Рет қаралды 7,177
StarTalk丨范冰冰與里安納遜合作獲對方送花 對於感情事盼隨上對的人
范冰冰近日來港出席《亞洲電影大獎》,兼且作客《StarTallk》接受主播 潘盈慧 訪問。2017年冰冰憑《我不是潘金蓮》奪得《亞洲電影大獎》「最佳女主角」,講到今次到嚟擔任頒獎嘉賓,同上次嘅感覺有冇咩唔同?冰冰指再次嚟到香港出席係一件開心事,感覺好似返咗屋企一樣。今次頒獎禮有好多嚟自世界各地嘅嘉賓同演員,冰冰話最開心係見到自己欣賞嘅演員,好似吳慷仁,希望有機會跟大家交流,佢又大讚梁朝偉喺每個角色裡面都好迷人,最近又有睇偉仔新作《金手指》,當中嘅表現非常好。
經已一段時間冇喺幕前演出,冰冰透露啱啱有部同Liam Neeson合作嘅荷李活電影拍攝完畢,提到對方送咗份特別嘅禮物時,冰冰話當是正值中國嘅農曆新年,Liam Neeson知道呢個節日通常會一家人過,但係見到佢仍然工作,所以就送咗盆花畀佢,仲話:「妳將這個花好好呵護起來。」令冰冰感覺好溫暖。
對於點樣保持住美貌,冰冰話首先要調整自己心情,不論發生任何事,尤其係女性,每當發生事就會收埋喺心底,獨自去承受,但係其實都要調整心情。第二就係到佢呢個年紀一定要保持不能夠肥,因為肥胖就會睇起嚟好臃腫,或者有種疲憊感覺。對於護膚養生,佢覺得都係要吃得好、睡得好,如果有時間就可以去鍛鍊身體健身同敷面膜,佢話自己每日至少敷兩張面膜,令皮膚有足夠水感。至於食方面,佢話只要唔餓就唔食。
談到感情方面,冰冰覺得粉絲同一路有睇佢作品嘅觀眾,甚至家人都一定會關心,但佢覺得感情事都係講緣分,因為要遇到完全合拍嘅人係一件非常難嘅事,佢話遇到的話當然開心,如果冇都可以一個人生活得好,所以時下嘅女生都唔會急,因為遇到錯嘅人,經歷一段錯誤嘅情感,不如一個人好好保護自己、好好去工作、好好去做好自己嘅事業。如果遇到一個疼錫自己,又會令自己繼續追尋夢想,咁一定會係好幸運嘅事,所以佢都希望呢個幸運可以降臨自己頭上。
阿盈再追問到若果被家人再追問催拍拖時會點處理,冰冰就笑笑口話到呢個年絕,就唔好再理我啦!
#startalk #范冰冰 #潘盈慧 #亞洲電影大獎 #吳慷仁 #梁朝偉 #調整心情 #吃得好 #睡得好 #鍛鍊身體 #敷面膜 #拍拖 #緣分 #一個人生活得好 #幸運降臨頭上 #里安納遜 #送花 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0