Рет қаралды 71,028
ဦးရဲမင်းဦး "အများပြောသလို ရန်ကုန်တိုင်းဝန်ကြီးချုပ် ဖြစ်ရင်လည်းဖြစ်မယ် "
မဇ္ဈိမ
ရန်ကုန်၊ စက်တင်ဘာ ၁၃
လက်ရှိ နေပြည်တော်ကောင်စီနယ်မြေ၏ ဒုတိယမြို့တော်ဝန်အဖြစ်လည်းကောင်း၊ ရန်ကုန်တိုင်းဒေသကြီး အစိုးရအဖွဲ့ စီမံကိန်းနှင့်ဘဏ္ဍရေးဝန်ကြီးအဖြစ် လည်းကောင်း တာဝန်ထမ်းဆောင်နေသော ဝန်ကြီး ဦးရဲမင်းဦးသည် မကြာခင် ကျင်းပတော့မည် ၂၀၂၀ အထွေထွေရွေးကောက်ပွဲနှင့်အတူ ရန်ကုန်တိုင်းဒေသကြီး ဝန်ကြီးချုပ် ဖြစ်လာနိုင်ခြေရှိသည်ဟု သုံးသပ်မှုများ ရှိနေကြသည်။
အလားတူ ဦးရဲမင်းဦးသည် လက်ရှိ အာဏာရ အမျိုးသားဒီမိုကရေစီအဖွဲ့ချုပ်(NLD)တွင် အလားအလာရှိသည့် လူငယ်တစ်ဦးအဖြစ် ထင်ရှားလာသလို NLD ဦးဆောင် ဖွဲ့စည်းထားသည့် အစိုးရအဖွဲ့ထဲမှာလည်း ဝန်ကြီးတာ ဝန်များကို အောင်မြင်စွာ ထမ်းဆောင်နေသူအဖြစ် ထင်ရှားလျက်ရှိသည်။
ထို့ကြောင့် ဝန်ကြီး ဦးရဲမင်းဦးအနေဖြင့် ဝန်ကြီးတာဝန်များ ထမ်းဆောင်နေစဉ် မည်သည့် အားနည်းချက်များ တွေ့ရသလဲ၊ ဘယ်လို အခက်အခဲများတွေ့နေရသလဲ၊ ၂၀၀၈ ဖွဲ့စည်းပုံအခြေခံဥပဒေ၏ ပေးထားချက်အရ တိုင်းဒေသကြီးအစိုးရအဖွဲ့များ၏ ယန္တရားလည်ပတ်မှုများ မည်သည့် အခက်အခဲများကြုံတွေ့နေရသလဲ၊ ရန်ကုန်တိုင်းဝန်ကြီးချုပ် တာဝန်ပေးအပ်ပါက တာဝန်ယူသွားရန်ရှိပါသလား စသည့် အခြေအနေများအပေါ် မဇ္ဈိမ မီဒီယာမှ အယ်ဒီတာ ချစ်မင်းထွန်းက တွေ့ဆုံ မေးမြန်းထားပါသည်။
ယခု ထုတ်လွှင့်လိုက်သည့် တွေ့ဆုံ မေးမြန်းခြင်းသည် ပထမပိုင်းအနေဖြင့် ထုတ်လွှင့်ခြင်းဖြစ်ပြီး မကြာခင်မှာ ဒုတိယပိုင်း(အပြီးသတ်)ကို ထပ်မံထုတ်လွှင့်ပေးသွားမည်ဖြစ်ပါသည်။
#ဦးရဲမင်းဦး #ရန်ကုန်တိုင်းဝန်ကြီးချုပ် #NLD
=====================================
🔔 Please SUBSCRIBE Mizzima TV channel for Daily Update News and Entertainment TV programs.
✅ Visit to our Official website: www.mizzimaburmese.com
✅ Mizzima TV Application FREE download : bit.ly/30qmeCn
✅ Follow us on our Facebook
Mizzima News in Burmese : MizzimaDaily/
Mizzima TV : mizzimatvchannel/