Рет қаралды 26,867
明愛暖萬心|譚輝智讚關嘉敏神還原自己 爆顏米羔劉威煌笑到噴飯
慈善節目《明愛暖萬心》喺7月6號晚舉行,一眾演出藝人 方皓玟 (小明)及中聲家族嘅 李佳 龍婷 古淖文 譚輝智 等喺節目開始前進行拜神儀式。小明以一身清涼打扮顯型格,唱開情歌嘅佢更透露即將推出跳唱快歌,為咗新歌特意同一班舞者綵排咗兩個半月,傾盡全力想給予觀眾新鮮感,由於跳舞好多滑地同大動作,搞到佢周身瘀傷,真正體會到台上十年功呢句說話,而今次亦係佢入行以嚟首度挑戰跳唱,稍後陸繼會有快歌推出。
早前 關嘉敏 喺《福祿壽訓練學院終極對決》中,模仿譚輝智嘅演出成為熱話,就連輝智本人都大讚Carman高度還原自己,輝智話:「真係好犀利,好似,係誇張版嘅我,嗰日同顏米羔、劉威煌食緊飯時睇,佢哋笑到噴飯。」
輝智好佩服Carman嘅扮嘢毅力同精神,最初睇見件衫以為真係自己著過嗰件,後來先知對方係專登訂造,連顏色花紋都可以一模一樣。另外,古淖文8月會喺澳門舉辦演唱會,主題係I'm Home,就好似回家有種凱旋歸來嘅感覺,所以古淖文都好期待呢次嘅演出。
佳佳日前雖然今年喺工作中度過生日,但愛錫佢嘅粉絲同家人都有為佢慶祝一番,尤其係佢嘅粉絲一佳人,當日仲等佢收工,令佳佳好驚喜。而生日願望除咗身體健康之外,仲希望出新歌,有機會舉辦大型演唱會。龍婷就話本來有意作街頭演出同粉絲互動,但因天氣太熱,唔想粉絲辛苦,所以會多開Live同歌迷見面。
《明愛暖萬心》今晚 20:00 翡翠台
#明愛暖萬心 #方皓玟 #中聲家族 #李佳 #龍婷 #古淖文 #譚輝智 #關嘉敏 #福祿壽訓練學院終極對決
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0