Turbat O Gwadar At Dha | New Song | Singer Mir Ahmed Baloch | Lyricist Zaid Zaidi

گوادر تربت نظم
تربتُّ و گوادر ہٹ دا گُرک آک مشتہ پیہار
ہرّار نیام سراتے دُشمن تے جوان چنڈار
مچُّل نا ٹپ ءِ دسکا درمان کتویسس
دا وار کیرہ مُستی اچ سوچ خلتیوسس
خاخر نا جمجلائی باتیل ئنا دا خڑکا
ارفے سمندر ام چُول جوش ہٹ کہ جنگ چِکَّا
ژونگارہ اَس سُمتا خف تیٹی بزدل آتا
تربت ٹے مس المہ صدیقی آ دا بِیس آ
ارفپہ جنگ ئنا نی حالو گلاک لگار
دھرتی کہ پین ڈولٹ ورناک تینے کشکار
بر تور مون ءِ داسہ مشتا ردوکا مات آ
دھرتی نا زرہ غاتئے یارا کہوکا مات آ
چنڈا زمین ءِ مُچَّا بشامی آ گروک الک
دا حق ئنا کہ جنگ ءِ پیغامی آ گروک الک
ہر فرد ءِ اونا کورار ٹکُّر کریر تا گوہار
سرچنڈ مس ابکا دونو خنا پے یلغار
ندری ءَ جوزہ غاتو پے دُر دسیرے وللہ
گوری نما مریوک سنگت یار ورنا
الو گمان ئٹی تا دون ام مریک کنتو
المہ ترند ءُ کیرہ گُھرکی ءَ تینا خنتو
شادی ءُ پین ورنا دھرتی کہ شاد مسور
زیبا ءُ دوانزدہ سنگت ڈیہہ ائے بغل ٹی الکر
ہر چہرہ ائے اریوہ خیالٹ ای گم مریوہ
ای جوژ الیوہ تینتو تینے ٹی پتک الیوہ
انت انت لکھسا اُٹ انت انت مرسہ ائے پھل
دڑدا تا دیر چاوہ دا یار ءِ درسہ ائے پھل
خضدار ئنا تہو تیٹ مِسک و زباد اوارے
ای انت لکِّھیو اوڑا ورناس مَش تلارے
خنتیان چٹ کبین ہَس او یاد ساتھ مشتا
دمچر کریکا بے کچ مخاکا مخِّفیکا
اَل اَل دنو دلاور شوکت کمان اسک
ائے یار مہروان آ چیدہ نشان مسک
پھلی ءَ پھل خدا دوست گوہ ائے دریس سنگت
دا گلزمین تو جائی نا چَس کرے محبّت
نی با شعور ءَ ورنا علم و ہنر نا خواجہ
خنتینان نی رُدانس است و جغر نا خواجہ
ہڑس ءُ خلیس ئسینا جپاس سیم دنگان
شتکو ءَ لاڈی ورنا مہراب جان مَروان
نا مخلصی شجاعت نے آ ای انت لکِّھیو
چپی ڈغار ءِ کیوک یا آسمان ءِ خلِّھیو
نازینک نیکے پارہ اِستاک تیر بندا
کِیچی ءَ ہر تہو ہٹ صوالی اریس زندہ
شوری ءَ مَشتا نیامٹ نا خواری غُٹ خننگا
ائے یار دلغدر نی نا یاری غُٹ خننگا
تربت نا شار میتگ نے آ گمر ٹی بابر
رہبر تیٹی شمار اُس ہر ہر کسر ٹی بابر
مہراتا داستان ائے مسلم نا مہر جائی
رشتہ ءِ نیتو گنڈا ائے جان ساہ غا دھرتی
برگیڈ ئنا صفہ ٹی پھلی کریم اوار ہَس
دشمن کہ بیرہ نا پن مَون انگا نن تہار ہَس
کشَّانے است ءِ اونا دلبر ریاض الہی
پنچ دیر ئکن دا جوڑ ائے خاخر ریاض الہی
ولدانہ قصہ بسک تربت نا شار والا
دا چار یار ہمو وڑ ائے چار یار والا
دونو تباہی مسک سنگت فدائی مسک
گڈیکو سمتا واپس ناز ہٹ بِنائی مسک
پبّی آ دکھ و زورا اونا ملی سرانے
پاکو نا خنتے کشار ہر کور خن ملانے
آزان ءِ حق ئنا او سر شم تیا کہ تسور
لمہ وطن اُو نے آ خیرات ندر مسور
ایّوب ءَ جند ندرا پھل آ تے چٹ ببو تین
زمرد نا ٹک ئسے اَو اُو بخت ئنا ننا شین
لاڈے لڈے تا ساز ہٹ نازیفنہ نے سنگت
حاصل مُراد دلبر نیٹی خنان ہمت
زارے غلامی نا نی کیداس یار وجداد
تینا سمٹ نی تینے ہراس یار وجداد
دم تیر لوظ خیالاک نا پن تو پھل خلیف جان
ٹکر مریر گالاک نا پن تو پھل خلیف جان
یارا تا صدخہ ندر اٹ ایمان کیرہ کارہ
دھرتی تو کیرہ بیَّت پیمان کیرہ کارہ
زار آتا تام ءِ دیرہ تینا دتر تا جام ہٹ
جنگ ایتسہ کہیرہ عقل و شعور ءُ پام ہٹ
مُستی رُدیرہ پین ام تینا چمن ٹی پھلاک
لال انگا گواڑخ آتو حسن آتا گُل گُلاباک
اسلم نا کاروان ائے دا قافلہ روانے
ادنا غا سر گنوکا زیدی نا دا ترانے
Turbat O Gwadar At Dha
New Song
Singer : Mir Ahmed Baloch
Lyricist : Zaid Zaidi
Mir Ahmed Baloch New Songs
Mir Ahmed New Songs 2024
Mir Ahmed Baloch New Songs 2024
Ustad Meer Ahmad Baloch 2024 Songs
Tawaar Balochistan
Mir Ahmed Baloch
Meer Ahmad Baloch
Mir Ahmed New Songs
استاد میر احمد بلوچ
میر احمد بلوچ
توار بلوچستان
#newsong #mirahmedbaloch #balochistan

[@dilawergaming291]

Qurban ❤

[@misterfarazoficial]

love Balochistan 🇩🇯 Balochistan Zindabad

[@MalikAlizai]

Qurban numkin yarak lakwar Qurban ❤

[@NasirKhan-mv8ot]

Qurbaaaan❤❤❤

[@Mahalbaloch7598]

Wakiiii❤

[@Sardaarrustumsajidi]

Qurban watan

[@Ckgbaloch-oq4nf]

❤❤❤

[@Ckgbaloch-oq4nf]

😢😢😢😢

[@user-sc2gv4cr1d]

❤❤❤