استكن الليل - خالد ال بريك & عبدالهادي ابوديه - اعشق السجه وانا اللي يشد الانتباه 2024

لايك للفيديو + إشترك معنا
subscribe + Like
‎فعل الجرس 🛎
‎ليصلك كل جديد✔️
..
" سنابي "
/ u511a
شيله مهداه الى الشيخ :
محمد بن فرج بن لبده
كلمات : عبدالهادي ابوديه
استكنّ الليل واختالت القمرا دجاه
حزةً فيها خذا الليل من حزة عصير
مستلذّ بخلوتي من ظغوطات الحياه
في نفودً سقفه انجوم وترابه حرير
جلسةً تستنطق الهم وتبيّح خفاه
هي حبل بالي ودلوه لو الاعماق بير
في طرفها شاعم النار من عود الغضاه
جمرته وقّاده وريح دخّانه عبير
شعّ برّاقً حدود السنه فاقد سناه
وصارت الوسميه المغدقه جمً غزير
لا اقبل سهيل ولمع فالسما الدنيا ضياه
عوّدتنا نجد تزمر على سودة عسير
لا ازهرت ريضانها جوها نفحة هواه
ريحة بشوت الائمه ضحى العيد الكبير
ربّعت دار الملوك المشاكيل الدهاه
في حماهم مابقى فالوطن قاعً خطير
تسرح اذواد البدو لا وسوم ولا رعاه
نخله وسيفين وسم المطيه والبعير
الخلا الممتد مليانه شعيبه نفاه
خيمةً بين الفياض اعتبرها قصر امير
اعشق السجه وانا اللي يشد الانتباه
واكره الضوضا وانا اللي محبيني كثير
منعزل واللي ورا الناس عيني ماتراه
يستدير الكون وانا خلافي ماستدير
دون وجهي ترخص احلام عمري من غلاه
الطموح اللي بلا جهد نظّارة ظرير
ويش ربحي فالحياه ان خسر وجهي حياه
مومن ان السمعه ابقى من العمر القصير
الفقر مامن فقر والغنا مامن غناه
اجهل اشعور الغني واجهل اشعور الفقير
مدّني قسام الارزاق من فايض عطاه
وهبةً تسوا كنوز الحكير وبا وزير
القصيد انجومه ابلا عدد وانا سماه
احزن ان وقّع نجم وافرح بنجمً ينير
لو خلقت بعصر عبدالملك ولّا نماه
كان جاريت الفرزدق وجاراني جرير
عاد فرقي لامدحت السنافي ماهجاه
مستحيل احط عطر النبا نفاخ كير
الفريد من الرجاجيل يلهمني نباه
سمعته بشرى معزه وطاريه البشير
حي شيخً سيرته تروي كبود الرواه
ادرك المجد بكبر وقفه وصيتً شهير
ابن لبده قبلة المدح من كل اتجاه
له وسبع انعام تسعى تلبي من ضمير
ابن لبده يقصر الحر الاشقر عن مداه
نظرته تسبر مدا المجد منقطع النظير
للمفاخر ساعة نطرّي محمد طراه
الكبير اجلال وافعال من عاده صغير
ارجحً لاجاه طلّاب جاه العون جاه
فاللزوم يصخر اعزومه ولايستخير
ماخبرته قرّ في دار من صبح لمساه
للمراجل في جميع الدير ذكره سفير
من مواجيبه تعود على قصر الصلاه
في دروب السيره العطره يحث المسير
يستطيع يضيّف الحاكم ويثني قراه
ويستطيع يوظّف الامي بمكتب وزير
عند ابو سلطان مبدا الكلام ومنتهاه
كلمة السانه تعتق ارقبه وتفك اسير
اسعديً من مشايخ شمل وكبار جاه
قدم فرديات الامداح لافعاله هدير
من كثر ماهو بفارق وواثق من خطاه
لااقبل لحاله تقول اقبل الجمع الغفير
اصوكً لاحمي شوط النواميس ايحماه
ياخذ الاول وباله مروق لا لاخير
في سباق الهجن سيطر بقوة مشتراه
يدحم بملكه لايستاجر ولايستعير
من سلايل شايبً ذاع صيته من صباه
رايته بالعرف خفّاقه ورايه بصير
مجد ابو محسن كتابً يعلم من قراه
المكارم والحمايا ولبّاي النذير
مجلسه فالجله للضيف والطرقي بناه
يعتبر كل ابلج حجاج في ماله خشير
لاعتزى بابن سعد يحتزم به من نصاه
عانيه ولّا خوي جار ولّا مستجير
من مقاديم الجحادر مهجدة الطغاه
خصمهم من حربهم لا شهيق ولا زفير
عودهم لاومى عصاه أرهب قلوب العصاه
كيف لاعنّ الكحيله ولا سل الشطير
عبدالهادي ابوديه

[@العضياني-م9ه]

استغفر الله العظيم واتوب اليه لا يك❤

[@IuWe-t9b]

يا ناس ما شاء الله.. مخارج الحروف ووضوح القصيدة عند خالد ال بريك لم اجده عند غيره ..

[@Jawaher-b]

اتفق معاك خصوصا القصايد اللي كلماته بدويه ونجديه 👍🏻 ماشاءالله متسيد الساحه

[@user-vl6dg4hc5m]

وتلحينها شيء ثااني

[@بدرالعتيبي-ف8و9ث]

😊

[@عبداللهالعنزي-ف6ت]

خالد ال بريك جنني يامسلمين خالد يعلم الله طلع شعار ماكنا نعرفهم حتى شيوخ اهل الجزيره كفو عليك ياخالد ونعم في لبده

[@نايفالذيابي-ج5ث]

عبدالهادي وابن لبده معروفين وفيه فرق بين اللي يعرف المنشدين والشعار و الشيوخ تكلم عن حدود معرفتك ما طلع احد ولا شي ابن لبده فعله طلعه وعبدالهادي معروف بين الرياجيل ولا يلحقه شك ال بريك

[@MOSA-wc8bx]

لاتطبل للباطل … هذا مغني مطرب لاتلمعون وتقولون انشاد ومدري ايش فالحكم واحد اي شيء يدخل فيه معازف وموسيقى فهو حرام

[@beero525]

عزالله انه يوم انعزل اعطانا معلقه تروي ضما عشاق القصيد الجزل.. وخالد ياخالد صوتك وش احكي وش اقول تبارك الله😍

[@ama1823]

ابداااااااع. ودي انها ماتوقف الشيله 🇦🇪

[@ناصرع-ر9ف]

شدتني القصيده اشهد باالله انه شاااااعر ماشاء الله عليه ابدااااااااع

[@ساميس-س7ب]

شاعر من الطراز الفاخر دائما اقول خالد يعطي القصيده جماليه اكثر،لكن هالمره القصيده ملفته لوحدها

[@nasiraldosri3115]

ما شاء الله تبارك الله خالد ا ل بريك اثبت للناس نه اللي مميز مع كل الشعار وليس قبيله تحتكره

[@عبدالعزيزآلعليوي-ع5ض]

شاعر فاخر فاخر فاخر صح لساااانك يامبدع ...ومنشد افخر...مذا لو لم يكن لدينا خالد ال بريك

[@SaraM-l8k]

يالبى الصووت خالد ادويت مع صوتك 😴😴شيلة عن الاف الشيلات وش اقول وش اخلى ابداااع وعفاكم 🌷🌷🌷🌷🌷🌷

[@البوليسي-ض9ل]

شاعر يحكي الشعور... ضاع عمره في سطور.... الخ قصيد بالف

[@عبداللهالغامدي-ق7ج]

مشاء الله الشاعر والمنشد متناسقين

[@ghbbh7022]

ابداع فوق الخيال 👌👍👍

[@عواضالثبيتي-ج8ش]

كلمات جميله من شاعر عظيم ولحن جميل وأداء أجمل وأجمل من الأستاذ خالد

[@mamdouhalotibi3129]

الفقر مأمن فقر والغنى مأمن غناه اجهل شعور الغني وأجهل شعور الفقير بيت رائع 👏🏻

[@حمدسعد-ي7ن]

يلامس ناس وااااجد 👏👍

[@العمده213الروق]

صح الله لسانك يا الشاعر الكفو عبدالهادي الو ديه وشالها خالد البريك المتميز بصوته وبن لبده يستاهل من روس قحطان❤

[@عززعزز-س1ح]

يا سلام شيلة فاخرة شعر و صوت صح لسان الشاعر و صحت حنجرة المنشد اشهد بالله انك شاعر عملاق يا عبدالهادي و صدقت ان الله أعطاك من فضله ما لم يعطي غيرك لكن يا ليت ان القفلة كانت بجمال المطلع

[@a.rii11]

انشهد

[@مباركالقحطاني-ت8خ]

مبدع ي ابو سعيد ويستاهل ابن لبده

[@حمودالقحطاني-غ7ل]

يستاهل ابو فرج والله ان المدح فيه شوي سنافي جعله في الوجود دايم

[@سالمالقويفل-ز6ه]

شيلة الموسم 👍🏻

[@أحمدالثبيتي-ع5خ]

شعر وشعر وشعر من اول بيت إلى آخر بيت صح السانه

[@saud_651]

والله اللي به شاعر وسبعين نعم يا ابو سعيد

[@سعودالقحطاني-ع1ف4ن]

مبدع ياعبدالهادي بالكلمات الي تشرح الصدر

[@user-alhashmi]

خالد ال بريك قفل ملفات المنشدين نقطه اخر

[@alaabed0009]

يستاهل ابن لبده ؛؛؛ والكلمات روعه

[@user-t4e263]

جزل وطيب راس

[@A-saad]

كلمات كفو وصح لسانك يابو سعيد والاداء مميز وابن لبده يستاهل

[@عبداللهالعنزي-ف6ت]

خالد يارجل طلع شعار يعلم الله ماكنا نعرفهم كفو والله أداء شيله كلمات ممتازه

[@محمدالقحطاني-خ6ص3ت]

@@عبداللهالعنزي-ف6تالشاعر ذا جزل من يوم عرفناه ولاهو بحاجه لاحد يطلعه😂😂😂

[@عبداللهالدوسري-د6ظ]

ابداع

[@lsk4846]

انت نجم لاولله اكبر من النجم.

[@dr-m3mazen510]

جزل ي ابو ديه صح لسانك يالامير

[@omars2361]

ابدااااااااع 👏🏻👏🏻👏🏻👏🏻👏🏻

[@عبداللهالدوسري-د6ظ]

ابداع كلمات وادا

[@FaisalQ-k1g]

يستاهل ابوسلطان وعلومه طيبه

[@Mr-Bandr]

تحياتي - بندر مناحي ظافر المساعره

[@vccvc3673]

استكن الليل 😂😂❤❤😢😢

[@abdulazizalhajri8549]

ونعم بابن لبده

[@user-nr7tf9ti3t]

خالد ياخالد🫡👏🏻

[@alrajhibank926]

الي يمدح كذا ولا يمدح صح لسانه

[@خالدبنظفير]

مافيه شي يزهو على سودة عسير ياولد

[@n9odh177]

صح لسان الشاعر ولا غريب

[@Aa112-u8u]

ليتها استمرت على اللحن الاول بداية القصيده لحن مصيبه إلى 3:41 بعدها خرب اللحن

[@mohsn6]

اتفققققققققق

[@MOSA-wc8bx]

الرجاجيل ؟ من وين جت الكلمة ذي ؟

[@عبداللهالقحطاني-د1ض3ف]

الله اكبر على الشاعر ماشاء الله

[@SaudKhan-t1m]

شكرن

[@احمدمحمد-ش8ش8ه]

الشاعر عتيبي والا قحطاني؟

[@Eiieosob]

سنحاني قحطاني

[@الذيبالامير-ص3ض]

قصيده مميزه ولو ان فيها الكثير من النرجسيه

[@زياد-ف3و]

3:40 🫡

[@vccvc3673]

خالد ال بريك❤😂😂😢

[@جوج-ن7و]

بداع

[@عزف-ه4ض]

‏‪0:53‬‏

[@salman107252]

اللي يبي يمدح يكتب مثل ابو ديه ولا يرتاح

[@Fahad_151]

يستاهل ابن لبده تحياتي لك ي بن روق الهيلا سؤال بسيط الهيلا لغامد ولا لعتيبه ؟؟؟

[@العتيبي-خ2غ]

لعتيبه

[@Al-Otaibi-k3z]

لعتيبه

[@Fahad_151]

تستاهلون ي عتيبه ❤

[@سمث]

@@Fahad_151لعتيبه طال عمرك . وش سبب السؤال ؟

[@Fahad_151]

@@سمث عندي ناس يحلفون أنه لغامد 🙂

[@MuhraM-nf6df]

❤

[@أحمدالمطيري-ذ3خ2ق]

الشيلة مطنوخه ومسرية

[@MansourAlQahtaniSolopractition]

.

[@mobilecentr4070]

نايف ❤❤❤❤❤❤❤ ❤❤❤❤❤❤❤❤🥰🥰🥰🥰🥰🥰🥰🥰🥰😍🥰🥰🥰🥰🥰❤❤❤❤❤❤

[@ناصرالخالدي-ج8ط]

مياة مقدمة مع اكل الطير للبصير النصير انصير ... .. . ❤❤❤🎉🎉🎉😮😮😮 . .. ... البعير مخزن مخازن رب بلارض رب بسماء ... .. . من صفر العدد بلبنية التحتية ضع بصمتك . .. ... اربع الجهات اربع الزؤايا ؤ تحت حدر ؤسطة فؤق عالي ... .. . غزلان رب . الى . غرب المدخل . .. ... عند العرش عرش الناصر ناصر العرش صادق الؤعد ناصر الؤعد ٩٩ أسماء الله الحسنى وصفاته العلى ... .. . كل عام وانتم بخير ❤❤❤🎉😂🎉😮😮😮🎉