهم القانون مشوا القانون على منتسبيكم و عوفوا المحسوبيات و الواسطات و بعدين افرضوا و زيدوا الغرامات

[@مروجرحمن]

قوانين كلش حلوة بس ياريت يطبق على الكل بدون استثناء ونرجو من المديريةان تكون الشوارع مخططة لسهولة السير وسهولة تطبيق نظام السير مع الشكر

[@ARKAN489]

ان شــــــاء الله نــــرجــــع الى ايام الثـمانـيـنـيـــات ايـــام الاتــلتـــزام بكلللللل شيئ!!

[@حسنالخفاجي-ز3د]

مبادره جيده يجب العمل بها وخاصه في الاعراس

[@أغصانالورد-س1ف]

هناك نقطه مهمه هي اثناء الاختبارات في الحصول على اجازه السوق... ان يكون الاختبار للكير الاوتوماتيك والعادي ليس فقط كير عادي... الكثير يترددون في الحصول على اجازه السوق بسبب هذه المشكله. تحياتي للجميع

[@alhussenreyad1655]

اتمنى انو يصدرون قانون بلمرور انو انتة مخير بين تسوق كير عادي او اتوماتيك مثلا انتة تريد الاوتوماتيك من تطلع الرخصة بس يحق لك ان تسوق سيارة اوتوماتيك واذا لزمك المرور اثناء قياتك او سويت حادث وانتة تسوق كير عادي سجن لمدى اسبوع +غرامة مالية ! منو يوافقني الرأي

[@سامرالعراقي-ف6ب]

بارك الله بيكم اذا يتطبق علئ جميع واذا علئ الفقير حسبنا الله ونعم الوكيل علئ القوانين الي تشرعوها عل فقره

[@عراقيعراقي-ز1ظ]

صلو على محمد وال محمد .بس بخصوص طريق كركوك يوميه شهداء بسبب تخسفات طريق واهل تريلات جبايه 15 الف على مدار 5سنوات بحجة ترميم طريق .بس نكول الله كريم

[@wg1987]

عاشت ايدك سيدي العميد،👏

[@55iraq19]

الجام المضلل ؟؟ مخالفه السيارات الحكوميه؟؟ سيارات المصفحه وفتح الابواب وخروج فوهات الاسلحه؟؟؟ وين عقوبتها اخي

[@id8505]

هذولي فوق القانون

[@غالبالركابي-ت6ت]

هسه تطبق بسرعه بيهه قرامات سووشي بي خير

[@غالبالركابي-ت6ت]

شوفو شارع ديوانيه ناصريه شلون شارع

[@علىالدليمي-ر1م]

عاشت يدكم على هاي القوانين خلي العراق يصير مثل باقي دول

[@الاصيلالاصيل-د6ب]

بارك الله بيكم وبعملكم وحي الله ابطال المرور الذي يعجز اللسان عن وصفهم في هذه الشمس الحارقة والتعب والمعانات مع السواق رغم اليوم كصولي وصل مخالفة😅 بس الله يحفظهم اني وياهم ومع القانون اذا اطبق على الجميع لوطن حضاري وشعب متحضر

[@alhussenreyad1655]

اتمنى انو يصدرون قانون بلمرور انو انتة مخير بين تسوق كير عادي او اتوماتيك مثلا انتة تريد الاوتوماتيك من تطلع الرخصة بس يحق لك ان تسوق سيارة اوتوماتيك واذا لزمك المرور اثناء قياتك او سويت حادث وانتة تسوق كير عادي سجن لمدى اسبوع +غرامة مالية ! منو يوافقني الرأي

[@احمدالخفاجي-ذ6ج]

سواق الكيات يرادلهم قوانين والشوارع يرادلهن انتباه قوي نتيجة الطسات الكبيرة من المسئول عليهن

[@آللهأكبرآللهأكبر-ص2ح]

الاخوان في المرور المحترمين ارجوكم طبقوا القانون على الجميع مو تحجز الفقير وتعوف القوي يمر ويسير امام الفقير وينظر اليه نظرة المغشي

[@الموسويالموسويالموسويالموس-ذ7ذ]

ربي يحفظك سيادة العميد ونتمنى تطبيق القانون ع الجميع بدون استثناء وهذا واجب شرعي تطبيقه ع الجميع

[@محمدحسن-ع2ن2ق]

الله يبارك بيكم وبجهودكم الطيبه اتمنا المواطن يطبق القانون

[@قاصدعباسالجبوري]

أولا سوو الشوارع وهيؤو الضروف المناسبه حتى يطبق القانون بشكل صحيح ثانيا أنتو اطبقون القانون بس ع الفقير( أبو التكسي وأبو الكيه )

[@الكوافيرحسينالبصراوي]

والله العظيم هسه املي بلعراق راح يزدهر 👈 وأبارك لكم ع اجمل قانون مروري في العراق العظيم يوفقكم الله 👈ولو اني معرف اسوق 😊🙈

[@احمدالاستبرقي]

انتوا مديريه مال قط .. كادرين ع الفقير والعباس اذا اجه ابن حزب وسيارته مضلل تصيرون مثل الطليان كدرتكم بس ع الفقير

[@abonaef6400]

واللة انتة وغيرك بدون مجاملة اشرف انسان شفتة

[@ابنالعراق-ز9ك]

قانون جميل وارجو ان يطبق اكثر من كونه مجرد كلام

[@aliraqi8902]

يا سيدي العميد الله يوفقك ويكثر من امثالك و طبعا هذه القوانين سويدية

[@hh.mohamed]

الي يمتنع من اعطاء الاجازه او السنويه يعني انطيها للمرور ولازم ابقى وراه وراه لو ياخذ المقسوم فالافضل ماانطيها احسن وشيريد يسوي خلي يسوي وبي زود خلي يكص الوصل من اشوف يطبق القانون على الكل يامرني امر

[@waleedaliraqi1679]

بارك الله بيكم وياريت تطبقون هالقوانين باسرع وقت اقتراح نتمنى تسوون مثل باقي الدول ترخيص السيارات كل سنة او سنتين حتى تنفحص السيارة وتتجيك. وهمينة موضوع التأمين الي يحل مشاكل الحوادث حتى تتكفل شركات التأمين بالتصليح احسن مما تتعارك الناس وتصلحلي واصلحلك

[@ghostmic6951]

اذا كان من مسؤولية امانة بغداد اذا لماذا يستقطع مبلغ 120 الف عند تجديد سنوية السيارة الاجرة بحجة ادامة طرق وجسور

[@حسينالسلماوي-ف3ذ]

مقارنة بين شوارع السعودية والعراق يجب تعويض سائق السيارة عن الازدحامات واضرار الشوارع وهذه يتحملها مديرية المرور مع الطرق والجسور

[@الزهيري-ك3ب]

الغرامات الغير اصوليه التي لايخبرك بها شرطي المرور تتضاعف عليك دون ان تعلم اين وجه الحق بذلك؟؟!!

[@Ammar-xv6iq]

شرطي المرور لا يشتهي المخالفة فيلبسها أحد السائقين! على السائق المخالف أو من تشبّه أنه مخالف أن يعود لشرطي المرور بنفس اللحظة أو في يوم آخر أو تصفح الموقع الإلكتروني للمرور العامة للتأكد من سلامة موقفه من المخالفة أو عدمها؟ قد يبتز رجل المرور سائق العجلة ويطالبه مادياً، هناك مكتب مفتش عام وجهات رقابية بالإمكان (رفع شكوى) ليطبق القانون على الجميع وكل يعرف حقوقه وواجباته.

[@h_55.j]

اذا طبقآ راح نصير شعب مثقف وواعي ولازم يطبق ع الكل

[@عليجواد-ب9د4م]

سيادت العميد اتمنا من حضرتكم تاخذون الاجراء الازم بخصوص التجديد اكو هواي ناس اجازاتهم خصوصي ونافذه جاي انجددلهم ترجع نفس الفئه وكل المواطنين معترضين ع هااي الفقره لازم بـٍْْـٍْـٍْـٍْ؏ـٍْـٍْـٍْـْْد التجديد اتصير عمومي 16 طن اني احد موظفي موقع الرستميه

[@الموسويالموسويالموسويالموس-ذ7ذ]

نتمنى ان يطبق على الجميع بدون استثناء .

[@kareemlolo6187]

ياسيدي ويااخي العزيز فقرة الاجتياز من اليمين اذا كان قسم من السواق الطريق فارغ وهو لا يعطيك مجال لأجتيازه من اليسار ماهو الحل أظل تمشي وراه الى ما توصل النجف ولا يفيد معه لا رماش ولا منبه (هورن) ومن تصف وياه وتكلمه يكلي مو جهة اليمين الشارع مروج ومطبات شسويلة كلي اخي العزيز وشكرا

[@المصممحموديالمجنون-ج4ح]

وحق الله كلام الأستاذ صح انشالله انحقق هاذ الكلام ونشالله المرور مايقصر وياه الولد شعبه العراقي واني اشكرك الأستاذ علئ نصاحه المبهره

[@احمدالطائي-ل9م]

احسنتم وزاره الداخليه برنامج توعيه مروريه ممتاز مع المبدع العميد عمار في طرح المواضيع بشكل مشوق 👍🇮🇶👍🇮🇶👍🇮🇶👍🇮🇶👍🇮🇶👍👍🇮🇶👍🇮🇶

[@montherabood1530]

السيد العميد المحترم هناك ملاحظات بسيطة ١- يجب تشغيل الاشارات المرورية ٢-عقد شراء وبيع المركبات يكون متوفر ا على مدار السنة ولا يقبل اي عذر في عدم توفره ٣-غرامة على العقد بعد مرور ثلاثون يوما من تأريخه ٦٠٠٠٠الف دينار وهو غير متوفر لديكم هذة أشياء بسيط جدا لاكمال معاملات المواطنين مع التقدير

[@aymenahmed4652]

بس بشرفك جو حار وحضرتك تغرم ستائر 200الف انت وي عايش باوربا حته اوربا يسمحون هذا شي وثاني شي اكو ستائر خفيفه اني اشوفك وانت شوفني

[@آللهأكبرآللهأكبر-ص2ح]

نتمنى ان يطبق على الجميع بدون استثناء . يجب تطبيق . القانون فوق الجميع . يجب ويجب الامتثال الى ..... القانون فوووووووق الجميع

[@fiaz555arch4]

عميد عمار والدراجات النارية موتونه

[@london.blooger]

اذا صار حادث و السائق او الراكب الجالس بجنب السائق ما رابطين حزام الامان راح يطيرون من الشباك الامامي و يموتون . استخدموا الاشارة لمن تروحون يمين او يسار ولله يا اخوان جدا مفيدة و بنفس الوقت تحفظ حقكم القانوني في حال صار حادث

[@غدرالزمانغدرالزمان-ه9ت]

نريدمن المرور يخلون مراقبات بلمديريات مال المرور...لان اكثرهم ياخذون رشوه ..ونريديعاقبون اصحاب الدراجات الي مخلين اصوات الكزوزات عاليه جاي تزعج الناس

[@aboodalogede5997]

اتمنة هاي القوانين تتطبق على الكل

[@كہيہأنہالعسہٰكہٰريٰ]

حلو وقوانين حلوه بس كون تطبق عالكل مو بس عالفقير لان هسه القوانين عالفقير بس وكلنه نشهد هالشي

[@fares_alesawi]

ممكن افهم شنو معنئ مراجعة الجهه المختصه يعني انا مشتري سياره وعندي وكاله عامه من المحكمه بيها مشمول لا

[@ahmedgziri6214]

والله احسن شي هذه القوانين كلش مضبوطه بس هاي القوانين لجميع المحافظات

[@fiaz555arch4]

الدراجات النارية وسيارات الحمل نريد قانون لهم

[@esmaelha5246]

مثل وزارة الصحة فحص نضر او فحص للتعيين ٢٥ الف دينار وخدمات ماكو ليش والمرور طرق وجسور ١٢٠ أجور خدمات شهداء الشرطة + رسوم وخدمات ماكو ليشششششششش فلوس فلوس منين ايجيب المواطن الفقير

[@باسمالعراقيالساعديباسمالعراقيا]

القوانين كثرت والشوارع والطرق والجسور تعبانه ....الك الله ياعراق

[@Ali-kl8ee]

زين الدراجه يصعدون عليه خمسه ويصير جوه السياره شكد غرامه

[@khattabos4512]

والله استاذ هذه اخلاق تعكس سلوك السائق مو الا بنى تحتية... تحياتنا لكم استاذنا الفاضل

[@ahmadkarem9714]

دولة شغلتها قط المواطن فقط / مواطن وسلمته بيد الشرطة راح يلعبون بيه تك كول ! دواير المرور بؤرة للفساد والرشوة وجاي يسوون روحهم ميتين على تطبيق النظام / الدولة ودعت البزون لحمة ؟؟ والعب بيها يابو سميرة

[@jonsmith6675]

معكم معكم 100%. مغترب عراقي.

[@MR-dz9iw]

راح اشتري تكتك احسلي راح يحلبونة حلب يعني اني عادي اربط الحزام زين العبري اذا مالبس شنو ذنبي ادفع غرامه

[@محمدالجبوري-غ1ي7م]

اني نفسك 😂😂😂

[@MrHamzah369]

هو اكو احلى من القانون . يارب يهدي الناس ونشوف الاغلبيه ملتزمين بالقانون

[@التصميمكرارياسر]

عمي والحسين انته كفووو صح لو هيج القانون لو ما يراد ... استمر يامبدع

[@Ali-nb5kf]

طبقو علا الجميع

[@amekalasmar4635]

اخراج الابدان م̷ـــِْن السياره لآزٍمٍ يكون بي استثاء للمصورين

[@ibocri1937]

بارك الله بيكم ونتمنى الافضل لكم لخدمة المواطنين

[@مصطفىالكتلوني-ث8ذ]

واذا العبري سمين صعد وياي وماقبل يشد حزام الامان شلون ياسياده العميد شنو ذنبي انطي غرامه وهوه منطيني٣ الالف دينار

[@aliarkan1620]

النظام والقانون هي ضمن الوعي الثقافي وتصنف من شخصية وأخلاق الفرد.... اعتقد راح تكون اكو صعوبات في بداية مسيرة الضوابط والمخالفات لان تقريباً نصف الشعب الان هو غير مهتم بهاذه القوانين الجديده بالنسبة كشعب من بعد 2003 إلى الآن لان بهاذه المده الشعب تعلم أن لا يطبق القانون ولا يسير على أساسه..... خطوه جباره وبالتوفيق وأرجو من سائقي المركبات وغيرهم الإلتزام لكي يرى الغرباء ان الشعب العراقي شعب واعي ومثقف

[@ameeralaa6424]

اخي السيارات الحكومية شنو وضعهن والحجي شنو وضعة هذا محد يكدر يحجي ويا اخوية اذا انتة تريد اطبق قانون ببلد يكون بي مطبقين القانون همة نفسهم مخالفين يعني شنو دورية تطلع رونك سايد او مينطي مجال او يكسر عليك

[@ghostmic6951]

عليكم تحديد مناطق وقوف السيارات وليس على مزاج رجل المرور لان هذه النقطة مهمه وخاصة لسيارات الاجره والا العالم راح تهج

[@ضرغامعلاء-ص4ف]

والله ماكو افظل من القانون والقانون جميل جدا جدا ؟ هل وفرت الدوله شوارع واسعه او جسور تخفف من الازدحامات او هل يحاسب الكل سواسيه مثل عجلات الاحزاب والمسؤلين ؟ على الدوله توفير اللوازم ثم تبدا بتطبيق الغرامات والا اصبحت تسلب اموال المواطنين .

[@aqz313]

والتكتك تعتبر دراجه ناريه اعتقد سعة المحرك ٨٠ سي سي هل يحق لسائقها قيادتها داخل شوارع بغداد بدون اجازه ام لا ارجو الرد او التوضيح بخصوص هذا الأمر تحياتي الك ❤️

[@bendawi5666]

بيك خير تعال عل شارع الموت واذا طلعت.عدل الك مني 100 شارع الديوانيه

[@كربلاءالعزابناءالصدررجالمقتدى]

يحتاج هذا القانون الى دعم فعلي من قبل القوات الامنية

[@لنورلنور-ق3ع]

بس اسال سوال يعني اذا الراكب ميقبل يلبس حزام السائق شنو ذنبه يتغرم ٥٠ الف اللي معاي لايك

[@mnsl2000]

اطبك السيارة ونزلة ماينزل طفي السيارة وخليك مكانك ينجبر يسمع كلام السائق من واجبة يطبق القانون حتى على الي ويا وهوة الي يفرض عالركاب مو العكس

[@firasfiras831]

@@mnsl2000 حبي فد سؤال هاي القوانين تمشي عل الاحزاب والمسئولين لو بس الفقير

[@blackcreativity9035]

Mo74mmAD _o07 الناس على باب الله ومستحيل سايق ينزل أيٌــہٌَ واحد لان زين باليوم يحصله ٢ او ٣

[@ahalb1806]

اتمنى مواكب الاعراس اكثر من مليون لانه استهتار جدا وكلها مزعطه وينزلون بالشارع ويعرقلون السير

[@khatabaljbory6686]

ولله كيفت همزين خاصتا مال رمي الأوساخ خارج السيارة خاصتا ابو الكية

[@مازنمازن-ذ4ب6ه]

بالنسبة الى سيارات الاجره هو السائق يطلع على باب الله يريد يجيبله رغيف خبز الى عائلته ويطارد بالشمس في سبيل يحصل على مبلغ لعائلته بغض النظر عن البنزين والصناعية والهيئة والضريبة والشوارع المختنقه وكثير من المشاكل والنوب تضاعفون الغرامات اتقوا الله اتقوا الله في هذه القرارات

[@طالبالبصراوي-ل2ذ]

اخي ممكن استفسار عندي سوناتا رقم بغداد خصوصي 2006 يصير احولهه تكسي

[@عليالعبادي-ي8ف1ن]

اتروس اني عدي سوناته صفره ٢٠٠٧ اتصل برقمي ٠٧٦٠١٣٨٩٣٩٥

[@Saadalkabe]

عاشت اديكم على هذا القوانين النظام حلو. واحلى فقره غرامه على الي يرمي النفايات بالأماكن الغير مخصصه لها. تحياتي لكم

[@engmohammedtalib6055]

عادي رح يصير خمط غرامة ٥٠ الف انطي ١٠ رشوة هو الدولة مرتشية والشعب راشي

[@حسنالدراجي-ظ9ز]

بارك الله فيكم وجزاكم كل خير في جهودكم الطيبة

[@حسنالخزعلي-ت5ف]

تحياتنه الك عميد عمار بس لو تساعدنه بالمناشده لتصليح طريق التاجي لأنه احنه اهل الخطوط الخارجيه تعبنه من هذا الطريق وصارت عدنه حوادث كثيره راجين منكم المساعده وعاشت ايدكم على تطبيق القانون

[@مہرتہضہى-ض6و]

بارك الله فيك وجزاك الله خير الجزاء

[@احمدجاسم-ظ5خ]

يا أخي العزيز السلام عليكم أعمر الطرق الجسور شغل إشارة المرور صحيح @كمل شغلك و يا أمانة بغداد وطبق القانون على الفقير

[@سيدحيدرالموسوي-ت7ع]

اذا فعلا ترغبون بتطبيق القانون يجب عليكم اتخاذ مايلي: 1-تبليط الشوارع الرئيسيّة وتخطيطها بالتنسيق مع الدوائر المعنية 2-وضع كامرات مراقبة على الطرق الخارجية وملاحظة الحمولة الزائدة بوضع ميزان 3-منع استيراد مايسمى التكتك والستوتة أو وضع ألية لعملها بعد ترقيمها من قبل المرور وعملها بمناطق محددة كونها ظاهرة غير حضارية 4- ترقيم الدراجات النارية ويمنع سيرها مع طريق السيارات 5منع استيراد السيارات والشركات السيارات وسيارات الإقليم وبناء مجسرات للتقاطعات 6استحداث طرق جديده وبقياسات عالميه 7تفعيل الاشارات الضوئيه في كافه مناطق العراق اهم نقطه وتضاف بعض الأمور الفنية الاخرى لغرض المحافظة على ارواح الناس بعد العمل بما ورد أعلاه يكون من حق المرور تطبيق نظامها كما هو معمول به بكل دول العالم......وبخلاف ذالك سيكون قانون ضالم وجائر

[@احمدباسمالحلبوسي]

استاذ عمار تحياتي ألك بس ممكن سؤال اني سايق تريلة وگفني ضابط مرور بل نهضة الصبح اخذ مني اربعين الف( بدون وصل) علا مود حزام الأمان بهاي الحاله شسوي💔

[@حسينالكربلائي-ع6ظ]

قفص عليك

[@تيسيرالشبيب]

سؤالي لجنابك الكريم .. اذا مسوي مخالفه ليش تاخذ السنويه سجلي مخالفه ليش تخلون الشخص يبحث عن سنويته

[@elmalik4521]

سوي طرق وتاعلو احجو وصلحو لاشارات وتعالو احجو🙄🙄

[@aymantattoo3572]

والله ماكو اجمل من القانون اني من سكنة محافظة اربيل يااخي محد يحاسب والله بس ماتشوف واحد بدون حزام ماتشوف واحد ماملتزم بقانون المرور بصوره عامه وماكو عليها محاسبه للعلم