Tulaga Aao o Iesu EFKS Vaitele Uta Choir 2021

1. Tulaga aao o Iesu
Aufaipese: EFKS Vaitele Uta
Faatonu: Rev. Muao Fagasua Sua
Fati: David Angerman
Upu: Rev Dr. Faitala Talapusi
Piano/Musika: Alani Faiai
Pu’eina/Tuufaatasia: Iafeta Matautia
Ta’ita’ipese: Fuiavailili Tesimale Tafa
Sui Ta’ita’ipese: Taulagi Matafeo
Failautusi: Mema Vaiaso
Sui Failautusi: Lemalu Siolo Pania
Teutupe: Corretti Uesiliana
Sui Teutupe: Laumata Asoapa’epa’e
E aualofa atu ai le susuga i le faafeagaiga ia Muao Fagasua Su'a ma le faletua ia Tauvela ma lenei Aufaipese, mo auauna a le Atua ma nai o latou aiga o ē sa galulue i le atina’eina o lenei aufaipese i tausaga ua mavae:
Rev. Emau Tofilau
Sa faavaeina le Aulotu ma le Aufaipese i Vaitele Uta mai lona amataga i le 1989, ua malolo manumalo mai le galuega. O lona faletua, le tina ia Alaiumu, ua fai i lagi le folauga.
Late Rev. Dr Faitala Talapusi
Faafeagaiga a le Aulotu mai le 1997 - 1999, ua fai i lagi le folauga. O Faitala sa faavaeina le polokalame o le 13 Aso o le Kerisimasi i le 1997. O le faletua ia Tausala Talapusi o loo soifua pea ma nai ona alo.
Late Rev. Foma’i Lafaialii
Faafeagaiga a le Aulotu mai le 1999 - 2012, ua fai i lagi le folauga. O Foma’i sa faaauauina le polokalame o le 13 Aso se’ia oo ina ua amia e le Atua le soifua. O le faletua ia Fausagafou Lafaiali’i o loo soifua pea ma nai ona alo.
E faapea foi ona momoo alofa atu i nisi o le mafutaga faa’aufaipese, i latou ua le mafai ona mafuta i nei aso ona o fuafuaga ua auai atu i ai, e le gata i Samoa nei, ae o atunuu mamao ua aumau ai. E faapena foi ona manatua pea nai tamā ta’ita’ipese o tausaga ua mavae ua amia e le Atua le soifua e aofia ai le susuga i le A’oa’o Fesoasoani ia Alofainuu Pilato, le Ti’akono ia Mulipola Alo, ma le susuga i le Ti’akono ia Pati Tafia’ina. O loo faapea foi ona mafuta pea ma i latou nei sa ta’ita’iina le aufaipese e pei o le susuga ia Faiumu Minute Vaialia, le susuga ia Va’ele Pa’i’aaua Iona Sekuini, susuga ia Toī Tinifu Semisi Rimoni - e le o lilo la outou tautua i le silafaga a le Atua, e manatua pea lo outou sao i le tatou aufaipese.
O le aualofa fapitoa i le susuga ia Aukuso Pulemau, o se tasi o poutu toa o le au Asafo, ua tuua le mafutaga i lona olaga talavou. RIP uso!!!