ترنيمة : 4 اسابيع في كيهك

أربع أسابيع في كيهك
بنحتفل بيهم
تعالوا نعرف حكايتهم
واللي حصل فيهم
الأول كان ببشارة مولود هيجي
كان معمدان بيمهد للي هيجي
ظهر ملاك الرب وبشر زكريا
ابنك دا هيبقى عظيم ويعمد بالمية
والتاني كان بيحكي عن اعظم قصة
لما الحنان اختار مريم ازاي ننسى
وبعت ملاك الرب ليها وبشرها
علشان يكون خالق الكون مولود منها
التالت كان بيحكي عن قلب رائع
ام الإله رايحة وبتخدم بتواضع
لأليصابات ومعاها جايبالها هدية
زي الأخوات ربطاهم محبة قوية
الرابع كان ميلاد مدعوا من بطن أمه
يشهد للنور ويبشر يتكلم عنه
فرحة واعياد في البيت بميلادك يا يوحنا
عاجزة توصفها مشاعرنا او حتى كلامنا