توميله / ملاسجاد المحمداوي //موكب مصائب كربلاء //اهالي السماوة

الحسابات الرسمية لموكب مصائب كربلاء
التليجرام |Telegram
t.me/mkahmed
الانستاگرام | lnstagram
...
الفيس بوك |Facebook
www.facebook.c...
اتوادع حسين وبناته
وامناهن يم خواته
بساحة الميدان يمشي
وكلبه يم مدللاته
.
يمشي خطوة وايتلفت
وكلبه من الهم تفتت
عينه تربي اخته العقيله
على باب الخيمة ضلت
.
. .
اباب الخيام العقيله . واكفة تعاين مشيته
اعيونهم ضلت تسولف . وخافت اتجرحه بحميته
حجت عينه وهي فهمت . رادها تحامي اعلى بيته
ومن حجتله تبستمله . وهو يدري باخته ميته
.
توميله . بقت توميله
وكل حيله . انهدم كل حيله
اويلاه
.
صدلها . وبجى صدلها
ايكلها . الوداع يكلها
اويلاه
………………………….
خفى بعيونه انكساره
وگاد مهره وسل فقاره
غار غارة عالشريعة
غارة ما شبهتها غاره
.
بس ترجل من مهرته
انوى يترسها جربته
لنه حس خياله رادت
الهجوم لخيمة اخته
.
كام من الماي مغضب . شبت الغيره بمهجته
للخيول اتعنه يركض . ما ركب حتى مهرته
هو ما دامه يتنفس . ياهو يوصل خيمة اخته
ياهو يدناها العقيله . وسيف الحسين بيمنته
.
هداها. الركب هداها
وخلاها الزلم خلاها
مجزرين
.
يدناها منو اليدناها
الوياها. اخو وياها
مثل الحسين
……………….
للخيم رد والفواطم
ركضن لسيد الهواشم
ركضن بهمه لابوهن
وكعد ودعها الحرايم
.
التمن اعلى حسين كلهن
هاي اخر شوفه الهن
هاي اخر كعدة يمه
راحن يضلن وحدهن
.
كام واتعنه مهرته . حسين متعني المنية
لنه يسمع صوت طفله . بويه اوكف صد عليه
دار عينه وعينه شافت . الصاحته بنته رقية
راح الها حسين يركض . يدري راح تضل سبيه
.
يشبكها . بهضم يشبكها
فاركها . غصب فاركها
رقية
.
حاجاها ورضت حاجاها
وخلاها ومشى خلاها
للمنية
.
………………………..
يقاتل وزينب تشوفه
والكلب يحديه خوفه
اتامن امن تشوفه اخيها
بيرغه يرف بجفوفه
.
شافت الخياله كثره
وماكو اخو ويسنده ضهره
لن تراب الحومة عجت
وضاع عن ناظرها مهره
.
زينب اباب المخيم . تعاين وماكو اخوها
وتطلع اتشوفه متكدر .تستحي امن الدللوها
لنها شافت خلي اجتها . بيدهم نار اعتنوها
ركضت اعلى التل تصيحه . ضنها يكعد ابن ابوها
.
صاحتله .بهضم صاحتله
كالتله الغرب كالته
ذول اجونه
.
وگاملها ووگع گاملها
ويكلها ارجعي يكلها
لاجل ابونه
……………………………
عبد الله الفريجي