Рет қаралды 731,143
ကုလသမဂ္ဂ အထွေထွေ ညီလာခံမှာ မြန်မာကို ကိုယ်စားပြုခွင့်နဲ့ ပတ်သက်တဲ့ ဆုံးဖြတ်ချက် ဆိုတာ လက်ရှိအနေအထားတွေကနေ ကောင်းရာမွန်ရာဘက် ဦးတည်သွားနိုင်မလား၊ ပိုပြီး ဆိုးတဲ့လမ်း လိုက်ရမလား ဆိုတဲ့ လမ်းဆုံလမ်းခွမှာ ရှိနေတဲ့ တိုင်းပြည်ရဲ့ အနာဂတ်အပေါ် လွှမ်းမိုးသက်ရောက်မှာ ဖြစ်တယ်လို့ မြန်မာ့ ဒီမိုကရေစီ အရေး လှုပ်ရှားကြသူတွေက ပြောကြပါတယ်။
ဒီတော့ .... ဆုံးဖြတ်ချက် ရွှေ့ဆိုင်းတဲ့ လမ်းကြောင်းမျိုးနဲ့ မြန်မာခုံနေရာမှာ လက်ရှိ သံအမတ်ကြီး ဦးကျော်မိုးထွန်း ဆက်ရှိ နေနိုင်တာထက်စာရင် NUG တင်သွင်းတဲ့ ကိုယ်စားလှယ် အဖြစ် လက်ခံပေးဖို့ရာ မြန်မာ့အရေး လှုပ်ရှားသူတွေ အာရုံစိုက် တောင်းဆိုနေတာ ဘာကြောင့်လဲ ဆိုတာ ဒီတစ်ပတ် အာရုံစိုက် ဆွေးနွေးသွားမှာ ဖြစ်ပါတယ်။
ဒီတစ်ပတ် ပါဝင် ဆွေးနွေးကြသူတွေကတော့ ကုလသမဂ္ဂရဲ့ စနစ်ယန္တရားထဲ နှစ်ရှည်လများ တာဝန်ထမ်းခဲ့ပြီး၊ မြန်မာ့ နိုင်ငံရေးမှာလည်း ၁၉၈၈ ကစလို့ ဘီဘီစီ သတင်းထောက် အနေနဲ့ အနီးကပ်ရှိနေခဲ့သလို၊ တာဝန်ခံမှု ရှိရေး မြန်မာ ပရောဂျက် MAP အဖွဲ့ကို လက်ရှိ ထူထောင်ထားတဲ့ ခရစ္စတိုဖာဂန်းနက်စ်နဲ့၊ ဩစတြေးလျနိုင်ငံ ကွင်းစလန်တက္ကသိုလ်က နိုင်ငံတကာ ဥပဒေနဲ့ ကုလလုပ်ထုံးများ ဆိုင်ရာ ကျွမ်းကျင်သူ သုတေသီ ရေဘက္ကာ ဘာဘာတို့ ဖြစ်ပါတယ်။
ကိုဝေဖြိုး စီစဥ် တင်ဆက် ထားပါတယ်။ #ဘီဘီစီမြန်မာပိုင်း #သတင်းမြင်ကွင်း