Рет қаралды 6,685
Монгол хүн сансарт ниссэн 4 жилийн ойн өдөр буюу 1985 оны 3 сарын 22 ны өдрийн Өглөөний Мэнд нэвтрүүлэг.
Улс хувьсгалын 60 жилийн ой Монгол хүн сансарт ниссэн гээд энэ үйл явдалд зориулж дууны уралдаан зарласан гэдэг. Тэр үед Хөгжим судлаач, зохиолч Р.Энхбазар гуай Монголын радиогийн Хөгжмийн редакцийн редактор байжээ.
Ж.Гүррагчааг сансарт ниссэнтэй холбоотой гурван дуу зохиосон ба түүний нэг нь энэ "Угтагчийн дуу" тэр уралдаанд нэгдүгээр байр эзэлжээ.
Сансарын нисгэгч нарыг бууж ирэхэд ямар дуу явуулах бэ гээд ид ярьж байсан үе.
Гүррагчаа, Жаннибеков хоёрыг онгоцноос буугаад ирэнгүүт хамгийн түрүүнд хүүхдүүд цэцэг бариад угтана , улаан зангиа хүзүүнд нь зүүж өгөх тэр агшинд “Сансарын нисгэгч ахаа, сайн яваад ирэв үү” гээд энэ дууг явуулах нь түүний санаа байсан гэдэг.
Ингээд хүүхдийн " Улаан бүч "чуулга Ч. Буянхишиг багшийн удирдлаган доор дуулсан юм.