Рет қаралды 1,526
Kiyevdagi bolalar shifoxonasi hamda mamlakat bo'ylab berilgan raketa zarbalarida kamida 37 kishi halok bo'lgani, 170 nafardan ziyod fuqaro yaralangani ortidan Ukraina 9-iyul kuni Motam kunini e'lon qildi. BMT Xavfsizlik Kengashi favqulodda yig'ilish o'tkazishga qaror qilgan.
Kiyev meri Vitaliy Klichkoning xabar berishicha, shifoxonada kamida ikki kishi, xususan, 30 yoshli shifokor jon bergan, 16 kishi yaralangan. Klichko mamlakatda urush boshlanganidan beri bu kunduz kuni amalga oshirilgan eng yirik hujumlardan biri ekanini ta'kidlagan.
"Rossiya terrorchilari bu jinoyat uchun jazolanishi lozim. Xavotirlar terrorni to'xtatmaydi. Hamdardlik qurol bo'lolmaydi. Biz Rossiya raketalarini urib tushirishimiz kerak, Rossiya harbiy samolyotlari o'z bazasida yo'q qilinishi kerak. Xavfsizlik sohasida taqchilllikni bartaraf etish uchun hal qiluvchi qadamlar tashlanishi shart", - dedi Ukraina rahbari Volodimir Zelenskiy.
AQShda NATO sammitida qatnashish oldidan.
AQSh rahbari Jo Bayden Rossiya raketa zarbalari yana bir bor Moskva zulmidan guvohlik berganini aytib, Vashington Ukrainani qo'llab-quvvatlashda davom etishini ta'kidladi.