تربية الرومي الأبيض الفرنساوي ( المهجن بنعام)

الرومي الأبيض الهيطه الفرنساوي
تربية الرومي الابيض
الرومي الابيض الفرنساوي

[@Thanaa_elhenawy]

معلومات مهمه أن شاء الله اتابع معكم الدوره

[@Amer_666]

كيفية التهجين وهل هو يبيض

[@ابراهيممحمدعبدالحميد-ي1ب]

الكيلو اللحم بكم منه

[@sayedmansoura6694]

الفراخ الرومي بياكل من فضلاتها اعمل ايه؟

[@بيتالعيله-س9س]

نزل مطهر معوي امريزول اقراص من الصيدليه قرص صباح ومساء في المايه لمدة ٣ ايام وبعد كده املاح معدنيه من عند اي بيطري او معلقه ملح طعام علي سقايه المايه بتاعت الطير كل يوم وممكن تحط معلقة ملح طعام علي الاكل بتاعهم وتقلبه فيه كل يوم مع المطهر

[@nagwaibrahim697]

فعلا انا زهقت من حوار أكل الفضلات مش لاقيه حل لو سمحت اى حل للموضوع ده بنزل علاج ويرجع ياكل تانى حزينه والله

[@بيتالعيله-س9س]

طب هو الاخراج بتاعهم فيه ديدان عشان ممكن يكون بينزل فيه ديدان وطبيعي الطير بتبقي الديدان حاجه ملفته ليه ثانيا لو مش موجود كده النضافه كل يوم وممكن نفرش رمله ف الارض هتقلل من المشكله

[@nagwaibrahim697]

بعالجهم من الكوكسيديا ويرجع ا تانى زهقت ومابيكلوش العلف غير لما يبقا شوربه يا اما كده يا اما ياكلوا كل الفضلات اللى فالاوضه لو فى حل بالله عليك

[@NacerKlaa-wt4os]

هل يصلح للتهجين مع الرومي البلدي وكيف تكون النتيجة

[@بيتالعيله-س9س]

الصراحه معرفش ومجربتش

[@احلىاكلهفيمطبخسجده]

بسم الله ما شاء الله ربنا يزيد ويبارك وبالتوفيق والنجاح الدائم الحادي عشر 👍 ع چ

[@hananmohmed7836]

لوسمحت عايزين في اسوان رومىابيض عشان مافيش في اسوان

[@بيتالعيله-س9س]

‏‪0100 988 5969‬‏ ده رقم مزارع عرابي للرومي والنعام تواصل معاهم دول من افضل الناس اللي عندها رومي وبتوزع في اي مكان وممكن يخلوك تتواصل مع حد قريب منك وعشان تشوف الحاجه بتاعتهم ليهم قناة علي اليوتيوب للدكتور أحمد أبو شقره

[@mohmedmaher9992]

الله يباركلك اتكلم عن التسويق ازاى اقدر اسوق بعد التربيه لو سمحت

[@بيتالعيله-س9س]

حاضر في فيديو قريب ان شاء الله لما كبروا وهتكلم فيه حاضر عن التسويق تحت امرك

[@eyadshehata913]

بياكل ايه

[@HanemM-yx8qf]

اسعار الرومي المكنسة بالتعامل بكام

[@ابومازن-ك7ذ]

ممكن دراسه عن تكتك الصغير حتى يكبر ماهيه الوسائل طعام

[@مجديشوقي-ي9م]

ماشاء الله

[@armiamahermaher8788]

هل بياكل مع العلاف النامى ف الشهر ٣عيش ناشف ولاممنوع؟؟

[@بيتالعيله-س9س]

بس ميباقش عيش كتير اوي عشان ميربيش دهون كتير الا لو هتعمل خلطه علي ايدك دشيشه وعيش وحت فول وغله

[@هاشممحمدهاشم-ظ3ث]

السلام عليكم ورحمة الله وبركاتة

[@هاشممحمدهاشم-ظ3ث]

ممكن بعداذنك اعرف السعر والمكان

[@emyahmed6141]

انا اول مرة اربي وخايفة منة اوي عشان طبعا سعرة غالي عندي حيشان عادية جدا وخايفة يبرد مني في الجو دة... هو هيستحمل البرد بالليل ولا الجو دلوقتي مش مناسب لتربيتة

[@بيتالعيله-س9س]

الجو صعب شويه وساقعه جامد ف هيبقوا محتاجيت مكان مقفول ويبقي. فيه مصدر تدفئه والاحسن استني لحد نص شهر تلاته كده واشتري وربي

[@YONKO1238]

عيزه حاجه تزود الوزن

[@hadiali5812]

ممكن رقمك للتواصل

[@اسماءصالح-ذ2ه]

هل ينفع يتربي علي ارضية بلاستك

[@بيتالعيله-س9س]

معرفش صراحة لكن انا بربيه علي الارض عادي وما شاء الله احجامه كانت جميله جدا جدا

[@momomo9347]

هل

[@احمدفوزى-ل2ق]

بارك الله فيك وعليك

[@هاشممحمدهاشم-ظ3ث]

هل حقيقى يوجد رومى مهجن نعام

[@بيتالعيله-س9س]

مفيش حاجه مهجن بنعام دي كلمه تسويقيه مش اكتر عشان حجمه بيبقي كبير لكن دي كلمه عشان نسوق بيها ونبيع بيها

[@ahmedtolba3870]

شرحك ممتاز

[@3bdonabway298]

رأيك ايه في مناعته

[@بيتالعيله-س9س]

كانت تربيته ممتعه الصراحه بس كل اسبوع وجبة بصل اخضر او بصلتين عادين متقطعين مش هيتعب خالص

[@janamohamed1587]

هو ينفع يتربى على سطح مفتوح

[@بيتالعيله-س9س]

هو هادي جدا بس منصحش في الاول وهو صغير لانه بيطير جامد بعد الشهر التاني مفيش مشكله لانه بيتقل جامد وبيبدأ وزنه يتقل وبيبقي حركته هاديه اوي ف ساعتها مفيش مشكله

[@hindelsaid2746]

هو الرومي الابيض بيطير

[@بيتالعيله-س9س]

صعب لما يكبر يطير عشان وزنه بيبقي كبير وتقيل

[@hudaasaed]

طيب ممكن اشتري منين

[@حنانفوزى-ج4ص]

يوجد فراخ رومي أبيض تهجين نعام أوزان من ١٣ الي ١٥ كيلو تربية بيتي

[@ابراهيمعامر-و1ق]

بتشتري الجوز وهو صغير بكام

[@بيتالعيله-س9س]

لما بشتري ١٠ مع بعض الفرد الواحد بيبقي عامل ١٢٠ جنيه من عند دكتور احمد ابوشقره لكن التجار اللي جانبي بيبعوا الفرد الواحد ١٥٠ جنيه يعني الجوز ٣٠٠ غالي جدا مقارنة بالرومي البلدي الاسود بس فرق الحجم رهيب جدا

[@islamabdella8015]

انت وزن معاك بالامانه

[@بيتالعيله-س9س]

الفكره من فتره مش هبقي فاكر كام تقريبا بس الاناث كانت فوق ١٢ كيلو مستريح والذكر اللي كان فيهم ما شاء الله كان حوالي ١٨ كيلو ويمكن اكتر وانا دبحتهم بدرى مقعدوش اربع شهور عندي من بعد ما جيبتهم بس كانوا ما شاء الله تحفه

[@حاتممطاوع-ك3غ]

اي دليل حضرتك انه مش مهجن من النعام

[@بيتالعيله-س9س]

حضرتك دي كلمة ما هي الا للتسويق لكبر حجم الرومي وان وزنه كبير ولتسهيل عملية بيعه وللزياده في الموضوع فيديو علي اليوتيوب للدكتور أحمد أبو شقره صاحب مزارع عرابي بيشرح فيه كل حاجه

[@omabdelrahman2407]

ايه نوع الفرشه اللى فى الارض

[@بيتالعيله-س9س]

جير مطفي الاول في الارضيه وفوقه تبن

[@asmaakamal6672]

ممكن اعرف اجيب منين

[@بيتالعيله-س9س]

من الاسكندرية اخر كوبري ابيس من عند العوايد محل زمزم لتجارة الطيور كويس جدا وفي منطقة الحجر في منطقة اسمها نزلاية أبو سعده او المنزلايه علي اليمين

[@asmaakamal6672]

انا من القاهره

[@علاهقابيل]

ممكن اعرف اقرب مكان لمنيا القمح اشتري منو عمر شهر

[@بيتالعيله-س9س]

للاسف معرفش انا من اسكندريه بس انصحك عموما تسأل عن مزارع عرابي دكتور أحمد أبو شقره رقهمهم موجود على النت هتجيب رومي من عندهم ما شاء الله

[@النجاحيعنيالاستمرار]

انا من الاسكندريه ممكن العنوان أو رقم التليفون

[@عليالنجارشمبران]

ماشاءالله تبارك الله

[@OmMalekBirds]

ماشاءالله اللهم بارك يارب من الطيور اللي نفسي اربيها

[@بيتالعيله-س9س]

هو جميل جدا فعلا والوزن ما شاء الله جربيه تحفه فعلا

[@دودوالشوادفى]

هو انتى منين

[@بيتالعيله-س9س]

انا من اسكندرية

[@farhaalpnwany7196]

ینفع اخلط دشیش وعیش مع العلف

[@abdel-rahmanmuhammed1766]

ممكن رقم حضرتك انا من اسكندرية بردو

[@ahmedradwan3127]

تركيا وصلت في التربية50كيلو

[@بيتالعيله-س9س]

معرفش اول مره اسمع المعلومه دي بس المشكله انه كل لما بيكبر طعمه بيتغير شويه وبيبدأ ينشف وبيقعد فتره طويله لحد لما يستوي علي النار ف اللي بيعجبني عمر اربع شهور بيبقي ممتاز حرفيا وطعمه بيبقي روعه

[@mohamedhafez9781]

عايز اشتري ممنين

[@بيتالعيله-س9س]

انا كنت شاريه من تاجر كان فاتح جانب البيت حاليا بتعامل مع واحد تاني وحاجته ما شاء الله جميله انا من اسكندريه لو عايز اوصفلك المكان اقولك

[@wafaakhamis1673]

@@بيتالعيله-س9س فين المكان في الاسكندريه

[@بيتالعيله-س9س]

اخر كوبري ابيس وانت رايح علي العوايد هتلاقيه علي اليمين اسمه زمزم للطيور

[@rtuop8765]

هو بيبيض

[@بيتالعيله-س9س]

اه بيبيض طبعا الطير الوحيد اللي مش بيبيض البط المولار او البغالي بيتربي من اجل اللحم بس

[@rtuop8765]

@@بيتالعيله-س9س بس انا سمعت انه مش بيطلع عيال

[@بيتالعيله-س9س]

المشكله بس ف التخصيب عشان بيبقي وزنه كبير اوي لما بيكبر ف التخصيب بيبقي صعب شويه بس للامانه لما ربيته علي الغله والدشيشه وحت الفول وقطعت العلف الجاهز صحته كانت احسن وبيتحرك افضل وعادي كان ممكن يخصب ووزنه كان كويس جدا المشكله لاحظتها الطير اللي بربيه بالعلف الجاهز مبيبقاش كويس وبيبقي تعبان

[@rtuop8765]

@@بيتالعيله-س9س اه فهمت بيكون احسن وطعمه احلى لما متديهوش علف

[@sayedali-um7kw]

حضرتك جيبه منين

[@بيتالعيله-س9س]

جايبه من تاجر عندي في اسكندريه بس نصيحه لو ناوي تربيه هات من عند د.أحمد أبو شقره مزارع عرابي هتاخد منه كتكوت رومي نضيف وكويس وسعره هيبقي تمام اكتب بس مزارع عرابي للرومي والنعامةعلي اليوتيوب وهتلاقي القناة بتاعتهم

[@anoshmostafa5798]

لو سمحت نجيبه عمر اد ايه عشان نربيه في البيت

[@بيتالعيله-س9س]

@@anoshmostafa5798 هو بيجي عموما عمر شهر ومتجيبوش اقل من كده خصوصا عشان احنا في الشتااا ومحتاج تحضين ودرجات حراره عاليه ف عمر شهر وبياكل بادي 21 خشن ويبقي في مكان مقفول ومفروش تبن او نشاره ولمبة صفرا 200 وات لو المكان واسع او 100 وات لو المكان علي قدهم وبالتوفيق ان شاء الله

[@بالعربي-ك2ف]

لو سمحت عندي رومي عمر شهرين ونص نموه ضعيف واوزانه متتعداش ال ٤ك لقيت واحده ماتت فجأه وقبلها كان فيه اسهال اسود ونزلت مضاد سموم لما ماتت كانت زرقه

[@ذوالنورين-ض2غ]

الو سمحت عندى الرومي البيض عمر شهر عينه مقفول ارجو الرد لو سمحت مع الشكر والتقدير

[@بيتالعيله-س9س]

السلام عليكم مايه دافيه بقطنه نظيفه وامسح بيها عينه كويس جدا وافتحها بايدك عادي وادهن عينه من بره وجوه بمرهم تيراميسين عين ونزل علي الاكل وجبة بصل وثوم مره كل اسبوع

[@ذوالنورين-ض2غ]

@@بيتالعيله-س9س ألف شكر لحضرتك ربنا يوفقك

[@زيادالمفكر]

هو المهجن حلال

[@بيتالعيله-س9س]

السلام عليكم اولا مفيش حاجه اسمها رومي مهجن بنعام دي كلمة تسويقيه للييع فقط لاغير تدل علي كبر حجم الرومي ثانيا مفيش حاجه تقول ان المهجن حرام زي البط البغالي مثلا ده تزويج بط مسكوفي او بلدي للفرنساوي وبينتج عنه نوع جديد عقيم ولكن حجمه كبير ف خير