ترنيمة مش ممكن يرتاح قلبك روماني رؤوف (ألبوم بالأحضان الأبوية بجودة عالية)

كلمات الترنيمة
مش ممكن يرتاح قلبك وآنت بعيد عن ربك
لو ربحت العالم كله مش حايريح نفسك
كل العالم باطل كله قبض الريح
ياللي عايز تسعد قلبك تعال للمسيح
مهما تعمر في الدنيا بكره لابد تموت
إوعي الفرصة تضيع منك إوعي الفرصة تفوت
إسمع صوت إلهك وإحصل علي الغفران
وإشرب من الينبوع الحي اللي يروي العطشان
إوعي تأجل ولا ثانية أخطر شئ التأجيل
اخرج حالا من الدنيا وإسمع صوت الإنجيل
اترك الخطية تعال للمسيح
قول له إرحمني أنا خاطئ وإندم تستريح
وإنت مسافر علي الأبدية لابد تكون وياك
تذكرة السفر مختومة بدم يسوع مولاك
خذها منه الأن ليفوت الأوان
ترجع تندم وتضيع منك فرصة للغفران
وإنت ياللي في كورة بعيدة بعد ما صرت أمير
ترجع تشتهي الخرنوب اللي بتاكله الخنازير
كل العالم فاني كله أنين ودموع
مش ممكن يشبع قلبك غير الرب يسوع