Рет қаралды 3,573
Ua tsaug rua mej txhua txhua tug kws support hab caum qaab noog tej zaaj lug qhuab qha kws peb tso tawm huv KZbin nuav. Vaajtswv tej lug yeej yog lug nyaj lug kub tag tag. Peb txha tis Vaajtswv phoo ntawv has tas, Phoo Vaajlugkub. Thaum peb txavtxim sab lug ntseeg Vaajtswv hab caum ua nwg le thwjtim lawd, peb yuav xyum ua peb lub neej zoo le tug nkauj nyaab tshab kws nwg tso nwg tsevneeg tseg es moog yuav quas yawg. Moog ua nwg lub neej nrug nwg tug hlub. Nwg yuav xyum ua ib tug namtsev zoo rua nwg tug quas yawg. Nwg yuav xyum ua tug nyaab zoo rua nwg nam puj txiv yawm. Nwg yuav ua ib leejnam zoo rua nwg tej mivnyuas hab ua ib tug qauv zoo rua nwg lub zej lub zog, lub teb lub chaw, fwm numtswv txujcai, hab ntau ntau yaam ntxiv. Thov txhawb mej txhua txhua tug lub dlaag zug kuas mej yim fuab ntseeg Vaajtswv hab kuas mej txujkev ntseeg yuav txawj luj hlub tawg paaj txi txiv. Amen!