جرعة تعافي - خالد ال بريك & حمود خلف - ماتبدد همومي لين اسج الفيافي 2025

ضع لايك للفيديو + إشترك معنا
subscribe + Like
‎فعل الجرس 🛎
‎ليصلك كل جديد✔️
..
" لمتابعة شيلات الروقي عبر السناب "
/ u511a
شيله مهداه إلى رجل الأعمال :
شافي بن فاحس الصقري العنزي
إنده الصبح يا ليلٍ تبذّ الخوافي
واعتق اللي يسامر ظلمتك كلّ ليله
ما غفا الجفن دام القلب ماهوب غافي
فيه مثل الرماح وفيه مثل المليله
في ضلوعي سجينٍ ما يحب التجافي
ودّي اعلّقه فالنود واخلي سبيله
كل ما جيت أبادر له بصدق اعترافي
يثقل الحرف ما يقدر لساني يشيله
غثرب الوقت مانا عقب ما كان صافي
والحناجر عطاشا والحنايا محيله
لجل ما أذلّ نفسي قلت يا نفس عافي
اغتني بالقناعه …. واشبعي بالفضيله
يختلف كل شي ولا يبين اختلافي
رافعٍ راسي اللي ما يجي فيه ميله
عادي امشي بدربٍ ممتلي شوك حافي
بس ما أسوق خطواتي بدرب الفشيله
ما تبدّد همومي لين اسجّ الفيافي
واتعلّا على روس الرجوم الطويله
البسيطه بساطي والغمايم لحافي
والرواسي كراسي للعزوم الجليله
بيني وبين بعض الناس بِعد وتنافي
خصّ راع الكلام اللي فعوله قليله
خبلٍ يمثّله ما قال صقر النصافي
جعل ماله عيال وجعل ماله فصيله
جعل تبني على قبره هبوب السوافي
قبل ياخذ من بيوت النشاما حليله
ما يشافي من طعون الزمن غير شافي
عنزيٍ مواقيفه .. تمثل قبيله
اعرف انه مردد واعرف انه سنافي
لا نحرته نحرت الهمّ باهون وسيله
مجلسه مدهلٍ لـ اطيب ولكلّ لافي
مختلط ريح كمبوده وبنّه وهيله
ودك انه يعمم في جميع المشافي
مجلس الصقري علاج الكبود العليله
فزعته فاللزوم العسر جرعة تعافي
ما يحب الهوان وْلا يهاب الثقيله
لا ضرب صدره تصير المصايب عوافي
وان ثنى الساق حتى الكايده تنثني له
يفعل الطيب بعد الطيب ما قال كافي
كنّ ربي خلقه يجمّل عيال جيله
المراجل وهايب … والليالي مقافي
والمواقف تبيّن كل رجل وحصيله
ما يذم الرجال اهل الفخر غير هافي
وما يذم الكرام الا اليدين البخيله
والله ان الوفا يستاهله كلّ وافي
وانت يابو حسام حْسام ما فيك حِيله
مكتبك لـ السخا والعلم مَعْلَم ثقافي
من بغى دربه يدلّه بليا دليله "
كلّ ليله تزيد المرجله دخل إضافي
بالفعول العديمه والصفات النبيله
هيبتك تصنع الفارق بشكل احترافي
تجبر الكسر ولاّ ، تكسر المستحيله
يفرح اللي كسب في سهْم علْم ومصافي
وانت تفرح ليا منّك كسبت الجميله
تطلق قيود من ضاقت عليه المنافي
صلفقته الحياه وضاع عمره وحَيله
كنّك تقول خلّ اللي خلافي خلافي
ما يطاولْك فالطالات راعي طويله
أفتخر بسمك الرنان بسمي وقافي
مثل ما افخر واماري بسم هيلاً مهيله
وعنزه مجدهم ماهو عن الناس خافي
يمننون الدخيل ويعشقون الجزيله
يوم كان الجهل له فالحزيره مرافي
ما يروفون لا ناش الزناد الفتيله
يوم ذيقار صحّا فعلهم كلّ غافي
كم خليلٍ بعدهم راح يبكي خليلِه
دَحّو عيال وايل ستر سمْر الغَدافي
وكسرو جيش كسرى ولعنو سلسبيله
في ذراهم يعيش الترْف مرقدْه دافي
ينقش الكفّ بخضاب السيوف الصقيله

[@SULTAN-md6hb]

صح الله لسان الشاعر عزالله قصيدة ولاهي غريبة الجزاله من اهلها 👍🏻 وعنزه وشافي مهما قيل فيهم قليل

[@f.ss1]

عز الله كفووووو بشافي وعيال وايل يستاهلون القصيد صح لسانك ياحمود الشعر من مصدره .

[@mohammedqahtani2407]

ونعم في عنزه والله ربنا وربهم ولا على القبائل زود محبكم القحطاني 🇸🇦 🇸🇦 🇸🇦 🇸🇦 🇸🇦

[@العتيبي-ك5خ7ز]

ي سلام سلام صح لسانك ابو خلف 👏🏻يستاهلون عيال وايل ❤

[@adilazmi7202]

والله ونعم بعيال وايل يستهلون اعنزة وصح لسانك ي ابو خلف مبدع دئما

[@ضيفالله-ك4ي]

يااااااسلام يالابداع يالربع. حمود دايم مبدع ❤🔥

[@u_511]

صح لسانك ي بابو خلف مبدع خالد 👌

[@alwalee_alamerr]

صح الله لسانك يابو خلف ابدعت وصح لسانه خالد

[@Badawi_assad]

صح لسانك يابو خلف وونعم بعنزه ولا عليهم زود

[@Csscx505]

جعل كل المنشدين فداك يا خالد ال بريك❤

[@الحمدالله-000]

هو فيه منشدين غيره ❤ مافيه غيره

[@همام-د2ذ]

انشششششهد ❤❤

[@عبدالعزيزالعصيمي-ش3خ]

صح السانك يابو خلف

[@عنزيورأسماليعزوتي]

صح لسان الشاعر حمود والله لو ينقال في شافي معلقات ماتوفيه حقه

[@B--jt5mt]

ربعي يا ربعي ❤عنزه

[@A_RoQi]

الله علييك يابو خلف 🩶

[@عليالأسمري-ي2ر]

لجل ما اذل نفسي قلت يا نفس عاااااافي 👍🌹👍

[@kakawysss]

مبدع

[@كحيلانالعتيبي-ص8خ]

سريتنا يابن روق👏🏻

[@عفراء-ي75]

كفوو 🇸🇦🇸🇦🇸🇦🇸🇦

[@ii05623]

الله الله

[@زايدالغامدي-د8ن]

ي وجه الله ي الشيله عزالله صح لسانك وصح صوت خالد ال بريك ابدعت

[@user-kr3ii4zt1ynasser]

المراجل وهايب … والليالي مقافي والمواقف تبيّن كل رجل وحصيله ما يذم الرجال اهل الفخر غير هافي وما يذم الكرام الا اليدين البخيله

[@TyTy-pp9ux]

ان شاء الله يعطيك شي الله لايضيع تعبك

[@mohammedqahtani2407]

وعنزه مجدهم ماهو على الناس خافي يمنون الدخيل ويعشقون الجزيله .. عز الله انه شاش راسي من الأبيات وانا قحطاني والردي اللي مايفخر بفعل القبائل والرجاجيل .. محبكم القحطاني 🇸🇦 🇸🇦 🇸🇦 🇸🇦 🇸🇦 🇸🇦 🇸🇦 🇸🇦 🇸🇦 🇸🇦 🇸🇦 🇸🇦 🇸🇦 🇸🇦 🇸🇦 🇸🇦 , d

[@يزنالمحترف-ب9ق]

ونعم

[@user-kr3ii4zt1ynasser]

ما غفا الجفن دام القلب ماهوب غافي فيه مثل الرماح وفيه مثل المليله في ضلوعي سجينٍ ما يحب التجافي ودّي اعلّقه فالنود واخلي سبيله

[@الحمدالله-000]

خالد البريك ❤ منذ سنوات لم اعرفك تبا وسحقا لي ههههههههههههههه ❤

[@sweeperton]

allah love

[@فهدالحارثي-ك6ت]

ماشاء الله تبارك خالد ال بريك ايقونة الشيلات اما القصيده فهي جزلة يفرح اللي كسب سهم علم وصافي وانت تفرح لا كسبت الجميله معنى جديد وتوظيف اكثر من رائع

[@ابومحمد-ث5ع]

هلا اخوكم الشيخ سعيد بن خليف العنزي عيال وايل

[@عفراء-ي75]

تعرف صهبه

[@nojoud5652]

قهر اللحن حلو ليتها مهيب مدح

[@Noot99-c9l]

صوت الايقاع اعلى من صوت المنشد ….خساره لصوت حلو وكلمات جزله ياليت تتغير ويوضح الصوت والكلمات

[@OoomrKkg]

خالد وش سويت فينا

[@الحمدالله-000]

سحرنا الساحر هههههههه

[@AR-mx6nh]

اشغلتونا بهالشيلات

[@kroompro5170]

توكل توكل

[@ibs2m]

كان يمديك ما تسمع

[@الحمدالله-000]

حنا جايبينك بذنك تسمع الخلا هههههه

[@حرب-000]

الخلا ي اللقافه تقال طاردينه بسماعه لازم يعلق 😂😂😂❤

[@AR-mx6nh]

شرهتكم على اللي حاسب حسابكم