Ukraynalı idmançı 🔵 Koloturska Anna və 🔴 Mələk Hümbətova

"Oktyabrın 24-də Bəhreyn-2024 Gimnaziada İdman Oyunlarının açılış mərasimi Ər-Rifa şəhərindəki Milli Stadionda keçirilib. Ölkələrin paradı ilə başlayan mərasimdə bayrağımızı qürurla paraüzgüçü Əli Vəliyev və taekvondoçu Xuraman Cavadzadə daşıyıb. Tədbirdə Bəhreynin təhsil naziri Mohammad bin Mubarak Cuma və Beynəlxalq Məktəb İdmanı Federasiyasının birinci vitse-prezidenti Yusif Belqasimi çıxış ediblər. Rəsmi nitqlərdən sonra bədii çıxışlar və musiqi nömrələri tədbiri daha da rəngarəng edib.
Azərbaycan millisi bu möhtəşəm yarışda 160 idmançı ilə təmsil olunur, və klubumuzun fəxri, 57 kq çəki dərəcəsində boks yarışına qatılan Mələk Hümbətov da ölkəmiz üçün mübarizə aparır. Onun bu yolda hər zərbəsində Azərbaycanlı idmançının qürur və gücü hiss olunur.
Fəxrlə bildiririk ki, Mələk Hümbətova 26 oktyabrda Ukraynalı idmançı Kolosova Anna ilə yarımfinal uğrunda qarşılaşıb və 5:0 hesabla qalib gələrək finala vəsiqə qazanıb! Final döyüşü isə 29 oktyabrda Ukraynalı idmançı Koloturska Anna ilə olub və Mələk, güclü mübarizə nümayiş etdirərək yarışı ikinci yerdə tamamlayıb.
Mələk Hümbətovaya bu uğurlu çıxışlarına görə qəlbən təşəkkür edirik və gələcək döyüşlərində ona uğurlar arzulayırıq! Azərbaycan boksu və 888 BoxingClub sənə güvənir!"