Рет қаралды 282,677
#uniko #spartakkoka #klanplus #reniielbasanit #fotoekskluzive
www.tvklan.al Emision nga Spartak Koka ne KLAN Plus
Emisioni “Uniko” nga Spartak Koka në Klan Plus ka transmetuar mbrëmjen e sotme të tjera pamje ekskluzive për Renin e Elbasanit, këngëtarin e tallavasë që rezulton i zhdukur prej rreth 6 vitesh.
Një javë pasi transmetuam videon e momenteve të fundit përpara rrëmbimit, stafi i emisionit “Uniko” ka arritur të sigurojë disa pamje filmike ku shfaqet një person duke hyrë në një lokal. Kjo foto për shumë muaj u bë objekt i punës hulumtuese e kërkimore të policisë në rang vendi.
Kjo foto iu shpërnda të gjitha drejtorive të policive në 12 rrethet e vendit. Në këtë foto duket një person i veshur me një bluzë me flamur amerikan, me pantallona ngjyrë gri, me syze në kokë, me një orë të zezë dhe telefonin që e mban gjatë gjithë kohës në dorën e majtë. Ambienti duket i një lotoje sportive, pasi në fasadën e xhamit shkruhet “B live”.
Përgjigjia që vinte vazhdimisht nga drejtoritë dhe komisariatet e policive vendore ishte mohuese. Askush prej tyre nuk kishte informacion të vlefshëm rreth identitetit të këtij personi.
Këtë foto ekskluzive ja treguam nënës së Renit, zonjës Silvana.
Emisioni “Uniko” në Klan Plus publikoi një fotografi të Renato Hamza brenda një lotoje sportive në qytetin e Shijakut në vitin 2013. Nëna e tij, Silvana Hamza, konfirmoi se personi në foto është djali i saj, Reni i Elbasanit. Por përse është e rëndësishme kjo foto dhe çfarë e lidh me zhdukjen e Renit? Në këtë lokal në të njëjtën natë, në ambientet e jashtme ndodhi një vrasje.
Mbrëmjen e 26 Gushtit të vitit 2013, u vra në një atentat Elvin Kërtalli 37 vjeç dhe mbeti i plagosur shoku i tij Dorjan Beqiri.
Ngjarja ndodhi në qendër të qytetit të Shijakut pak para mesnatës. Elvin Kërtalli dhe Dorjan Beqiri u qëlluan me breshëri arme sapo dolën nga ambientet e brendshme të një loto sportive. 37-vjeçari Kërtalli ndërroi jetë gjatë transportimit për në spital, ndërsa shoku i tij mbeti i plagosur rëndë.
Silvana Hamza: Renato? Jo! Nuk i bën Renato këto pista. Renato nuk futet fare. Thjesht ka hyrë për të luajtur, por për këto gjëra nuk e ke Renaton. Ai mund të luajë kudo, nuk e ndalon njeri. Mund të ikte në Tiranë, mund të ikte në Pogradec, në çdo lloj pikë basti. Ama kjo pistë që thonë këta, ai ka qenë ndonjë kriminel që ka hyrë aty, nuk është pista e Renatos tim. Renato thjesht mund të ketë qenë si një klient, mund të ketë dalë në atë moment. Renato telefonin në dorë e mbante gjithmonë. Por përderisa ato kanë dyshuar, edhe ja kanë bërë djalit. Se nga krimineli çfarë nuk pret. Në qoftë se ata nuk kanë informacion tamam të plotë për djalin tim, atëherë me të thënat e njerëzve mund ta kenë… Pa merri njëherë pyet çfarë ka bërë ky djali? Ka marrë në telefon? Ky s’është me telefon në vesh këtu që po flet! Mund t’i shkruante të shtëpisë… E kam marrë dhe unë në telefon