هب نسناس الهوى واستدار من الشمال - اداء جفران هضبان 2022

تنبيه : نسخ المحتوى واعادة رفعه يعرض قناتك للاغلاق
‎لايك للفيديو + إشترك معنا
subscribe + Like
‎فعل الجرس 🛎
‎ليصلك كل جديد✔️
..
كلمات ضاوي الشيباني
هب نسناس الهوى واستدار من الشمال
ليت صدري كل ماهب نسناس اسكنه
انعزل عن زحمة الناس واجنب لحاال
عقب ماكنت اجتماعي واحب الامكنه
يارفيقي لاتعاتب عسى ايامك طوال
ماهو بجوي معاتب وسيّه واحسنه
قرّب اللي كل ما اشعِل سريع الاشتعال
من هشيم الوادي الممحل اللي له سنه
كن وصف جلال سمره من ارقاب الجمال
مشترينه ماحسبنا الخساره في اثمنه
مايزين ملاعب القاف عقب الليل طال
لين اشب النار في السمر والهيل اطحنه
واشرب الفنجال لاسيق من صفر الدلال
والقصيد العذب ياجب علي ادووونه
لاطرقت بحور الابداع واطلقت الخيال
شرهة الناقد .. على واحدٍ مايتقنه
شاعرٍ فكري رهاوي وعندي وسع بال
واكره اللي يحسب العز مثل المسكنه
التجارب علمتني .. بعيدات المنال
واضمن اللي ماحدٍ قبل يقدر يضمنه
مايساق الشعر غير لـ عريبين الخوال
والردي لارحم خاله ولا رحم اوطنه
ياطلال آمر .. وتبشر بعزك ياطلال
يارفيقٍ يفعل الطيب ويسوق اضعنه
شاعرٍ في ساحة الشعر يضربّك مثال
بالقصيد اللي يجمّل لاغنيت الحنه
كاسبٍ والنعم من خيرة زحول الرجال
والشجيع .. يبين في كل طاله معدنه
معك اثني كل ترحيب ياذيب العيال
كل بيتٍ كفوو جبته وشديت ارسنه
مرحبا ترحيبٍ اصدق من قنوف الخيال
عد برقٍ لااااح .. ورعوده الها دندنه
مرحبا على الشحم ياكريمين السبال
في محلٍ فيه .. للعود خنة وادخنه
باسم مشعل جعل يسلم من صدوف الليال
الكريم اللي دروب المراجل ديدنه
جامعٍ طيب المواقيف مع حسن القبال
واسمه ينومس مع الوقت من ينشد عنه
من عرومٍ تفعل الطيب في كل احتمال
عزوةٍ ماتكسب من المديح الا اسمنه
كاسبين من الجمايل قديم ولا يزال
فعلهم بين الفعايل حديث الالسنه
في سما الطالات وقفاتهم مثل الجبال
مجدهم في كل طاله يهيمن هيمنه
خيّل العليا الخليفي ليا حان القتال
الخصيم اللي يحاربهم يشوف اكفنه
ذي خليفة فزعة البل متيهة الهجال
عاشقين الصعب مايعشقون الهينه
من بني شيبان روسٍ تطول ولا تطال
مجدنا يفرض بطيب الفعول السلطنه
محتمين اللي زهتها المطارق والهلال
حاضر الايام .. ولا قديم الازمنه
في سنام المجد بنّا وحققنا المحال
كل حاجه مستحيله .. نبيها ممكنه
{حربة الهيلا عتيبه} ليا اشتد النزال
يوم ردات البرى .. والغزاوي معلنه
قد وسمنا نجد من عقب ماكانت غفال
والحدود مبرهنه .. والفعول مبرهنه

[@اصيلمحمد-س5غ]

ونعم يا جفران بن هضبان كفووووووووووووو

[@محمدالبقمي-ث8م]

قد وسمنا نجد عقب ماكانت غفال 🙏 سرا ياخوالي

[@متعبالعتيبي-ث3ت]

ياهلا بربعي طويلين الاشبار كفو تردف مليون كفوا 👌

[@راكانالسالمي]

عتيبه ليا اشتد النزال يوم ردات البرى ..والعزاوي معلنه

[@نويرالعتيبي-ي1غ]

مساء الخير كفوووو والله 👏👏👏

[@ابومحاسنربيع]

كفو الله يعز الوطن @

[@dr-m3mazen510]

صح لسانك يا آبن مشيب

[@عكافالعتيبي]

الله يوفقكك يبومشعل

[@1mutb]

كفوو يالعرم وتستاهل

[@ikkop_11]

مبدع ي الروقي قناتك متميزة

[@ابومرشد-ط4ت]

كفو والله اني ششت يالله صباح خير

[@الدوسرري-ع5ط]

كفوووو استمرررررر

[@hananharb8543]

السلام عليكم الفخر في عتيبه وكل الاحترام وتقدير عتيبه بنت عتيبه

[@عزوزالهذلي-و2م]

ماوسم نجد غير ال سعود الله يديم عزهم من حاضر وماضي

[@MOoo-n4m9m]

ونعم بعتيبه عيال عمي

[@hmoodkaser4465]

حربه الهيلا عتيبه ليا اشتد النزال يوم ردات البرى والغزاوي معلنه ... ....

[@عبدالرحمنالحبابي-م2ع]

ونعم والله يا جفران

[@اسامهالهتار-و7د]

شاعر جزل وفكره واسع أهنيك

[@خويالمطاليق-ل5غ]

جزل يابن هضبان لاعدمناك

[@hananharb8543]

السلام عليكم انا قصره معكم حقق عليا لولو مهنا أمس بعتها رساله أما انتبهت انتوا ربعي عتيبه كيف اقصر فيكم وانا بفتخر فيكم بنت عتيبه

[@a-qh736]

بعض التعلقيات مدري وش وضعها مع ان الوجيه هنيا كلها وجيه مطاليق لكن الله يقطع اللي في قلبه بلا ولاعين حيلته الا في ذا مع اني والله ماعرفهم الا جفران

[@ابومرشد-ط4ت]

ماهو جو المعاتب

[@mryimotp4743]

وشرب الفنجال لاسيق من صفر الدلال😂😂😂😂

[@m_fi96]

عبدالرحيمان 😂😂😭 ترمص

[@mryimotp4743]

القصيد في ديره وهو في ديره😂😂

[@Rakan_1996]

انت مثل الناقص اللي يجي دون الكيله مايجي كيله لاهوب سار رفيق وابن عم ولاغايض عدو مغار تنوتب وتخثرق خثرقة دنفوس