Uniko - "Sherebela" që kapi 16 persona në Shkodër, dëshmitë e të arrestuarve për aksionin (9.1.2023)

16 persona u arrestuan në Shkodër më 12 Tetor 2022 gjatë një operacioni anti-drogë të koduar “Qarku”. Aksioni policor u zhvillua në lagjen “Bleran” të fshatit Bardhaj në Rrethina Shkodër.
Në mesin e të arrestuarve ishin 10 gra punëtore dhe 6 familjarë. Sipas Prokurorisë dhe Policisë së Shkodrës, indicia për të organizuar operacionin u mor nga një telefonatë anonime ku pretendohej se në shtëpinë e Pjetër Gjonit 31 vjeç kishte drogë dhe armë.
Ngjitur me shtëpinë e Pjetër Gjonit dhe bashkëshortes, është edhe banesa e babait të tij, Zef Gjonit, ku jetojnë bashkëshortja e Zefit dhe 3 djemtë e tjerë të tij; Elvis Gjoni 24 vjeç, Roland Gjoni 22 vjeç dhe Fabion Gjoni 31 vjeç.
Me përjashtim të Fabion Gjonit i cili fillimisht u shpall në kërkim policor, të gjithë anëtarët e familjes Gjoni u arrestuan.
Në raportin e Prokurorisë së Shkodrës thuhet se gjatë kontrollit të banesës së Pjetër Gjonit, që është e ndarë me mur me blloqe nga banesa e Zef Gjonit, në mes ishte një portë ku kishte hyrje-dalje të banesave me njëra-tjetrën. Në pjesën e jashtme të banesës së Pjetër Gjonit ishte një kasolle e përshtatur për tharje, ku u gjetën bimë narkotike me gjethe kërcell dhe boçe në proces tharje, së bashku me boçen e kanabisit. Në përfundim të operacionit policor u sekuestruan në total 86 kilogramë kanabis.
Ndërsa u arrestuan gratë punëtore të kanabisit dhe 6 familjarë të familjes Gjoni që në fakt jetojnë në dy banesa të ndryshme.
Aktualisht në burg janë Pjetër Gjoni 31 vjeç në banesën e të cilit u gjet lënda narkotike, njëri nga vëllezërit e tij Roland Gjoni 22 vjeç dhe Danjela Hasani, e cila akuzohet si njëra nga organizatoret e grave punëtore. Fabion Gjoni i cili fillimisht u shpall në kërkim, aktualisht është i lirë dhe mbi të nuk rëndon akuzë. Djali tjetër, Elvis Gjoni është me masë sigurie arrest shtëpie. Ndërsa babai i vëllezërve Gjoni, Zef Gjoni, është lënë nga Apeli në detyrim paraqitje dhe ndalim i daljes jashtë Shqipërisë. Po kështu, bashkëshortet e Zef Gjonit dhe të Pjetër Gjonit janë lënë të lira.
#Uniko #SpartakKoka #KlanPlus | Misteret e pazbardhura të kronikës. Çështjet më të bujshme të drejtësisë në vend. Që nga historitë më të fundit deri tek ato që tashmë janë harruar.Me dëshmi, intervista,pamje dhe dokumente të papublikuara më parë.
SUBSCRIBE to “RTV KLAN” on KZbin for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog...