Uşaq inkişafında musiqinin faydaları nələrdir? | Bilmək istərdim ki

"Bilmək istərdim ki" 0-5 yaşlı uşaqlar barədə valideynlərin ən çox soruşduğu suallara mütəxəssislər tərəfindən qısa şəkildə cavab verildiyi verilişlər silsiləsidir.
"Bilmək istərdim ki" "İcma əsaslı məktəbəqədər təhsil" layihəsi tərəfindən hazırlanıb.
#BilməkİstərdimKi #Aygünİsmayıl #UşaqİnkişafındaMusiqi
Araşdırmalar göstərir ki, musiqi ilə məşğul olmaq uşaqların öyrənmə qabiliyyətini yaxşılaşdıra bilər. Belə ki, erkən inkişaf dövründə uşaqlara musiqi dinlətmək, onlara sözləri, səsləri və onların mənalarını öyrənməyə kömək edir. Uşaqların yaddaşını, idrak inkişafını, öyrənmə bacarıqlarını və motor bacarıqlarını inkişaf etdirməsində musiqinin rolu əvəzsizdir. Uşaqlarınızla birlikdə musiqi alətləri düzəltmək, onlara mahnı oxumaq, musiqili oyunlar oynamaq evdə uşaqların musiqi və ritm bacarıqlarını inkişaf etdirmək üçün nümunə ola biləcək fəaliyyətlərdir.