A la me Terra (Testo di Nino Barone): dedica alla mia città: Trapani!

eri ho avuto il piacere di recitare una mia poesia alla presentazione del libro del professor Salvatore Corso, dal titolo "Abbanniatini e Tiriteri", edito da Di Girolamo Editore. La poesia dal titolo "A la me terra" è stata un omaggio alla trapanesità autentica del professore. Questa composizione risale agli anni ’90 e confesso di averla relegata nel dimenticatoio.
L'invito mi ha dato l'opportunità di rispolverare questi versi, rivestendoli di nuova vita e significato. Non solo ho avuto il piacere di recitarla, ma ho anche deciso di rivalorizzarla attraverso la musica, sfruttando gli strumenti offerti dall’intelligenza artificiale. Il risultato è stato sorprendente: una melodia che, a mio parere, si sposa perfettamente con le emozioni e le immagini che la poesia evoca.
Eccovi il testo:
Quantu beni chi ti vogghiu,
terra mia t''u dicu ancora;
ti lu scrivu 'n capu un fogghiu,
ti lu cantu dintra e fora.
Li biddizzi to' su' rari,
cu' ci veni si n'adduna;
stinnigghiata nta lu mari
fai tuccari stiddi e luna.
Li ricchizzi chi pusseri
granni e nichi ci ni sunnu,
la Maronna, li Misteri,
li canusci tuttu 'u munnu.
Quannu grapi lu sipariu:
quantu chiesi e monumenti;
nun c'è postu ch'esti lariu,
tu d'amuri sì surgenti.
Quannu 'u suli si n'acchiana
e si specchia ntâ salina:
splenni a mari Favugnana,
splenni 'u portu e la marina.
L'acidduzzi fannu festa,
li gabbiani ntâ scugghiera;
puru quannu c'è timpesta
pari sempri primavera.
Tu sì sacra, sì divina,
terra mia di rosi e spini:
nta stu munnu si regina,
tu mi scurri nta li vini.
Lu me cori batti forti,
nta ddi strati, li vaneddi,
chi poi quannu veni notti
lluminati su' chiù beddi.
La campana 'n cattitrali
sona a l'ura stabilita,
stessu sonu, tali e quali,
duna battitu a la vita.
Lu sipariu poi si chiuri,
va, lu suli, a ripusari;
perdi tuttu lu culuri,
mai 'i carizzi di lu mari.
Nun c'è cosa chiù prigiata,
lu ripetu jorna e misi;
tegnu 'n pettu na vampata,
chidda chi havi un trapanisi.
Quantu beni chi ti vogghiu,
ti lu dicu sulu e 'n coru:
iu stu ruppu nun lu sciogghiu,
terra, mancu quannu moru.
Petri senza tempu 👉 amzn.to/3PGb5FF
Alitu di Diu 👉 amzn.to/3CigzDB
Amor ti tocco 👉 amzn.to/40DmPiz
#poesia #poesiasiciliana