توصيل شقق العمارة على موتور مياه واحد بدون حدوث قفله

[@محمدرجبعبدالجواد-ي6ع]

أكرمك الله شرح ممتاز

[@اتعلمصنعه]

ربنا يكرمك . شكرا جزيلا

[@mohamedbadr4088]

كلامك صح لو كان كل الشقق موصله علي فازه واحده اما أن كانت الشقق موصله علي اكثر كن فازة يصبح الكلام خطأ وبحدث قفله فعلا .

[@اتعلمصنعه]

صح انا قلت كده فى الفيديو

[@salimmilad210]

تفسير ممتاز للغاية بورك فيك و في علمك

[@اتعلمصنعه]

ربنا يكرمك , شكرا جزيلا

[@mostafadawod1096]

الله ينور عليك يا غالي ❤ شرح ممتاز

[@اتعلمصنعه]

وعليك . اشكرك

[@مصطفىأبوصابرالشيمي]

الله يسعدك ويوفقك ويحفظك يارب العالمين

[@اتعلمصنعه]

ربنا يكرمك . شكرا

[@ahmedmahmodm]

ربنا يباركلك يا هندسة

[@اتعلمصنعه]

ويبارك لك يا طيب . اشكرك

[@osamamedhat9158]

التوصيله ميه ميه بس انت جبتلهم كهربا من اي دور

[@اتعلمصنعه]

من كل شقة

[@basemsalah1]

طب لو عايز اعمل مفتاح في الحمام ومفتاح في المطبخ اعملها ازاي..

[@اتعلمصنعه]

ممكن بنفس الطريقة يعنى طرف الكهربا من مفتاح المطبخ تربطو مع طرف الكهربا من مفتاح الحمام وتوصله على الموتور .

[@اتعلمصنعه]

kzbin.info/www/bejne/m4fWoJ9_fpJ-kJo

[@هشامعزوزالنجار]

بس بعد اذن حضرتك بطريقه التوصيل بتاعتك كده بلازما المفاتيح كلها على فازه واحده عشان ما يعملش اقفله

[@اتعلمصنعه]

صح وانا قلت كده فى الفيديو

[@هشامعزوزالنجار]

شكرا لذوق حضرتك

[@NewBegging-zo2lu]

شرح رائع

[@اتعلمصنعه]

اشكرك

[@yasseinkourdy3825]

فعلا عملت عندى كدا وممتازه شغلله الله ينور

[@اتعلمصنعه]

الله ينور عليك ، اشكرك

[@alielkady5129]

طب عملت ايه ف معرفة الخزان امتلء ولا لا لان اللى هايشغل االخزان مش هايعرف لان الفايض بتاع الخزان معمول عندي على شقة واحده

[@عبدالرحمنمحمدابوزاهر]

الله ينورك

[@اتعلمصنعه]

الله ينور عليك

[@asmaafoued7658]

اذا سمحت عند تشغيل اكتر من شقه في وقت واحد هيكون استهلاك الكهرباء محسبوب مرتين او علي اي شقه

[@اتعلمصنعه]

الاستهلاك هايتقسم على كل الشقق المتوصلة ولو فيه شقة فصلت المفتاح عندها الاستهلاك اللى كان بتسحبه هايتقسم على الموجودين

[@AliShad-bp6es]

انا بس عايز افهم ايه لزمة الارضى انى انزل بيه من كل شق يعنى لو عندى 20شقه هنزل ب20سلك وعشرين كمان كهربه خربت بيت الزبون ع الفاضى وكلام حضرتك معلهش غلط تماما بص يا باشا مفيش الكلام ده هو سلك محمل كويس بيطلع يلف ع كل الشقق وعن كل شقه بتلحم فيه وبالنسبه للأرضى ما لوش اى تلاتين لزمه أنه ينزل من كل شقه

[@علىعليان-ك2ق]

جزاكم الله خيرا يا بشمهندس عندي سؤال لو سمحت لو انا عاوز انزل سلكتين من الصاعد واوصل فيه من شقه النيوترل والكهرباء وينزلوا الفردتين على المتوتور هل يجرى حاجه ارجوا الافاده يابشمهندس جزاك الله خيرا

[@اتعلمصنعه]

جزانا واياكم .. معلش السؤال مش واضح , حضرتك عاوز تاخد الكهربا من العمود الصاعد مباشرة على الموتور والنيوترال من الشقة ؟ ولا تقصد جاجة تانية .... ارجوا توضيح السؤال و سوف اجيبك

[@علىعليان-ك2ق]

@@اتعلمصنعه انا قصدي فردتين يطلعوا من عند الموتور لحد فوق فى الصاعد اللي بنوصل منه للشقق ونجمع كل شقه في الفردتين دول وينزلوا على الموتور على طول

[@اتعلمصنعه]

ينفع , بس لازم تاخد بالك ان جميع اطراف الكهربا من الشقق تكون على سلكه واحدة و كذلك الارضى يكونوا على السلكة الثانية علشان مايحصلش قفلة لو شقتين او اكتر وصلو الموتور فى نفس الوقت

[@علىعليان-ك2ق]

@@اتعلمصنعه معلش يابشمهندس طب بالنسبه للمفتاح اللي فى كل شقه هيبقي اربع طرف ولا اثنين طرف

[@اتعلمصنعه]

اثنين طرف لان المفروض تكون الشقق واحد فاز

[@ModernCeilingWalls]

طيب بالنسبه للعدادات الكارت هل هيعمل تلاعب كدا ولا ايه وبالنسبه للوصلة المباشرة هتبقي الارضي والكهربا علي المفتاح صح كدا ولا ايه

[@اتعلمصنعه]

لا . ملوش علاقة بالتلاعب لأن التوصيل من المفتاح على الموتور .بالنسبة لوصلة الكهربا و الارضى بيكون من المفتاح لأن المفتاح فيه نقطتين وهم نقطة الكهربا والأخرى للارضى

[@ModernCeilingWalls]

@اتعلمصنعه تمام بارك الله فيك.

[@اتعلمصنعه]

ربنا يكرمك

[@احمدالملا-ق1ف]

طيب كدا ممكن اخد طرف كهربا بس بدون ارضي من الدور التالت وانزله علي طرف الكهربا اللي داخل للموتور علي مفتاح. ارجو الافاده

[@اتعلمصنعه]

لو الارضى مش مع نفس نقطة رجوع التيار الموتور مش هايشتغل لان الموتور بيشتغل بسلكة كهربا وسلكة ارضى يرجع منها التيار الى المصدر لاستكمال الدائرة الكهربية

[@boxs]

الأمبير لن ينقسم بالتساوي بين الشقق... بسبب اختلاف مقاومة الاسلاك باختلاف طولها بالتالي الشقة الأرضية ستتحمل النسبة الأكبر من استهلاك الكهرباء

[@اتعلمصنعه]

قيمة المقاومة بتبقى صغيرة جدا مش هاتفرق اوى

[@faresesam1395]

لو سمحت زرار الماتور منور بإستمرار مع العلم أن الزرار الخاص بالماتور متأخد من فيشة كهرباء فكان فيه مشكلة في الفيشة وغيرناها وزودنا عدد الفيش ومن وقتها مش عارفين نحلها لاننا مش عارفين المشكلة من فين ..ارجو الرد من فضلك عليا

[@اتعلمصنعه]

فيه مفاتيح فيها لمبة بيان تدل على وجود الكهربا فقط , ولتشغيل الموتور يلزم رفع المفتاح . يعنى الاضاءة دى مش مشكلة طالما انها مش بتخللى الموتور شغال باستمرار

[@aliho2490]

جزاك الله خيرا لكن لو كل شقه شغاله على فيز كيف التوصيل .؟

[@mahmoodalsamarrai2057]

​​​@@aliho2490 بهذه الحالة يستخدم مفتاحين كل مفتاح فيه3 مخارج نفس مبدأ الضوء اللي مستخدم في السلالم تحصل مفتاح في بداية السلم ومفتاح في نهاية السلم او الممرات الطويلة لو شغلت مفتاح ينور الضوء ولو شغلت المفتاح الثاني الموجود في نهاية السلم او نهاية الممر من الناحية الثانية حيطفى الضوء

[@mouhammadaboregll2790]

الله ينور ياهندسه

[@اتعلمصنعه]

الله ينور عليك , اشكرك

[@TamerVampires]

لو سمحت جربت مفك تست ومافيش كهرباء خالص فى اسلاك الاوتوماتيك والماتور مش شغال ده ايه السبب ظه ايه السبب بس الماتور منور فى الفتاح

[@اتعلمصنعه]

تأكد من عدم وجود قطع داخلى فى الأسلاك و كذلك تأكد من أن الإسلاك متصلة جيدا من البداية و النهاية

[@abosaja6805]

بشمهندس فيه استفسار بسيط العدادات عندي كلها بي كرت الطريقه دي تمشي عليها ولا فيه تلاعب

[@اتعلمصنعه]

تمشى عليها عادى لان مفتاح الموتور من بعد العداد وكده مفيش تلاعب يعنى العداد هايقرا قيمة تيار الموتور

[@mohamedfetouh3953]

طيب لو الماتور في البدروم وعايز اشغل الماتور من كهربا البدروم فقط لكل الشقق ينفع اخد سلك كهربا لكل شقه واخد النيوترال من كل شقه عادي وليس من نيوترال الماتور ينفع عادي ولا ايه

[@اتعلمصنعه]

الطبيعى ان الكهربا تطلع من كل شقة على الموتور علشان العدادات تقرا الاستهلاك والارضى هايكون من الشقة ايضا لانك هاتفرد سلك ترموبلاست مزدوج .

[@aamirsamir7622]

بالتوفيق انا افضل انارة ذهاب واياب لشقتين فقط لانو يخليك تتفتح وتففل موتار من اي شقة مهما كان مفتاح فاتح ولا غالق كهرباء يعني لو نسيت لفوق ما غلقتش قاطعة من تحت يقدر يغلقها ولعكس ايضا

[@اتعلمصنعه]

شكرا على المتابعة . هو حضرتك تقصد تشغيل الموتور عن طريق مفتاح ديفياتير ولا تقصد حاجة تانية ... ارجوا التوضيح ؟

[@emansaleh8796]

جزاك الله خيرا كثيرا

[@اتعلمصنعه]

ربنا يكرمك .. اشكرك

[@novamergawy1929]

شرح جميل جدا لو المفتاح مش عايز يقفل ايه الحل لانه بيعمل ريحة وانا قلقانة

[@اتعلمصنعه]

اشكرك على المتابعة. لو المفتاح مش بيفصل و بيطلع ريحة يبقى لازم يتغير ضرورى لانه هايتسبب فى تشغيل مستمر للموتور و كده فاتورة الكهربا هاتزيد وكمان الموتور هايتحرق او اجزائه الميكانيكية هاتتاكل بسبب السرعه المستمرة بدون توقف

[@سميرسمسم-ت2و]

طب لو انا نزلت كبل واحد ووصلت الكهربا على فرده والأراضي على فرده هيحصل مشكله لو شقتين شغلو في وقت واحد

[@اتعلمصنعه]

لا . طالما وصلت اطراف الكهربا من الشقق على نفس الطرف فى الكابل والارضى من الشقق على طرف اخر يبقى نفس الفكرة وهو التوصيل التوازى . لو اكثر من شقة وصلو فى نفس الوقت مش هايحصل قفلة لان الشقق على نفس النقطة

[@mohamed_fawzy]

الله يفتح عليك

[@اتعلمصنعه]

وعليك .. اشكرك على المتابعه

[@ON.ENTERNET]

استخدام لقمة 4 طرف طريقة التوصيل الصحيحة والامنة للوضع ده

[@اتعلمصنعه]

المفتاح ٤ طرف ده مفتاح وسط سلم اللى هو الديچيتورى

[@ON.ENTERNET]

@اتعلمصنعه ربنا يوفقك باذن الله ، اسمحلي أوضح أن الديفاتوري( ٤ طرف )اسمه لقمة وسط السلم ، تختلف عن لقمة مفتاح 4 طرف لفصل وتوصيل الموجب والسالب

[@alishareeee]

الله يعطيك العافيه لو بدنا ركب ماتور يتشغل للعمارة كاملة مكونه من 8 شقق على كبسة واحدة. اذا انشغل ماتور يسحب كهرباء من 8 شقق في نفس الوقت وعلى كبسة واحد فقط. كيف عمليات التوصيل

[@اتعلمصنعه]

هل حضرتك بتقصد انه عند تشغيل الموتور من اى شقة يكون الاستهلاك على ال 8 شقق ؟

[@مباركالوايلي-ق1ص]

فكر اول حاجه كيف يفصل عندما يكون احد الشقق مش موجود ومولع المفتاح

[@alishareeee]

@@اتعلمصنعه القصد انو تكون الكبسة خارج اي بيت يعني على باب العمارة اي شخص من أصحاب الشقق يشغل الماتور. يعني حتى لو ماكان حدا في الشقة طبعا بموافقة الجميع

[@alishareeee]

@@مباركالوايلي-ق1ص راح تكون الكبسة خارج اي شقة حتى يستطيع اي واحد من العمارة يشغل الماتور أو يوقف الماتور

[@مباركالوايلي-ق1ص]

باب العماره يامهندس يركب انتركوم فقط كيف يامهندس

[@شعبانالبطل-ط4ت]

برافوا عليك احسنت 🙏🙏🙏

[@اتعلمصنعه]

شكرا جزيلا

[@خالدعلي-ه6م5ق]

طيب هنا سؤال عند اضاءة لمبات البيان على سبيل المثال الدور الثاني واللي في الرابع شايف اللمبة شغالة حيشتغل على حساب العداد دور ثاني وليه مايتخدش فردة سلك موحده نزولا من الرابع للأراضي ويتم تجميع اطراف المفاتيح ودي حتوفر اسلاك والارضي من لوحة الرئيسية للموتور

[@اتعلمصنعه]

انا شرحت فيديو طريقة فرد سلكه واحدة للعمارة لكن انا افضل كل شقة لها سلكة منفصلة علشان لو حصل أى مشكلة تبقى المشكلة خاصة بشقة واحدة وليس العمارة كلها ونعطل باقى السكان .. وبالنسبة للشقة إللى فى الدور الثانى او الرابع لو شايفين اللمبة منورة ولو شغلوا الموتور من عندهم الاستهلاك هايتقسم على كل الشقق المتوصلة فى نفس الوقت.

[@Usama_Said]

الله ينور عليك👍

[@اتعلمصنعه]

الله ينور علينا وعليك , اشكرك

[@mostafamohammed590]

طيب لو كل عداد 220 فولت و الآخر 220 هل لو الاثنين شغلوا المفتاحين مع بعض هيدخل للماتور 440 فولت فيتحرق الماتور لان الضغط بتاع الكهرباء عالى جدا على الماتور

[@اتعلمصنعه]

لا مش هايحصل اى زيادة فى الجهد على الموتور , لان التوصيل بالتوازى زى الشرح فى الفيديو , وهنا هايكون الجهد واحد لانهم على نفس الفازه يعنى الموتور هايبقى عليه 220 فولت فقط

[@el3mda.x]

لو التوصيل علي التوالي هتحصل قفلة واحتمال المتور يتحرق

[@osamamhmoud228]

مش ممكن نوصل طرف واحد بس للارضى يكون مباشر للماتور ونحط الكهربا بس على المفتاح عشان نوفر فى السلك

[@اتعلمصنعه]

ممكن و لكنى افضل ان يكون لكل شقة كهربا و ارضى خاص ده افضل من الناحية الفنية

[@محفوظحجاج-ق9س]

طيب لو نزلت فرده وآحده وليكن الكهرباء من الشقق وخدت الارض من أقرب نقطه للموتور يحصل إيه وشكرا للتوضيح

[@اتعلمصنعه]

كابل الكهربا اللى جاى من المحول الرئيسى و داخل العمارة بتوزع على الشقق والكابل ده فيه ارضى واحد واسمه نيوترال , جميع تيارات الشقق بترجع فى النيوترال ده الى المحول تانى , فلو اخدت اى نقطة على النيوترال فهى بردو نقطة رجوع فى كابل التغذية الرئيسى

[@sosoaposhady3319]

يعنى هتعمل قفله بما انها نقطة رجوع

[@ابيعبدالرحمنبنسلام]

السلام عليكم ورحمه الله وبركاته سؤال اذاالفازات مش موحده ايه العمل

[@اتعلمصنعه]

وعليكم السلام ورحمة الله وبركاته .... فى الحاله دى نستخدم لوحة كنترول بحيث كل فازة على كونتاكتور وكل فازة هنا بتمثل عدد من الشقق , والتوصيل من خلال النقطتين NC ( NORMALLY CLOSED) فى كل كونتاكتور علشان نضمن انه مفيش اى فازتين يدخلو على بعض

[@YasserSuleiman]

لازم يكون حمل كلو على نفس الفاز

[@اتعلمصنعه]

طبعا . علشان مايحصلش تداخل لفازة على فازة

[@osamamedhat9158]

يا استاذ انا موصل متور على 3شقق لما بشغل الدور ال3الدور التاني بيحصل فيه قفله القاطع بتاع الشقه 2بينزل

[@اتعلمصنعه]

كدة يبقى الكهربائى وصل السلكتين الكهربا والارضى بتوع الشقة الثانية او الثالثة بطريقة معكوسة مع الشقتين الاخرين وهذه القفلة هاتلاقيها داخل بواط من البواطات اللى هى نقطه التجميع للاسلاك داخل الشقة .

[@محمدحمدى-ظ1ل]

حضرتك عمل لكل شقة مفتاح ٢ فاز يعني مفتاح سخان او تكيف طب لو عاوز ين نوصل علي قطع مفتاتيح عادية مش نادى لماتور ارضي من تحت من عند الماتور ومن كل شقة قطعة مفتاح عادى يدي كهرباء بس البيت يكون على فازة واحدة

[@اتعلمصنعه]

مفتاح السخان او التكييف بيتحمل تيار اعلى وهو امان مع الموتور بالاضافة لوجود حماية وهى السلكة الصغيرة داخل المفتاح وتعمل كفيوز تربط بين سلك الكهربا والمفتاح , وطالما ان مفاتيح الشقق على نقطه واحدة والتغذية فاز واحد, وارضى الموتور متصل بالارضى العمومى وهو نقطة رجوع التيار فهذا صحيح.

[@User_8681]

لوسمحت حضرتك؛؛؛ ليه لما بيشغلو موتور المية الشقة اللي تحتي الكهرباء عندي بترعش لدرجة ان لمبة اتحرقت؟.

[@اتعلمصنعه]

كده يبقى فيه سلكه من شقة حضرتك واصلة للشقة التانية او العكس

[@User_8681]

@@اتعلمصنعه شكرا لحضرتك؛؛؛واسفة لازعاج حضرتك؛؛؛ معلش سؤال تاني؟. طيب حضرتك انا جبت كهربائي وقال إن دي كهربة البيت كله وده من أصل عمود الكهرباء واني اعمل طلب في شركة الكهرباء علشان يربطو اسلاك عمود الكهرباء؛؛؛ هل ده صحيح؟.

[@User_8681]

@@اتعلمصنعه طيب ولو السلكة دي واصلة هنعرفها إزاي حضرتك؟... يعني الكهربائي يعرفها؟.

[@اتعلمصنعه]

الكلام ده بيحصل لما يكون مع البيت كله , يعنى حضرتك ممكن تلاحظى الناس اللى ساكنين جنب ورشة لحام بيحصل عندهم رعشة الكهربا كل ما الورشة بتشغل ماكينة اللحام وده علشان مساحة مقطع كابل الكهربا (تخانة او سمك الكابل) بتكون اصغر من القطر المطلوب للاحمال او الاجهزة المتوصلة علية علشان كده بيحصل هبوط فى قيمة الجهد والكهربا بترعش .لكن لو قطر او سمك الكابل مناسب مش هاتحصل الرعشة دى بالاضافة الى طول الكابل . لكن المشكلة فى شقة حضرتك بس وده معناه ان فيه سلكه متوصله مع الموتور بيحث كل ما يشغلوا الموتور بيسحب تيار اكبر من قطر السلكة اللى مغذية شقة حضرتك فتحصل المشكلة.

[@اتعلمصنعه]

حضرتك افصلى مفتاح الكهربا العمومى عندك وافصلى الكهربا تماما من الشقة وخللى جارك يشغل الموتور لو ماشتغلش يبقى بياخد كهربا من عندك . ملحوظه: ماتنسيش تفصلى المفتاح اللى فى علبة الكهربا اللى على السلم ايضا الخاص بشقة حضرتك . ولو الموتور اشتغل ابعتيلى واقولك الخطوة التانية تعملى ايه . بس مبدئيا نفذى الخطوة الاولى وابعتيلى ضرورى وصلتى لايه.

[@sosoaposhady3319]

يعنى ايه على فازه واحده نعرفها ازاى

[@اتعلمصنعه]

يعنى داخل للشقة سلكتين اثنين فقط وهم الكهربا و الارضى

[@sosoaposhady3319]

@@اتعلمصنعه طيب لما افتح مفتاحى والشقه التانيه تفتح مفتاحها كده الخطوط الكهربا هتتوصل لبعض هتعمل قفله كده ولا لأ

[@rashadshaban5483]

من فضلك لو فيه عداد على كرت شحن وفصلت الكهرباء نتيجة نفاذ الشحن بهذه الطريقه الشقه التي نفذ شحنها مع تشغيل المتور هتأخذ كهرباء على حساب العداد الآخر ارجو التوضيح

[@اتعلمصنعه]

فعلا بس لازم ناخد بالنا انه شىء حرام لا يجوز

[@sahrshawky4889]

من فضلك احنا موصلين المتور بنفس طريقه حضرتك بس ساعات بينفتح المتور وانا بكون فتحه انا عدادى عداد قديم واللى بيفتحه عليا عداد كرات هل كدا فى تأثير على عدادى القديم ارجو الرد من فضلك

[@اتعلمصنعه]

@@sahrshawky4889 لا مفيش مشكلة هتأثر على العداد لكن الاستهلاك هايتقسم على العدادين

[@sahrshawky4889]

@اتعلمصنعه شكرآ لحضرتك وجزاك الله خير الجزاء

[@خالدابوعلي-و1ص]

التوصيله دي هندسه المفتاح 2 طرف ولا ثلاثه

[@اتعلمصنعه]

@@خالدابوعلي-و1ص ٢ طرف

[@AlaaZumam]

السلام عليكم ورحمة الله وبركاته. هو ممكن مشكله القفله تتحل حتى بعد التركيب؟ الموتر بتاعنا موصل لشقتين ولكن القفله بتحدث لمده ساعات بشكل يومي

[@اتعلمصنعه]

وعليكم السلام ورحمة الله وبركاته. مستحيل توصل التوصيلة زى ما انا شرحت فى الفيديو وتحصل قفلة مستحيل .لكن انتبه لنقطة وهى انه ممكن تكون كل شقة بها مفتاحين مفتاح الحمام ومفتاح المطبخ وممكن تكون القفلة بتحصل من التجميع الغلط للمفاتيح مع الموتور.

[@اتعلمصنعه]

kzbin.info/www/bejne/bXLcn3aEfKZgr9k

[@mohamedbelal8069]

الكلام ده لو على كذا عداد ولا عداد

[@اتعلمصنعه]

توصيل العدادات على التوازى كأنهم عداد واحد لأن الجهد بالتوازى بيكون واحد على العدادات , زى ما هو واضح فى التجربة عند توصيل كل الشقق فى نفس الوقت , لا يحدث قفلة والموتور بيشتغل بالتيار الكامل , لكن سحب التيار بيكون على عدد العدادات الموصلة .

[@ahmed_190]

استفسار بسيط يا هندسه دلوقتي لو شقه واحد مثلا مشغل الماتور ممكن اي شقه من الشقق الأخري يوصلها مياه عادي من غير ما يشغل الماتور من عنده صح ولا ايه

[@اتعلمصنعه]

صح , المياه هاتوصله لانه على نفس الماسورة

[@mohamedsaiedelkoshiry701]

السلام عليكم ورحمة الله وبركاته جزاك الله كل خير ولكن فى ملحوظة ياريت حضرتك توضحها المفروض يبقى فى مفتاح قبل الموتور مباشرة يحمى الراجل اللى ليعمل صيانة علشان يمنع اى تشغيل خاطئ من السكان يكهرب الفنى إللى شغال وألف شكر لحضرتك ❤

[@اتعلمصنعه]

وعليكم السلام و رحمة الله و بركاته. انا شرحت طريقة التوصيل لكن بالنسبة للمفتاح ده المفترض انه راكب لانى باتكلم على اساس انى باشرح دائرة من الدوائر اللى موجوده عندنا بعد القاطع .. اشكرك و تحياتى لحضرتك.

[@osamamedhat9158]

وصلت الدائره دي كهربا ازاي

[@اتعلمصنعه]

انا شرحتها عمليا فى الفيديو

[@sosoaposhady3319]

يعنى قصدك الفرديه الكهربا مع الكهربا والأرض مع الارضى يعنى نفتح زرار الشقه الاولى ونشوف الفرد الكهربى فين ونصل معربة الشقه بتاعنا

[@اتعلمصنعه]

تعرف سلكة الكهربا وسلكة الارضى قبل التوصيل على الموتور. وهذه التوصيلة فقط فى حالة الكهربا الفاز الواحد . يعنى ماينفعش فى العمارة اللى فيها أكثر من فاز . كن حريصا لأن التوصيل على اكثر من فاز فهو خطر

[@greenmain4535]

لو انا جوه الشقه عاوز اعمل مفتاحين ايه العمل

[@اتعلمصنعه]

kzbin.info/www/bejne/m4fWoJ9_fpJ-kJo

[@YasserSuleiman]

احسن شي تركب هاوسات لكل شقة ازا غير مصدر

[@اتعلمصنعه]

@@YasserSuleiman يعنى ايه هاوسات

[@eyeeye9458]

الماتور المشترك بيعمل مشكله مع عداد الكهرباء الكارت

[@اتعلمصنعه]

أى عداد بيحسب استهلاك الكهربا و لذلك فى حالة توصيل اكثر من مشترك على الموتور يتم توزيع استهلاك الموتور فقط على الشقق الموصلة بالموتور

[@kokopopo007]

يعني ايه لازم يكون فازا واحدة نرجو التوضيح

[@اتعلمصنعه]

يعنى تكون الشقق على نفس الفاز من كابل التغذية العمومى حتى لا يحدث تداخل بين الفازات اذا حدث توصيل بين شقتين وكل شقة على فاز مختلف عن الاخرى

[@mnhr7137]

لوفي اكثر من فازة في عمارة كبيرة ازاي يتوصلوا بدون تلاعب ما تظهر فى العداد من فضلك

[@اتعلمصنعه]

ماينفعش توصل الموتور على اكثر من فازة . هذه التوصيلة المشتركة فى حالة الفاز الواحد فقط

[@فاعلخير-خ4د]

لو سمحت لو موجود اكثر من شقه علي موتور واحد ولكن لكل شقه عداد لما ينقطع التيار الكهربي من شقتي والشقتين التانيين يشغلوا الماتور مش بيشتغل ،لازم شقتي يكون متوصلها كهرباء هل معني كدا ان الكهرباء من شقتي للموتور في الثلاث شقق ولا معناها ايه ؟

[@اتعلمصنعه]

اكيد , المفروض كل شقة نازل منها سلكة كهربا للموتور بيسحب من عدادها لكن كلام حضرتك كده معناه ان الكهربا من شقتك

[@فاعلخير-خ4د]

​@@اتعلمصنعه طيب معلش لو تكرمت زياده تاكيد هل معني كدا ان لو كهربتهم فصلت انا الموتور يشتغل عندي عادي ؟لان لسه معرفش هل دا بيحصل معانا كلنا ولا انا بس وكمان هل ممكن الموضوع دا يكون بيحصل مع الكل ولا حضرتك متاكد كدا انه من شقتي ،علشان لما اتكلم ميطلعش كلامي غلط فضلا

[@اتعلمصنعه]

حسب كلامك يبقى الكهربا مسحوبة من شقتك وعلشان تتأكد اكتر فيه خطوتين تعملهم : ١- لما يشغلوا الموتور بص على عداد شقتك هاتلاقيه بيدور اسرع . ٢- افصل الكهربا من شقتك عن طريق فصل المفتاح العمومى هاتلاقى الموتور وقف . يبقى كده هما واخدين الكهربا من شقتك

[@اتعلمصنعه]

@@فاعلخير-خ4د لو كهربتهم فصلت الموتور هايشتغل من شقتك عادى لانك قلت ان الكهربا لما بتفصل من عندك الموتور مش بيشتغل ومعنى كده ان مصدر الكهربا للموتور هو من عندك لوحدك يعنى فى اتصال بين الشقق زى الشرح اللى انا وضحته فى الفيديو

[@اتعلمصنعه]

اقصد مفيش اتصال

[@nadadehana5214]

لمه طفل من أطفال سكان العماره بيفتح ذرار الماتور وانا مولعه الذرار بيعمل قفله وبيفرقع ويطلع شرار ويعمل قفله في البيت!!هل فيه حل أن لو حد فتح عليا ميحصلش ده لاني تعبت بجد؟؟

[@اتعلمصنعه]

الفيديو ده انا شارح فيه حل المشكلة دى

[@اتعلمصنعه]

وصل مفاتيح العمارة للموتور زى ما انا موضح فى الفيديو

[@alaagoda9404]

سؤال بس معلش جزئية الاستهلاك هيتقسم علي الشقق اثناء ما احدهم شغل ولا كل واحد مثلاً شغل فا هو مسؤول عن استهلاكه مع أن الآخر مستفيد من الميه بدون ما يشغل ؟

[@اتعلمصنعه]

لو حضرتك شغلت الموتور لوحدك فإن الاستهلاك هايكون من شقتك لكن لو فيه حد من السكان وصل الموتور معاك فى نفس الوقت فان الاستهلاك هايتقسم عليكم لو التوصيلة سليمه و مش هايحصل قفله

[@alaagoda9404]

@@اتعلمصنعه بس ازاي التاني هيرفع وعارف أن الاول مشغل فا ليه هيرفع من الأساس ما اكيد عارف انه مش في صالحة ؟

[@اتعلمصنعه]

ده لو جارك شاف لمبة الموتور منورة مش هايوصل من عنده لان الموتور بالفعل شغال . لكن لو فرضنا ان حضرتك شغلت الموتور وجارك ماخدش باله من لمبة الموتور انها منورة ورفع المفتاح من عنده فى نفس الوفت

[@alaagoda9404]

@@اتعلمصنعه مش حاسس ان ممكن يحصل هيكون نادر طب بعيدا عن ذلك لو عايز اعمله بس من خلال أنه لما جاري يشغل المياه أو بالبلدي يفتح الحنفيه يتحاسب معايا ويتقسم علينا فاهمني ؟

[@alaagoda9404]

تتعمل ازاي ؟

[@ابوجهادالسيلاوي]

كدة انت بتجبرني اعمل العمارة كلها علي فازة وحدة

[@اتعلمصنعه]

kzbin.info/www/bejne/jWanhZ2LpbF5i9k

[@AlsabrTaeb-tt5vw]

كده هتبقي تحديد الفازة صعب لانهم دول اربع شقق

[@اتعلمصنعه]

لا مش صعب نهائى ... ممكن حضرتك تتابعنى هاتعمل ابه ونفكر مع بعض

[@centurioneagle2294]

السلام عليكم هل ممكن شقه تفاجأ ان كل ما حد يفتح الموتور يتحسب عليها هي فقط وفوجئت بالفاتوره عاليه جدا وده مش استهلاكها ..هل ممكن يحصل ده ؟؟ احنا موصلين عندنا ١٠ شقق كل شقه زرار .وراحت شركة الكهربا وبدلت العداد والمشكله قائمه.هل فعلا ممكن ده يكون بيحصل؟؟؟الله يكرمك

[@اتعلمصنعه]

وعليكم السلام و رحمة الله و بركاته. توصيل الموتور على الشقق بيتيح للى معندوش ضمير أنه يسرق كهربا من جيرانه والحل مش تغيير العداد الحل هو أن كل واحد يتقى الله ويخاف ربنا اللى شايفه . انا شرحت فيديو وضحت فيه ازاى تكتشف السرقة دة ممكن تشوفه.

[@centurioneagle2294]

@@اتعلمصنعه لينك الفيديو اذا سمحت؟؟؟؟

[@اتعلمصنعه]

youtube.com/@user-mh3ee9rd1x?si=XUcYLdeixqMM5oXJ

[@mohamedabdelaziz7098]

لو سمحت لو انا عملت زى ما حضرتك شرحت بالضبط ولكن لغيت المفاتيح ال فى الشقق وعملت مفتاح واحد فقط جنب الماتور هل بالطريقة دى الكهربا تتوزع على الكل بالتساوى حتى لو فى شقة مستعملتش المياة بردو هتدفع فى الكهربا صح كلامى ولا لاء

[@اتعلمصنعه]

صح , لكن لازم كل سلكه تنزل من الشقة على مفتاح الموتور مباشرة . يعنى السلكة تطلع من العداد على مفتاح الموتور على طول , مفيش اى مفاتيح فى السكة .

[@mohamedabdelaziz7098]

@@اتعلمصنعه طيب لو فى شقة من الشقق عداد الكهربا مفيهوش فلوس لأنها مش مسكونة مثلا اية وضعها وهل الكهربا تحسب على باقى الشقق بإستثناء الشقة دى وشكرا جزيلا لحضرتك

[@اتعلمصنعه]

لو العداد مفهوش فلوس فلن يعطى توصيل للتيار الكهربى وده معناه انه مفيش كهربا تشغل الموتور او الشقة

[@mohamedabdelaziz7098]

@@اتعلمصنعه معلش اخر سؤال تعبتك معايا هل ممكن اخد السلك من العدادات بتاعة الشقق مباشر على الماتور لأنهم جنب بعض فى مدخل العمارة ولا لازم اخد من الشقق وانزلة للماتور انا عاوز اوفر سلك وخصوصا ان العدادات والماتور جنب

[@اتعلمصنعه]

انا شرحت الفكرة دى باستخدام سلك واحد علشان توفير السلك

[@MohamedMohaMed-hs4nl]

طيب مهو كده لو شقتين شغله الكهربا مع بعض العداد هيحسب علي الاثنين كل شقه كان في توصيله بس تختلف عن دي شرحه الاستاذ هيثم سعيد وكل شقه تحسب ليها بس لكن التوصيل تنفع في العداد القديم فقط لكن ابو كارت أو الاكتروني لع حتي إللي إنت شرحتها دي متنفعش في العداد الجديد الله اعلم برضو

[@اتعلمصنعه]

ما ينفعش موتور يتوصل على عداد و العداد ده ما يسجلش الاستهلاك ولو ده حصل يبقى فيه سرقة كهربا . وممكن تجرب الطريقة بنفسك عمليا وتشوف النتيجة لانه من الطبيعى ان التيار الكهربى يؤخذ من بعد العداد مباشرة. تحياتى لحضرتك

[@MohamedMohaMed-hs4nl]

@@اتعلمصنعه ممكن إنت مفهمتنيش حضرتك لو أنا مثلأ شغلت الماتور والشقه التاني شغلت الماتور العداد هيعد علي أنا والعداد بتاع الشقه التاني هيعد عليهم برضو ولو الشقه التالته شغلت نفس الكلام فهمني حضرتك لكن أنا عايز مثلأ أنا شغلت الماتور يعد علي ماشى الشقه التاني شغلت الماتور يفصل من عندي ويحسب علي الشقه التاني وهكذه

[@اتعلمصنعه]

@@MohamedMohaMed-hs4nl حضرتك تقصد انك لو شغلت الموتور من عندك العداد هايسجل الاستهلاك ولو شقة تانية شغلت يفصل الموتور بتاعك ويشتغل موتور الشقة التانية . ده اللى تقصده ولا تقصد توصيلة تانية

[@mohamadalsyad6358]

الكلام ده لو الكهربه 220مش 360

[@اتعلمصنعه]

طبعا . انا قولت فى الفيديو انه مع التوصيلة احادى الوجه يعنى ال 220 فولت

[@محمودشعيب-ج6ذ]

للاسف النظام داه بيعمل راجع كهربا .يعنى لو مفتاحين مفتوحين مع بعض هتلاقي عداد بيسحب من عداد .وبتبقي تكلفه على عداد منهم.جهاز الفلوماك احسن

[@اتعلمصنعه]

انا شرحت فيديو موضح فيه تقسيم الكهربا على العدادات لأن الحمل عندنا هو الموتور يعنى قيمة التيار المسحوب ثابتة وبالتالى سيتم تقسيم السحب بالتساوى على الشقق الموصلة فى نفس الوقت.

[@محمودشعيب-ج6ذ]

@@اتعلمصنعه انا قصدي إن لو فى شقه قاطعه كهربا ومفتاح الموتور بتاعها مفتوح.اى شقه هتشغل الموتور هتغذي كهربا للشقه القاطعه كهربا..صح ولا غلط

[@اتعلمصنعه]

@@محمودشعيب-ج6ذ صح . لكن فيه ملحوظة وهى ان فكرة ربط الشقق على موتور واحد بتكون فى حالة الفاز الواحد يعنى كل الشقق على نفس الفازة . يعنى لو الكهربا قطعت فى شقة هايقطع فى كل الشقق. رأى حضرتك من الناحية الفنية صحيح

[@mahmoudelshaer3902]

​@@اتعلمصنعهننت

[@مباركالوايلي-ق1ص]

باقي فكره نسيت مثلا شقه رقم واحد ولع ماطور المياه وشقه رقم 2 ولع برضه المفتاح وخرج وسافر ويرجع بعد يومين يعمل ايه شقه رقم واحد ويفصل ماطور المياه معلوماتك ناقصه يابش مهندس

[@اتعلمصنعه]

شكرا لحضرتك على الاضافة . لكنى شرحت فكرة محددة وهى توصيل شقة مع اخرى او اكتر فى نفس الوقت من غير ما يحصل قفلة , لكن لو حضرتك بتتكلم على مشكلة تانية فالحل هو وضع مفتاح عند الموتور او اى مكان امان و للسكان فقط وبعيد عن الاطفال بيتم الفصل منه فى حالة زى كده اكرر شكرى

[@SAYEDSoliman2020]

عملناها زمان وكانت فازات مختلفه😂

[@اتعلمصنعه]

على موتور واحد ولا كل فازه بموتور ?

[@ابيعبدالرحمنبنسلام]

توصيل الموتور علي شقه بس العماره ثلاث فاز

[@اتعلمصنعه]

انا شرحت دائرة باستخدام كونتاكتورات للعمارة اللى فيها 3 فاز فى فيديو على قناتى

[@Mass4u2]

تقف تنده على الناس عشان كل العمارة تعرف انى داخل استحمه؟؟؟!!!!!!!!!!!!!!!!!!!!!!!

[@اتعلمصنعه]

هاتنده مرة واحده بس لما تجمع اسلاك العمارة وبعد كده تشغل الموتور وانت مطمن مايحصلش قفلة

[@قاسممهدي-ق2ر]

صدقنى..انا.ما.كنت..عارف.انو..على.طول.وعرض.المحروسة..مافيش..فهلوة..ذى.كده

[@اتعلمصنعه]

المهم تكون الفكرة واضحة باسلوب سهل وبعد كده كل واحد ينفذ الفكرة كيفما يريد

[@emilesamaha3558]

توصيل غلط

[@اتعلمصنعه]

التوصيلة صح . ممكن حضرتك تقول ايه الغلط ؟

[@alimadkouraboelazz9036]

شرح مبتدء جدا

[@اتعلمصنعه]

شكرا , بس انا هدفى فى الشرح هو التعامل مع المبتدئين اللى عاوزين يتعلمو . وانا باشرح فكرة وكل واحد يجود فيها بالطريقة اللى تناسبه , المهم الفكرة الاساسية

[@centurioneagle2294]

بعد اذنك ممكن رقمك للتواصل لان عندنا مشكله في التوصيلات دي محتاجين حد فاهم في توحيد الفازات بعد اذنك زي حضرتك كده يشرفنا ويظبط الامور

[@اتعلمصنعه]

ممكن حضرتك تبعتلى اى وسيلة اتصال و إن شاء الله هاتواصل معاك . لكنى فى الفيديو القادم سأشرح لك خطوات سهلة و افكار تمكنك من توحيد الاطراف . المهم فى الأمر أن شقق العمارة لازم تكون على فازة واحدة فقط و ليس أكثر . اشكرك على المتابعة و تحياتى لك .