Turqia, udhëkryqi i ri i kokainës...lidhja me heroinën / Cartel, në Top News

Azia perëndimore mendohej se luante një rol relativisht modest në trafikun global të kokainës...të paktën deri më tani. Këto kohë të fundit, pretendimet sipas të cilave turqia po shfaqet si një korridor i rëndësishëm kokaine për në evropë, po ngrenë shumë shqetësime për një fluks të mundshëm droge edhe në pjesën tjetër të azisë perëndimore.
Edhe pse ka pak arsye për të pritur që kokaina të përmbytë rrugët në një të ardhme të afërt, një vrojtim më nga afër i lidhjeve indirekte të rajonit me tregun e kokainës tregon për një rol në rritje të drogës.
Azia perëndimore prej shumë kohësh ka qenë vatër e drogave të tjera, mes të cilave hashashi, metamfetamina dhe kaptagoni. Kokaina, në të kundërt, nuk ka mundur të shtrijë këmbët lirshëm në rajon, pavarësisht rritjes së vazhdueshme të furnizimeve dhe kërkesës në të gjithë botën.
Sidoqoftë, në vitet e fundit, ka patur sinjale se Turqia mund të jetë duke u kthyer në qendrën e radhës, të madhe, të tranzitit të kokainës...Sasia e kokainës së konfiskuar në vend, është rritur nga 393 kilogramë në 2014-ën, në afro tre tonë në 2021, sipas zyrës së kombeve të bashkuara për drogën dhe krimin. Edhe pse zyrtarët turq, kanë raportuar një rritje prej 44 për qindësh në konfiskimet e kokainës nga 2021 deri në 2022, të dhënat për konsumin e brendshëm nuk tregojnë një rritje paralele, cka sugjeron se vendi po shërben si korridor droge.
Rizgjedhja në maj të 2023, e presidentit Recep Tayyip Erdogan në post, qarqet politike të të cilit janë shënjuar sic raportohet nga raste korrupsioni dhe skandale të lidhura me trafikun e kokainës, sugjeron se roli i dyshuar i vendit si një korridor kokaine ka pak gjasa të zbehet në kohët në vijim.
Rrjetet kriminale turke, tashmë lojtarë kycë në tregtinë e heroinës, duket se kanë gjetur mënyra të reja për të shfrytëzuar rezistencën minimale të vendit ndaj krimit të organizuar, duke punuar me grupet amerikano latine dhe ato ballkanike, për të qëndruar në një hap me kërkesën globale në rritje për kokainë. Pjesa më e madhe e kokainës që hyn në turqi, vjen direkt nga amerika latine ose përmes afrikës perëndimore, dhe mendohet se trafikohet më tej drejt konsumatorëve në evropën lindore dhe kaukaz.
Në pamje të parë, shfaqja e turqisë si qendër kokaine, mund të hapë rrugën që droga të shkojë edhe më tej, drejt pjesës tjetër të Azisë perëndimore. Një zhvillim i tillë është parë tashmë në afrikën e veriut, ku raportet për konfiskime kokaine janë shtuar ndërkohë që roli i afrikës perëndimore si pikë tranziti në trajektoret e furnizimit të kokainës, është rritur. Në azinë perëndimore, infrastruktura e nevojshme që kokaina të përhapet është i ngritur. Grupet kriminale turke janë të përfshira në shumë prej trafiqeve të paligjshme të rajonit, përfshirë atë të heroinës, armëve dhe sendeve antike, duke hapur udhë kështu edhe për kokainën. Sidoqoftë, mbetet për tu parë nëse droga do të tejmbushë tregjet rajonale.
"Askush nuk zgjohet një ditë dhe vendos të bëhet një trafikant droge. Këto vendime merren pasi kanë ndodhur një sërë ngjarjesh në jetën e dikujt."
Kështu e përkufizon botën e drogës një nga narkotrafikantët më të mëdhenj të botës.
Jeta e tyre është e mbushur me krime, trafiqe, vrasje, tradhti, bëma dhe mite.
Një seri dokumentarësh vjen në Top News, mbi lordët famëkeq të drogës.
Cartel
Çdo të dielë
Ora 21:00
Për më shumë vizitoni: top-channel.tv/
Subscribe to "Top Channel" on KZbin Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#Cartel #TopChannel #TopNews